في الصمت كلام محمد عثمان بلل البتصور ما كردنة تاني ما بتجيهو عوجة واصل اشرف الكاردينال رئيس نادي الهلال تجريد الوصيف من نجومه الواحد تلو الآخر .. وهاهو يوجه ضربة موجعة جدا للمريخ بالاتفاق مع لاعب خط وسطه الشاب شرف شيبون بالانتقال الي الهلال في فترة الانتقالات التكميلية في شهر مايو القادم .. في عملية وصفة بالخاطفة والساحقة خاصة وان فترة اللاعب مع المريخ لم تنتهي حتي الان .. وقد ينتقل الي نادي الملكية جوبا في الايام القادمة ويوقع في كشوفاته واللعب هناك حتي موعد التسجيلات القادمة. إنتقال شرف شيبون للهلال سيصيب الكثيرين بالجنون .. خاصة وان اللاعب كان اللاعب المفضل لمدرب الفريق السابق غارزيتو حيث ظل يدفع به خاصة في المباريات الافريقية الهامة .. ويعتبر لاعب مهام من الدرجة الاولي .. وفوق كل ذلك مازال صغيرا في السن حيث اتبع الكاردينال نهجه باستجلاب اللاعبين الشباب الي القلعة الزرقاء حتي في اختياراته لنجوم المريخ الشباب المميزين .. كما ان اللاعب اكتسب خبرة لا بأس بها من خلال فترته القصيرة مع المريخ بعد تألقه اللافت مع الفريق في الموسم الماضي وكان نجما بارزاً. شيبون سيشكل اضافة حقيقية لوسط الهلال في حال اكتمال تعاقده مع الهلال في التكميلية الذي اصبح يضم العديد من النجوم خاصة اللاعبون المحترفين .. ستكون هناك منافسة شرسة بين اللاعبين من اجل حجز موقع في التشكيلة الاساسية .. ووسط الهلال سيكون من افضل الخطوط في الموسم القادم وسيكون نقطة قوة الفريق في مواجهة الخصوم .. نتمني التوفيق للنجم القادم للهلال وسيجد من الجميع كل ترحاب. واعود للكاردينال وأقول (والله الزول دا بالغ عديل كدا .. تاني ناس الوصيف ديل ما اظن ح ينوموا تاني ياخ ديل كل ما صحوا يلقوا في مفاجأة من الكاردينال) .. اشرف اصبح يمارس الارهاب علي الوصيف حتي داخل داره .. هذا الرجل منذ تقلده رئاسة الهلال لم يترك لهم شاردة او واردة .. (شكلهم تاني ح يعملوا حسابهم منو) برافو عليك يا كردنة. (صمت اخير) .. ضرب في المليان. طبعا الوصيف حتي اللحظة لن يكون فاهم حاجة. لسان جماهير الوصيف (يا شيبون تفارق كيف تخلينا) (الودعوا وارتحلوا ليه يعني خلونا). اخيرا عاد الهلال الذي (يقتلع) النجوم عنوة واقتدار من الوصيف بالذات هلال الطيب عبد الله. كردنة يا مرعب. البتصور ما كردنة تاني ما بتجيهو عوجة.