السودان الافتراضي ... كلنا بيادق .. وعبد الوهاب وردي    إبراهيم شقلاوي يكتب: يرفعون المصاحف على أسنّة الرماح    د.ابراهيم الصديق على يكتب:اللقاء: انتقالات جديدة..    لجنة المسابقات بارقو توقف 5 لاعبين من التضامن وتحسم مباراة الدوم والأمل    المريخ (B) يواجه الإخلاص في أولي مبارياته بالدوري المحلي بمدينة بربر    الهلال لم يحقق فوزًا على الأندية الجزائرية على أرضه منذ عام 1982….    شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس)    شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم)    لماذا نزحوا إلى شمال السودان    جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة    شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر    جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة    أردوغان: لا يمكننا الاكتفاء بمتابعة ما يجري في السودان    مناوي .. سلام على الفاشر وأهلها وعلى شهدائها الذين كتبوا بالدم معنى البطولة    وزير الطاقة يتفقد المستودعات الاستراتيجية الجديدة بشركة النيل للبترول    المالية توقع عقد خدمة إيصالي مع مصرف التنمية الصناعية    أردوغان يفجرّها داوية بشأن السودان    اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا    وزير سوداني يكشف عن مؤشر خطير    شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط)    بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي)    إحباط محاولة تهريب عدد 200 قطعة سلاح في مدينة عطبرة    السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء    الترتيب الجديد لأفضل 10 هدافين للدوري السعودي    «حافظ القرآن كله وعايشين ببركته».. كيف تحدث محمد رمضان عن والده قبل رحيله؟    محمد رمضان يودع والده لمثواه الأخير وسط أجواء من الحزن والانكسار    وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب"    أول جائزة سلام من الفيفا.. من المرشح الأوفر حظا؟    مركزي السودان يصدر ورقة نقدية جديدة    برشلونة ينجو من فخ كلوب بروج.. والسيتي يقسو على دورتموند    "واتساب" يطلق تطبيقه المنتظر لساعات "أبل"    بنك السودان .. فك حظر تصدير الذهب    بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات    ما الحكم الشرعى فى زوجة قالت لزوجها: "من اليوم أنا حرام عليك"؟    غبَاء (الذكاء الاصطناعي)    مخبأة في باطن الأرض..حادثة غريبة في الخرطوم    رونالدو يفاجئ جمهوره: سأعتزل كرة القدم "قريبا"    صفعة البرهان    حرب الأكاذيب في الفاشر: حين فضح التحقيق أكاذيب الكيزان    دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة    عقد ملياري لرصف طرق داخلية بولاية سودانية    السودان.. افتتاح غرفة النجدة بشرطة ولاية الخرطوم    5 مليارات دولار.. فساد في صادر الذهب    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    الحُزن الذي يَشبه (أعِد) في الإملاء    السجن 15 عام لمستنفر مع التمرد بالكلاكلة    عملية دقيقة تقود السلطات في السودان للقبض على متّهمة خطيرة    وزير الصحة يوجه بتفعيل غرفة طوارئ دارفور بصورة عاجلة    الجنيه السوداني يتعثر مع تضرر صادرات الذهب بفعل حظر طيران الإمارات    تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب    (مبروك النجاح لرونق كريمة الاعلامي الراحل دأود)    المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية    حسين خوجلي يكتب: التنقيب عن المدهشات في أزمنة الرتابة    دراسة تربط مياه العبوات البلاستيكية بزيادة خطر السرطان    والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة    شكوك حول استخدام مواد كيميائية في هجوم بمسيّرات على مناطق مدنية بالفاشر    السجائر الإلكترونية قد تزيد خطر الإصابة بالسكري    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



مقال ساخر حبه … يا وزير المالية اشتقنا لي تصريحاتك النارية !!!
حاتم الجميعابي نشر في حريات يوم 23 - 03 - 2012

غاب السيد وزير المالية عن التصريحات النارية التي يطلقها كل فترة وفترة، والتي تعكس مدى الإستخفاف بالمواطن السوداني، وكأنه يقول بالله شوف الشعب ده أنا بعمل فيهو شنو وهو ” ساااكت” ومتبلم!!! .. فبعد أن أقنعنا بقدرة قادر بأن سلعة ” النبق” تمثل عمادة الإقتصاد السودان والقصة دي انا أصلوا ما لفقت معاي وما ركبت راسي، وأن تصدير الدكاترة يدر علينا العملة الصعبة، وهو يعلم حال مستشفياتنا التي يحلم المواطن فيها بأن يتعالج فيها مجاناً، مجان شنو يا زول أنو يتخارج بمرضوا الجاء بيهو .. لانو دخول المستشفى ما زي مروقوا.. بالله نحنا محتاجين لي زول خريج إسعافات أولية خلي دكتور راسو عديل ..
لم يتثنى لنا فهم الموضوع كويس ونحن نسمع هذه التصريحات حتى أطل بتصريح آخر ب”الإنتباهة” والذي جاء فيه ” قطع وزير المالية علي محمود بعدم وجود أي ضائقة مالية بالبلاد، مؤكدًا صمود الموازنة(صدقنا!!)، وتعجب “مافي مواطن ما لاقي ياكل!!”، قصة وزير المالية ده معانا شنو يا ربي كل يوم طالع بي تقليعه جديدة زي ملابس الكاميرون في كاس العالم !! بالرغم أنو نسبة عجز الموزانة حسب التصريحات الغير رسمية 60% ” الكلام ده طبعاً من بيت الكلاوي ” لانو اي تصريح رسمي وراهوا كلام عشان كده الواحد ما بجتهد كتير في تصديق الروايات الرسمية..
الضائقة المالية دي يا ربي محتاجة لي مجهر عشان نشوفا بيهو، ما ظاهرة زي الشمش دي وما بتخفى حتى على وزيرنا الهمام، انا غايتو كان الله اداني كرامة جنس تصريحاتو ما بقولا وبفضل أجيب ورقة فلسكاب واقدم استقالتي طوالي ولا أقول كلام زي ده.
” عمك” ده كل مرة بستفز في مشاعرنا بتصريحات غريبة شديد، وكأنوا الراجل ده جاي من ” الواق الواق” وما قاعد معانا في الواطة دي، أأأي ما قاعد معانا، دحين لو قاعد معانا بقول جنس كلاموا ده، وبعدين الأكل ذاتو ما أنواع .. في ناس بتأكل زلط عديل كده ( رملة وخرصانه وحصى و اسفلت وتمرق بره السودان) ووكت يزروها بقول انا ما براي لو فتحتوا الصفحة دي بتجيب معاها باقي الصفحات التانية وأظنكم فهمتوني!! ، وفي ناس بتأكل رغيفه بي فول مدمس،قول واحد ، في ناس بتأكل أموال الفقراء واليتامى، وفي ناس بتأكل سخينه !! قول اتنين ، وفي ناس بتضرب البنوك وفي ناس تضرب موية الفول ” بوش”!! قول تلاته . وفي ناس الدورة الغذائية بتاعتا (فول – بور – فول) خالي من المحسنات البديعية ناس ( جبنه وزيت وطعمية وسلطة ) وفي ناس بتأكل (5) وجبات في اليوم قول اربعة ، ده غير الشاي بالكيك والباسطة بالحليب، وفي ناس كمان بتاكل كوارع دجاج الأسم العلمي ليها ” أمبلوكسات” وفي ناس الدجاج عندها عااااااااااااادي زي الزول البقول ليك انا ماشي بيتنا قول خمسة..
فالتصريحات في البلد دي بقت موضه عجيبة جداً، اي زول لقا ليهو بنبر قدام ” ست شاي” مع كامل الإحترام لها والتقدير، يقعد يصرح زي ما داير،، ويغوص في الأعماق، غايتو البلد دي فيها جنس تصريحات، لكن زي تصريحات السيد الوزير دي أنا ما لاقتني أصلواا .. تصريحاتو زي العيشة الطالعة من الفرن ياداب” حاااااااااااارة” وتلغفا صعب .
المهم في الموضوع أنو سعادة وزير المالية ما عندو حاجة غير أنو يطلع التصريحات الزي دي بدل يعاين لي أس المشكلة ويعالج يقعد يقول جنس الكلام ده !!.. هو لو بقت على وزير المالية ما هينة .. اي زول بقا يقول كلام مرة جوه من راسو والتاني بره من راسو .. وكأن السودان ده حقل تجارب أي زول يصرح ويجرب فينا على كيفوا زي ما بقولوا اخوانا المصريين ” و يا حبه عيني الشعب سااااكت وساكن التقول ضارب فاليوم أو حبوب منومة”، ليهو حق يصرح ما دام زي التصريحات دي ما بتجيب أي نتيجة معانا، زي الزول القنعانين منو ؟؟ في النهاية راجنو متين يسلم روحو لي باريها، وقدر ما يلفحوهو من الواطة يجي واااااااااااقع تاني.
تغشفواا فإن مباهي بكم الأمم:
” الكلام الجاي سخرية شديدة ” انا التصريح العاجبني قصة التغشف دييييك اي الزمان ديك … ولسان حال وزير المالية يقول “تغشفواا فإن مباهي بكم الأمم”، حقيقة تصريح ينبع من مسئول ماخد بالوا من رعاياهو، لازم الشعب السوداني يتغشف عشان ما تجينا مجاعة تلحقنا “آمات طه”، ليه الشعب يأكل 5 وجبات في اليوم ويأكل حلويات كتيرة قدر كده، ما مفروض الأسر السودانية تعمل ” ضلعة” في الغداء، يعني لو مشوها شوربة فراخ بتكون مية مية … وكمان ليه كل أسرة بتضبح خرف كل يوم جمعة ما يفطوا جمعة ويخلوا جمعة ما السترة والضبيحة متباريات ، وليه كل طفل سوداني مولود وزنو أكتر ” 5 كيلو ” ” ((ديل ما شافوا أطفال شرق السودان ربع كيلو اللحمة والشافع واحد)) ” دي بالغتا فيها صاح” ما ممكن كده بنعمل في حاجات ” أسمها العنف الوزني ضد الأطفال حديثي الولادة” على حسب وزير المالية .. الحكاية دي كده بتعمل إرهاق للصرف الحكومي على المواطنين .. بدل ما يرهقوا نفسهم بالصرف على المستشارين والوزراء ووزراء الدولة والولاة والمعتمدين والحاجات الزي دي نقوم نزود عليهم الهموم ما هم مختلفين عننا .. كمان ما هم رموز وحزبه أكبر حزب في الدنيا حجماً وعدداً زي البالونه تنفيستا قريبه شديد .. قال أتغشفوا قال .. نتغشف ولا نتغشا يا السيد الوزير بكلامك السمح ده !!!!
كلام من جوه الراس :: السكات حااااار في المواقف الزي دي ..
كلام بره من الراس :: كملوا قروش الدكاترة الفي السودان .. قالوا احسن يصدروهم ..

انقر هنا لقراءة الخبر من مصدره.