سودارس : انتظروا (النجيلة) تقوم!!

كواليس صادمة... كيف تعطلت صفقة تسليح الجيش السوداني في اللحظات الأخيرة؟ بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا ((نار فلوران ولاجنة ريجيكامب؟؟)) جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب تعطيل الدراسة في الخرطوم المريخ يكثف درجات إعداده ويتدرب بالصالة النخبة بالخرطوم.. كيف؟ "تمبور" يكشف عن توجيهات صادرة جديدة ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! هل تستطيع أمريكا احتلال جزيرة خارك الإيرانية؟ الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

انتظروا (النجيلة) تقوم!!

صابنها نشر في كورة سودانية يوم 29 - 04 - 2021

محمد عبد الماجد
انتظروا (النجيلة) تقوم!!

. اخر تقليعات آدم سوداكال انه جاب ليه (نجيلة) جديدة ، وقال عاوز يستبدل (النجيلة) القديمة بالنجيلة الجديدة.
. دا حنك جديد.
. السيستم بتاع التسجيلات (مقفول)...وسوداكال المرة دي ما لقى راحتو في (الصور).
. قال احسن يقبل على (النجيلة).
. شفت والله!!
. الكلام دا يعني شنو يا مزمل؟
. اقيفوا اشرحوا ليكم واحدة واحدة.
. اقصد نجيلة نجيلة.
. نجيلاية ...نجيلاية.
. معاكم من هنا للصباح.
. لاحقين شنو؟
. والله سوداكال دا بالو سلبة بس.
. يمسكوا بي جاي ..ينطوا ليهم بي جاي.
. والله (النجيلة) دي ما في زول سبقك عليها قبل كدا.
. الكاردنيال لو عارف موضوع (النجيلة) دي ...كان قعد في الهلال 25 سنة زي ما كان بقول.
. لكن موضوع (النجيلة) فاتت عليه.
. سوداكال قال منتظر (كاس) تفتح ليهم سيستم التسجيلات براهم كدا.
. مخصوص للمريخ.
. الزول دا الكلام (الكبير) دا بجيبو من وين؟
. الفيفا تفتح ليكم السيستم مخصوص بامر من المحكمة الرياضية.
. والله كلام!!
. عشان يعملوا شنو؟
. عشان يسجلوا (كرشوم).
. هسع كرشوم دا عاوز ليه (سيستم).
. الزول دا اسمو ممكن ينزل بدون (سيستم).
. ما في أي مشكلة.
. ناس المريخ هسع راجيين السيتسم يفتح.
. عليكم الله في (طيبة) اكتر من كدا؟
. دي طيبة عجيبة.
. دا جنسو شنو دا؟
. الصنف دا بتجيبوه من وين انتوا؟
. السيستم قفل بالخرسانة...زي مواسير الموية.
. سوداكال عشمان بعد دا يفتحوا ليه (السيستم).
. انت قايل السيستم دا دكان؟
. مخزن بتاع بصل؟
. شنطة حديد!!؟
. عشان يفتح ليكم مخصوص.
. شفتوا ليكم (كبسور) بالشكل دا.
. قول فتحوا السيستم .. ح تعملوا شنو؟
. ح تخاطبوا الاهلي مروي يشطب ليكم احمد بيتر.
. الاهلي مروي (السيستم) عندو مقفول.
. يشطب ليكم كيف؟
. هل سوف تخاطبوا (كاس) تفتح السيستم لكل الاندية التى تطلبوا منها لاعبا.
. نرجع لمزمل ابوالقاسم – الزول دا قعد كتير.
. جبت اسمه في بداية العمود ...وما سألتو.
. يا مزمل سوداكال جاب ليكم (نجيلة).
. اربطوا الاحزمة.
. اعملوا ليكم وقفة احتجاجية تاني.
. لكن المرة دي اعملوه (كاربة).
. هاجموا كمال شداد.
. ما تخلوا ليه صفحة يتقلب عليها.
. يا مزمل انت عارف موضوع (النجيلة) دا حدو وين؟
. المعنى الزول دا ح ينتظر (النجيلة) لمن تقوم وتبقى خضراء.
. قاعد ليكم.
. والنجيلة قدر ما تقوم وتبقى طويلة ...سوداكال ح يقصها.
. تقوم ويقصها.
. ما معقول يجيب ليكم (النجيلة) عشان تزرعوها انتوا.
. الزول دا جاب (النجيلة) عشان يزرعها براهو.
. جابها بي فهم.
. ما ساي.
. والنجيلة عشان تقوم يا مزمل ...عاوزة ليها على الاقل (3) شهور.
. غير الحاجات التانية.
. غير القص.
. والنجيلة البتحرق.
. وتقوم تاني.
. سوداكال (الشفت) جاب ليه (4) انفار ..وقال ليهم احفروا الارضية.
. قال ليهم اقلعوا النجيلة القديمة.
. شغالين مع العولمة دي بالطورية.
. يقعلوا نجلاية نجلاية.
. واحدة واحدة.
. على اقل من مهلهم.
. 4 انفار مع ميدان طول وعرض – عشان ينتهوا من مهمتهم عاوزين ليهم على الاقل 9 شهور.
. 3 شهور مع 9 شهور ...يعني سنة.
. والايامات دي الموية قاطعة.
. والخريف على الابواب.
. يعني الموضوع ممكن مع السنة يحتاج ليه 6 شهور.
. سوداكال المرة دي جاهم ب (النجيلة).
. مرة قعد بالكورونا.
. ومرة بالنجيلة.
. يقعد بس.
. قاعد ليكم.
. شفتوا ليكم (كبسور) بالشكل دا.
. سوداكال هسع تلقاه خاطب الفيفا.
. وقال ليهم انا جبت نجيلة جديدة.
. والنجيلة عاوزة زراعة.
. وموية.
. ومتابعة.
. والموضوع دا ما بخلص قبل (6) شهور.
. الفيفا بتقوم طوالي تمدد ليه.
. الفيفا مددت ليه عشان (كورونا) ما تمدد ليه عشان (النجيلة).
. الفيفا اهم حاجة عندها (النجيلة).
. ممكن الفيفا تقبل أي شيء.
. ممكن تسامح في أي شيء.
. إلّا (النجيلة).
. كلو ولا (النجيلة).
. عشان كدا قلت ليكم سوداكال شفت.
. قاعد ليكم لغاية النجيلة ما تقوم.
. والله ناس المريخ الشبكهم يحلهم.
. يا سوداكال انت (خارطة الطريق) التى رسمتها ليكم الفيفا فيها (نجيلة)؟
. طيب مالك؟
. النجيلة دي ظهرت من وين؟
. جبتها كيف؟
. شفت والله.
. مزمل ابوالقاسم من سنة 2000 شغال لينا في لوائح ومواد الفيفا.
. حتاه قرض مع كمال شداد.
. ما خلى ليه مادة.
. المادة دي بتقول ...والمادة ديك. بتقول ..والائحة.
. مزمل ما خلي ليه شيء.
. وصل مع شداد لغاية (كاس).
. محاكم.
. ومغالطات.
. وجدل.
. لمن جاهم السم القدر عشاهم.
. جاهم سوداكال.
. ما عرفوا يقولوا أي شيء.
. مرة يمشوا الفيفا.
. ومرة كاس.
. وسوداكال مسيطر سيطرة تامة على المريخ.
. سوداكال الاعضاء المعاه في المجلس ما اداهم نفس.
. ما اداهم معاه طريقة.
. جاب (التازي) رئيس فخري ...وشفرو ليك.
. التازي عاوز يلعب لصالح روقو.
. سوداكال شالو برة طوالي.
. بقى برة الشبكة.
. التازي بقى شغال (تغريدات) و (مطاعنات).
. علي اسد عضو مجلس المريخ (المنتخب) والذي كان اليد اليمين لسوداكال ..قال سوداكال (ناكر جميل).
. كمان جابت ليها (نكران)!!
. دي ما كانت (نجيلة) دي!!
. علي اسد رئيس لجنة المنشآت بالنادي قال الصيانة قام بيها قروب الجار لاعمار الدار والقروبات المريخية الاخرى وقد تم الصيانة في ارضية الملعب والتراك والانارة ومحطة تحلية المياه وابان اسد ان العمل كان على مشارف النهاية وكنا على وشك من استلام الملعب لولا تدخل الرئيس المعزول ادم سوداكال الذي تسبب في اغراق الملعب بالمياه مما سبب اضرارا بالغة بالنجيل. واضاف اسد في تصريحات للمركز الاعلامي لنادي المريخ ان سوداكال تدخل الآن وادعي انه سيقوم بعمل نجيل جديد في حين ان ما يقوم به هو صيانة كان قروب الجار والقروبات الاخرى ستقوم بها لولا تدخلاته. واضاف سوداكال لم يأت بشركة جديدة للصيانة انا اتى بشخص تم ابعاده بواسطة قروب الجار لاعمار الدار لأنه غير متخصص ولن يستطيع معالجة مشاكل النجيل. وقال اسد ان ما يقوم به الرئيس المعزول الآن ما هو إلا محاولة لهضم الحقوق ، واهدار مجهود الاخرين وهذا يتنافي مع اخلاق وقيم وتاريخ نادي المريخ. وشن اسد هجوما عنيفا على الرئيس المعزول آدم سوداكال واصفا اياه ب (ناكر الجميل) وابان ان سوداكال لم يدفع مليما واحدة في اعمال الصيانة التى تمت في الاستاد واكتملت بنسة 95 % وشارفت على الانتهاء وكانت الخطة القادمة هي عمل المعالجات النهائية للنجيل ..وهي التى يدعي سوداكال القيام بها الآن.
. نحن يحلنا الله.
. الموضوع دا نهايتو وين؟
. الشكلة دي كلها في (نجيلة).
. معقولة بس.
. بغض النظر عن سوداكال ...واسد – معقولة المريخ يدار عن طريق (القروبات).
. يا اسد قول ليك كلام افضل من الكلام دا.
. نجيلة شنو البتعمل فيكم كدا؟
. النجيلة الزرعتوها دي اقعدوا فيها.
. اقعدوا في الواطة.
. وتاني حلوا مشاكلكم بالحوار والنقاش.
. أي زول لو اتمسك بحقو ...ما بتصلو لحل.
. ح تظلوا كدا.
. سوداكال بعد (النجيلة) ممكن يقول عاوز اعمل لي كشافات جديدة.
. ولو سوداكال جاب ليه كشافات جديدة 25 سنة تاني ما بمشي من المريخ.
. يا ريت تقيف على (النجيلة).
. ..............
متاريس
. يا ناس المريخ الدنيا رمضان.
. والعيد ماشي عليكم.
. اقعدوا مع سوداكال ...ما تجاوزوه...الزول دا الورق في ايدو.
. شوفوا ليكم حل.
. الفيفا ما بتحلها ليكم.
. ولا الاتحاد.
. حلوا مشاكلكم براكم.
. عشان الموضوع دا طول شديد.
. نحن ذاتو قرفنا منو.
. ..........
. ترس اخير : في الهلال في فيلم تاني مدور اسمو (الاضاءة)....نحن يحلنا الحل بلة.

انقر هنا لقراءة الخبر من مصدره.