سودارس :

ما حقيقة أسر العميد محمد منصور قائد اللواء 16 مشاة بالكرمك؟ رئيس الوزراء يصدر قرارًا بشأن الرسوم الجديدة في المعابر القنصل حازم مصطفى يجتمع بلاعبي سيد الأتيام بالمنتخب في جدة جان كلود يُسجّل هدفًا رائعًا ويقود بوروندي لانتصار ثمين أمام تشاد في تصفيات أمم إفريقيا بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر توضيح لجنة المنشآت بنادي المريخ : دورنا فني فى ملف المنشآت واللجنة القانونية تتولى اجراءات الاخلاء تقارير تكشف عن تحرّكات كبيرة للجيش السوداني محمد عبد الباسط يكتب: لهذا تحركت باكستان الآن للوساطة بين أمريكا وإيران مسؤول الطيران المدني يعلن جاهزية مطار الخرطوم لاستقبال الرحلات الإقليمية بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية شاهد بالفيديو.. التيكتوكر "تجاني كارتا" يزور الفنانة مروة الدولية في منزلها ويطالبها بالعدول عن قرار الاعتزال: (لن أتزوج ولن أكمل ديني لو ما غنيتي في عرسي) ترامب ينهى تقليدا عمره 165 عاما متعلقا بالدولار.. ما القصة؟ الكرمك: ليس حدثاً عابراً ماذا قال العميد طارق كجاب بعد إحالته المفاجئة للمعاش؟؟ السكوت على هذا الأمر لا يرضي الله ولا رسوله!! حتى لا نخسر ما كسبناه الأهلي يُعيد النظر في رواتب اللاعبين لإنهاء "فتنة أوضة اللبس" هدف واحد يفصل مبابى عن لقب الهداف التاريخى لمنتخب فرنسا اتفرج واتمتع.. جميع أهداف محمد صلاح ال50 في دوري أبطال أوروبا إيلون ماسك يطعن في حكم تغريمه 2.5 مليار دولار في قضية "تويتر" عمرو دياب يحيى حفلا غنائيا فى تركيا 2 أغسطس دراسة : النشاط البدني مفتاح الوقاية من السكري رغم زيادة الوزن شاهد بالفيديو.. سودانية تطلب الطلاق من زوجها على الهواء: (لو راجل كنت منعتني من الظهور في "تيك توك" واللواء ستاير أحسن منك ياريت لو أتزوجته بدلاً عنك) شاهد بالصورة والفيديو.. بعد انتشار ظاهرة "حق الملاح".. ناشطة سودانية تحصل على آلاف "الدولارات" هدية من زوجها ارتفاع أسعار الذهب في السودان أحمد العوضي : بشكر جمهوري إنه عمره ما خذلني وصاحب الفضل فى نجاحي شيماء سيف تنشر فيديو طريف مع زوجها محمد كارتر على إنستجرام لأول مرة.. حكم يحمل إنستغرام ويوتيوب المسؤولية عن إدمان وسائل التواصل دراسة تكشف ترابطا بين أمراض معدية وخطر الإصابة بالخرف 10 أطعمة يجب تناولها لعلاج نقص البوتاسيوم 10 ثوانٍ فقط للمستبدل .. فيفا يعلن تطبيق حزمة تعديلات تحكيمية في المونديال السودان ومصر يوقعان بروتوكول مشترك لمكافحة بعوضة الجامبيا الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كورة سودانية نشر في كورة سودانية يوم 19 - 12 - 2014

دق الدلجة
محمد عبد الماجد
بس كلامي انا الما عرفتوه
صحف المريخ احتفلت امس بشقلبة بكري المدينة في بورتسودان ..واعتبرت
(شقلبة) المدينة دليل على براءة بكري.
علاقة الشقلبة بالبراءة شنو؟.
يا ربي ناس الحكومة ديل غيروا (الفول السادة).
قالوا ليك (الفول السادة) ..بقى ملح ما بعملوا ليك فيه.
وفي ناس (الفول السادة) فولة ما بيدوك ليها معاه.
زي بتاع الغاز ..تلقاه قاعد قدام المحل في (عنقريب) هبابة ..تقول ليه : في غاز؟.
يقول ليك : ابدا ما في غاز.
عليكم الله (غاز ما في) دي عاوزة ليها (عنقريب).
وكمان (هبابة).
ما علينا.
نشوف موضوع بكري المدينة …والفرحة المتأخرة دي.
دائما انتوا بتجوا متأخرين.
بعد فوات الآوان.
انتوا (الشقلبة) دي عرفتوها يا دوب.
وقعت ليكم الآن.
انتوا كنتوا ما بتحضروا (فيزياء).
موضوع الشلقبة دا نحن اتجاوزنها زمان.
يا بكري تشقلب ..تمشي بي صفحة …تقيف على رأسك ..تتعلق في شجرة
…(نحن حقنا ما بنخليه).
ما تعمل لينا فيها (متشقلب).
وما داري بي حاجة.
الفيفا ما بتأخذ بالشقلبة دي.
عاوز يثبت لينا انو وقت وقع عقدا مع المريخ كان في وضع بتاع شقلبة.
ما عارف علاقة الشقلبة ببراءة بكري المدينة وصحت تسجيله في المريخ شنو؟.
في واحد بلعب في الحلة…قالوا ليه العمر؟.
قال ليهم : (49) سنة.
قالوا ليه : الامنية؟.
قال ليهم اللعب في المريخ.
قالوا ليه بعد (49) سنة تلعب شنو في المريخ؟.
قال ليهم هسع عصام الحضري دا ما بلعب في المريخ ..(الكلام دا قبل ما
الحضري يرجع).
نرجع للشقلبة.
الوضع في المريخ (مشقلب) شديد.
برهان قال ما بقعد ..وما بمسك المريخ ..وقال غارزيتو همشو ..في (برهان)
اكتر من كدا.
محسن سيد ..قال انا الكورة البطفشها عنكبة بمشي اجيبها ..لكن اكتر من
كدا والله ما بقدر.
بكرة ما تقولوا لي بلة جابر دا اخوك الصغير ..ولازم تمشي تجيب كورتو من الكشافات.
لكن امس اعلام المريخ كلو اعجب ليك ب (شقلبة) بكري المدينة.
قلت يا حليل (مرجيحة) العجب.
يا حليل السلطان عجبنا.
يا حليل سائقها صلاح.
والسلطان عبدالحميد.
الجماعة بقوا هسع بتغزلوا في (شقلبة) بكري المدينة.
اتراجعوا جنس تراجع.
بقوا على (الشقلبة).
جنس افلاس.
كلهم كتبوا ليك عن الشقلبة.
واعتبروا الشقلبة حجة قانونية.
اللهم إلّا اذا اراد اعلام المريخ ان يقول لنا ان الامور عند بكري
المدينة (مقلوبة) وهي اصلا (مشقلبة) كدا.
عشان كدا الصورة ما كانت واضحة.
المباراة كانت زي حملة التطعيم ضد شلل الاطفال ..ملخبطة جسن لخبطة.
الصورة ما واضحة.
ما شفنا فيها اي حاجة عديلة.
المحيرني ..والما قادر القى ليه تفسير الى الان نحن زمان الكان عاجبني
في (الشقلبة) دي شنو؟.
حقيقة الزول البعجبو الصاريه.
غايتو الهلالاب ديل برفعوا ليهم من قيمة اشياء ما بتستحق ..ولا بتستاهل.
تصوروا زمان نحن طلعنا بكري المدينة دا خطير.
وكنا فاكرنو زول صعب.
الزول اتضح لينا وظهر لينا على حقيقتو وقت مشى المريخ.
لمعلوميتكم لو محكمة الاتحاد الدولي قضت باحقية الهلال ببكري المدينة
وارجعته الى قواعده اعتبارا بعقده الاول..نحن ممكن نستأنف في محكمة عليا
في الفيفا عشان نرجع بكري المدينة للمريخ.
الزول دا ما بخارج معانا.
بعد ما تحكم (لوزان) بأحقية الهلال في بكري المدينة ممكن اي واحد يضرب
للاذاعة ويقول ليهم ممكن اهدي.
يقولوا ليه تهدي شنو يا ود الناس في البرد دا؟.
يقول ليهم اهدي اغنية – كلام الحب كلو قلتوه بس كلامي انا الما عرفتوه
(كلمات والحان) محمود فلاح واداء عبدالوهاب الصادق بمناسبة معاقبة الفيفا
لبكري المدينة والمريخ والاتحاد العام.
عبدالوهاب الصادق في التمانينات ظهر بفتوى جديدة في الحب …(كلام الحب
كلو قلتوه بس كلامي انا ما عرفتوه).
فهم والله.
اول شارع خليه.
تاني شارع خليه.
ثالث شارع خليه.
رابع شارع تعال لينا راجع.
الناس شالوا (دستور) عبدالوهاب الصادق دا ..ومشوا الحدايق ..اي واحد
(محب) بقى يقعد ليه في ضل شجرة ويقعد يقول في (كلام الحب كلو قلتوه بس
كلامي انا الما عرفتوه).
واي واحد يزعل.
او يختلف ليه مع زول عزيز عليه.
او يطرشق ..ويقعد يتحسس من الموضوع.
يقوم يقول ليك (كلام الحب كلو قلتوه بس كلامي انا الما عرفتوه).
الكلام بمثل نوع من انواع (الحقارة) العاطفية ..وبخلي اي واحد بحب يقعد
يقول… ليه؟..واشمعنا؟.
عبدالوهاب الصادق …ظهر في فترة كانت الدنيا كلها (جراح)..ثبت
عبدالوهاب ذلك ..ودعم الموقف بتاع (الجراح) دا.
شكية شديد.
ساحات الفداء العاطفية.
تفجيرات …ضرب ..شواكش.
كل اغنيات عبدالوهاب الصادق حالة من حالات الجراح المستمرة.
يثبت تلك الجراح ..صوت عبدالوهاب الصادق ..صوته كان يتجلي في الجراح دي
تقول (جراح) ..الكلام بقع ليك انت كمستمع زي (المشرط).
تشعر ان الجرح جرحك براك.
لمن تقول الناس ديل قاصدني.
عشان كدا عبدالوهاب الصادق وقت شاف الناس اتشبعوا بجراحه ..واستلموا
الموضوع ..قدم ليهم من كلمات حكمت يس اغنية (الجرح جرحي براي منو البداوي
معاي).
او الجرح جرحي براي منو البشيلو معاي.
الجماعة كلهم زاغوا.
ما قلتوا بتجرحوا معانا.
وقت بقت على الدواء ..اتخارجوا.
اي اغنية ترنم بها عبدالوهاب الصادق وقتها كانت تجسد حالة من حالات الوجع والحزن.
الشارع كلو (اتحزن) ليك في الحتة دي.
والحوامة في شوارع الله دي.
كمان في اعتراض على الحوامة في الشوارع.
قدم عبدالوهاب من كلمات محمود فلاح ايضا (آن حِمامي ناح حمامي ..عشان
ياحبيبي..ما حفظت زمامي)..الاغنية كانت تجسّر لحالة النوح.
لكن النوح بأدب.
الحمام دخل في ورطة.
الاغنية ممكن برضي نهديها لبكري المدينة …عشان ما يعملها لينا كلها (شقلبة).
الدنيا براها (مشقلبة) عاوز تشقلبها لينا اكتر من كدا.
نحن ناقصين.
جماعتك ناس المريخ ديل ..حاجاتهم (مشقلبة) طبيعي ..جيت انت كمان عشان
تشقلبها ليهم بصورة رسمية.
عبدالوهاب الصادق غني من كلمات محمود فلاح (حبيبي الحلوين اهلا جونا
وانا ما قايل حلوين زي ديل بزورني).
اتخيلوا (الفرحة) دي طالعة من وين؟.
طالعة من (مستشفى).
الشاعر راقد في مسشتفى الشعب دي ..سجلوا ليه زيارة ..نسى مرضو وقعد
يكتب في (حبايبي الحلوين اهلا زورني وانا ما قايل حلوين زي ديل بزورني).
اها عليكم الله بعد الكلام دا ..في داعي (الغفراء) بتاعين المسشتفيات
دي ..يتكاعبوا ليهم مع زول.
في داعي يرجعوا ليهم زول من (الزيارة).
انا ما عارف (الكعابة) دي قدام ابواب المستشفى بجيبوها من وين؟.
اقول ليك حاجة يا بكري ..اغنيات عبدالوهاب (ربنا يديه الصحة والعافية) ما بتمرقك.
ما تقعد تتشقلب لينا ساكت.
البلد براها مشلقبة.
غاز مافي.
هسع الدخل الغاز هنا شنو؟.
……….
و
واحد قالوا ليه تتوقع نتيجة مباراة قمة الاستقلال تنتهي كم؟.
قال ليهم 7 / صفر.
قالوا ليه لي منو؟.
قال ليهم يعني ح تكون للموردة!!.
مالكم انتوا عاوزين تحرجوا نفسكم؟.
و…
السيدة (ل)…ازمة الغاز ممكن تكون سبب وجيه جدا عشان نقعد نتكلم عن
مسلسل (نساء حائرات).
و..
وقرّض على كدا.

انقر هنا لقراءة الخبر من مصدره.