النائب العام للسودان في سجن الدامر    شاهد بالصور.. ما هي حقيقة ظهور المذيعة تسابيح خاطر في أحضان إعلامي الدعم السريع "ود ملاح".. تعرف على القصة كاملة!!    مساعد البرهان يتحدث عن زخم لعمليات عسكرية    البرهان يطلع على أداء ديوان المراجع العام ويعد بتنفيذ توصياته    تقارير صادمة عن أوضاع المدنيين المحتجزين داخل الفاشر بعد سيطرة الدعم السريع    لقاء بين البرهان والمراجع العام والكشف عن مراجعة 18 بنكا    السودان الافتراضي ... كلنا بيادق .. وعبد الوهاب وردي    د.ابراهيم الصديق على يكتب:اللقاء: انتقالات جديدة..    إبراهيم شقلاوي يكتب: يرفعون المصاحف على أسنّة الرماح    لجنة المسابقات بارقو توقف 5 لاعبين من التضامن وتحسم مباراة الدوم والأمل    المريخ (B) يواجه الإخلاص في أولي مبارياته بالدوري المحلي بمدينة بربر    الهلال لم يحقق فوزًا على الأندية الجزائرية على أرضه منذ عام 1982….    شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم)    لماذا نزحوا إلى شمال السودان    شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر    جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة    المالية توقع عقد خدمة إيصالي مع مصرف التنمية الصناعية    أردوغان: لا يمكننا الاكتفاء بمتابعة ما يجري في السودان    وزير الطاقة يتفقد المستودعات الاستراتيجية الجديدة بشركة النيل للبترول    أردوغان يفجرّها داوية بشأن السودان    وزير سوداني يكشف عن مؤشر خطير    شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط)    إحباط محاولة تهريب عدد 200 قطعة سلاح في مدينة عطبرة    السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء    الترتيب الجديد لأفضل 10 هدافين للدوري السعودي    «حافظ القرآن كله وعايشين ببركته».. كيف تحدث محمد رمضان عن والده قبل رحيله؟    محمد رمضان يودع والده لمثواه الأخير وسط أجواء من الحزن والانكسار    وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب"    أول جائزة سلام من الفيفا.. من المرشح الأوفر حظا؟    مركزي السودان يصدر ورقة نقدية جديدة    برشلونة ينجو من فخ كلوب بروج.. والسيتي يقسو على دورتموند    "واتساب" يطلق تطبيقه المنتظر لساعات "أبل"    بنك السودان .. فك حظر تصدير الذهب    بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات    ما الحكم الشرعى فى زوجة قالت لزوجها: "من اليوم أنا حرام عليك"؟    غبَاء (الذكاء الاصطناعي)    مخبأة في باطن الأرض..حادثة غريبة في الخرطوم    رونالدو يفاجئ جمهوره: سأعتزل كرة القدم "قريبا"    صفعة البرهان    حرب الأكاذيب في الفاشر: حين فضح التحقيق أكاذيب الكيزان    دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة    السودان.. افتتاح غرفة النجدة بشرطة ولاية الخرطوم    5 مليارات دولار.. فساد في صادر الذهب    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    الحُزن الذي يَشبه (أعِد) في الإملاء    السجن 15 عام لمستنفر مع التمرد بالكلاكلة    عملية دقيقة تقود السلطات في السودان للقبض على متّهمة خطيرة    وزير الصحة يوجه بتفعيل غرفة طوارئ دارفور بصورة عاجلة    الجنيه السوداني يتعثر مع تضرر صادرات الذهب بفعل حظر طيران الإمارات    تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب    (مبروك النجاح لرونق كريمة الاعلامي الراحل دأود)    المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية    حسين خوجلي يكتب: التنقيب عن المدهشات في أزمنة الرتابة    دراسة تربط مياه العبوات البلاستيكية بزيادة خطر السرطان    والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة    شكوك حول استخدام مواد كيميائية في هجوم بمسيّرات على مناطق مدنية بالفاشر    السجائر الإلكترونية قد تزيد خطر الإصابة بالسكري    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



ضربنا المريخ قالوا دا ما المريخ – هزمنا مازمبي قالوا دا مازمبي
كورة سودانية نشر في كورة سودانية يوم 18 - 05 - 2014


و….
محمد عبد الماجد
ضربنا المريخ قالوا دا ما المريخ – هزمنا مازمبي قالوا دا مازمبي
. …و
. اغرب حاجة في الدنيا (غير الستائر البتلقاها معلقة 7 سنوات ما يغيروها).
. وغير الزول القدر ما يلاقيك ..يقول ليك انت اخو خليفة.
. تقول ليه : ايوا.
. يقول ليك : الغريبة ما في اي شبه.
. و…
. (ما في شاحن هنا؟).
. اغرب حاجة ان المريخاب اي فريق يلعب امامه الهلال ..ويتجاوزو وينتصر عليه ..يقولوا على الفريق الذي فاز عليه الهلال …مستواه ضعيف ..وان الهلال اضاع فرصة الانتصار الكبير على ذلك الفريق.

. الزول الما بريدك في خشم الباب بحدر ليك.
. تلقاه واقف متسبع في الدرب.
. وكأن اي فريق يقابله الهلال وينتصر عليه ..مستواه متراجع ..وهو (حمام ميت).
. رغم ان المريخاب قبل المباراة يتجهوا جميعا الى تخويف الهلال وارهابه باعتبار ان الهلال هو الاضعف ..وانه سوف يتلقى خسارة كبيرة.
. الزول البقطع السلطة ..وقت تصلحوا الفطور ..ديل ناس المريخ.
. مهمتهم في الدنيا دي بس يقطعوا (السلطة).
. و…
. (الجو مالو تاني سخن؟).
. كان حديث كل الناس قبل مرحلة المجموعات ان الهلال ضعيف وان مستواه لا يؤهله لكي يلعب في المجموعات ..وانه سيكون الحلقة الاضعف في مرحلة المجموعات.
. العلماء الطلعوا من دور ال (64) قعدوا يشرعوا لينا.
. اعتبر الكثيرون ان الهلال سوف يكون محطة الوقود التى تتزود منها كل الاندية التى تلعب معه في مجموعاته في الخرطوم وخارج الخرطوم.
. نحن لو طلعنا من دور ال (64) كان شفنا لينا بلد.
. و…
. (شوفوا الحكاية دي).
. عندما لعب الهلال امام المريخ في قمة الممتاز …كان اعلام المريخ كله يتحدث عن قدرة المريخ على الانتصار على الهلال.
. بل اكدوا ذلك ..وقالوا ان الهلال الذي خسر في ارضه ووسط جمهوره امام الاهلي شندي يمكن بسهولة ان يخسر امام المريخ.
. خاصة ان الهلال دخل مباراة القمة بعد استقالة نصرالدين النابي واشراف مجدي كسلا على المباراة في ظل جلوس كامبوس في المقصورة وعدم اشرافه على المباراة.
. كامبوس في المقصورة جهجه ليك المريخ.
. و…
. (نسيت).
. هو شنو النسيتو؟.
. حتى اذا جاءت مباراة القمة ..وقدم الهلال مباراة رائعة ..وانقذ حكم المباراة السمؤال محمد الفاتح ومساعده المعز شطة المريخ من خسارة اكيدة ..قال اعلام المريخ ان الهلال اضاع فرصة الانتصار على المريخ ..وانهم وجدوا فرصة لم يستفيدوا منها ..وان المريخ بهذا الحال لن يجده الهلال قريبا.
. خلاص يا ناس روما الايطالي.
. صدقناكم يا ناس نابولي.
. تحولت كل الكتابات عن عجز الهلال من الانتصار على المريخ ..وان الهلال طالما فشل على الانتصار على المريخ وهو في هذه الحالة ..فان مصير الهلال سوف يكون مظلما في مرحلة المجموعات.
. العلماء قالوا كدا.
. الفيلسوف لو جبت ليه (منقا)..يقول ليك دي (منقة) ساحل العاج..ويقعد يحاضر ليك ساعة ونص في (قشرة) المنقا.
. عدم موضوع.
. المريخاب بعد ان كانوا يرفعوا من شأن فريقهم ويعتبرونه قوة ضاربة ..بعد مباراة القمة ..ينتقدون المريخ بعد مباراة القمة ويقولوا ان الفريق يمر بأسوأ حالاته ..وان الهلال بعد ان فشل في الفوز على المريخ وهو في هذه الحالة يبقى غير جدير بالتقدم.
. الهلال كعب.
. ليه؟.
. عشان ما فاز على المريخ.
. زي كأنو المريخ دا فريق (الاحرار) مع كل التقدير والاحترام لفريق الاحرار.
. انا ذاتي قاصد الاحرار جوبا.
. ما قاصد الاحرار ام درمان.
. المريخاب حديثهم عن المريخ بعد المباراة يختلف تماما عن حديثهم عن المريخ قبل المباراة.
. وكأن المريخ الذي لعب امام الهلال هو ليس المريخ الذي كان يكتبون عنه قبل المباراة.
. وما القصد من ذلك ..إلّا من اجل تأكيد ضعف الهلال وهوانه ..والمريخاب همهم الاول والاخير ان يثبتوا ان الهلال (ضعيفا) حتى لو كان ذلك عن طريق اثبات ضعف المريخ.
. همهم بس في الهلال.
. و…
. (افتح المروحة).
. مباراة القمة والتى قدم فيها الهلال مباراة كبيرة ..دخلها الهلال في ظروف اكثر تعقيدا من ظروف المريخ.
. فان كان المريخ تعادل امام النيل الحصاحيصا وتعادل مع الامل عطبرة فقد خسر الهلال في ارضه ووسط جمهوره امام الاهلي شندي.
. بل ان حال الهلال كان اسوأ من المريخ لأن الهلال جاء لمباراة القمة بعد استقالة المدير الفني للفريق وهذا امر كفيل بان يجعل الامور تهتز في الهلال.
. لكن مع ذلك قدم الهلال عرض رائع وجميل امام المريخ ..وكان يمكن ان يخرج الهلال منتصرا لولا المعز شطة الذي حرم الهلال من هدف صحيح.
. المريخاب ..من اجل احباط الهلال ..اعتبروه اضاع فرصة الانتصار على المريخ الذي اكدوا انه ضعيف ..وان الهلال كان يفترض ان ينتصر على المريخ بعدد كبير من الاهداف لو كان الهلال جيد.
. تقول المريخ دا ما مريخهم.
. نكروه (حطب).
. عليه يثبت لنا ان المريخاب بعد مباراة القمة ..نكروا (المريخ)..وقالوا دا ما المريخ.
. وعملوا فيها ما بعرفوه.
. و…
. (قلنا ما في مشكلة).
. اصلا نحن متعودين على هذه الاشياء من المريخاب ..(حافظنهم حفظ).
. الحاجات دي نحن ناقشناها.
. بعد مباراة القمة ..كان الاتجاه الكلي للمريخاب على مباراة مازمبي.
. بدأت المؤامرات تنسج ضد الهلال ..من اجل ان يخسر الهلال امام مازمبي.
. صحيفة ق سبورت كانت قد اشارت الى الدعومات والمساعدات التى وجدها مازمبي من المريخ ..وقد اشار بذلك بعض لاعبي مازمبي.
. وما خفي كان اعظم.
. وقد اكتملت المؤامرة بالزيارة السرية التى قام بها المدير الفني اتوفيستر لبعثة فريق مازمبي والجلوس مع جهازه الفني من اجل كشف الهلال وتقديم تقرير فني عن الهلال ..خاصة ان اتوفيستر كان قريبا من موضع الاحداث وهو الذي قاد المريخ واشرف عليه في اخر مباراة لعبها الفريق امام الهلال.
. يعني عارف اي حاجة.
. ما تعمل لينا فيها كبير في السن – وما فاهم حاجة.
. واسلوب الهلال وخطته التى لعب بها امام المريخ بالتأكيد سوف يلعب بها امام مازمبي.
. وليس هناك شك في ان (اتوفيستر) هو الاقدر على تقديم تقرير فني عن الهلال اكثر من اي شخص اخر.
. حتى لو قال اتوفيستر في اعتذاره المبطن بعد كشف امره ..ان هذه الاشياء ليس لها وجود في هذا الزمن باعتبار ان اي فريق صار مكشوف للاخر.
. بالله.
. نقول لاتوفسيتر ان تقرير يقدم منك عن فريق انت منافسه ..ومتابع لكل اوضاعه بالتأكيد عنده قيمة كبيرة.
. وإلا ما بعثت الاندية مناديبها لمتابعة الاندية التى سوف تلعب امامها وكتابة تقارير مفصلة عنها.
. كان يمكن ان تكتفي بالمشاهدة والمتابعة من خلال التلفزيون..والصحف.
. ما تعمل لينا فيها غشيم.
. يعني الوداك تزور بعثة مازمبي (الغداء).
. الامر الاخر الذي يأكد تورط (اتوفيستر) هى روح (المؤامرة) التى تسيطر على المريخ ..وهم بالتأكيد لا يريدون اي تقدم للهلال.
. ودي حاجة ما عاوزة ليها كلام.
. الحفر الحفروا للهلال …لو حفروه في (قبقبة) كانوا طلعوا ليهم دهب لا اول له ولا اخر.
. والمريخاب يمكنهم ان يفعلوا اي شيء من اجل ان يخسر الهلال.
. فمشاهدة الهلال في المجموعات وهو يتألق امر مؤلم جدا للمريخاب الذين خرج فريقهم من دور ال (64).
. والشواهد والدلائل تأكد ذلك ..فقد رفض اعلام المريخ كله ان يلعب الهلال مبارياته في مرحلة المجموعة في استاد المريخ بينما فتحوا ملعبهم لفريق الاهلي الليبي ليلعب عليه مبارياته.
. فاكرين استاد الخرطوم سوف يكون خصما على الهلال.
. اضف الي ذلك ..ان زيارة اتوفيستر لو كانت حقا من اجل مصافحة المدير الفني لفريق مازمبي كان يفترض ان تكون بعد انتهاء المباراة ..وليس في توقيت يساعد على ترسيخ الشكوك وتأكيدها.
. والشحن الموجود بين الهلال والمريخ لا يحتاج الى تلك الشبهات التى تجعل الامور تلتهب.
. لذلك نحن لا نحسب ان زيارة اتوفيستر لبعثة فريق مازمبي والجلوس مع الجهاز الفني للفريق كان بحسن نية.
. لقد اصبحنا لا نستبعد اي شيء عن المريخ ..وهذا (العجوز) وهو على اعتاب العقد التاسع من العمر يمكن ان يفعل اي شيء من اجل ان يخسر الهلال.
. تستاهل (الوقعة) الوقعتها في الفاشر.
. يمين اعلام الهلال دا يقبل عليك يا اتوفيستر ..تشرب ما تروى.
. اوعك ..إلّا الهلال.
. حركات (الالمان) ديل ما تعملها لينا هنا.
. كما ان حالة المريخ ..وخروجه من دور ال (64) يحعله مؤهل على فعل اي شيء يمكن ان يعرقل الهلال.
. وما يمكن ان يفعله المريخ ..تخبرنا عنه كتابات اعلام المريخ ..وهي توغل في (كراهية) الهلال.
. تلك كانت هي الظروف قبل مباراة الهلال ومازمبي ..وكان كل المريخاب يحلمون ويتمنون ان تتكرر خسارة الهلال امام مازمبي في الخرطوم.
. حتى اذا جاء الهلال وقدم مباراة العمر امام مازمبي ..وثبّت عرضه الجميل بروح قتالية وفدائية عظيمة ..وعزز كل ذلك بانتصار اسعد كل الهلالاب ..خرج علينا المريخاب بعد المباراة ليأكدوا ان مازمبي هذا ليس مازمبي داك.
. وان مازمبي ما مازمبي.
. طيب مازمبي دا شنو؟.
. الغزالة جاوزت.
. كل ذلك لأن الهلال انتصر على مازمبي في مباراة بطولة ..كان سبيل الهلال فيها للانتصار التضحية والفداء ..وصرف من اجلها الغالي والنفيس من اجل ان ينتصر الهلال.
. المباراة كانت قوية ..والانتصار فيها كان عزيزا ..وتحقق بمشقة كبيرة.
. كدنا ان نفقد في هذه المباراة سيف الدين مساوي وهو يصاب اصابة خطيرة.
. عينكم الحارة تكسر الحجر.
. وفقدنا محمد أحمد بشه بسبب المجهود الكبير الذي قام به فتسبب ذلك في اصابته وخروجه من الملعب.
. هذه الاشياء تثبت ان الهلال اجتهد كثيرا من اجل الانتصار ..وان مازمبي كان خصم شرس على الهلال..لولا تألق لاعبي الهلال وحضور الجمهور القوي كان يمكن ان يخسر الهلال المباراة.
. انتصار الهلال على مازمبي لم يأت لأن مازمبي كان (ضعيفا).
. وانما انتصار الهلال كان نتيجة لقوة الهلال ولباسلة ابطاله.
. ما قدمه نزار الصاقعة في تلك المباراة يكفل للهلال الانتصار وان كان الهلال يلعب ضد ليفربول.
. وما فعله بكري المدينة في دفاعات مازمبي كفيل ان يجعل الانتصار من نصيب الهلال وان كان خصمنا في تلك المباراة (ريال مدريد).
. اما كاموبس وقيادته الفنية ..وحماسه الذي نقله لاللاعبين والجمهور ..يكفى أن يجعل الهلال بطلا لهذه البطولة التى يمثل فيها السودان ان شاءالله.
. المريخاب كانوا يشيعوا ان الهلال ضعيف وان مستواه لا يؤهله لكي يلعب في مرحلة المجموعات.
. وكان هذا الشعور يجعل الهلال اكثر حذرا.
. نحن الان لا نريد ان يفخّم الهلال وان يضخم حتى من قبل الهلالاب.
. لا نريد ان نجعل الهلال في حجم لا يمكن الوصول اليه.
. دعونا ..نقول مع المريخاب ..ان الهلال ضعيف وان انتصاراته التى حققها كانت انتصارات على اندية ضعيفة.
. قالوا كدا.
. خليهم يصدقوا.
. افضل للهلال ان يكون في تقييم الناس والصحافة (ضعيف) ..بدلا من نجعله فريقا لا يقهر ولا يخسر.
. وقد جربنا ان الهلال عندما يكون في افضل حالاته ..يخسر ويخرج من البطولة وتحدث له عوارض.
. وعندما يكون الهلال دون الطموحات ..يحقق الكثير من الانجازات.
. اذن دعونا نقول ان الهلال مازال بعيد عن المستوى الذي نريد.
. اعملوا فيها ما عارفين اي حاجة.
. صهينوا بس.
. في زول بكون (غتيت) في الفرن ..تقول في رغيف؟…يعمل ليك فيها ما سامع.
. ودعونا نقول ان الهلال (ضعيف) ..وانه يحتاج للكثير من اجل ان يتقدم في هذه البطولة.
. و….
. انتوا نحن شربنا شاي الغداء؟.
. دا شنو دا.
. خلاص عاوز تلخبط.
. و….
. وانتهى.

انقر هنا لقراءة الخبر من مصدره.