شاهد بالفيديو.. قائد كتائب البراء بن مالك في تصريحات جديدة: (مافي راجل عنده علينا كلمة وأرجل مننا ما شايفين)    بالفيديو.. "جرتق" إبنة الفنان كمال ترباس بالقاهرة يتصدر "الترند".. شاهد تفاعل ورقصات العروس مع فنانة الحفل هدى عربي    تسابيح خاطر    شاهد بالصورة.. المذيعة المغضوب عليها داخل مواقع التواصل تسابيح خاطر تنشر صورة حديثة وتسير على درب زوجها وتغلق باب التعليقات: (لا أرىَ كأسك إلا مِن نصيبي)    شاهد بالصورة.. المذيعة المغضوب عليها داخل مواقع التواصل تسابيح خاطر تنشر صورة حديثة وتسير على درب زوجها وتغلق باب التعليقات: (لا أرىَ كأسك إلا مِن نصيبي)    شاهد بالفيديو.. الفنان الدولي يدخل في وصلة رقص مثيرة مع الممثلة هديل تحت أنظار زوجها "كابوكي"    شاهد بالفيديو.. الفنانة مروة الدولية تعود لإثارة الجدل..تحضن زوجها وتدخل معه في وصلة رقص رومانسية وهي تغني: (حقي براي وملكي براي بقتل فيه وبضارب فيه)    إنتر ميلان يطيح ببرشلونة ويصل نهائي دوري أبطال أوروبا    الهند تقصف باكستان بالصواريخ وإسلام آباد تتعهد بالرد    برئاسة الفريق أول الركن البرهان – مجلس الأمن والدفاع يعقد اجتماعا طارئاً    إستحالة تأمين العمق الداخلي سواء في حالة روسيا او في حالة السودان بسبب اتساع المساحة    والي الخرطوم يقف على على أعمال تأهيل محطتي مياه بحري و المقرن    ترمب: الحوثيون «استسلموا» والضربات الأميركية على اليمن ستتوقف    اعلان دولة الامارات العربية المتحدة دولة عدوان    عادل الباز يكتب: المسيّرات… حرب السعودية ومصر!!    الأهلي كوستي يعلن دعمه الكامل لمريخ كوستي ممثل المدينة في التأهيلي    نائب رئيس نادي الهلال كوستي يفند الادعاءات الطيب حسن: نعمل بمؤسسية.. وقراراتنا جماعية    مجلس الإتحاد يناقش مشروع تجديد أرضية ملعب استاد حلفا    من هم هدافو دوري أبطال أوروبا في كل موسم منذ 1992-1993؟    "أبل" تستأنف على قرار يلزمها بتغييرات جذرية في متجرها للتطبيقات    وزير الطاقة: استهداف مستودعات بورتسودان عمل إرهابي    أموال طائلة تحفز إنتر ميلان لإقصاء برشلونة    قرار حاسم بشأن شكوى السودان ضد الإمارات    بعقد قصير.. رونالدو قد ينتقل إلى تشيلسي الإنجليزي    ما هي محظورات الحج للنساء؟    شاهد بالصورة والفيديو.. بالزي القومي السوداني ومن فوقه "تشيرت" النادي.. مواطن سوداني يرقص فرحاً بفوز الأهلي السعودي بأبطال آسيا من المدرجات ويخطف الأضواء من المشجعين    توجيه عاجل من وزير الطاقة السوداني بشأن الكهرباء    وقف الرحلات بمطار بن غوريون في اسرائيل بعد فشل اعتراض صاروخ أطلق من اليمن    الأقمار الصناعية تكشف مواقع جديدة بمطار نيالا للتحكم بالمسيرات ومخابئ لمشغلي المُسيّرات    إسحق أحمد فضل الله يكتب: (ألف ليلة و....)    حين يُجيد العازف التطبيل... ينكسر اللحن    أبوعركي البخيت الفَنان الذي يَحتفظ بشبابه في (حنجرته)    تتسلل إلى الكبد.. "الملاريا الحبشية" ترعب السودانيين    استئناف العمل بمحطة مياه سوبا وتحسين إمدادات المياه في الخرطوم    هيئة مياه الخرطوم تعلن عن خطوة مهمة    تجدد شكاوى المواطنين من سحب مبالغ مالية من تطبيق (بنكك)    ما حكم الدعاء بعد القراءة وقبل الركوع في الصلاة؟    عركي وفرفور وطه سليمان.. فنانون سودانيون أمام محكمة السوشيال ميديا    تعاون بين الجزيرة والفاو لإصلاح القطاع الزراعي وإعادة الإعمار    قُلْ: ليتني شمعةٌ في الظلامْ؟!    الكشف عن بشريات بشأن التيار الكهربائي للولاية للشمالية    علي طريقة محمد رمضان طه سليمان يثير الجدل في اغنيته الجديده "سوداني كياني"    دراسة: البروتين النباتي سر الحياة الطويلة    في حضرة الجراح: إستعادة التوازن الممكن    التحقيقات تكشف تفاصيل صادمة في قضية الإعلامية سارة خليفة    الجيش يشن غارات جوية على «بارا» وسقوط عشرات الضحايا    حملة لمكافحة الجريمة وإزالة الظواهر السالبة في مدينة بورتسودان    ارتفاع التضخم في السودان    شندي تحتاج لعمل كبير… بطلوا ثرثرة فوق النيل!!!!!    انتشار مرض "الغدة الدرقية" في دارفور يثير المخاوف    مستشفى الكدرو بالخرطوم بحري يستعد لاستقبال المرضى قريبًا    "مثلث الموت".. عادة يومية بريئة قد تنتهي بك في المستشفى    وفاة اللاعب أرون بوبيندزا في حادثة مأساوية    5 وفيات و19 مصابا في حريق "برج النهدة" بالشارقة    عضو وفد الحكومة السودانية يكشف ل "المحقق" ما دار في الكواليس: بيان محكمة العدل الدولية لم يصدر    ضبط عربة بوكس مستوبيشي بالحاج يوسف وعدد 3 مركبات ZY مسروقة وتوقف متهمين    حسين خوجلي يكتب: نتنياهو وترامب يفعلان هذا اتعرفون لماذا؟    من حكمته تعالي أن جعل اختلاف ألسنتهم وألوانهم آيةً من آياته الباهرة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الشرعية في المريخ متل جلابية جناح ام جكو
تقارير و مقالات نشر في كورة سودانية يوم 24 - 07 - 2014


…و….
محمد عبد الماجد
الشرعية في المريخ متل جلابية جناح ام جكو
. …و
. الزميل عبدالله ابووائل امس في عموده المقروء (مشاهد رياضية) بصحيفة (المجهر السياسي) انتبه لامر هام وكتب عن شيء فات على الجميع.
. ابووائل كتب تحت عنوان (من الذي سلب الشرعية من الوالي؟). وجاء في متن عموده : (أعلن ما يعرف ب (دعم الشرعية) إقامة استقبال ضخم لرئيس نادي المريخ لدى وصوله إلى مطار الخرطوم يوم الخميس في طريق عودته من (الامارات) التى غادر إليها بداية شهر رمضان المعظم).


. و…
. (اكمل).
. الجماعة ديل يا عبدالله رايح ليهم (استقبال).
. يواصل ابووائل ونأخذ من تواصله المدادي قوله : ( لم يفكر احدا في سلب شرعية رئيس المريخ الذي اعلن الرحيل عن الكوكب الاحمر وقد كان في كامل قواه العقلية والنفسية ولم يجبره أحدا على ترك مقعده الذي جلس عليه لأكثر من أحد عشر عاما).
. ونعلق ونقول.
. انتوا ناس (دعم الشرعية) ديل بجيبوا الكلام دا من وين؟.
. (سلب) دا جابوها من وين؟.
. الايامات دي في ثقافة (سلب) حايمة على مفاهيم الناس.
. منو القال ليهم في زول عاوز يسلب من جمال الوالي شرعيته كما قال الزميل عبدالله ابووائل؟.
. انتوا بتخترعوا ليكم حاجات من رأسكم يا ناس تحالف دعم الشرعية وبتصدقوا الحاجات الاخترعتوها دي ..عشان في النهاية كدا تحللوا حكاية (الاستقبال) دا.
. عاوزين ليكم استقبال ساكت.
. عاوزين يحللوا (الاستقبال)..ويصلحوه.
. نرجع الي ابووائل وسنترسل معه فيما كتبه امس : (الحقيقة انني في غاية الاندهاش لهذا التصرف الذي يمكن وصفه ب (الصبياني) باعتباره ينم عن (فكر متواضع) لمن رسم خارطة (التحالف) لأنه لم يفكر إلا في ارضاء الرئيس – اعلن الوالي تنحيه عن الرئاسة برغبته وعاد برغبته فمن الذي (ثار) على حكمه بالكوكب الاحمر – الحقيقة التي يجب ان تقال ان الوالي خسر كثيرا من مؤيديه ويمكن ان يخسر أكثر من ذلك في ظل تلك الدعوة التى اريد بها باطل – ولو كنت في مكان الوالي لرفضت الاستقبال من تلك المجموعة غير الشرعية رغم اطلاقها على نفسها دعم الشرعية).
. دا كلام عبدالله ابووائل ..وهو صحافي معروف بمريخيته المعتدلة ومهنتيه العالية.
. و…
. (دقيقة).
. يعني الزول دا قال ليكم الحقيقة – لكن ما بتسمعوا النصيحة.
. جمال الوالي دا لو عملتوا ليه (استقبال) تاني كل اسبوع بسافر ويعمل ليكم فيها زعلان ويرجع تاني عشان تستقبلوه.
. الزول دا لو لقى (الاستقبالات) دي تاني ما بقعد ليكم ساكت.
. كل مرة بتنحى ويستقيل ويرجع تاني.
. وناس (دعم الشرعية) ديل ما بقصروا.
. هسع تلقاهم حايمين ليكم في المطار من (الامساك) – عاوزين يفطروا في المطار.
. لم يشكك احد في شرعية جمال الوالي…نحن بنشكك في (الزعلة) وتوابعها من استقالات وتنحيات.
. يعني الموضوع ما فيه اي (سلب) للشرعية المفترى عليها ..إلا اذا كان ذلك التحالف الذي خرج فقط من اجل دعم الشرعية التى لم تسلب ولاستقبال جمال الوالي يريد ان يكبر كومو في نظر جمال الوالي.
. من العبط ان تفترض اشياء لا وجود لها ثم تبني عليها تحركاتك بعد ذلك.
. التحالف الذي نشأ خصيصا لاستقبال جمال الوالي افترض ان هناك مجموعة سلبت من جمال الوالي شرعيته.
. رغم ان جمال الوالي براهو زعل.
. وبراهو قال عاوز يستقيل.
. وبراهو اعلن عن تنحيه.
. وبراهو رجع.
. ما في اي زول سحب منو شرعيته او حتى شكك فيها بما في ذلك تحالف معارضة المجلس الحالي للمريخ؟.
. انتوا يا ناس تحالف (الاستقبال) بتقطعوا ليكم حاجات من رأسكم.
. قاعدين تتخيلوا ليكم افلام كدا.
. بتتخيلوا انو في حكاية (سلب) تمت لشرعية جمال الوالي.
. وبقوموا على اساس هذا التخيل يكونوا ليهم جسم اسمو تحالف دعم المعارضة.
. مهمة هذا الجسم هو استقبال جمال الوالي.
. يا جماعة الله الموضوع دا ما عاوز ليه (تحالف).
. ولا عاوز ليه (دعم شرعية).
. ممكن تستقبلوا جمال الوالي من غير اللفة الطويلة دي – بدل ما تدخلوا ليكم (كلمات) في تحالفكم انتوا ما عارفين معناها.
. انتوا عاوزين ليكم (حوافز) ساكت.
. عاوزين تطلعوا قروش العيد – قمتوا قلتوا نعمل لينا (تحالف).
. قام كدا عملوا التحالف.
. قالوا التحالف لدعم الشرعية.
. دعم الشرعية ام دعم الجيوب؟.
. قوموا لفوا بالله.
. انتوا مفتكرين المريخ دا ح يقيف في جمال الوالي.
. شنو يعني يزعل او يستقيل او حتى يتنحي؟.
. الحاجات دي كلها مسرحيات ساكت.
. جمال الوالي يزعل – يستقيل – يتنحي برجع للمريخ.
. ما تشوفوا (المسرحيات) دي.
. دي حاجات بقت محفوظة ومكشوفة.
. وما عاوزة ليها كمان (استقبال).
. غزة بضربوا فيها.
. وامس القريبة دا توفى (29) شخص في حادث مروري مؤسف…وانتوا هنا ماسكين لي الفارغة.
. قال استقبال قال؟.
. استقبال تحت مسمى تحالف دعم الشرعية.
. شرعيتكم المتل جلابية (ام جكو) دي ..تدخل فيها من اي اتجاه.
. اي واحد يفسر (الشرعية) على كيفو.
. واي تفسير بكون متوافق مع جمال الوالي ببقى بستحق (الدعم) الاكبر.
. تحالف دعم الشرعية دا لو طلع في الهلال كنا قلنا ممكن – لأن المنطق بدعمو.
. يعني رئيس نادي الهلال المنتخب اشرف الكاردينال قدمت ضده مجموعة من (الطعونات).
. ولو في جسم طلع تحت مسمى (دعم الشرعية) في الهلال يبقى مقبولا.
. لكن (دعم الشرعية) في المريخ لي شنو؟.
. لا في زول طعن في جمال الوالي.
. لا في زول شكك في شرعية جمال.
. ولا حتى قالوا حاجة.
. بي صراحة كدا انتوا عاوزين (تسلبوا) ليكم حاجة تانية – خلونا من حكاية سلب الشرعية دي.
. دا فيلم قديم.
. جبت (الزبادي)؟.
. زبادي شنو يا زول؟.
. انت بتكتب ليك في عمود ما تلخبط.
. والله شرعيتكم دي تلخبط.
. احسن اطلع على كدا ورسل العمود.
. و…
. وانتهى.

انقر هنا لقراءة الخبر من مصدره.