في الصمت كلام محمد عثمان بلل وكمان الموتور طلع ما شغال الوصيف هذه الايام حكايتو اصبحت حكاية .. مستوي الفريق متراجع للخلف .. والانباء تتواتر عن اشتباكات عنيفة في اجتماع مجلسه والمجلس ينفي حدوث ذلك وايضا المريخ ينفي إلقاء القبض علي ونسي رئيس النادي بسبب مطالبات مالية قديمة علي النادي .. والأمر الجديد سرقة موتور النادي (الموتور البجيب الموية). والامر الجديد (كرت كرتونة) هو ان الموتور قالو متعطل .. يعني ما مشكلة كان سرقو الحرامي .. بس سمعنا ان الوصيف قام بفتح بلاغ بالسرقة .. واذا كان الامر ليس مهما لماذا قام الوصيف بفتح بلاغ في موتور متعطل وبعض الرشاشات القديمة من المخزن .. (بس يا الحرامي بالغت الناس ديل يلقوها منك ولا من اندية الممتاز) .. والمعلوم ان الوصيف مهدد بفقدان عدد من النقاط في المسابقة في الاسابيع القادمة خاصة وان مستواه الحالي (ما بأكلوا عيش). اسي الناس دي نعمل ليها شنو عشان الموية ترجع تاني لديار الوصيف (ممكن يا شباب تعمل شيرنق) .. بس لو فتحنا باب زي دا ممكن يقولوا كما عايزين شيرنق عشان مرتبات اللاعبين والمدرب ويبقي علينا (الباب البجيب الريح سدو واستريح) .. بس الباب دا شكلوا ح يجيب لينا الهواء. سيتباري شعراء الوصيف في تأليف قصائد هجاء في الحرامي السرق الموتور عشان هي اصلا ما ناقصة .. (غايتو يا الحرامي وقعت وقعة مع الناس ديل) .. كانوا بس عايزين ليهم حاجة كدا عشان تخليهم ينسوا مستوي فريق الكرة .. وطبعا الامر المدهش حقا التباكي علي عهد الفرنسي غارزيتو .. (مش دا القلتو) طلع الفريق من الابطال وإنو المريخ كان ممكن يشيل البطولة اذا كان في مدرب تاني يقود المريخ. كفاكم كدا خلاص. يعود زعيم الكرة السودانية للظهور امام انصاره من جديد في ام درمان الصمود العاصمة التاريخية عندما يستضيف النسور العنيد في الممتاز .. المباراة نريدها تجربة حقيقية قبل مواجهة اهلي طرابلس في ابطال افريقيا .. المباراة ستشهد عودة من اللاعبين الذين لم يظهروا في المباريات الماضية. احذروا مفاجآت النسور. (صمت اخير) .. الهلال مفخرة داخل وخارج الجوهرة. وكمان الموتور طلع ما شغال.
حمل تطبيق كورة سودانية لتصفح اسهل لزوارنا من السودان على متجر 1موبايل http://www.1mobile.com/net.koorasudan.app-2451076.html لزوارنا من جميع انحاء العالم من متجر قوقل https://play.google.com/store/apps/details?id=net.koorasudan.app لزوارنا من الصين الشعبية http://www.androidappstore.mobi/EN/displayproduct/112531/playstore
