سودارس : هام وضروري ومستعجل للامين البرير

مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم) شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي) شاهد بالفيديو.. والدة الفنان الراحل محمود عبد العزيز: الحوت تعرض لظلم فادح من هؤلاء وهذا ما فعلته عندما علمت بتعاطيه "السجائر" وهو طالب في الثانوي والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي بالصورة.. البرنس هيثم مصطفى وزيراً للرياضة في السودان اكتمال عقد الجهاز الفني للكمال قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر "آبل" تستعد لإطلاق أول آيفون قابل للطي شاهد بالفيديو.. نجمة السوشيال ميديا السودانية هبة الجندي تعود للظهور بعد غياب طويل بتقرير إخباري عن الأحداث السودانية وتطورها شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية "يغفر الله للجميع إلا باجيو!".. مأساة اللاعب الذي مات واقفا – فيديو النفط ينخفض 1% بعد تقرير ترامب إنهاء حرب إيران اختبار نسخة مدفوعة جديدة من "إنستغرام" عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* قرار لحكومة السودان بشأن معبر أدري عثمان ميرغني يكتب: فساد.. الفساد.. إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) (أماجوجو والنقطة 54) برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي كريم عبد العزيز وفريق مطلوب عائليا يبحثون عن دولة أوروبية للتصوير الخارجى أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة سارة بركة: أحمد العوضى مجتهد بشكل كبير وبيحب شغله جدا وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

هام وضروري ومستعجل للامين البرير

قوون نشر في قوون يوم 28 - 05 - 2013

جيّبوا (كروجر) وخلوا الباقي لي ناس (بلة جابر) بتموها اهداف عكسية

اكثر من (15) عاما كان فيها فيصل العجب هو اللاعب الاول في المريخ.

السلطان عجبنا ...الملك فيصل ...المرجيحة ...الزول الودانا غانا.

تقول ودانا بي (كارو).

غانا دي يا ربي جابوها (الكلاكلة).

انتوا مالكم بتنسوا سريع كدا؟.

نسيتوا (العجب).

العجب كان كلو شيء في المريخ.

قالوا ليك المريخاب ديل في الطابق التاني ...عندهم (مدرجات) اسمها مدرجات العجب.

المريخابي تسألو من بيت ناس فلان.

يقول ليك شفت العجب داك ..يمينو طوالي.

او جنوب العجب.

كان ذلك حتى قبل شهور قليلة وايام معدودة ...بعدها سحبت كل الالقاب والاوسمة التى كانت قد منحت لاللاعب فيصل العجب ...الذي يطالب المريخاب الان بالتخلص منه.

شالوا منو الرخصة ..واللوحة ..وخلوه قاعد في الصقيعة.

العجب هسع بقى زي المطلوب الاستغناء عنهم.

هسع المريخاب ما عارفين يتخارجوا من (فيصل العجب) كيف؟.

ياكلوا في الكلام زي السمك.

حتى بلغ الامر بالامين العام للجنة تسيير المريخ (والله ما عارف اسمو منو) الي ان يصرح ويقول اننا في انتظار ان يطلب العجب اخلاء خانته.

بالله.

كمينة طوب هي ...العاوزنو يخلى خانتو دي.

قالوا ليكم ..هو قفص.

يا اخوى انت جيت متين؟.

ليك (15) يوم في المريخ عاوز تتكلم عن فيصل العجب صاحب ال (15) عاما في المريخ.

عرفت من متين؟.

الامين العام بتاع لجنة التسيير (الما عارف اسمو دا) ما فاضل ليه إلا يسوق ليه بص من بصات الولاية.

حوام جنس حوامة.

الزول دا تصريحاتو اكتر من تصريحات عصام الحاج.

قال عاوز العجب يخلي خانتو ...(عشان بخليها ليكم).

كمان عاوزنو براهو كدا يقول عاوز يخلي خانتو.

دي العجب ما بعملها ليكم.

العجب دا لو قعد (40) سنة في المريخ ..ما بقول ليكم عاوز اخلي خانتي.

انتوا يا مريخاب جمال الوالي دا ما قاعد (6) شهور برة المجلس ..انتوا حافظين ليه (خانتو) زي ما هي.

ما فى زول قال فيكم عاوزين لينا رئيس.

المريخ بقى (وقف) لجمال الوالي.

زي البيت الوقف.

اشمعنا (فيصل العجب).

بس فلاحتكم على فيصل العجب.

فيصل العجب دا زي (الضيف الثقيل)...ما في طريقة تتخارج منو.

ما في اي حل.

الزول وقت يكون مستعجل ..ويجيه (ضيف ثقيل)..يقول ليه : انا طالع والله.

يقول ليك يا زول طالع في الصباح دا ماشي وين؟.

اقعد شوية ..لاحق شنو انت ..هي الدنيا طارت.

انت جنيت ...كدا اعمل لينا (فطور) كارب كدا ...وبعد داك نطلع.

شوف لينا (قراصة) سخنة كدا.

تعمل ليه (الفطور).

يقول ليك : اهم حاجة عندي مع القراصة الشطة والليمون ..والبصل.

تجيب الشطة ..يقول لك : والله عندكم (شطة)...ياسر رحمة بس.

الشطة دي جايبها من وين؟..ازيتنا ازية.

يفطر يقول ليك : الشاي قبل القهوة.

تجيب ليه القهوة.

يقول ليك : عاوز اخد لي نومة شوية.

عاوز ارم العضام دي ...الواحد تقول ليه سنة ما نام.

ينوم يصحى ويقول ليك ما قاعد تجيب ليك (جرايد) هنا.

تجيب ليه الجرايد.

يقول ليك : والله ما فيها اي حاجة ..انا ما عارفكم (الجرايد) دي عاوزين بيها شنو؟.

كلام فارغ ساكت.

يصن شوية كدا ويقول ليك انتوا قاعدين تتغدوا كم؟.

تتغدوا..يقول ليك : رأسي لافى شوية ..عاوز لي عصير ليمون.

تجيب ليه عصير الليمون ..تلقاه نام.

يصحى بعد ساعة ونص يشرب عصير الليمون ...يقول ليك : شاي المغرب كيف؟.

تجيب ليه شاي المغرب.

يقول ليك ما بشرب الشاي بدون (زلابية).

تجيب ليه الزلابية.

يقول ليك انا بعد تمغرب ...بشرب لي كباية لبن.

تجيب ليه كباية اللبن.

يقول ليك متابع المسلسل التركي.

تجيب ليه التلفزيون.

يقول ليك في مباراة في انجلترا ..انت ما عندك كرت الجزيرة مالك مقشطها كدا.

منشفها كدا فوق كم؟.

تجيب ليه كرت الجزيرة.

يقول ليك طلع لي (السرير) في الحوش.

تطلع ليه السرير ...يقول ليك العشا كيف؟.

تجيب ليه العشا.

يقول ليك عاوز فطير بي لبن.

تجيب ليه الفطير باللبن.

يقول ليك املأ لي (الجردل) عصير ليمون ..عشان بصحى في الليل اشرب على مدار الساعة.

تجيب ليه جردل الليمون.

يقول ليك انا ما بنوم من غير (راديو).

تجيب ليه (راديو).

يقول ليك السحور شنو؟.

تقول ليه : اول انت بكرة صائم.

يقول ليك : ما معروف ..الواحد بس يخت النية ..بعدين يصوم ما يصوم ما مشكلة.

تجيب ليه (السحور).

يقول ليك : جيب لي (بطانية) الصباح قاعد ينزل برد.

تجيب ليه (البطانية).

يقول ليك جيب لي (بطارية) احتمال الكهربة تقطع ..وانا بقوم كتير.

تجيب ليه البطارية.

يقول ليك عليك الله صحيني مع النباه الاول.

تقول ليه عشان الصلاة.

يقول ليك : لا عشان اشرب شاي الصباح.

تقول ليه : انت لاحق شنو عشان تشرب شاي الصباح مع النباه الاول؟.

الشاي ح يطير يعني؟.

يقول ليك عشان ما اصدع.

تجيب ليه الشاي مع النباه الاول ..يقول ليك قبل الشاي بشرب لي عصير برتقال.

تجيب ليه عصير البرتقال ..يقول ليك الشاي برد.

تسخن الشاي.

يقول ليك انا بفطر سبعة.

تجيب ليه الفطور سبعة.

يقول ليك ح انوم شوية ..صحيني عشرة لشية الجمر.

تصحي عشرة.

يقول ليك وين شية الجمر؟.

تجيب ليه شية الجمر.

يقول ليك عاوز (شاحن موبايل).

تجيب ليه شاحن موبايل.

يقول ليك تلفوني ما فيه رصيد.

تجيب ليه رصيد.

يقول ليك عليك الله لو عندك تلفون (سلك) اديني ليه.

تديّه تلفون سلك.

يقول ليه يا سلك انت فيصل العجب دا نتخلص منو كيف؟...الزول دا لو لقى المريخ عسل ما يلحسو كلو.

شفتوا اللفة الطويلة دي ساقتني وين؟.

فيصل العجب زي (الضيف) دا ..بقى متعب جدا في المريخ.

نحن هسع دا كلو ما بهمنا.

بهمنا ان فيصل العجب (الودانا غانا)..سألوه مرة عن افضل مدرب عمل في المريخ في فترة العجب؟.

فقال العجب ان كروجر هو افضل مدرب دربه في مسيرته الرياضية.

شفت كيف يا البرير.

اسمع الكلام دا كويس.

العجب دا بالمناسبة ما ساهل ..عارف اي حاجة ..وممكن يقفل تلفونو في اي وقت.

العجب عبر خبرته الطويلة ..وسكاتو الكتير دا ..قال ان افضل مدرب دربه في مسيرته الرياضية هو الالمانى (كروجر).

يا الامين البرير ..كلام الزول دا ما ترموه واطة.

اذا كان العجب الكابتن (المعتق) للمريخ قد شهد للالماني كروجر ..فان هنالك (ثعلب) اخر شهد لكروجر بالذكاء والدهاء الكروي العجيب.

ابراهومة في ايامنا دي سألوه في حوار في صحيفة (اليوم التالي)..عن افضل مدرب قابله.

فقال ابراهومة هو الالمانى (كروجر).

وابراهومة ..هو ايضا عارف اي حاجة ..وهو قريب من المدربين الذين عملوا في المريخ ..وقد عمل في مساعدا للالماني كروجر ..ومن دون شك فان شهادة ابراهومة في (كروجر)..شهادة ما ساهلة.

هؤلاء ..اتينا بهم من بواطن الامور.

اسمعنا يا البرير.

غير هذا فان النتائج والمستوى الذي قدمه المريخ في عهد (كروجر) كان افضل مستوي للمريخ في السنوات الاخيرة.

اضف الي هذا ان كروجر مدرب منضبط ومجتهد ...وملتزم ..لا بسافر ..لا بصرح ..ولا بدخل في مشاكل وصراعات مع اللاعبين.

لذلك فان افضل قرارات البرير على الاطلاق هو ان يتعاقد مع الالماني كروجر.

واذا نجح الهلال (ان شاءالله يا رب) في التعاقد مع كروجر ..يكون الهلال بذلك حقق (خبطة) كبيرة.

الهلال بذلك يكون اتى بمدرب خبير بالشأن السوداني ..وعارف كل الاشياء ..ما ظهر فيها وما بطن.

وهو من غير شك حافظ المريخ حفظ.

وعارف الدوري السوداني ..وكان قريبا من الهلال ومتابع له.

لذلك فان التعاقد مع كروجر يختزل سنوات كثيرة للمدير الفني للهلال ..فهو ان درب الهلال كأنه يدربه منذ سنوات.

الحيدوسي المسافة طالت ..وهو بعيد عن الطفرة التى حدثت في الدوري السوداني.

كما ان (الحيدوسي) يا البرير بيحسب على صلاح ادريس.

يعني يا البرير تاني عاوز ترجعنا وفي عهدك كمان لفترة صلاح ادريس.

والله الامين البرير ما بعمل كدا.

اتعاقدوا مع كروجر مهما كلفكم ذلك من اموال وجهد ..ولن تندموا ..وسوف نضمن ليكم بعد ذلك نجاح الالماني مع الهلال.

جيّبوا (كروجر)..وخلوا الباقى على ناس بلة جابر ..ديل بتمهوها ليكم (اهداف عكسية) ساكت.

كروجر هو ضربة المعلم ..نسأل الله ان ينجح الهلال في التعاقد معه ..وان تكلل جهود المجلس بالظفر به فهو مكسب من دون شك.

ملحوظة : كروجر دا بي عشرة نجوم تسجيلات.

هوامش

الاسماء التى يطرحها المريخ اعلاميا في جانب تعاقدات النادي مع المحترفين ..اسماء لن تضيف للمريخ شيئا ..وقد شهد بذلك الاستاذ عبدالمجيد عبدالرازق.

لو دي تسجيلاتكم ..سجّلوا ساكت.

يعني شنو عاوزين تجيبوا لينا تاني (مكسيم) وسليمانو ومونزا.

عليكم الله هسع ديل في (بقالة) بشغلهم.

جمال الوالي زعل عشان في واحد من ناس المريخ كشف ديون المريخ.

انت زعلان ليه؟.

كشف الديون ..وعرضها للرأي العام ..بزعل كمان.

الجماعة ديل عاوزين يشتغلوا بالدس بس.

بالمناسبة الي وقتنا هذا ما في كيس اسمنت نزل في نادي المريخ.

انتوا مالكم نمتوا كدا.

فات من الاربع شهور ...شهر.

باقى ليكم (3) شهور.

ما تقعدوا تنظروا لينا ساكت في الجرايد.

اعملوا ليكم (مول).

اتحركوا.

ما تنسوا (النادي الاسري).

انتوا وين الايامات دي الزول القال ما بقرأ جرايد.

اختفى عديل كدا من الجرايد.

الظاهر اعلام المريخ ..قال وقت ما بقرأ جرايد ...احسن ما نكتب عنه.

يتأهب الاستاذ ابراهيم عبدالرحيم لاصدار صحيفة (صدي الملاعب) التى جمعت نخبة من الاقلام الهلالية والمريخية.

كفى ان الصحيفة من المريخ فيها الاساتذة محمد ذو النون واحمد محمد احمد والفاتح مبارك واحمد ادريس.

وفيها الاستاذ الكبير ابوبكر عابدين.

الصحيفة من اقلام الهلال فيها الاستاذ ياسر عائس وقسم خالد والرشيد بدوي عبيد وخالد ماسا والرائع اكرم حماد.

وهناك القلع عثمان في سكرتارية التحرير.

الاسماء تلك تؤكد ان الصحيفة سوف تكون ناجحة ..ونسأل الله ان تكون اضافة للصحافة الرياضية في السودان.

سوف نكون في انتظار الصحيفة يوم الخميس 30 مايو.

التفكير مجرد التفكير في شطب بكري المدينة كارثة.

صالح الامين مدافع ما في متلو.

ارجو ان يمنحه الهلال الفرصة ..حتى لا نعيد حكاية سامي عبدالله واتير توماس مرة اخرى.

الهلال مازال يدفع في التمن في التفريط في حمودة بشير ونادر الطيب وعبدالرحمن الدعيع.

هذا اذا اقتنعنا ان هناك كانت اسباب (ادراية) لشطب هيثم مصطفى وعلاءالدين يوسف.

اياكم وشطب بكري المدينة او صالح الامين.

سوف يكون الثمن غاليا اذا شطب الهلال بكري او صالح الامين.

وسوف يندم الهلال في الموسم القادم كثيرا.

لذا رجاء خاص ..حافظوا علي بكري المدينة الذي لا يوجد في الساحة مهاجم وطني مثله.

السودان كلو ما فيه غير كاريكا وبكري المدينة.

عاوزين تفرطوا في بكري المدينة.

اما صالح الامين فهو افضل مدافع سوداني في الدوري الممتاز.

عالجوا الاخطاء ..بدل من التخلص من المواهب بهذا الشكل (السخيف).

جيبوا كروجر ..سوف يعيد لكم اكتشاف بكري وصالح الامين ..وسوف يقدم لكم اكثر من موهبة.

لو عاوزين تشطبوا بكري وصالح الامين ..ما عاوزين (تسجيلات).

خلونا كدا احسن.

علما ان المريخ ومن مصادر مؤكدة ينتظر بكري المدينة وصالح الامين.

يعني يا البرير بالواضح كدا ..لو شطبت بكري المدينة وصالح الامين ..سوف تكون (مساهمتك) في تشكيلة المريخ واضافتك له اكثر من مساهمتك واضافتك لتشكيلة الهلال.

معقولة بس.

تسجيلاتك في المريخ ..تبقى اكتر من تسجيلاتك في الهلال.

خاصة ان ساني وايكانغا ..تأكد مغادرتهم لكشوفات الهلال.

عاجل : غايتو لو بكري وصالح مشوا المريخ ..تاني بنشجع المريخ شوط كامل..والله نحن المريخ دا (5) ثواني ما بتبلع لينا.

انقر هنا لقراءة الخبر من مصدره.