سودارس : الغاز فتشنا ليه في (غوغل) ما لقيناهو

مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم) شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي) شاهد بالفيديو.. والدة الفنان الراحل محمود عبد العزيز: الحوت تعرض لظلم فادح من هؤلاء وهذا ما فعلته عندما علمت بتعاطيه "السجائر" وهو طالب في الثانوي والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي بالصورة.. البرنس هيثم مصطفى وزيراً للرياضة في السودان اكتمال عقد الجهاز الفني للكمال قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر "آبل" تستعد لإطلاق أول آيفون قابل للطي شاهد بالفيديو.. نجمة السوشيال ميديا السودانية هبة الجندي تعود للظهور بعد غياب طويل بتقرير إخباري عن الأحداث السودانية وتطورها شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية "يغفر الله للجميع إلا باجيو!".. مأساة اللاعب الذي مات واقفا – فيديو النفط ينخفض 1% بعد تقرير ترامب إنهاء حرب إيران اختبار نسخة مدفوعة جديدة من "إنستغرام" عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* قرار لحكومة السودان بشأن معبر أدري عثمان ميرغني يكتب: فساد.. الفساد.. إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) (أماجوجو والنقطة 54) برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي كريم عبد العزيز وفريق مطلوب عائليا يبحثون عن دولة أوروبية للتصوير الخارجى أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة سارة بركة: أحمد العوضى مجتهد بشكل كبير وبيحب شغله جدا وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الغاز فتشنا ليه في (غوغل) ما لقيناهو

كورة سودانية نشر في كورة سودانية يوم 14 - 02 - 2015

محمد عبد الماجد
دق الدلجة
الغاز فتشنا ليه في (غوغل) ما لقيناهو
في زول من ناس الحلة ..يكون ما عندك معاه اي علاقة – علاقتك معاه من
بعيد لي بعيد.
انت بتشعر انو ما بعرفك.
وهو بشعر نفس الشيء.
يمكن انت تقول الزول دا فاكيها في نفسو.
وهو يقول نفس الشيء.
الاتنين غلطانين.
لكن الاتنين ما عندكم قصد.
الزول دا بدون مناسبة كدا – ممكن يتبرع ويجيك ويقوم يوصف ليك (محل) فيه غاز.
يخلص ليك في الوصف.
تنزل شمال.
تمشي طويل.
شفتوا الزول من يقول ليك امشي (طويل) عاوز يتعبك ساكت.
ابقى قنعان بس.
قدامك بتلقى ليك (مغلق) قافل الشارع.
شفت جوار المغلق دا فرن.
الفرن ما تشتغل بيه كتير…ما عندو عيش.
تخلي الفرن الما فيه رغيف دا في ضهرك وتمشي عديل..بتلاقيك (طرمبة).
طرمبة ما فيها بنزين ..لكن بتلقى فيها شباب قاعدين ..اسألهم من بيت ناس
عمر ..بيت فاضي زول ما فيه.
شفت بيت ناس عمر دا دق بابو.
يا زول انت موش قلت البيت دا ما فيه زول.
ايوا ما فيه زول ..لكن لمن تدق باب بيت ناس عمر الجيران بطلعوا بقولوا
ليك الناس ديل مافشين.
وقت يقولوا ليك كدا اسألهم من (محل غاز) قريب من هنا ..بوصفو ليك المحل.
طيب يا ود الناس بدل اللفة الطويلة دي ..ما احسن ادق باب الجيران طوالي
بدل ما ادق باب بيت ناس عمر المافشين ديل.
لا اوعك تدق بيت الجيران طوالي ..والله عندهم (كلب) ..يشوفك واقف في
بابكم إلّا يقطعك.
عشان كدا احسن تدق باب بيت ناس عمر المافشين.
شفتوا كيف؟.
نحن الحاجات بنخطط ليها.
بنهندسها.
انتوا قايلين الحاجات ماشه ساكت كدا.
بعدين وقت تدق باب الجيران طوالي ..تقول ليهم شنو؟.
ح تقول ليهم في (محل غاز) قريب هنا؟.
ح يقولوا ليك محل غاز في عينك ..داقي لينا الباب ساعة الغدا ..عشان
تسألنا من محل غاز.
لذلك ..وريثما نحن بنقول ليك دق باب ناس عمر المافشين.
لكن يا ود الناس ..انت وصفك دا كلو وصف بي حاجات مافي او مقفلة ..ناس
عمر مافشين ..تفتكر بعد (الاحباط) الطويل دا ممكن القى لي (غاز).
انت جرب.
الارضة جربت الحجر.
الجقور جربت كوبري المنشية.
والله اخير الارضة.
ما تزعل.
لو ما لقيت غاز على الاقل ..المحل الوصفتو ليك داك ..في (زريبة) فحم
جنبو ..جيب ليك (ملوة فحم) وتعال راجع.
والله محل غاز جنبو (زريبة) فحم ..ما اظن يكون عندو غاز.
تلقى بتاع الزريبة ..رزقو ماشه بي سبب محل الغاز دا.
الواحد كل ما يصل محل الغاز يشيل ليه (ربطة حطب) ويرجع بيها.
البشيل ليه (فحم).
البشيل ليه (حطب).
والبسأل من الاسعار ساكت ويرجع.
في ناس ما بيشتروا.
بس بيسألو.
الواحد في (عيد الحب) شايل ليه انبوبة غاز وبفتش ليه عن غاز.
علاقة الفلانتاين بي الغاز شنو؟.
الازمة حصلت مع الفلانتاين.
يمكن دا من الكضب الكتير.
عشان كدا حصلت (ازمة).
بتكضبوا انتوا.
الواحد يعدي ليك الجامعة كلها (خلط).
من كافتريا لي كافتريا.
ووقت الواحد يكون عاوز يحلل قرايتو بمشي يحضر ليه (ركن نقاش).
وبعدين وقت يتخرج من الجامعة ويبقى على العرس ..بمشي يسأل من بنات عمو.
شفتو الفهم.
الكضب دا عمل ازمة الغاز.
وخلي ليك كوبري المنشية يتصدع.
انا عرفت ليك سبب تدهور الكورة السودانية.
الكورة السودانية ادهورت بسبب كوبري المنشية.
يا زول والله كوبري المنشية ما عندو اي ذنب ..انتوا ساكت عاوزين
تعملوها في الكوبري.
طيب الكوبري خلوها.
ازمة الغاز دي عليكم ما ظهرت في الكورة.
ظهرت في كورة بلة جابر.
انا خايف هسع الهلال والمريخ والخرطوم الوطني لا قدر الله يطلعوا من
التمهيدي بسبب ازمة الغاز.
المواطن بقى يركب ليه ركشة من صباح الرحمان ويقعد يفتش في (الغاز).
غايتو المستفيدين الوحيدين من ازمة الغاز..بتاعين الركشات.
الزول يومو كلو بقى في (ركشة).
لمن تلقى ليك ابنوبة غاز ..تكون عملت معاك (350) الف جنيه.
يوم داك لقيت لي واحد ..ما خلي ليه محل.
يفتش للغاز من النباه الاول.
زولكم (الصيدليات) دخلها يسأل عن الغاز.
اخر حاجة زولكم نفسو كتم ..وقع في الواطة ..جرينا بيه على المستشفى.
الدكتور قال نفسو كاتم ..ركب ليه (انبوبة) اوكسجين.
زولكم قام ليك من الغيبوبة ..لقى ليك نفسو بشطف في (الاوكسجين) من
(الانبوبة) اتبسط ليك وقال ليهم معقولة الحالة اتأخرت كدا ..معقولة
(الغاز) بقى (دواء).
هسع ممكن الواحد يمشي للدكتور ..اي دكتور ويشكي ليه بي حالتو.
الدكتور ما بكضب طوالي بتكب ليك في الروشتة (انبوبة غاز).
عندنا في واحد السعودية.
(21) سنة في السعودية.
امو شايله همو.
امو كل يوم بتضرب ليه وبتقول ليه يا ولدي تعال راجع اتزوج..تعال يا
ولدي عرس قبل ما اموت.
كل مرة ولدها بيضرب ليها ..بقول ليها يا حاجة عاوزة شنو؟.
تقول ليه انا الدنيا دي ما عاوزة منها شيء غير اشوفك عريس.
(21) سنة صاحبكم في الحالة دي.
(21) سنة ..امو بتقول ليه ما عاوزة منك حاجة ..بس تعال عرس ..والله بنت
خالك بقت زي القمر.
والعرسان يتخابطوا ويقعوا فيها.
زولكم قاعد في السعودية ..في الحالة دي ..امو ضربت ليه؟.
قال ليها يا حاجة في شنو ان شاءالله خير ما عادتك تضربي لي في النباه
الاول …عاوزة شنو؟.
قالت ليه يا ولدي ما عاوزة لي منك حاجة غير ترسل لينا (انبوبة غاز).
قالوا ليك السعودية ذاتها فيها ازمة غاز.
واحد جاب نسبة كويسة في امتحانات الشهادة السودانية.
الحلة كلها اتكسرت تبارك ليهم.
والام والاب يوزعوا في البلح والحلاوة والحاجة الباردة.
البقول ليك ح يدخل طب جامعة الخرطوم.
والبقول ليك هو عاوز الصيدلة.
والبقول ليك ح يقرأ هندسة نفط.
والبقول كهربة.
والبقول ليك عاوز يسافر يقرأ في بريطانيا.
زولكم في الحالة دي جابوا ليه استمارة التقديم للجامعة.
عارفين كتب الرغبة الاولى شنو؟.
كتب الرغبة الاولى (انبوبة غاز).
المشكلة ما كان في الرغبة الاولى.
المشكلة كانت في الرغبة التانية.
تتخيلوا الرغبة التانية برضو كتبها (انبوبة غاز).
في ناس لمن يكون عندهم رغبة شديد على كلية معينة ما بقدموا غيرها.
يوم داك نحن قاعدين كدا.
قلبنا البلد دي فوق تحت ما لقينا لينا غاز.
واحد شافنا متحيرين كدا ..قال لينا كدا ادخلوا (غوغل) واعملوا بحث.
ادخلوا (غوغل) واكتبوا (غاز) شوفوا محرك البحث بجيب ليكم شنو؟.
دخلنا غوغل.
وكتبنا (غاز).
عارفين النتيجة طلعت لينا شنو؟.
غوغل كتب لينا (انتوا ما عندكم رأس).
طوالي عرفنا ليك الازمة عالمية.
قلنا يمكن النت تقيل.
تاني كتبنا في غوغل كلمة (غاز).
عارفين غوغل جاب لينا شنو؟.
جاب لينا (ربطة حطب).
قنعنا من الغاز.
غوغل جاب لينا (حطب)..الحكومة تجيب ليكم (غاز) من وين؟.
الشيء دا في غوغل ما في.
……….
و
ناس عزام عارفين قضية بكري.
لو ما عارفين ..قولوا ليهم الزول دا ما تمسكوه خلوه.
بيصل المرمي وبشوت في الكشافات.
ما تشيلو همو.
الفهم بكرة.
بكرة عاوزين نظام خاص كدا.
لا بنعرف كوبري المنشية ولا بنعرف ازمة غاز.
عاوزين نضربهم من اول خمس دقائق.
كمان نحن بنلعب.
و…
السيدة (ل)..في عيد الحب …(الحب في ذاتو مبرر كافي)…تفتكري بعد دا
كلو عاوزين لينا مبرر للقهوة.
و…
وقرّض على كدا.

انقر هنا لقراءة الخبر من مصدره.