سودارس : الناس الرائعين ما بتلاقيهم مرتين

البرهان يتفقد مستشفى الرباط ويوجّه بتطوير الخدمات الطبية الشرطية (أماجوجو والنقطة 54) الأهلي يخسر من ساردية بدوري شندي مجلس الهلال يترقب قرار الانضباط ويعلن الاستعداد للتصعيد.. والكاف في مأزق كبير حاكم إقليم دارفور يجتمع مع المديرة العامة بالإنابة لمكتب تنسيق الشؤون الإنسانية بجنيف (OCHA) شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي من إيطاليا إلى بولندا.. سرقة 413 ألف قطعة شوكولاتة.. ما القصة؟ ترامب: إيران منحتنا 20 ناقلة نفط والشحن يبدأ غدًا بوتين: روسيا مستعدة لاستضافة الألعاب الأولمبية في المستقبل شاهد بالفيديو.. طبيب بمستشفى نيالا يشكو من انتهاكات أفراد الدعم السريع ويحكي قصة نجاته من القتل بعدما رفع أحدهم السلاح في وجهه شاهد بالصورة والفيديو.. الراقصة الحسناء "هاجر" تشعل حفل طمبور بفاصل من الرقص الاستعراضي والجمهور يتفاعل معها بطريقة هستيرية الهلال السوداني يفجر أزمة منشطات ضد نهضة بركان في دوري أبطال إفريقيا أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" برشلونة يتلقى دفعة معنوية قبل مواجهة أتلتيكو مدريد كريم عبد العزيز وفريق مطلوب عائليا يبحثون عن دولة أوروبية للتصوير الخارجى أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري مجهولين ينبشون قبر رجل دين بولاية الجزيرة وينقلون جثمانه إلى جهة غير معلومة السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم شاهد بالصورة والفيديو.. بعد إيمي سمير غانم.. "كورال" مصري يغني أغنية الفنانة السودانية توتة عذاب "الترند" وشاعر الأغنية يعبر عن إعجابه شاهد بالفيديو.. حمزة عوض الله يهاجم الشاعرة داليا الياس بسبب تبادل السلام بالأحضان مع المطرب شريف الفحيل ويصف المدافعين عنها بأصحاب الفكر الديوثي قوى سياسية في السودان تعلن عن مقاطعة مؤتمر في برلين عثمان ميرغني يكتب: حلفا .. والشمالية.. شاهد بالفيديو.. في ظهور مثير.. رجل يمسك بيد الفنانة هدى عربي كأنه عريسها ويدخل بها لقاعة الفرح والشائعات تلاحق السلطانة هل هو زوجها؟ دار الأوبرا تحتفى بذكرى رحيل عبد الحليم حافظ بحفلين اليوم وغداً مصر.. الدولار يقترب من 54 جنيها لأول مرة نتفليكس تزيل الستار عن أول صورة لشخصية جو كينيدى الأب فى مسلسلها الجديد سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة السودان.. الدفاع المدني يستعين ب"التوك توك" د.مزمل أبو القاسم يكتب: دموع الباز.. وزاهر! (2) طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الناس الرائعين ما بتلاقيهم مرتين

كورة سودانية نشر في كورة سودانية يوم 03 - 06 - 2015

دق الدلجة
محمد عبد الماجد
الناس الرائعين ما بتلاقيهم مرتين
في ازمة (مرات).
المرة حقتنا دي.
بقى فيها ازمة.
موش الزول بقول مرة لاقيت لي زول – ومرة سافرت برة – ومرة كدا كنت ماشي في الشارع.
دي (المرة) القاصدها ليكم انا.
الموضوع عاوز شرح.
عاوز ليه (مداخل).
يضبحوا (الخروف).
تقعد تنتظر (المرارة).
تجيب الموية.
والصينية.
والصابونة.
والجردل.
وشاحن موبايل …(دي جديدة).
الجزار قبل يضبح يقول ليك عليك الله خت لي التلفون دا في الشاحن.
ويستمر في الطلبات.
الشاي.
الموية.
القهوة.
الموية.
الشاي.
واخر حاجة كدا يقول ليك عاوز لي حاجة اكسر فيها.
طبعا اكتر حاجة فيها ثقالة في الدنيا دي تجيب ليك (جزار)…يقعد (يساسق) ليك في الخروف ساعة ونص.
يشرب ليه (120) كباية شاي.
اخر حاجة يقول ليك : (عندكم حاجة نكسر فيها).
تقول جايبنكم (كابتن طيران).
ثقافة مافي.
جزارين الزمن دا ما عندهم ثقافة.
لا ثقافة ولا حاجة يكسروا فيها.
روحك تنسل.
وقت (المرارة) تطلع – تكون شبعت (شوف) ساكت.
شبعت شوف ومراسيل.
ونفسك مرقت من (اللحمة).
هي عليكم الله وينها اللحمة؟.
خرفان الزمن دي لحمتهم (موية فول – موية فول).
زمان كانوا بقولوا ليك والله فول – لحمة ضان بس.
هسع لحمة الضان ذاتها بقت (موية فول).
الجماعة ديل عندهم علاقة بالموضوع دا.
الله اعلم.
ما بكون عندهم علاقة.
لو عندهم علاقة (موية الفول) ذاتها ما بنلم فيها.
موية الفول مالها؟…طلاب الجامعات ديل كلهم اتخرجوا بي (موية الفول).
اصلو (موية الفول) دا ما قصرت معانا.
لدرجة نحن زمان من الفرحة في حفلات التخرج بنقول نعمل نغيير شوية من (البوش) الى (الفول).
من موية الفول الى فول عديل كدا.
اذن ما في علاقة.
في موضوع (الموية) دي عاوز اقول ليكم حاجة.
بس ما تقعدوا تتحرجوا لي.
الناس ديل دخلوا (الموية) في فاتورة الكهربة.
ما قلنا حاجة.
برضو (عولمة).
دي ثقافة جديدة.
بقولوا ليك الفرق بين جوز الحمام (الانجليزي) وجوز الحمام (السوداني)…جواز الحمام الانجليزي فيه (فردة) زيادة.
وجوز الحمام السوداني – الزمن دا (فردة) بقى ما فيه.
كلام جرايد ساكت.
عشان اثبت ليكم النظرية.
مشيت على جماعة عندهم (برج حمام) في البيت.
قلت ليهم عاوز لي (جوز حمام).
ست البيت قالت لي جوز الحمام ب (15) جنيه.
دفعت ال (15) جنيه ..وطلعت على كدا.
ريشة ما شلتها من (الجوز).
طلعت ساكت.
انا بتوقع موية الفول يدخلوها برضو في فاتورة الكهرباء.
وموية الجبنة برضو بلحقوها ليك (الفاتورة).
يعني وقت تمشي تجيب ليك كهربة ..بقولوا ليك اول حاجة تدفع موية البيت.
تدفع الرسوم.
يقولوا ليك تدفع موية الفول.
تدفع الرسوم.
يقولوا ليك تدفع موية الجبنة.
تدفعها.
قبل ما تتحرك من الشباك – بقولوا ليك عيونك فيها (موية سوداء) تدفع رسوم الموية السوداء.
تدفعها.
ح تعمل شنو؟.
ما عندك طريقة تانية.
وحل ما في.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس الواحد يوم لو جاب ليه (لوح تلج) وبلعو – في السخانة دي اصلو ما غلطان.
غلطان بتاع الدكان.
قدر ما تمشي ليه – يقول ليك جبنا لينا (طحنية) مبالغة.
طحنية خطيرة شديد.
عشان تشتري منو.
ما عارف ليه اصحاب الدكاكين بروجوا لي (طحنيتهم) بالطريقة دي.
مرات.
مرات شنو تاني؟.
مالك؟.
عاوز تقول شنو؟.
تلف وتدور كدا ..زي الزول المنعو يدخل المستشفى – قالوا ليه الزيارة الساعة اربعة.
بس دي الفالحين لي فيها.
دي البتعرفو ليها.
الزول (الرائع) ..وظريف ..بتلقاهو مرة واحدة.
كتيرين بتلقاهم في حياتك مرة واحدة.
في محطة.
او في قطر.
او في مناسبة.
او في موقف.
تفتتحوا مشاريع ظريفة كدا.
وتقعدوا تحكوا عن الحياة.
وتكون في كيمياء بتاعة تعارف كدا.
وتشعر بي ان الدينا دي بي خير.
ولسه فيها ناس كويسين.
وناس بساعدوا الناس.
وبقدموا السبت وما عاوزين الاحد.
ديل ناس بتلاقيهم في الحياة.
لكن بتلاقيهم مرة واحدة بس.
بختفوا تاني يوم.
بمشوا وين ما عارف؟.
زي كأنو الزول الرائع بصرفوه في العمر مرة واحدة.
يختفى.
ويطلع من حياتك.
ويبقى ما في اي حاجة بتلمكم تاني.
زي كأنك كنت حلمان.
او كنت بتحضر ليك في فيلم (ابيض واسود).
الناس الرائعين ..ما بتكرروا.
الناس الرائعين ..ما بقعدوا.
ولا بتلاقيهم تاني.
لكن الزول الثقيل ودمو تقيل …وجنو اسئلة تلاقيه في اليوم عشر مرات.
محل ما تمشي تلقاهو قدامك.
تمشي المستشفى تلقاهو قدامك.
تمشي الفرن ..تلقاه طالع من الشباك وبقرّض ليه في رغيفة.
تمشي على كشك الباسطة ..تلقى بغسل في ايدو.
زول يصرفوا ليك تسعين مرة في اليوم.
كبسور بس.
من الصباح يلاقيك.
لو عندك فكرة كويسة.
او امل في الحياة ..بطيّر ليك افكارك.
في ناس كدا.
كتّار ..وفي اي حتة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس لو السخانة استمرت بالطريقة دي لوح التلج في رمضان ح يبقى ب (140) جنيه.
ليه؟.
لوح تلج وإلّا (سلفية) نص الشهر؟.
قالوا ليك (تراوري) تاني قام يعمل في حركاته.
كيف يعني؟.
اول حاجة قال ليهم قاعد اتمرن براي.
تاني حاجة قال ليهم عندنا مناسبة في البيت ..وانا اكبر زول في بيتنا.
انا الزول المسؤول.
تالت حاجة قفل التلفون.
وفقدوا الاتصال به.
حركات تراوري دي نحن عارفنها.
نحن حافظنها.
وممكن نسمعها ليكم قبل اي معسكر.
لكن ما مشكلة.
خلوه يرجع.
واعملوا ليه (مؤتمر صحفي).
عشان يعتذر لي غارزيتو.
ويعتذر للجماهير.
ونبدأ صفحة جديدة.
اصلو ما في مشكلة.
تراوري خلوه.
علاءالدين يوسف مالو؟.
جابوا ليه المنتخب – قال عندو ظروف.
المريخ – قال ما بقدر يسافر في الوقت الحالي.
يا علاءالدين انت يعملوا ليك اكتر من كدا شنو؟.
قلت عاوز المعز محجوب ..جابوا ليك المعز محجوب.
قلت عاوز بكري المدينة.
جابوا ليك بكري المدينة.
قلت عاوز عمر بخيت.
جابوا ليك عمر بخيت.
بعد كدا إلّا يودوك (الاهلي شندي).
خلاص ..الجماعة ديل ما خلوا ليك شيء.
الباشا ذاتو قالوا ما سافر.
الباشا قنع.
باقى ليه خمسة شهور ويتخارج يشوف مستقبلو.
علاءالدين يوسف مالو؟.
………….
و
الهلال والنجم.
اضربوا النجم.
لكن الانتصار بقوم يخلنا نفرح شديد.
ونقعد نحلم.
نحن عاوزين الحاجات تمشي بالتدريج.
ما عاوزين كلام كتير.
عاوزين الاعداد يستمر في خفوت.
وما تقولوا حاجة.
نشوف ناس وليد الشعلة الليلة.
بعملوا كتير.
ناس المريخ سافروا وإلّا لسه.
المريخ ح يعسكر في تونس اسبوع.
ماشيين لي شنو؟.
ولا في داعي للتعب دا.
ما كان تجوا.
تلفون ساكت كفاية.
ليه متعبين نفسكم كدا.
موش مرات وقت تمشي مناسبة بقولوا ليك الكلام دا.
ما كان تجي.
ما تمشي – يشيلوا حالك.
ما بخلوا ليك شيء.
هسع ناس المريخ ديل ما في داعي يسافروا.
كفاية تلفون.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
بس ليلى بنت حمدان قالت تلاجتها بقت تجيب ليه صوت.
قلنا ليها وقت جابت ليها (صوت) سجلوا ليها في (اغاني واغاني).
اصلو اي زول عندو (صوت) في البلد دي عمل فيها فنان.
وظهر تاني يوم في (اغاني واغاني).
……….
السيدة (ل) – وردي قبل اكثر من نصف قرن غني (بعد ايه)..ما بلقى لي زول يترجم ليك الاغنية دي بالهندي.
وقرّض على كدا.

انقر هنا لقراءة الخبر من مصدره.