والي الشمالية يتفقد انطلاقة العمل بمستشفى محمد زيادة المرجعي للأطفال بدنقلا    الشرطة المجتمعية بولاية سنار تدشّن قافلة دعم تكايا رمضان بولاية الخرطوم    سهير عبد الرحيم تكتب: مشاهداتي في جلسة مجلس السلم والأمن الأفريقي    النتيجة تؤهل النيل لدوري النخبة مينارتى يواصل إنتصاراته.. يفوز على الوحدة بثلاثية ويعزز صدارته للمجموعة الأولى    المريخ يبارك انتخاب رئيس إتحاد سيكافا وأعضاء اللجنة التنفيذية    مريخ الممتاز يؤدي مرانه الختامي للقاء ملوك الشمال    مساعد قائد الجيش يكشف عن فساد وزير كبير    إبراهيم جابر ينفي خبر حل اللجنة العليا لتهيئة بيئة العودة إلى الخرطوم    إبراهيم شقلاوي يكتب: مسرح ما بعد الحرب لدى يوسف عيدابي    الصحفية سهيرة عبد الرحيم: (شعرت للحظة أن وزير الخارجية المصري سيهتف داخل القاعة "جيش واحد، شعب واحد" من فرطٍ حماسه في الجلسة)    شاهد بالفيديو.. والدة الفنان الراحل محمود عبد العزيز: (اتخذلت في هذا المطرب!! وكل من كانوا حول الحوت منافقون عدا واحد)    وزارة المالية توقع إتفاق مع بنك التضامن الإسلامي لتقديم خدمة إيصالي    شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه    شاهد بالصورة.. اللاعب هاني مختار يتوشح بعلم السودان في جلسة التصوير الخاصة بناديه الأمريكي    شاهد بالفيديو.. بتواضع كبير "البرهان" يقف بسيارته في الشارع العام ليشرب عصير من الفواكه قدمه له أحد المواطنين بدنقلا    وزير الخارجية والتعاون الدولي يلتقي رئيس مفوضية الاتحاد الأفريقي    شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها    وزارة الشباب والرياضة تواصل انفتاحها على الولايات    ارتفاع في اسعار محصول الذرة واستقرار سعر السمسم بالقضارف أمس    وفاة ثالث رضيع تناول حليبًا ملوّثًا بفرنسا    مشروبات طبيعية تدعم مناعتك.. روشتة حمايتك من العدوى    دراسة تربط طنين الأذن بالإنتاجية في العمل    إلغاء رحلة قطار إلى الخرطوم..إليكم تفاصيل    جوجل تسهّل إزالة المعلومات الشخصية والتزييف العميق من نتائج البحث    "ميتا" تبني مركز بيانات بقيمة 10 مليارات دولار    إضافة علامة تبويب الإعدادات بواجهة "واتساب"    انطلاق دورة متخصصة لتطوير الأداء الرقمي برعاية وزير الشباب والرياضة    كباشي يحيي صمود مواطني شرق النيل ويوجه بزيادة محولات الكهرباء ومكاتب السجل المدني بالمنطقة    تطور حاسم بقضية "الاعتداء الجنسي" في منزل لامين يامال    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    هيئة مياه الخرطوم: تحصيل فاتورة المياه لا يشمل القطاع السكني حتى الآن    ارتفاع طفيف لأرباح زين السعودية إلى 604 ملايين في 2025    مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى    الدولار يواصل التراجع أمام الجنيه فى منتصف تعاملات اليوم    مسؤول سوداني يغادر إلى تركيا    السودان.. وزير الشباب والرياضة يصدر قرارًا    دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



المادة (105) كتبها عاطف خيري ؟؟؟
كورة سودانية نشر في كورة سودانية يوم 29 - 10 - 2015


دق الدلجة
محمد عبد الماجد
المادة (105) كتبها عاطف خيري ؟؟؟
ما في (زلابية) دائمة.
زلابية شنو؟.
في زول هسع جاب سيرة (الزلابية) – انتوا براكم قاعدين تتخيلوا ليكم
حاجات ما حقيقية في العمود دا.
ومدير الجمارك احالوه من منصبه.
هسع في زول جاب سيرتو.
دي احالة عادية.
براكم انتوا قاعدين تتوقعوا ليكم في حاجات ما عندها اي علاقة بالعمود.
سيف الدين مدير الجمارك السابق ما محظوظ – لو الموضوع دا تم قبل ان يتم
تعيينه في لجنة تسيير المريخ ما كان في زول جاب خبرو.
لكن الرجل اختاروه الليلة في لجنة تسيير المريخ.
شالوه بكرة من الجمارك.
والرياضة دي (شفافة) شديد – ما فيها حاجة بتندس.
ما فيها دسدسة.
لكن مدير الجمارك السابق لو مشى قدم طعن في لجنة الاستئنافات ..يمكن
يلقوا ليه طريقة.
يعيدوا ليه المباراة.
او يمنحوه نقاط المباراة.
او يرجعوا ليه مدير مكتبو.
ناس سمير فضل ديل – ما عندهم حاجة صعبة…المريخ دا لو جابوه ليهم
مغلوب في (شليل) بعيدوا ليه المباراة.
بالله ناس في العمر دا.
وبعد السن دا.
وبعد كل هذه الخبرات ..ما قادرين يفسروا ليهم نص مادة واضح وصريح.
يا جماعة المادة 105 – 106 سابقا ..ما مكتوبة بي اللغة الهندية.
ولا باللغة الصينية.
ولا البرتغالية.
انتوا (الزلابية) دي خلتكم تلخبطو.
الكلام يكتبوه ليهم عديل كدا – يقوموا يفسروه ليك تفسير تاني ما عندو
اي علاقة بالنص.
لا بالنص.
لا بالشنقيطي.
متل الزول العاوز ليه معاك سبب.
بدون ما تسألو يقول ليك يا زول مالك (بتحمر) لي كدا؟.
بدون سبب – عاوز يشاكلك بس.
زي واحد قال لي والله قصائد عاطف خيري دي زي الزول الداخل ليه بيت
بالغلط – عاوز يطلع ..ناس البيت كاركوا فيه : (حرامي).
قصائد عاطف خيري دي ..زي زول زمان كان عامل فيها صاحبنا بدخل معانا السينما.
ندخل لينا فيلم هندي.
صاحبكم العامل فيها صاحبنا ما بفهم ليك اي حاجة في الفيلم.
الفيلم كلو بكون نائم.
وقت الجهور يصفق في الفيلم بقوم يصفق ويرجع ينوم تاني.
لمن نطلع بنقوم نسألو ..ونقول ليه : اها الفيلم كيف؟.
يقول لينا والله الفيلم كويس لكن حاجة التومة عندها (تسالي) خطير
والله…احسن من (تسالي) امس.
وحاجة التومة دي كانت بتبيع (تسالي) قدام السينما.
نحن كنا بنقول ليه : لو موضوعك موضوع (تسالي) عليك الله ما تدخل معانا (لوج).
التسالي دا (الشعبي) كتير عليه.
لجنة الاستئنافات فسرت المادة 105 بي طريقة …خلتنا نقول انتوا
الجماعة ديل هنود؟.
قول النص ما واضح.
قول فيه ضبابية.
انتوا ما ترجعوا للسوابق.
يا جماعة السوابق القضائية دي يعمل بها وهي مرجعية قانونية ..خاصة لو
(النص) ما كان واضح بالنسبة للمحكمة او اللجنة.
جماعتك لقوا (عصير الليمون) قدامهم طوالي قاموا لصقوا ليك (3) نقاط للمريخ.
هكذا بس.
لجنة الاستئنافات دي بتذكرني ليك بي حاجة آية.
طبعا ما في حاجة كبيرة في السن اسمها آية.
إلّا في المسلسلات التركية.
لكن انتوا يا جماعة عاوزين تخلوا لجنة الاستئنافات وتمسكوا لي في حاجة (آية).
يعني بقت على (آية).
دي القدرتو عليها.
يخلوا ليك الموضوع الرئيسي ويمسكوا ليك في حاجة هامشية كدا.
زي واحد كدا مشي الدكان لقى ليك السكر زايد.
والرغيف زاد.
والصلصة زايدة.
والزيت زايد.
والكهربة قاطعة.
والموية قاطعة.
صاحبكم خلى الحاجات دي كلها ومسك ليك بتاع الدكان وقال ليه (الجبنة)
حقتكم المرة دي ما سمحة.
شبك ليك (دية) مع بتاع الدكان ..الدم قرب يبقى للركب.
يعني يا ود الناس بقت على (الجبنة) ؟.
لو وقفت على (الجبنة) والله ما عندنا اي مشكلة.
ما عندنا اي قضية.
الموضوع اكبر من كدا.
لكن هسع نستوني حاجة آية.
حاجة آية الحصل ليها شنو؟.
تطيروا كلام الزول من رأسو.
اتذكرت.
حاجة آية دي كان اضانها تقيلة…بتفسر (النصوص) بصورة غير صحيحة زي
(لجنة الاستئنافات).
حاجة آية تقول ليها : يا حاجة كيف مع المطرة دي؟.
تقول ليك والله لوري ود الخزين …هسع كان واقف هنا.
تقول ليها يا حاجة آية انتي ما بتشوفي كمان؟.
تقول ليك هو السمك شن طعمو …جابوه لينا (صير) بس.
تقول ليها يا حاجة آية رأيك شنو في الحوار الوطني؟.
تقول ليك : بطيخ الايامات دى كلو (قرع).
معقولة الزولة دي ما بتسمع!!.
والله انا بقيت اشك فيها بعد كلامها الاخير دا.
الكلام بتاع (القرع) دا.
هسع لجنة الاستئنافات شغالة بي نفس الفهم.
تجيب ليهم نص – يفسروه ليك بي معنى تاني.
انتوا يا ناس لجنة الاستئنافات المادة 105 كاتبها عاطف خيري.
الموضوع واضح …اصلو ما بحمل هذه التفاسير.
ما تقعدوا بعد العمر دا تشرعوا لينا برة رأسكم.
زمان نحن في الحلة كان عندنا شافع سليط ..بقع ليك من اللوري 17 مرة ما
بتجيه حاجة.
يتفقش قدام عيونك ويقوم زي الحصان.
الشافع دا كان امو وقت تكون عاوزة تقومو للعشاء ..بتقوم تقول ليه : قوم
يا علي شوف (السمك) الجابو ابوك….والله سمك طاعم وحلو.
علي يطنفر ليك من (العنقريب) زي حارس المرمى البطلع في (الجونتيات)
عشان يعطل الزمن…يتلب ليك في الصحن ..يلقى العشاء (حلبة)…يقوم يقول
لي امو يا يمة انت ما قلت العشاء (سمك).
امو تقول ليه وحنية الدنيا كلها في عيونها – لكن يا ولدي لو قلت ليك
(حلبة) ما بتقوم لينا…عليك الله يا ولدي مالها (الحلبة) اصلو ما بتغلط
ليها على زول.
سمعت ليك زول قالوا ليك خنقتو (حلبة).
الحلبة مالها يا ولدي (شوك) ما فيها؟.
علي يضرب ليك في (الحلبة) دي لمن امو تتكيف.
كمان الزول وقت يكون نعسان بيضرب من غير ما يشعر.
بستف صاح.
ام علي تتبسط ..وهي بتشوف في جناها بلغف ليك في (الحلبة) زي مال الجمارك.
زي المال العام.
لغف صاح.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
هسع الكلام دا في ليه داعي.
والله ما ترجعوا لينا نقاطنا ..ما نريحكم.
نبقى ليكم في رقبتكم يا مجدي شمس الدين.
لجنة الاستئنافات دي ذكرتني ليك بي موضوع.
ملافحة اللجنة ذكرتني ليكم حاجة.
ناس التليف ود حسن …جوهم (ضيوف).
نزلوا ليه في الصالون مع (الغداء).
التليف ود حسن ما عرف يعمل شنو؟.
قام قال يتصرف تصرف سريع كدا ويطلع من موضوع (الغداء).
التليف ود حسن قال لي ولدو حسن يا ولد اجري قول لي امك اعملي لينا (الشاي).
واحد من الضيوف (عثمان ود مكي) ثبت ليك الولد في باب الصالون ..وقال
للتليف يا اخوي نحن حالتنا واحدة ..واصلو ما بندس عليك والله نحن ما
متغديين…وفطورنا ذاتو كان فطور مجهجه.
التليف ود حسن قال ليهم مالو الغداء بيجيكم؟.
التليف ود حسن عندو (كراع) مصبنها من الضحية ..نزلها ليهم.
ضربوا ليك الغداء ..ضرب صاح.
واحد من الضيوف (عثمان ود مكي) ….قال ليه يا التليف ود حسن انت زول
اخونا …ونحن والله غدوتك دي ما بننزلها بدون (بطيخة).
التليف ود حسن قال ليهم : مالو بنجيب ليكم البطيخة؟.
جاب ليهم البطيخة.
قالوا ليه عجل لينا بالشاي يا لتليف ود حسن.
جاب ليهم الشاي.
قالوا ليه القهوة ..الواطة عصرت علينا والمغرب دخل.
جاب ليهم القهوة.
التليف ود حسن اضايق شديد – شاف الجماعة عصروا عليه.
التليف ود حسن عندو (بنت عمرها 51 سنة) وعويرة كمان…وقت شاف الجماعة
يشيلوا ويطلبوا في الحاجات قال لي ولدو حسن ..اجري يا ولد قول لي امك
اعملي لينا (الزلابية) واغشى عمك موالنا مختار عشان نعقد للبنت.
الضيوف من سمعو سيرة الماذون ..قاموا ليك.
التليف ود حسن حلف عليهم قال ليهم والله لو ما ضربتو الزلابية وعقدتو
على البنت ما بتطلعوا من هنا.
الضيوف قالوا ليه نحن الزلابية بناكلها لكن العقد دا اعفينا منو.
التليف ود حسن حلف.
الضيوف وقت عقدوا لي ولدهم …اتلفتوا على التليف ود حسن وقالوا ليه
والله انت ساكت بقولوا عليك تليف.
عثمان ود مكي ..وقت عقدوا ليه على البنت ..قال ليهم والله لو عارف
(الزلابية) ممكن توصلنا المرحلة دي ما كنت مشيت عليها.
اها هسع (اللقيمات) عاوزة تنسف الموسم.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
ان شاءالله بس ناس معتصم واسامة ومجدي يكونوا عارفين.
ان شاءالله يشعروا.
ويعرفوا ان جمال الوالي اصبح الرئيس (السابق) للمريخ.
اتعلموا.
وشيلوا ليكم (نقلة).
…………
و
بختك يا عمار الدمازين جابو ليك مهاجم في المريخ اسمو (النعسان).
ولا تتعب.
ولا ترهق نفسك.
نحن في الانتظار.
…….
السيدة (ل) – الشبكة ما كعبة – لكن ديل بس حاقدين ساكت.
وقرّط على كدا.
�
�
حمل تطبيق كورة سودانية لتصفح اسهل
لزوارنا من السودان على متجر 1موبايل
http://www.1mobile.com/net.koorasudan.app-2451076.html
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
لزوارنا من الصين الشعبية
http://www.androidappstore.mobi/EN/displayproduct/112531/playstore
�
�
�
�
�
�

انقر هنا لقراءة الخبر من مصدره.