سودارس : جوليام قونو في النجم بالميت كدا بدخلو (اغاني واغاني)

السودان ومصر يوقعان بروتوكول مشترك لمكافحة بعوضة الجامبيا حاكم النيل الازرق يصدر قرارا بتعديل ساعات حظر التجوال واستعمال المواتر شاهد بالصور.. السلطانة هدى عربي تخطف الأضواء بإطلالة مبهرة من حفلها الأخير بالرياض أمجد فريد الطيب يكتب: حياة تجلت في وضوح المبادئ: وداعا فينك هايسوم الخليج الضحية الكبرى: إيران وجهت 83% من هجماتها إليه… و17% فقط إلى إسرائيل عثمان ميرغني يكتب: حرب السودان ومخطط شد الأطراف منتخبنا يتدرب صباح الخميس بإستاد بورتسودان قائمة صقور الجديان لوديتي السعودية بعثة المنتخب تصل بورتسودان وسط إهتمام كبير 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية كواليس صادمة... كيف تعطلت صفقة تسليح الجيش السوداني في اللحظات الأخيرة؟ هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب 11 دقيقة إضافية من النوم ليلا تساعد فى الوقاية من النوبات القلبية يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

جوليام قونو في النجم بالميت كدا بدخلو (اغاني واغاني)

كورة سودانية نشر في كورة سودانية يوم 06 - 06 - 2015

دق الدلجة
محمد عبد الماجد
جوليام قونو في النجم بالميت كدا بدخلو (اغاني واغاني)
بعد (جوليام) جاب قون في النجم التونسي من الدقيقة السادسة…المريخاب
قنعوا من (تراوري).
قنعوا ظاهر وباطن.
بلا مؤتمر صحفي – بلا (حركات) معاكم.
محترف جاب قون في اول (6) دقائق من عمرو في الهلال (قولوا ما
شاءالله)..وانتوا هنا تعملوا لي في المؤتمرات الصحفية.
تراوري دا بلعب في المريخ وإلّا ماسك (مشروع الجزيرة).
هو عليكم الله نحن بلا (المؤتمرات الصحفية) العملها فينا شنو؟.
البلد كلها (مؤتمرات صحفية).
يجي الخريف يعملوا ليهم مؤتمر صحفي.
قبل الخريف يعملوا ليهم مؤتمر صحفي.
يفوت الخريف يعملوا ليهم مؤتمر صحفي.
والخريف وقت يجي ويفوت (كرسي) ما بخلي ليهم.
حيطة ما بسيبها.
شباك ما برحمو.
من قلتها – المؤتمرات الصحفية عشان تراوري يعمل ليه مؤتمر صحفي.
البلد ناقصة مؤتمرات.
والله انا من تراوري عمل ليه مؤتمر صحفي – عرفت ليك الموضوع كبير.
طوالي قنعت ليك منو.
اي حاجة يعملوا ليها (مؤتمر صحفي) – اقنعوا منها.
الملاريا دي كنا بنعالجها بالعرديب زي الحلاوة.
ما عندنا معاها اي مشكلة.
من بدأوا يعملوا ليها (مؤتمرات صحفية) الملاريا انتشرت في البلد.
الايدز – كنا ما بنعرفو.
اول ما عملوا ليه (مؤتمر صحفي)…قدموا لينا ارقام خرافية في الحالات
المصابة بالايدز.
مشروع الجزيرة كان بقدم للسودان القطن.
والقمح.
والخضروات.
هسع المشروع بقى ما فيه غير (المؤتمرات الصحفية).
عشان كدا من قالوا لي تراوري عمل ليه (مؤتمر صحفي) – قلت ليهم خلاص اقنعوا منو.
تاني ما فيه رجا.
تراوري بدون مؤتمر صحفي ما فيه فائدة.
راجيين ليكم منو فائدة بعد (المؤتمر الصحفي).
انتوا الطيبة كاتلاكم.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس انتوا بتبالغوا وبتعملوها ظاهرة.
تراوري عاوز يلعب كورة وإلّا عاوز يقدم (صحة وعافية) يا عمر محمود خالد؟.
لاعب هو وإلّا جراح؟.
مؤتمر ما عملو نزار حامد الصاقعة ..يعملو تراوري.
تراوري قالوا هسع قنع من الكورة – وعمل ليه (ركشة) في (باماكو) شغال في
خط لجريف غرب بتاعة باماكو.
طبعا ح تخلوا اي حاجة.
ح تفكوا اي معلومة صحيحة في العمود دا – وح تقولوا اول باماكو فيها (الجريف غرب).
ح تمسكوا لي في دي.
خلاص خلوا اي حاجة وامسكوا في موضوع (الجريف غرب) دي.
جوليام من اول 6 دقائق جاب قونو.
بكري المدينة بلعب دورة كاملة في الدوري الممتاز ..القون الوحيد الجابو
نقضوه ليه.
ما حسبوه.
جوليام في (6) دقائق جاب قونو بالكعب.
بالقلبة.
يعني لو استعدل ..واتعدل ليكم ..سوبرهاتريك ما بفككم منو.
ما بحلكم.
بالكعب في النجم التونسي.
في ناس بلة جابر وضفر – تفتكروا ح يعمل شنو؟.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس الكلام البكتب ليكم فيه دا – ما عندو اي علاقة بي شهر رمضان.
ما تقعدوا تتجرسوا لي هنا.
انا رمضان ما جبت سيرتو.
ما تقعدوا تختلقوا ليكم موضوع من رأسكم.
بي مناسبة شهر رمضان.
الايامات دي ما في سيرة غير (اغاني واغاني).
الموضوع كلو (اغاني واغاني).
اي جريدة تفتحها تلقى فيها (اغاني واغاني).
خلافات ناس (اغاني واغاني) ..وانضمام افراح وريماز وصباح للبرنامج.
وتورتة الطاهر حسن التوم.
الطاهر حسن التوم لقى (حتى تمكتمل الصورة) ما جايب حقو – قال احسن ينضم
ل (اغاني واغاني).
شال الرق.
شال ليه طبلة.
قام عمل شنو؟.
بقي يجيب في (التورتة).
ويأخد في (الصور).
يا الطاهر حسن التوم …(اغاني واغاني) ما فيه (صور).
عاوز تعملها لينا كلها (صور) – امشي (صورك) دي اعملها في (حتى تكتمل الصورة).
اغاني واغاني فيه افراح عصام صحيح.
فيه ريماز ميرغني صحيح.
فيه صباح عبدالله صحيح.
لكن ما فيه (صور).
شنو عملتها لينا كلها صور ..وتورتة ..واحتفالات بالموسم العاشر للبرنامج.
بعدين البرنامج ما قدم (جديد).
البرنامج ما اكتشف حاجة مختلفة.
البرنامج بدور حول اغنيات الغير ..اغاني الحقيبة والاغاني الحديثة فترة
عثمان حسين ابراهيم عوض وعبدالعزيز محمد داؤود.
ما في اي اضافة.
كلو تقليد ..وترديد لاغاني الكبار.
التكريم والاحتفالات يفترض ان تكون للبراميج او المؤسسات التى بتحدث
اضافات للناس والوطن.
يعني ممكن يكرموا عمر الجزلي في (اسماء في حياتنا).
ممكن تكرموا عمر محمود خالد في (صحة وعافية).
تكرموا القامة عوض بابكر في (حقيبة الفن).
ناس (اغاني واغاني) يكرموهم في شنو؟.
عشر سنوات بتغنوا في اغنيات الغير ..يكرموكم.
عشر سنوات بترددوا في اغاني الكبار ..يكرموكم على شنو؟.
طبعا بحاولوا يجمّلوا الحكاية ..ويقولوا بنعيد في التاريخ وبنقيف في
قامات كبيرة ..وبنقدم الفن الجميل.
انتوا فنكم وينو؟.
جديدكم وين يا عاصم البنا؟.
غايتو ما شايفين لينا جديد في البرنامج …عاصم البنا قدم في المواسم
العشرة للبرنامج اغنية (غني القمري على الغصون) سبع مرات.
وتتكلموا لي عن (تكريم البرنامج).
الكلام دا اصلو ما في ليه داعي.
انتوا ساكت عاوزين ليكم (تورتة).
عاوزين ليكم موضوع.
وكلام جرايد.
وصور.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس عاوزين ليكم (جوقة) تغشوا بيها الشركات الراعية.
هسع عليكم الله قون (جوليام) في النجم التونسي ما بدخلوا في (اغاني واغاني).
قون جوليام دا ..ما بقعدوا وسط عاصم البنا وعصام محمد نور وحسين الصادق
وطه سليمان.
على الاقل قون جوليام ممكن يلطلف الاجواء شوية.
يصلح الامور.
بدل المشاكل البتعملوا فيها حول (الاغنيات).
لو ما (التورتة) التى جابوها عشان يغطوا على (مشاكل) البرنامج كانت
البرنامج جاب ليه (دم).
كان حصل ضرب عديل كدا.
والدم اصبح للركب.
قال شنو؟.
قال جايبين ليهم تورتة.
انتوا قايلين نفسكم طلبة في الجامعة.
تاكلوا في (التورتة) وتغنوا في اغاني (الحقيبة).
ما في علاقة بين التورتة والحقيبة.
يا ابقوا لينا ناس تورتة.
يا ناس حقيبة.
بدل ما تغشوا الناس ساكت.
جوليام لو قعد مع السر أحمد قدور ..بجهجه ليك ناس طه سليمان.
هو طه سليمان فاضي لي من المشاكل مع الموسيقيين.
لو جوليام حفظ (شجن) عثمان حسين ..ما بتنافسوا معاه يا حسين الصادق.
لو دخل ليكم بي (ارحم يا سميري) بتفهموا حاجة.
قون جوليام ..احسن من البتعملوا فيه دا.
على الاقل جوليام ممكن يشكل اضافة للبرنامج.
وممكن يعمل حاجة جديدة.
بدل (الشكلات) البتعملوا فيها دي.
اتخيلوا السر أحمد قدور ..يقول يلا يا جوليام سمعنا حاجة لي حميد ابوعشر.
يقوم جوليام يخش ليك في (غضبك جميل زي بسمتك).
اغنية بالبرنامج كلو.
يقوم السر قدور يضحك.
يطلعوا فاصل.
ويرجعوا تاني لي جوليام.
جوليام بستحق يدخل (اغاني واغاني).
نحن ناسكم ديل حفظناهم.
عرفناهم.
ما عندهم اي جديد.
والتورتة ما بتزيل بلم.
ما تقعدوا تشرعوا لينا ساكت.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس يا الطاهر حسن التوم الشافك في (صحة وعافية) بعد كدا ما كضب.
طول ما دخلت (اغاني واغاني) بنشوفك في (صحة وعافية).
وابقوا معانا ..ح نشوف موضوع (اغاني واغاني) دا ماشي على وين؟.
ح نكون معاكم – اول بي اول.
…………….
و
ايمن سعيد ..يسافر ويرجع على كيفو.
تقول رئيس البعثة.
تراوري لو فكر ..يقول ليهم انا ذاتي عندي (برجم).
البرجم بحلك ..احسن من (المؤتمر الصحفي).
كمان نحن ما بتعرف.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس الامين ود الجوكم الاسد ود النتر عشا البايتات…قال رمضان السنة
دي ان شاءالله يكون (29) يوم بس.
…..
السيدة (ل) – الاشواق ما عاوزة ليها اعلان نص صفحة.
وقرّض على كدا.

انقر هنا لقراءة الخبر من مصدره.