شاهد بالفيديو.. جمهور ولاعبو أم مغد الكاملين يحملون مدرب الفريق على الأعناق احتفالاً بالتأهل لدوري النخبة: (جندي معانا ما همانا)    شاهد.. مقطع فيديو نادر للحرس الشخصي لقائد الدعم السريع وزوج الحسناء أمول المنير يظهر فيه وهو يتجول بحذر قبل ساعات من اغتياله    بالصورة.. أمر قبض في مواجهة الشيخ محمد مصطفى عبد القادر.. ما هي الأسباب!!    ارتفاع وارد الذرة واستقرار أسعار السمسم في بورصة محاصيل القضارف    اللواء الركن (م) أسامة محمد أحمد عبد السلام يكتب: البغلة في إبريق (شيخ اللمين)    رويترز: صور أقمار صناعية تكشف عن معسكرٍ خطير تبنيه إثيوبيا لتدريب ميليشيا الدعم السريع    الدولار يواصل التراجع أمام الجنيه فى منتصف تعاملات اليوم    دراسة: السمنة وراء واحد من كل عشر وفيات بالعدوى على مستوى العالم    دعوى ضد ميتا ويوتيوب بشأن إدمان الأطفال للتطبيقات    آبل تستعد لأكبر تغيير فى تصميم آيفون منذ سنوات مع iPhone 18 Pro    تعادل الهلال والإتحاد يؤكد تأهل الرابطة لدورى النخبة ويشعل المنافسة على البطاقتين الأولى والثانية    الأهلي شندي يُسمّي جهازه الفني الجديد بقيادة علم الدين موسى وإسلام الفاضل    أسباب ارتعاش العين وطرق العلاج    سفير السودان بالنمسا يدعو الاتحاد الأوروبي لممارسة الضغط على مليشيا الدعم السريع المتمردة وداعميها    مدير السكة الحديد: استئناف رحلات قطار عطبرة – الخرطوم خطوة في مسار التعافي الاقتصادي    رئيس شركة نتفليكس يكشف عن تدخل ترامب فى الصفقة الجديدة.. اعرف التفاصيل    درة تكشف عن دورها فى مسلسل "على كلاى".. شخصية مركبة ومعقدة    مني أبو زيد يكتب: القبيلة والقبائلية في السودان بعد حرب الخامس عشر من أبريل    مسؤول سوداني يغادر إلى تركيا    الأهلي شندي يشكر المدرب النضر الهادي    وزير الطاقة يوجه بالعمل على زيادة التوليد الكهربائي    السودان.. وزير الشباب والرياضة يصدر قرارًا    وزير المعادن: السودان ينتقل من تعدين الذهب إلى عصر المعادن الاستراتيجية والطاقة النظيفة    بدر للطيران تدشن رسميا خط بورتسودان دنقلا    دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات    ارتفاع في وارد المحاصيل الزراعية بسوق القضارف    عثمان ميرغني يكتب: كبري الحلفايا...    بإطلالة نارية وقرد صغير.. رامز جلال يلمح لمقالبه في رمضان    وزير الشباب والرياضة يلتقي وكيل جامعة الدلنج ويبحث أوضاع كلية التربية الرياضية    علامة تحذيرية لمرض باركنسون قد تظهر فى الأنف قبل سنوات من التشخيص    شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة    شاهد بالفيديو.. قائد ميداني من أبناء "المسيرية" يعلن انشقاقه من الدعم السريع ويقسم على المصحف بسحب كل أبناء القبيلة من المليشيا    مدير عام قوات الجمارك: لن نتهاون في حماية الوطن من سموم المخدرات والسلاح    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز    الجمارك في السودان تحسم جدل رسوم بشأن الأثاثات والأجهزة الكهربائية للعائدين    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الضحية بكري المدينة
كورة سودانية نشر في كورة سودانية يوم 23 - 09 - 2015


دق الدلجة
محمد عبد الماجد
الضحية بكري المدينة
نحن بنتمها (بركة).
مفتحين لمن غلط.
وعارفين اي حاجة.
بلايلي كان بلعب امام المريخ بي (منشاطاته) – المريخاب ما جايبين خبر.
معتبرين الحالة واحدة.
يتفاصحوا لي في الجرايد.
فالحين لي بس لي تونغ طونق.
يوسف بلايلي يلعب بي منشطاته قدامكم ما قدرتوا تقولوا شيء.
اول ما (بلايلي) جاء ليلعب امام الهلال – وقعد يصرح لينا في الجرايد
ويتحدي لينا في الهلال الحقيقة ظهرت.
الكاف اوقفه ليك سنتين.
ولا بنلعب في المواضيع الزي دي.
الكاف اوقف امس ايضا المدافع ايوب عبداللاوي بعد المهاجم يوسف
بلالي…الناس ديل لو استمروا بالطريقة دي يا رمضان أحمد السيد إلّا
يلعبوا امام الهلال بطباخ الفريق.
الكاف كلو يوم بوقف ليهم لاعب.
بركاتكم يا ناس الهلال.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
هسع يا بكري المدينة – انت قالوا مرشح حسب كلام صحيفة (الزاوية) انك
تكون افضل لاعب في البطولة الافريقية.
اعمل حسابك.
شفت اللاعب من يقولوا ليك دا افضل لاعب في البطولة – الكلام بكتر عليه.
والهوا بظهر.
براكم بتجيبوا لي نفسكم (الهوا).
بالمناسبة المريخاب بتعاملوا مع (بكري المدينة) تعامل غير جيد.
الجماعة ديل عاوزين (يضحوا) بي بكري المدينة.
الضحية بكري المدينة.
بكري المدينة شارك امام الاتحاد في مباراة غير مهمة للمريخ وهو (مصاب)
لتتضاعف اصابته.
والآن يبدو ان المريخ بنفس الطريقة سوف يشرك بكري المدينة امام مازيمبي
وهو لم يكتمل علاجه بعد.
يعني عاوزين يضحوا بي بكري المدينة عديل كدا.
ضبحوه عديل كدا – وبكري المدينة ما جايب خبر.
شايلهو الهاشمية.
يا بكري اعمل حسابك ..انت زول كنت بتلعب في (الهلال)..وما بنقبل ليك
تنهي مستقبلك بالصورة دي.
الناس ديل ما يشحنوك (مسكنات) ساكت ..ويجيبوك تلعب امام مازيمبي لتكون
انت (الضحية) الاولى في المباراة.
ناس مازيمبي ديل الزول الكويس والما عندو اي مشكلة لو لعب امامهم بنتهوا منو.
ما بالك بي لاعب مصاب – على الاقل عائد من اصابة – وهو لم يكمل مرحلة
التأهيل بعد…ولياقته لم تصل مرحلة تسمح له بالمشاركة امام مازيمبي.
اعمل حسابك (المرارة) حقت الخروف قالوا ليك في نتائج الفحص ممكن تظهر (منشطات).
ما تقولوا في (اللحمة) يا بكري.
الاتحاد العام شبكنا ليك طلب فحص – طلب فحص لكل قرارات لجنة
الاستئنافات الى ان (الفحص) اثبت تناول يوسف بلايلي للمنشطات.
شفتوا الهلال سرو باتع كيف؟.
عشان تعملوا حسباكم.
الفحص يعملوا في الخرطوم – نتيجته تظهر في الجزائر.
في احسن من كدا.
وانت يا بكري المدينة ما جايب خبر.
يسفروا فيك للامارات – ويرجعو.
يا زول شوف مستقبلك ..الناس ديل بتعاملوا معاك على اساس انك (سلعة)
دفعوا فيها (مليارات) وعاوزين يخلصوا حقهم.
نظرتهم كدا لي بكري المدينة.
ما مهم عندهم مستقبل اللاعب.
المهم عندهم ان يتجاوزوا هذه المرحلة – حتى لو كانت على حساب صحتك او
حساب مستقبلك.
ناس مازيمبي ديل زي (الحصين).
لو لعبت معاهم بي حالتك دي …يبقى الشافك السنة القادمة بتلعب في دوري
الدرجة التانية ام درمان ما كضب.
تاريخ المريخ مع (الاصابات) – تاريخ معروف ومعلوم للجميع.
من زمن عبده الشيخ ..القصة معروفة …فقد قام المريخ بشطب (عبده الشيخ)
لأنه مصاب فجاء اللاعب وتألق مع الهلال وقدم افضل مواسمه مع الهلال.
وكان المريخ قد ابدأ عدم رغبة في اعادة قيد حمودة بشير عندما قالوا ان
اللاعب مصاب.
فجاء حمودة بشير ليقدم احلى مواسمه مع الهلال.
بعد ذلك ..كان الاستغناء عن نصرالدين الشغيل لأنه (مصاب) وقد تم
الاستغناء عن الشغيل اكثر من مرة بسبب الاصابة.
الهلال قيّد الشغيل وهو (مصابا) وتم ارساله الى الامارات الى ان اكمل
الشغيل علاجه في الامارات وعاد ليقدم الآن المتعة كلها مع الهلال.
بكري المدينة قد يفقد مستقبله الكروي كله اذا شارك بعد الحقن بالمسكنات
..والمريخ بعد ذلك لن يستحمل بكري المدينة.
الهلال لا يتعامل بهذه الصورة…بقى مجاهد أحمد محمد في كشف الهلال
مصابا اكثر من (6) شهور الى ان اكتمل علاجه وقدم مواسم جيدة بعد ذلك مع
الهلال.
وظل حمد كمال في كشف الهلال مصابا لمدة موسم كامل – ثم انهى مسيرته
الرياضية بعد ذلك.
ويتعامل الهلال الآن بكل انسانية مع عدد من اللاعبين المصابين ..حيث
ابتعد عبداللطيف بويا اكثر من نصف موسم وكذلك محمد عبدالرحمن.
وعادوا الآن (تدرجيبا) بعد اكتمال مراحل الشفاء.
المريخ يمكن ان يشرك اللاعب وهو مصابا كما فعل مع بكري المدينة في
مباراة ليست ذات اهمية.
ويمكن ان يفقد اللاعب نهائيا اذا اصر على اشاركه امام مازيمبي.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
غايتو نحن (ضحيتنا) باذن الله وتوفيقه اكتملت مراحلها ..وملامحها.
نحن ح نضبح رابعة العيد.
عشان تبقوا عارفين.
العاوز يسافر – يسافر – لكن يرجع لينا قبل الرابعة.
لازم تحضروا (ضحيتنا).
لابد من ان تكون العيدية في استاد الهلال.
الما بقدر يرجع يوم الرابعة – ما يسافر.
يعيد في (الخرطوم) دي.
كمان قالوا ليك الخرطوم دي في العيد فيها (شارع نيل).
جربوا عيد الخرطوم.
جربوا (مرارة) الخرطوم.
شية الجمر.
الشوارع فاضية.
والمواصلات فاضية.
عيدوا قبلكم – عشان تحضروا (ضحيتنا).
نحن ضابحين رابع يوم في العيد.
وضحيتنا بقى ما فيها (قرون).
بقت لا بتنطح ولا بترفس.
رابعة العيد …البسوا جلاليبكم ..وامشوا على استاد الهلال.
اي زول يشيل ليه معاه (كيس حلاوة).
عيدوا على لاعبي الهلال باكبر كمية من الحلاوة.
الما بقدر يجيب ليه كيس حلاوة ..يجي شايل ليه ان شاءالله (حبة) حلاوة واحدة.
ان شاءالله (بلحة).
قدموا هذا السند والدافع للاعبي الهلال.
تعالوا نتقابل هناك ..نبارك العيد ..ونتبادل (الحلاوة).
الانتصار بكون من الاجواء التى تسبق المباراة.
عيدنا في استاد الهلال.
تأهلنا للنهائي ان شاءالله يكون من (المقبرة).
المباراة مهمة – المباراة صعبة ..لازم قوتنا فيها كلها تكون جاهزة.
استفيدوا من عنصر الجماهير.
استفيدوا من فرحة العيد.
واجعلوا الانتصار الكبير ان شاءالله على الاتحاد هو (فرحتنا) في هذا العيد.
عاوزين نفرح.
عاوزين نعيد مرتين.
الرابعة نحن ضابحين.
الرابعة نحن متأهلين باذن الله.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
………..
و
ناس مازيمبي قالوا ليك بقوا يعرفوا الخرطوم اكتر من ناس ضفر.
عينهم قوية بقت في الخرطوم.
المريخاب ما ح يعيدوا في الخرطوم – ناس مازيمبي ح يعيدوا في الخرطوم.
شفتوا الفهم كيف؟.
وطيارتهم واقفة في مطار الخرطوم.
وقالوا عندهم نية يجيبوها موقف جبرة القديم.
صور ولاءالدين مع رئيس نادي الهلال ما كفاية.
نحن الصور دي جربناها.
لكن هذا لا ينفي تحركات الكاردينال منذ الآن للتسجيلات.
قالوا ليك امير كمال وصل خمسة مليار.
وكوفي مليون دولار.
وراجي لسع ما مشوا عليه.
عشان تاني تشغالوا في ناس كاريكا.
الهلال محتاج للاعب ذو يسارية.
بعد مهند الطاهر بقى ما عندنا لاعب في الوسط شمال.
كوفي ما كعب.
بس يغيّر لينا حلاقتو دي.
بي حلاقتو دي لا بلعب في الهلال ولا حاجة.
…………….
السيدة (ل) – العيد في الخرطوم زي الشاي بالتمر.
وقرّض على كدا.

انقر هنا لقراءة الخبر من مصدره.