سودارس : المريخاب السنة دي (طفاية) ما بشيلوها استفيدوا من زمنكم .... واقلبوا النجيلة

الهلال يشكو لاعب نهضة بركان... وتحدٍ إداري جديد يلوح في الأفق وصول الفوج الرابع من اللاجئين السودانيين بيوغندا المملكة مركز ثقل في حركة التجارة الدولية مصر.. الدولار يقترب من 54 جنيها لأول مرة البنزين الأوروبي والأميركي يتجه إلى آسيا دراسة تحذر: الذكاء الاصطناعي يميل إلى "مجاملة" المستخدمين على حساب الدقة رئيس الوزراء الباكستاني: نعرب عن تضامننا الكامل مع الشعب الإيراني الشجاع في هذه الظروف الصعبة مصادر تكشف تفاهمات سرية لوقف استهداف مطاري الخرطوم ونيالا نتفليكس تزيل الستار عن أول صورة لشخصية جو كينيدى الأب فى مسلسلها الجديد الأهلي يرفض قطع إعارة كامويش وعودته للدوري النرويجى.. اعرف التفاصيل حقيقة مفاوضات بيراميدز مع أحمد القندوسى لضمه فى الصيف سارة بركة: أحمد العوضى مجتهد بشكل كبير وبيحب شغله جدا دار الأوبرا تحتفى بذكرى رحيل عبد الحليم حافظ بحفلين اليوم وغداً لوك غريب ل فتحى عبد الوهاب والجمهور يرد: هتعمل دور الملك رمسيس ولا إيه؟ وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد 7 عناصر غذائية يحتاجها الطفل فى سن المدرسة لدعم نمو وتطور الدماغ مناوي : ناقشت بسويسرا تطورات الأوضاع في السودان وسبل دعم السلام اختيار غير متوقع لمستقبل "الملك المصري" والي الخرطوم يعلن تركيب كاميرات رقابة حديثة في المعابر الحدودية التي تربط الولاية بالولايات الاخرى حل لجنة المنطقة الشمالية بكوستي وتشكيل لجنة جديدة لإدارة مباريات الدرجة الثالثة صبري محمد علي (العيكورة) يكتب: المنصوري يا مكنة شاهد بالصورة والفيديو.. رجل سوداني يُدخل نفسه داخل "برميل" تفاعلاً مع أغنيات "الطمبور" والحاضرون يحملونه ويطوفون به ساحة الحفل شاهد بالفيديو.. بفستان مثير المودل آية أفرو تنصح النساء بطريقة ساخرة: (الرجل مثل العصفور إذا مسكتي شديد بموت ولو فكيتي بطير والحل الوحيد تنتفي ريشه) عاجل..بيان مهم للجيش في السودان شاهد بالصورة والفيديو.. ظهور علم السودان على ظهر سيارة بأحد شوارع مدينة "غلاسكو" الأسكتلندية وفاة داعية سوداني بارز وزير الشباب ووالي الخرطوم يشرفان ختام الفعاليات الرياضية بالشقيلاب هل يمكن علاج الكبد الدهنى؟.. دراسة جديدة تربط الوقاية بفيتامين ب3 شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

المريخاب السنة دي (طفاية) ما بشيلوها استفيدوا من زمنكم .... واقلبوا النجيلة

قوون نشر في قوون يوم 15 - 04 - 2013

الاشياء تتشابه في القمة السودانية بصورة كبيرة ، وواضحة...وغير تشابه الاشياء هذا ...ناس المريخ ...طبعا بقلدوا.

يخلق من الشبه اربعين.

ومن البقلدوا 120.

مرات تكون قاعد في بيت عزابة ...تشتري ليك (فرشة اسنان) لونها مشاتر كدا ومختلف..عشان ما تتلخبط مع فرش الاسنان الموجودة.

يقوم واحد من العزابة ديل ...يعجبوا اللون ...يشتري ليه (فرشة اسنان) لونها مشاتر برضو.

في اللون المشاتر يلاحقوك.

واحد مشى ليه مطعم..وقف قدام بتاع الفول...وكان في نفس الوقت في واحد برضو شايل صحنو عاوز ليه فول.

زولك الاول ...قال لي بتاع الفول ...عليك الله اعمل لي طلب فول وصلحو.

الزول التاني ..قال ليه وانا برضو عليك الله اعمل لي طلب فول وصلحو.

الزول الاول قال ليه اعمل لي فيه طعمية بي جنيه.

الزول التاني ...قال ليه وانا ذاتي اعمل لي طعمية بي جنيه.

الجبنة برة.

وانا برضو عليك الله الجبنة برة.

الاول قال ليه : اعملي فيه بيضة.

التاني: وانا برضو ..اعمل لي فيه بيضة.

صاحبكم الاول اضايق من الحكاية دي شديد ...قال يعمل ليه حاجة يفصل بيها (فولو) من فول الزول الشبكة دا.

قال لبتاع الفول ...عليك الله اكشح لي فوقو طلب كبدة.

زولكم التاني قال لبتاع الفول ...انت عندك كبدة ...عليك الله اكشح لي برضو فوقو طلب كبدة.

اديني عيشة زيادة.

وانا ذاتي اديني عيشة زيادة.

زولكم اضايق شديد...قال لبتاع الفول ...اسمع كب لي فوقو جردل الشطة دا.

الزول التاني قال ليهو : وانا ذاتي اعمل لي فوقو جردل شطة.

الاول قال ليه : اها بعد كدا فولك دا جيب ليه (جعلي) ياكلو ليك.

في ناس كدا ...الفول المصلح ما عاوزين يتعبوا فيه...ما عاوزين يجتهدوا ...البتسوي في فولك بسوه.

لو كبيت فيه (قرض)...يكبوا فيه قرض.

في كسلانة شديد.

تقول عاوز اعرس ...تعرس ...صاحبك الكسلان يقول ليك اسمع عروستك دي ما عندها اخوات.

في العرس ما عاوزين يجتهدوا في الاختيار.

عاوزين الجاهز.

عشان كدا في جماعة ...من يقيفوا قدام بتاع الفول ..بختصروا الموضوع ... وبقولوا للفوال : اسمع اعمل لي واحد فول سادة ..ما تعمل لي فيه اي حاجة ...(الملح) خليه برة.

برتاحوا من دوشة (وانا برضو).

وفي ناس برضو وقت يعرسوا بيختاروا ليهم عروس ...ما عندها اي اخوات ...عشان يرتاحوا من حكاية : (اسمع عروستك دي ما عندها اخوات).

المريخاب ديل هسع لو حكينا رأسنا ..يحكوا رأسهم.

لو ما عندهم (كاروشة) بحكوه.

حكاية (التقليد) هذا ...ثبتت في المريخ ...واصبح الامر مسلّم به حتى من قبل المريخاب.

وما في زول بغالط في الحتة دي.

الاهلي شندي الان يتميز لأنه اختلف عن الهلال والمريخ ..وخرج من عباءة القمة السودانية.

الاهلي شندي استطاع ان يكوّن شخصيته المستقلة ...بعد ان ظلت كل الاندية في السودان بتلعب بالكفالة.

فهي اما تابعة للهلال ...او تابعة للمريخ.

النيل الحصاحيصا ..لا شيء اضر به غير تبعيته المطلقة للمريخ..ونادي النيل معروف يديره عبدالله حسن عيسي نائب رئيس نادي المريخ والرئيس المكلف بعد استقالة جمال الوالي.

عبدالله يدير النيل من وراء حجاب.

بل يديره عديل كدا ...وما في اي مشكلة...وما في زول بقدر يقول حاجة.

الاندية التى تستقل بشخصيتها ...دائما ما يكون لها نكهة واسلوب مميز.

وفي هذا نشهد لفريق الامل عطبرة ايضا ...الفريق الولائي المحترم الذي اسس لنفسه اسلوبا مستقلا ...واصبح له كينونة وهويّة منفصلة.

الامل يتميز ...رغم ضعف امكانياته...وما تميزه إلا لاستقلال شخصيته.

الاهلي شندي بحسب رعاية صلاح ادريس رئيس نادي الهلال السابق كان محسوبا على الهلال.

لكن حتى هذه الحسبة لم تجعله يعيش تحت ظل الهلال ..فقد جرب الاهلي شندي الانتصار على الهلال ..وكانت كل مبارياته مع الهلال تتميز بالاثارة والقوة.

وقد عودتنا شندي على هذا ...وعرفنا ان الاشياء التى تخرج منها لا تحكم بالكفالة ...ولا تقاد بالتبعيّة.

الاهلى منذ ان صعد للممتاز ...شق طريقه وحده ..وبني لنفسه تاريخا ...يصعب لي اي نادي ان يبنيه في هذه السنوات القليلة التى لعبها الاهلي شندي في الممتاز.

الشيء الذي يجب ان نشهد به للهلال ..هو ان كل الاندية التى تتبع له ...تتمتع بشخصية منفصلة ...وقد تعود الهلال ان يهزم ويضرب دائما من الاندية التى تحسب عليه.

خسر الهلال من هلال الحصاحيصا ...عندما كان الاخير يتزيل الدوري الممتاز.

وخسرنا كثيرا من هلال بورتسودان ...ولعل تعادل الهلال مع هلال الساحل في استاد ام درمان 2/2..نتيجة كانت قاسية على الهلال الذي تعود إلا يخسر في استاده.

وخسر الهلال من هلال كادوقلي وتعادل معه من قبل في مباريات سابقة ...وهذه اشارة منذ الان لصعوبة مواجهة الهلال القادمة في استاده مع هلال الجبال غدا.

الامور في الاهلة (الابناء) لا تنتهي هنا ...بل ان هذه الاندية دائما ما ينتقل نجومها الي المريخ.

هلال الساحل يعتبر اكثر نادي من اندية الممتاز انتقل منه لاعبين لفريق المريخ.

بداية من جمال الجاغم ...مرورا بيوسف الصيني وبدرالدين قلق ومامون زولو ..وحتى محمد كمال نهاية بي (يس يوسف) حارس الحوبة.

هلال كادوقلي في التسجيلات الاخيرة انتقل منه نجمه الاول مرتضى كبير الي فريق المريخ.

هذه الانتقالات ...لم تتبعها انتقالات مماثلة من تلك الاندية الي الهلال (الاب).

واظن ان اكثر من 15 سنة لم ينتقل لاعب من هلال الساحل الي الهلال.

نعود الي موضوع (التقليد) الذي يسود الان ..اذ ان كل الاشياء التى تحدث في الهلال ...تحدث في المريخ غدا.

ناس المريخ بقولوا دي (اقدار)...وصدف ساكت...ونحن بنقول النادي الذي يعيش في (الضل)...يجرى عليه ما يجري على صاحب الضل.

وهذا تثبته الاحداث التى حدثت في الهلال الايام الماضية.

اي حاجة تحصل عندنا ....نلقاها اليوم التاني في المريخ.

الكلام دا انا ما جبتوا من رأسي ...الكلام دا بالورقة والقلم.

ديل الحاجات الكعبة ...بقلدونا فيها.

طرنا من البطولة الافريقية من دور ال (32)...المريخاب بعد (24) طاروا.

لكن المريخاب طاروا من المطار الجديد ...اتهزموا وفشلوا في التأهل الي دور ال (16) الذي كان يفصلهم منه فقط (هدف).

فشلوا في تسجيل هدف نظيف ...وطلعوا من دور ال (32) ...فقط عشان الهلال طلع.

المريخاب ديل اكيد ...يكونوا فاكرين طلوع الهلال دا ما ساكت.

طلوع فوق رأى.

يكونوا افتكروا في (الطلوع) دا حاجة سمحة ....تلقاهم قالوا الهلال دا ما بطلع من فراغ.

يكون في (اراضي) بوزعوها للاعبي الفريق البطلع ..عشان كدا الجماعة ديل اليوم التاني لحقونا في الخروج.

موش طلعنا.

المجلس قدم استقالتو.

مجلس المريخ ما كضب...قدموا استقالتهم.

ناس كرار التهامي اتراجعوا فى وقتهم ...ودخلوا في محاولات من اجل اقناع البرير.

مجلس المريخ اليوم التاني سحبوا استقالتهم ...وقرروا المواصلة.

قلنا عاوزين نشيل غارزيتو.

قالوا عاوزين يشيلوا الكوكي.

منتظريننا بس ...نشيل غارزيتو ...عشان يشيلوا الكوكي.

انا لو في مكان مجلس الهلال ...كنت ح مقلب ليكم المريخاب ديل مقلب.

كنت عملت (كاميرا خفية)...وقلت عاوز اقلب استاد الهلال ...طرمبة بنزين.

ناس المريخ ما كانوا ح ينتظروا نهاية (الكاميرا الخفية)..كان طوالي قلبوا استادهم بي طابقو التاني (طرمبة بنزين).

بقولوا الطرمبة دي الهلال ما عملها ساكت.

الطرمبة دي تكون بتجيب الكأسات.

لكن عشان اكون معاكم واضح وصريح ...يا ناس المريخ.

ومن غير لف دوران ...ومقدمات طويلة ...انتوا السنة دي ما ح تشيلوا اي شيء.

الموسم دا (طفاية) ما بتشيلوها.

ولا نفس.

اقنعوا ساكت.

انا بقول ليكم الكلام دا ..عشان نحن ذاتو مجهجهين.

وانتوا جهجهتكم اكبر طبعا.

ناس كلتشي بقوا تمرين يجوا ...وتمرين يقولوا ما عندنا قروش.

مكسيم بقى يقفل التلفون.

شفتوا نحن وصلنا وين؟.

هانت الزلابية.

الحضري قنع..رجع اهلو...الحضري قال ما معقول ألعب لي في فريق موية حوض السباحة حقتو بتموه بالجردل.

والحضري طبعا ممكن يسامح في اي شيء ...إلا (حوض السباحة).

كلو ولا حوض السباحة.

حوض السباحة عند الحضري اهم ليه من (حلايب).

يا مصريين فتحوا عينكم.

نحن حلايب دي ما بنلعب فيها.

حلايب دي عندنا زي الفاشر وشندي والدامر.

ممكن في يوم من الايام نفرط في شندي.

لو فرطنا في شندي بنفرط في (حلايب).

شايفكم انا.

شايفكم الايامات دي لسانكم طال على حلايب.

في جرايدهم بقوا يتكلموا عن (حلايب).

إلا (حلايب).

نعود ونقول ..ونكرر ونأكد ان المريخ الموسم دا ان شاءالله وباذن الله (طفاية) ما يشيلها.

في الممتاز لو طلعتوا بالوصافة السنة دي ما قصرتو.

المريخ السنة دي في اتفاق تام على انه ما عندو اي محترف.

اجانب المريخ السنة دي (لم ينجح احد).

ولا مونزا.

مكسيم ...قالوا ناس بلة جابر برسلوه في المعسكر يجيب (الباسطة).

يرسلوه لي 5 كيلو ....يصلهم بي فد ربع كيلو.

يجيهم منفض كيس الباسطة.

اما سليمانو اليوم كلو قاعد في قناة (طيور الجنة).

غايتو السنة دي المريخاب جابوا ليهم محترفين.

زي الناس الكانوا زمان بطلعوا في العمود يقطعوا الكهربة.

محترفون عينة في موسم (الخبت).

انتوا عصام الحاج قاصد شنو ب (الخبت).

والله إلا يكون قاصد ليه معنى تانى.

جماعتك ديل يا عصام الحاج ...(حمام) ما بخبتوه.

لو استفدتوا من وقتكم احسن.

احسن يا عصام الحاج تعملوا ليكم (بصمة).

اقلبوا (النجيلة)...اقلبوا ارضية الملعب ...وشوفوا ليكم حل للديدان حقكم دا.

يمكن الكوارث دي كلها من (الديدان).

نجيلتكم دي عاوزة ليها 9 شهور لو اتقلبت.

و9 شهور بتلحقكم الموسم القادم.

موسكم دا اقنعوا منو.

اتخلصوا اول من مكسيم وسليمانو والديدان.

ومكسيم بالذات قبل الديدان.

نكون واضحين معاكم احسن ...بدل ما نغشكم زي اعلامك السالب ونقول ليكم دا موسم الخبت.

اول فريق في الموسم اتخبت المريخ.

اول زول اتخبت عصام الحاج.

غايتو يا الهلالاب البشوف فصاحتكم ...يقول بتلعبوا في المجموعات.

البقرأ كتاباتكم يقول الفيفا ما عاوزة منهم (قرش).

والله انا الهلالاب ديل بكيفوني ..لو طلعوا من دور 94 ...ما في زول بقدر يقول ليهم حاجة.

العز هلال.

ملحوظة : المريخاب ذاتهم ..عارفين كدا.

هوامش

الحمدلله ان مجلس الهلال اوفى بالمرتبات ...وحل الاشكاليات قبل مباراة الغد.

مباراة الغد ...يحتاج فيها الهلال حقا لجمهوره.

بقينا في (المقبرة) نخاف.

يعني بكرة المدرجات ما تكون فاضية.

مباراة بكرة دي ما ساهلة.

ما تشفقونا ساكت.

فريق هلال كادوقلي بيلعب كورة راقية ويمتلك لمدرب قدير.

حضور الجمهور وتشجيع الهلال امر في غاية الاهمية.

يجب الخروج من ازمة الخروج الافريقي.

خلاص الكورة كدا.

اتعاملوا مع الواقع بمنطقية وعقلانية.

تسجيلات يونيو يجب ان تكون اولية عند مجلس الادارة.

سيدي بيه سوف يدخل كشوفات الهلال رسميا وسوف يحدث اضافة كبرى.

نريد بديلا على الاقل ل (دومنيك).

ايكانغا وساني وسنكارا لو وجدنا بدلاء لهم افضل.

مع ان سنكارا ..ماشي كويس.

وايكانغا لاعب مدربين.

كل مباراة بشيل ليه (كرت).

يكون ما عندو رصيد.

المهم ان يبحث الهلال عن اضافات محلية ...لأن الفريق يحتاج لعناصر جديدة من الممتاز والدرجات الصغرى.

رمضان احمد السيد معجب كثيرا ب (آدم سائر).

لكن يبقى افضل لاعبي الممتاز في الاهلي شندي.

مالك وباسيرو وفارس وفريد والدعيع ...كلهم نجوم ..وما فيهم اي كلمة.

الاهلي اذا تجاوز الاسماعيلي ان شاءالله سوف يذهب بعيدا.

الدولة يجب ان تدعم ممثل السودان الوحيد.

ولاية نهر النيل ...اين دعمها للاهلي؟.

اين والي نهر النيل؟.

لا حس ولا خبر.

كأن الاهلي شندي بمثل ولاية تانية.

الامل في معتمد شندي (الحويج).

يا احمد الحاج ...عليك الله بدل لي صورة العمود.

بس ما تتلخبط وتضع لي صورة سلمان خان.

صورة العمود قدمت.

اي واحد يلاقيني يقول لي انتوا ليه بتختوا صور ما صوركم في ترويسة العمود.

قالوا ما في اي شبه بين الصورة والحقيقة.

خلاص يا احمد نزل صورة حديثة.

عشان ننتهى من (النقة) دي.

بس بعد اسبوع ما تقولوا لي غيرها تاني.

واضحك الصورة تطلع احلى.

عاجل : عصام الحاج ما فاضل ليه إلا يقول (ديدان) نجيلة استاد المريخ جابو جمال الوالي....لكن شايفها كتيرة.

انقر هنا لقراءة الخبر من مصدره.