سودارس : بعد كدا إلا يدوّكم نسبة في (جداول الضرب)

كواليس صادمة... كيف تعطلت صفقة تسليح الجيش السوداني في اللحظات الأخيرة؟ بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا ((نار فلوران ولاجنة ريجيكامب؟؟)) جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب تعطيل الدراسة في الخرطوم المريخ يكثف درجات إعداده ويتدرب بالصالة النخبة بالخرطوم.. كيف؟ "تمبور" يكشف عن توجيهات صادرة جديدة ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! هل تستطيع أمريكا احتلال جزيرة خارك الإيرانية؟ الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

بعد كدا إلا يدوّكم نسبة في (جداول الضرب)

قوون نشر في قوون يوم 29 - 04 - 2013

جمال الوالي قال الدولة ما بتدعم..يعني يقاسموكم في (مصفاة الجيلي)
من القصص الطريفة يحكى قصة الرجل الذي كان يسأل الناس في احد تقاطعات شوارع الخرطوم ..فيخرج يومه كله بعد جهد طويل ب (7) جنيه ، او (5) جنيه . حصيلة ما يجمعه في دوام عملي طويل من الصباح الى المساء.
يعني في زول بعطيّه (50) قرشا..وفي زول بعطيّه جنيه ..والببالغ كدا بعطيّه جنيهين.
اما غالبية من يمروا به فقد كانوا يقولون له : (الله يدينا ويديك).
في يوم ...هذا الرجل الذي يسأل الناس ..ذهب نحو (عربية) يسأل صاحبها عند توقف عربته في التقاطع.
الرجل صاحب العربية ..فتح (الشنطة) وطلع منها (رزمة) قروش وناولها للرجل المسكين.
المسكين عاين للقروش كدا لقاها كلها مائات ..قلبو وقف ..وقال ليه : (والله يا حاج انت بي طريقتك دي يوم بتكتل ليك شحات).
جمال الوالي رئيس نادي المريخ السابق ..والرئيس الحالي ...والمرتقب ...يفعل مع (المحترفين) نفس ما فعله ذلك الرجل الطيب مع المسكين في احد تقاطعات شوارع الخرطوم.
المحترف يجي من بلده وهو لا يساوي (50) مليما ..(لكن ملاليم دولار ما ملاليم قروشنا دي)...فيجد ان جمال الوالي يقيّمه بالشيء الفلاني.
المحترف قلبو يقيف...وبعد ان يستلم المبلغ الكبير من جمال الوالي بقول ليه : (والله انت يا ريس بي طريقتك دي يوم بتكتل ليك محترف).
المحترف الذي يلعب في المريخ اكيد في اوروبا ما كان بيحلم بالدولارات دي ...يمنح قيمة الصفقة كلها ..مع مرتب (وزير ما بدوي ليه)...وعربية وشقة ...وحوض سباحة كمان.
خلونا نفسر ليكم الحكاية ..ونشرحها ليكم (سطر سطر)...عشان ما تقولوا الزول دا بتكلم ساكت.
جيبوا (ورقة وقلم) ..شوفوا الحاصل براكم.
بس قبل الورقة والقلم ...(يا جماعة الكلام دا ما يطلع من العمود دا).
والاولو شرط ....اخرو نور.
وارغو لاعب المريخ السابق ..(ايوة وارغو هو في غيرو) ، انتوا فاكرين بعد ما يفوت بنفكو...ما بنرحمو...(عشان ما تجيبوا لينا محترفين ساكت).
وارغو عندما كان ابن (17) سنة ...عرض له الاهلى المصري فريق القرن الافريقي (250) الف دولار ...وكان مجلس ادارة الاهلي المصري وجهازه الفني قد قال لوسائل الاعلام ان هذا المبلغ المعروض للاعب انيمبا وقتها ...هو قيمة وارغو الحقيقية ..اكتر من هذا المبلغ ناس الاهلي قالوا ما بدفعوا قرش.
لو نقطها ..ما بزيدوه فوق المبلغ دا...(والموضوع انتهى على كدا).
ناس المريخ ..وبحثا عن (الشو)..رفعوا قيمة وارغو الي (3) مليون دولار.
دخلوا ليك في الموضوع (طمبوجه) ليك للنخرة.
انتوا يا ناس المريخ فاكرين وارغو دا ح يدوكم معاه (محطة كهرباء)؟.
قايلين معاه (قمر صناعي).
لاعب عمره (17) سنة عرضوا عليه (3) مليون دولار ...مبلغ لا تدفعه الاندية الاوروبية للموهوبين الافارقة وهم في هذا العمر...(لاسباب تربوية وعلمية ونفسية).
المبلغ الضخم هذا ..ممكن عادي يعمل ليهم (انشراخ) في المعدة ...او (انبتاع) في الشريان....او (انكتاح) في الصمام.
الامراض دي طبعا انتوا كلها ما سمعتوا بيها دي امراض جديدة ..ظهرت مع (تقشف) المريخ ومستواه الاخير.
(3) مليون دولار دي ...وارغو في (الافلام الاجنبية)... الافلام البكون فيها (شطح ونطح) ونهب بنوك ديك ...ما بجيبوا فيها مبلغ كبير زي دا.
النهب ذاتو في الافلام الاجنبية حدو مليون دولار.
زمان طبعا ..لمن كنا في المدارس ..كنا فاكرين اعلي رقم في الدنيا (مليون).
بعد مليون ما في حاجة.
اتذكر لمن سمعنا ب (المليار)..جانا وجع حلق.
الي الان وحياتكم ..ما عارف العلاقة شنو بين المليار ووجع الحلق.
يكن ناس الرياضيات يلقوا ليها (تفسير).
غايتو يا (سلك)..عبدالماجد قعد يفكك في (العلاقة) دي عشان يطلع ليكم (النظرية) ..تشتغلوا بيها في ام درمان.
ايام تسجيل وارغو في المريخ ..اذكر كنت بحضر لي في (فيلم اجنبي).
الكلام دا قبل (عبدالماجد) يظهر.
قاعد ليك في الفيلم الاجنبي دا زي (التفاح).
زي علب الشكولاتة ..برصوها ليك في المول في صف براها ..(تعاين ليها وتضحك ..وتمشي تجيها راجع).
الفيلم بحكي عن (عصابة) ..عصابة خطيرة شديد ..نهبت ليها (بنك)..وسرقت منو دولارات.
قاعد ومتشوق في الفيلم ..ومتكيّف ..قايل نفسي براى القاعد في الفيلم.
تصوّروا الحصل شنو؟.
كدا اتخيلوا معاي ..(ما تقعدوا تنططوا لي عيونكم كدا زي السوستة الحالجة).
يا زول انا قاعد ليك في الفيلم كدا ..بشرب ليك في الشاي ..واكل ليك في الفول السوداني ..(ساعتين ونص).
مبسوط من الحكاية دي بسطة...(موش الزول وقت يكون فرحان كل ساعة بصلح الشُراب)...الجوارب يعني.
ساعتين ونص قاعد ..ما بمشي اشرب لي موية من التلاجة إلا في (الدعايات).
قاعد مندمج.
الموبايل دا قدر ما ضرب ..ما حسيت بيه.
اخر حاجة ..وقت الفيلم قرب ينتهي لقيت ليك العصابة دي ناهبة من البنك (10) الف دولار.
(10) الف دولار ..وامريكا منقلبة انقلاب ...طيارة تنزل في سطوح عمارة ..وعربية تنط ليك في (انفاق) المترو.
والدينا مقلوبة انقلاب.
قلت دا شنو؟..الفيلم البايخ دا ..هسع (الجوطة) دي كلها في (10) الف دولار.
زعلت في الدنيا دي جنس زعل.
والله ساكت ضيعت وقتي ..والله لو عارفهم نهبوا (10) الف دولار بس من البنك ..ما كنت قعدت للفيلم دا.
لو دفعتها ليهم من جيبي ..ما كنت ضيعت وقتي فيه.
خسارة الفول السوداني.
انا الشاي الشربتو في الفيلم دا ..قيمتو كانت اكبر من النهبوه الجماعة ديل من البنك.
هنا ممكن تنهب ليك مليون دولار ...زول يحس بيك مافي.
ما في زول يجيب خبرك.
امريكا كلها منقلبة عشان (10) الف دولار.
فيلم بايخ.
(10) الف دولار ...سمسار عربات او اراضي ساكت ممكن ينهبها في بلدنا دي.
وزول يقول ليه حاجة مافي.
بعدين (وارغو) دا هسع عمرو (17) سنة ..شال ليه (3) مليون دولار...دقة واحدة كدا.
لكن يا جماعة بصراحة انا ما بستبعد (وارغو) دا يكون معاه عصابة.
في عصابة استفادت من الحكاية دي ...(عصابة) في مصر ..و(عصابة) في نيجيريا ...وهنا في السودان برضو في (عصابة) غنت من الموضوع دا.
دا برضو نهب.
المهم وارغو جاء للسودان لاعب كورة وهو من غير شك موهوب..وكان عنده طموح يلعب في اوروبا ..لكن وقت لقى المبلغ الكبير دا ...(شال الكورة من رأسو).
كورة يعمل بيها شنو بعد (3) مليون دولار.
زولكم طوالي الكورة فكت منو ..وشغل ليك الدولارات دي في استثمارات في نيجيريا وارغو دخل السوق.
وارغو في موسمين ..جاب ليه هدفين هدف في الشجرة في مباراة ودية ...وهدف في اتحاد مدني في الدوري الممتاز.
هدف الاتحاد هو الهدف الاتخلع فيه (وارغو).
اتخولع فيه جنس مخولعه.
الزول كان عاوز يروح فيها من الفرحة ..اصلو كان نسى الكورة خالص ..ونسى الاهداف.
معروف ان وارغو جاء للمريخ وهو هدافا لبطولة الاندية الافريقية للابطال برصيد (13) هدفا.
وهو الي الان صاحب الرقم القياسي في الاهداف في البطولة الافريقية للاندية الابطال.
لكن وارغو وهو في تلك السن وقت لقى ناس المريخ اعطوه من قولة تيت (3) مليون دولار ..طوالي (دلت) ليك الكورة.
كورة يعمل بيها شنو؟.
وارغو ما بعيد يكون هسع في نيجيريا عمل ليه (مستشفى خاص) وبقى فيه المدير والدكتور وارغو اخصائي الغدد الصماء.
يكون بقى دكتور.
المبلغ دا لو لقى نصو (ضفر) ببقى اخصائي جراحة.
وارغو وقت قبض هذا الملبغ من جمال الوالي وبعد المؤتمر الصحفي ..اكيد يكون قال لي جمال الوالي وهو يستلم (3) مليون دولار انت يا جمال الوالي بي طريقتك دي يوم بتكتل ليك (محترف).
ما حدث مع وارغو حدث مع اخرين ..(قلق ذاتو بخش ضمن هذه القائمة).
لكن انا ما عاوز اتكلم ليكم عن (قلق)...عشان قلق دا عندو مباراة مصيرية مع المريخ في عطبرة يوم الاربعاء القادمة.
اخد ليكم مثال اخر في حتة (جمال الوالي دا يوم بكتل ليه محترف).
عصام الحضري.
الحضري بتاع (التورتة).
الحضري بتاع (حوض السباحة).
الحضري ابو اربعة واربعين سنة.
الحضري يا راجل.
الحضري الطردوه من الفندق.
الحضري بأ.
اقوم اشرب لي موية ..وارجع اكمل ..(عطشتونا)...شكلو كدا موضوع الحضري دا حيجر.
عدنا.
عصام الحضري عندما جاء الي المريخ كان مرفوض من الدنيا كلها ..(سيون) قنع منو.
الاهلي المصري ...الفرجة في الاهلي مانعو.
وقد لعب الحضري في فريق الاسماعيلي بعد عودته من سيون السويسري ..وتخلص منه الاسماعيلي للزمالك ..بعد ان تم ترحيل مشاكل الحضري كلها من الاهلي المصري الي سيون ومن سيون الي الاسماعيلي ومن الاسماعيلي الي الزمالك ومن الزمالك الي المريخ.
الزمالك كان يبحث عن منقذ ..يُمكّنه من التخلص من عصام الحضري المعاقب والمغرم من الفيفا.
كان ذلك المنقذ هو فريق المريخ.
وحده المريخ يستطيع ان يدفع مايطلبه الاهلي من عصام الحضري وما يطلبه عصام الحضري من الاسماعيلي ..وما يريده الزمالك بعد ذلك من عصام الحضري.
كل هذه الاشياء ..الوحيد الذي كان يمكن ان يقوم به هو (جمال الوالي).
وقد جاء جمال الوالي ..ودفع دم قلبو في عصام الحضري ..عمل ليه (نضافة) شاملة.
غسيل تام ...حتى يصبح الحضري مستوفى الشروط القانونية في ممارسة كرة القدم التى كان مهدد بالحرمان منها.
المريخ دفع للفيفا ..ودفع للاهلي المصري ..ودفع للاسماعيلي ودفع للزمالك ..ودفعوا للحضري..(غير السماسرة)..دا كلو عشان شنو؟.
عشان الحضري ابو 44 سنة يلعب في المريخ.
حلوا ليه كل مشاكله ..وجابوا ليه كمان بعد هذه الحلول ..تورتة وحوض سباحة.
الحضري في الخرطوم سكن ليه في شقة ...حوض السباحة الفيها في الفندق الكبير ما فيها.
اعطوه مرتب خيالي ..وحوافز خرافية ..وكان طبيعي بعد ذلك ان يفتري الحضري.
وسوابق الحضري مع كل الاندية التى لعب فيها او قل لعب (بها) كانت تشير الي ان الحضري لاعب مفتري وغير ملتزم وممكن يبيعك في اي لحظة.
وقد جاء الدور على المريخ ..كما سبقه قبل ذلك الاهلي وسيون والاسماعيلي والزمالك.
لا نريد ان نعيد قصة الحضري ..ونقدم تفاصيلها المعروفة ..اردنا فقط ان ننتهى عندما قال الحضري لجمال الوالي عندما شاف (حوض السباحة)..يا ريس انت بي طريقتك دي يوم بتكتل ليك محترف.
لذلك كان طبيعي ان يرفض عصام الحضري اللعب في المريخ بعد استقالة جمال الوالي ..وينتظر عودة الحضري بعد عودة الوالي.
الوالي فيّ...الحضري فيّ.
الوالي ما في..الحضري ما في.
هذا الصرف الخرافي ...كانت للدولة ايد فيه ..فقد منح المريخ من الدعم ..ما لم يمنح للرياضة السودانية منذ الاستقلال.
الدولة قدمت كل شيء للمريخ ..وقد تحدثنا عن ذلك في الامس ..ولا داعي لتكراره اليوم ..غير اني نقول اننا استغربنا جدا من قول جمال الوالي في منتدي الراحل سيد احمد خليفة وتأكيده (ضعف دعم الدولة للرياضة).
يمكن ان نقبل كلام الوالي هذا عن دعم الرياضة من قبل الدولة ..لكن ما لا نقبله هو القول ان الدولة لم تدعم المريخ او انها كانت تدعمه بصورة ضعيفة.
الدولة قدمت كل دعمها للرياضة لفريق المريخ وقد انعكس ذلك بصورة واضحة في منشآت المريخ ..في الاستاد والطابق التاني وفي صفقات المحترفين (الاسطورية).
الغريب في الامر ان جمال الوالي كان يتحدث عن دعم الدولة للرياضة في صالون سيد احمد خليفة في الوقت الذي كانت تقتحم فيه قوات الجبهة الثورية مدينة ام روابة.
وديل قاعدين يتحدثوا عن دعم الدولة للرياضة ..والوزير زعلان عشان (3) مدراء بنوك رفضوا العمل في لجنة تسيير المريخ.
اها البنوك في ام روابة نهبوها..وانتوا قاعدين بي جاي.
مفروض بعد الدعم الذي قدمته الدولة للمريخ ...وبعد الصفقات العالية التى ابرمها المريخ مع المحترفين باموال الدولة ان يحرك المريخ طوالي كتيبة الي ام روابة.
سيكافا هسع خلوها ..امشوا ام روابة ..شوفوا الحاصل شنو؟..وإلا انتوا عاوزين الدولة تدعمكم ..وساعة الحارة ...عاوزين ناس هلال كادوقلي ومريخ الفاشر يتصدوا للاحداث.
لقد دعمت الدولة المريخ دعما لا خلاف او جدل حوله ..الكل مسلم بذلك ..ولم يبق للدولة إلا ان تطلع نسبة للمريخ في (جداول الضرب).
في جدول واحد عندهم نسبة.
في جدول اتنين عندهم نسبة.
في جدول تلاتة عندهم نسبة.
في جدول اربعة عندهم نسبة.
في جدول خمسة عندهم نسبة.
في جدول ستة عنده نسبة.
في جدول سبعة عندهم نسبة.
في جدول تمانية عندهم نسبة.
في جدول تسعة عندهم نسبة.
في جدول عشرة عندهم نسبة.
ديل قالوا ليك في جداول مشروع الجزيرة عندهم (نسبة)..عشان كدا المشروع حالتو وقفت.
والله انتوا الدولة ما قصرت معاكم ..فاضل ليها بس تقاسكم في (مصفاة الجيلي).
السكر والخبز قالوا فايدتو ما كبيرة.
ادخلوا عدل على المصفاة.
وبعد دا قالوا الدولة دعمها ضعيف.
طيب نحن الهلالاب نقول شنو؟.
كمان في النهاية عاوزين يرصوا مدراء البنوك في لجنة واحدة ..عشان تاني الواحد لو وضع ليه (قرش) واحد في بنك ..يقولوا ليه نص القرش دا مشى للمريخ ...(ضريبة وصفنة).
يقسموا ماك النص بالنص.
ملحوظة : انتوا مفروض الدولة الايامات دي ما تجيبوا سيرتها..خلوها في حالها.
هوامش
مكسيم قالوا اتألق امام الجريف.
وما يتألق ..انتوا جايبنوا يصلح ليكم (مروحة).
كمان قدام الجريف ...ما عاوزنو يتألق.
يكون شم ليه ريحة (دولار).
اصلو الافارقة ديل الواحد لو ما عندو حاجة في الكورة اول ما يشوف ليه (دولار) يبقى زي الطلقة.
بالمناسبة نحن الهلالاب ..(عشان الموضوع يبقى ليكم واضح)..عاوزين ندعم خط بقاء سيلمانو ومكسيم في المريخ.
عاوزنهم يقعدوا وما يمشوا في يونيو.
عشان كدا خلينا مسكيم يتألق امام الجريف.
وان شاءالله يتألق كمان قدام الاهلي عطبرة ..ويجيب ليه قون الحكم ما يحسبو.
التألق دا ما كعب معانا.
خلوه يتألق.
نحن لاقين.
زول قاعد 6 شهور ...يتألق في اخر شهر.
دا محترف شنو؟.
اقصد دا احسن محترف في نظرنا.
وارغو قعد 5 سنوات ساكت.
مكسيم في 6 شهور عاوزنو يعمل شنو؟.
يتقطع ليكم.
ما كافية انو بصرف (100) دولار فقط.
تقول سايق ليه (ركشة).
100 دولار دي هسع الواحد لو مشى بيها السوق ..(معجون) بتجيبو.
معجون يا سلك ما بتجيبو.
انت يا سلك تعال هنا ..الايامات دي (معجونكم) مالو زعلان كدا.
الظاهر (العجن) كتر عليه.
خالد احمد المصطفى (يعصر) بي جهة.
ومحمد موسى (يعصر) بي جهة.
والباشا بي (جهة).
والكوكي بي (جهة).
واعلام المريخ (يعصر) بي جهة.
ما خليتوا فيه شيء.
عشان كدا المريخ السنة دي قبّل على (الاراك) ..جاب ناس سليمانو ومكسيم.
مكسيم دا ما (اراك) ..مكسيم دا (طندب) عديل كدا.
عاجل : دعم الدولة الظاهر السنة دي مشى للحركات الوقعت حديثا مع الحكومة في الدوحة ، لذلك المريخاب فقدوه (كمان نحن ما بنعرف).

انقر هنا لقراءة الخبر من مصدره.