سودارس : ان شاءالله يوم تكريمك ما يجي يا العجب

شاهد بالفيديو.. (ما تمشي.. يشيلوا المدرسين كلهم ويخلوك انت بس) طلاب بمدرسة إبتدائية بالسودان يرفضون مغادرة معلمهم بعد أن قامت الوزارة بنقله ويتمسكون به في مشهد مؤثر شاهد بالفيديو.. مطرب سوداني يرد على سخرية الجمهور بعد أن شبهه بقائد الدعم السريع: (بالنسبة للناس البتقول بشبه حميدتي.. ركزوا مع الفلجة قبل أعمل تقويم) شاهد بالفيديو.. مطرب سوداني يرد على سخرية الجمهور بعد أن شبهه بقائد الدعم السريع: (بالنسبة للناس البتقول بشبه حميدتي.. ركزوا مع الفلجة قبل أعمل تقويم) الخرطوم وأنقرة .. من ذاكرة التاريخ إلى الأمن والتنمية السودان يعرب عن قلقه البالغ إزاء التطورات والإجراءات الاحادية التي قام بها المجلس الإنتقالي الجنوبي في محافظتي المهرة وحضرموت في اليمن "صومالاند حضرموت الساحلية" ليست صدفة! مدرب المنتخب السوداني : مباراة غينيا ستكون صعبة لميس الحديدي في منشورها الأول بعد الطلاق من عمرو أديب شاهد بالفيديو.. مشجعة المنتخب السوداني الحسناء التي اشتهرت بالبكاء في المدرجات تعود لأرض الوطن وتوثق لجمال الطبيعة بسنكات تحولا لحالة يرثى لها.. شاهد أحدث صور لملاعب القمة السودانية الهلال والمريخ "الجوهرة" و "القلعة الحمراء" الجيش في السودان يصدر بيانًا حول استهداف"حامية" رقم تاريخي وآخر سلبي لياسين بونو في مباراة المغرب ومالي شرطة ولاية القضارف تضع حدًا للنشاط الإجرامي لعصابة نهب بالمشروعات الزراعية استخدام وسائل التواصل الاجتماعي وراء تزايد تشتت انتباه المراهقين بدء أعمال ورشة مساحة الإعلام في ظل الحكومة المدنية ما بين (سبَاكة) فلوران و(خَرمجَة) ربجيكامب ضربات سلاح الجو السعودي لتجمعات المليشيات الإماراتية بحضرموت أيقظت عدداً من رموز السياسة والمجتمع في العالم قرارات لجنة الانضباط برئاسة مهدي البحر في أحداث مباراة الناصر الخرطوم والصفاء الابيض مشروبات تخفف الإمساك وتسهل حركة الأمعاء منى أبو زيد يكتب: جرائم الظل في السودان والسلاح الحاسم في المعركة استقبال رسمي وشعبي لبعثة القوز بدنقلا نيجيريا تعلّق على الغارات الجوية شرطة محلية بحري تنجح في فك طلاسم إختطاف طالب جامعي وتوقف (4) متهمين متورطين في البلاغ خلال 72ساعة «صقر» يقود رجلين إلى المحكمة بالفيديو.. بعد هروب ومطاردة ليلاً.. شاهد لحظة قبض الشرطة السودانية على أكبر مروج لمخدر "الآيس" بأم درمان بعد كمين ناجح منتخب مصر أول المتأهلين إلى ثمن النهائي بعد الفوز على جنوب أفريقيا ناشط سوداني يحكي تفاصيل الحوار الذي دار بينه وبين شيخ الأمين بعد أن وصلت الخلافات بينهما إلى "بلاغات جنائية": (والله لم اجد ما اقوله له بعد كلامه سوى العفو والعافية) كيف واجه القطاع المصرفي في السودان تحديات الحرب خلال 2025 إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل كامل إدريس في نيويورك ... عندما يتفوق الشكل ع المحتوى مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف وحدة السدود تعيد الدولة إلى سؤال التنمية المؤجَّل تراجع أسعار الذهب عقب موجة ارتفاع قياسية وزير الداخلية التركي يكشف تفاصيل اختفاء طائرة رئيس أركان الجيش الليبي "سر صحي" في حبات التمر لا يظهر سريعا.. تعرف عليه والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة استقالة مدير بنك شهير في السودان بعد أيام من تعيينه كيف تكيف مستهلكو القهوة بالعالم مع موجة الغلاء؟ اكتشاف هجوم احتيالي يخترق حسابك على "واتسآب" دون أن تشعر قبور مرعبة وخطيرة! عزمي عبد الرازق يكتب: عودة لنظام (ACD).. محاولة اختراق السودان مستمرة! البرهان يصل الرياض مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) مياه الخرطوم تكشف تفاصيل بشأن محطة سوبا وتنويه للمواطنين الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

ان شاءالله يوم تكريمك ما يجي يا العجب

محمد عبد الماجد نشر في النيلين يوم 09 - 12 - 2013

فى عرف الانسان السوداني ان الشخص يشكروه فقط يوم ان يرحل من هذه الفانية ويموت.
في طبيعة البشر ...ان لا يعرفوا قدر الزول ومكانته إلا اذا مات..والانسان هو في (كمد) الي ان ينتقل للرفيق الاعلي.
لذا فان (الشكر) امر غير وارد وغير ممكن في الحياة ..اما اذا مات فان محاسنه تظهر وتتصدر حديث الناس في البدو والحضر.
والله كان زول طيب ..وكان زول تمام ...وما فيه اي كلمة ...(مثل هذه العبارات تسمعه فقط في الاموات).
ما في زول عايش بقولوا ليه مثل هذه الكلمات.
والشكر شيء مرفوض عندنا ..لدرجة اننا نقول في المثل (الشكرك قدامك شتمك).
وتلك درجة يبلغ فيها (الشكر) الشتيمة....يعني لو في زول قدامك قال ليك انت زول كويس ..(المعنى انت زول كعب).
الناس بقت تفهم كدا.
لذا فان كل الناس اصبحت تتحاشى (التشكير)..اي واحد بقى يلاقيك صارو وشو ..زي (البرطمانية).
المثل سلبي من غير شك ...وهو يمنع الثناء في حضور الشخص وفي وجوده ..وهذا امر ربما جعل حياتنا بهذا الكدر والضيق والتحبيط.
وقريبا من هذا المثل ...ما شاع دارجيا...بالرفض الشعبي والرسمي ل (كسير التلج).
يعني اي زول في الدنيا دي ..قلت انو كويس وممتاز (ولو كان الزول اهل لذلك)...قيل عن ذلك انه (كسير تلج) وهذه دلالة للرفض الشعبي للثناء.
يندموك على كلمتك.
لذا اصبح شيل حال الناس ...والتقليل من قدرهم ،وشأنهم ...هو الاصل والامر الذي يجب ان يتبع وان تلتزم به.
اي زول تجيب سيرتو ..يقولوا ليك الزول دا (فقري).
او زول لائم زي (موية الجبنة).
اول موية الجبنة لائمة.
لو مشيت (عرس) ساكت ...لو ما بقيت زول (شناف)..وشيال حال ..الناس ما بتريحك.
انتوا ما لاحظتو في اى عرس ..بتلقى في جماعة (مطرفين) كدا ..ومتفرغين لي شيل الحال.
تخصص شيل حال...(قوات الشناف الدولي).
هذا الموضوع مرة كتبته عنه ..واثبته هنا مرة اخرى.
في جماعة كدا ..متفرغة للتكعيب..والتنظير والفلهمة ابوشربات مقددة...(اي حاجة ما عاجباهم).
لا عاجبهم (العجب)...لا (هيثم مصطفى).
في العرس بتلقى ليك ..سبعة ..تمانية انفار كدا ..قاعدين يشيلوا في حال الناس.
اول حاجة يقبلوا ليك على (العريس)....يسألوهم اها (العريس) كيف؟.
والله كويس ..بس عندو (صلعة).
عليكم الله في زول سألكم من (صلعتو).
لو العريس (خنافس) وما عندو مباديء (جلحات)..تسألهم من العريس.
يقولوا ليك والله ما كعب ...بس قصيّر شوية.
يا جماعة انتوا العريس دا عاوزين تعبروا بيه.
لو العريس ما عندو صلعة ..وطويل القامة ..بقولوا ليك : العريس سمين..او عندو (كرش).
او يقولوا ليك : (بس ما عندو شهادة).
مرات ما بلقوا اي ثغرة في الحاجات دي ..يقوموا يقولوا ليك : (بدلتو كبيرة عليه).
وصلوا (البدلة).
او (الكرفتة) ما ماشي مع القميص.
او القميص مكرفس.
اخر حاجة كدا ..ممكن يقولوا ليك العريس دا (خفيف)..مالو (فرحان) كدا...عاوز يطير من الفرح.
لو العريس طلع (تقيل)...وما خفيف.
يقولوا ليك انت (العريس) دا جابرنو على (العروس) دي.
لو طلع لا خفيف ولا تقيل ..في منطقة وسطى كدا ..بقولوا ليك : (العريس اشتر).
يعني لازم ..لازم يطلعوا ليك بي حاجة كعبة في العريس.
اما (العروس) فهي قصتها قصة.
العروس بتكون الهدف الاول والاساسي في شيل الحال.
عادي تسمع بعد الحفلة ...الجماعة شيالين الحال ديل يقولوا ليك : (العروس ما حلوة).
لو العروس حلوة ..يقولوا ليك العروس طلعت ما حلوة ..(كترت البدره).
الحاجات دي لو ما لقوا فيها طريقة ..بقولوا ليك ..(العروس كبيرة شوية).
عادي جدا ..واحد (معاشي) كدا يقول ليك العروس دي كانت ورانا في الجامعة.
او العروس دي امتحنت (9) مرات للشهادة السودانية.
لو العروس ما كبيرة...وما فيها اي عيب..بقبلوا على امها.
يقولوا ليك والله العروس دي عندها (ام) صعبة خلاص..حلة العدس في النار بتطبلها.
لو الام ما فيها كلمة ..بقولوا ليك امها كويسة ..بس (اخوها) صعب.
زول بتاع مشاكل ...(انت الجماعة ديل ح تناسبهم كيف؟).
الحاجات دي لو طلعت كلها مية المية ..(العريس وابو العريس واهلو ..والعروسة وسنها ..وام العروس واخوها)..عارفين الجماعة بتاعين شيل الحال ديل بقبلوا وين؟.
بقبلوا على (فنان الحفلة).
هسع دا فنان تيجيبوا لينا ..عامل خشمو كدا زي (الابريق).
والله جابوا لينا (فنان) ..شفتك وابتهجت دي بغنيها زي (دجاجي يلقط الحب).
عليكم الله دا فنان شنو دا ؟...اخير منو (عالم الرياضة)؟.
لو الفنان طلع منقطها زي (وردي)...جماعتنا ديل بقبلوا على (العشا) بتاع العرس.
يقعدوا يفلوا ليك (صحن الكوكتيل) دا قطعة قطعة.
قطعة الدجاج فيه صغيرة ...زي النقطة في اخر السطر.
او جبنتو قديمة.
او جابوا لي الصحن بدون (طعمية)..دا صحن شنو دا؟.
اذا كان صحن الكوكتيل ما فيه اي مشكلة.
بقوموا يقبلوا على حاجة تانية ...(والله البارد حقهم سخن).
يعني لازم يطلعوا ليك بي (عيوب) في العرس دا.
او الصالة ضيقة.
او الواطة بردت شديد.
وما يحدث في العرس ..بحدث في اي حاجة تانية.
هسع الحاجات دي في المحترفين بتحصل.
المحترف لو جاء من علبو طالع يقولوا ليك (مصاب).
يمشوا يفتشوا ليك المواقع دي موقع ..موقع يطلعوا ليك ليه (اصابة) لمن كان في الروضة وقع من الباب الكبير.
طوالوا يرشوا ليك بي تمزق في الرباط الصليبي.
لو ما لقوا ليه اصابة (وهمية) كدا.
يقولوا ليك المحترف دا كبير في السن ...دا كان بيلعب في الخليج قبل (17) سنة.
لو المحترف طلع لا مصاب ..ولا كبير في السن ..بقوموا يشوفوا ليه (علة) تانية.
مثلا كدا يقولوا ليك هو ذاتو ما مهاجم صريح...بيلعب وراء المهاجمين.
لو طلع مهاجم صريح ..يقولوا ليك المحترف دا لعاب ..وما فيه كلمة بس بتاع (مزاجات).
بتاع مزاجات كيف يعني؟.
يعني بتاع مشاكل ما قاعد يستمر كتير ..كل شهر بعمل ليه مشكلة.
اها عليكم الله نوع الحاجات دي ما بتطمم بطن (الجمهور).
الجمهور يكون فرحان بي المحترف ..ناس الجرايد بتاعين (الشناف) ديل يطلعوا ليك (موسى الزومة).
اقول ليكم حاجة ..وباعتباري انا من ناس الجرايد ..(بتاعين الجرايد ديل ما تصدقوهم).
بتكلموا ساكت.
محترف يرفعوه السما ..ومحترف يدقوا بيه الدلجة.
الغريبة كثيرا جدا المحترف البرفعوا السما ما بنجح..والبدقوا بيه الدلجة هو البنجح.
بعد المقدمة الاطول من الموضوع دا ..عاوز اتكلم ليكم عن (فيصل العجب).
ما تقعدوا تتلفتوا لي كدا زي (الخميرة).
اول الخميرة بتتلفت.
الامين العام للمريخ ...قال ح نعمل مهرجان تكريم للعجب في بداية الموسم.
أهو كلام.
الكلام دا بقولوا فيه من قبل (6) شهور.
خلوه العجب.
حكاية التكريم دا بتكلموا عنو من زمن حامد بريمة.
تتخيلوا حامد بريمة الي الان ما اتكرم.
وبرضو بقولوا ح يكرموه.
التكريم في السودان زي (التشتيم).
الواحد لو كرموه ..يعني يقعد في البيت ..ويطلع (الكرسي) من خمسة قدام البيت.
الزول لمن يكرموه في السودان بلجنوه.
انتوا ما بتشوفوا لمن الدولة تكرم ليها زول ..الناس طوالي بتعلق وتقول : (خلاص عاوزين تكتلوه).
دا لو كان عايش.
عشان كدا نحن يا فيصل العجب ..بنحذركم من (التكريم).
الجماعة ديل لو كرموك كانوا هسع خلاص لجنوك ..كنت ح تقعد في البيت ..زول يجيب خبرك تاني ما في.
اكتر حاجة تعملها ..يجبوك في النيلين ..تحلل في مباريات المريخ.
التكريم يعني (نهاية حياة).
او نهاية مسيرة.
والعجب قال عاوز يواصل.
انتوا مالكم؟.
بعدين الزول اداكم فرصة كافية ..(رصيد في تلفون ما رسلتوه ليه)..عاوزين تجوا تسألوا منو الليلة.
العجب قنع من خيرا فيكم.
خلوه يبدأ حياتو من اول وجديد بصورة علمية ..وصورة صحيحة.
يمكن يقدر يعوض سنواته (العجاف) ديك.
الوصافة ..كتلت موهبتو.
خلوه يتنفض...يطلع شوية ...ويشم الهوا.
ملحوظة : طبعا الكلام دا ما يطلع من العمود دا.
هوامش
ناس المريخ ما عارفين يعملوا شنو؟.
يجيبوا كلتشي ..يقولوا لا رجعوه..جيبوا لينا تراوري.
يجيبوا تراوري يفكروا في كلتشي.
انتوا يا جماعة لو غلبتكم ..قولوا لينا.
نحن بنحلها ليكم.
التسجيلات حسب السيستم الشغال في البلد دي ..باقى ليها (11) يوم.
الهلال على الاقل في هذه التسجيلات محتاج لتجنيس لاعبين.
اتير توماس ..اضافة لمحترف اخر.
مع ذلك فان العدد الكلي للمحترفين لن يتجاوز ال (5) محترفين.
علما ان المريخ فيه (7) محترفين ..ولسع بفاوضوا وبجنسوا.
اذا تجاوز عدد المحترفين الخمسة ..فان ذلك يضر بالفريق ...وطبعا بضر بالمنتخب.
ناس المريخ ما عارفين يتصرفوا كيف؟...حارسين الدعيع وقاعدين عاوزين يشوفوا البحصل شنو؟.
انا ما عارف الحارس منو؟.
الدعيع ..ولاّ انتوا؟.
انتوا ما قلتوا وقعتوا معاه (اقرار).
وقلتوا اهلوا موافقين.
وقلتوا صلاح ادريس بتكلم ساكت.
وقلتوا ..وقلتوا.
مالكم بتصرفوا نظر عن اللاعب.
ابقوا على ايهاب زغبير افضل ليكم.
اصلو زغبير دا حارس (الشدة).
لمن ما تلقوا ليكم حارس ..بتلقوه.
خطوة جميلة وموفقة قام بها امس مجلس الهلال وذلك بحل قضية يوسف محمد وسنكارا وبمبا.
هذا عمل كبير من المجلس ..عقبال تنتهي قضية غارزيتو وكامبوس وايفوسا.
المهم قطعتوا شوط كبير ..وتبقى القليل.
بس عاوزين التركيز يكون في التسجيلات.
بالمناسبة ليه هذه القضايا والمطالبات كلها بتظهر فى فترة التسجيلات.
يعني ليه في كل تسجيلات ايفوسا ويوسف محمد بظهروا.
وليه في هذا الوقت ايضا ظهر كامبوس وغارزيتو.
من يحرك هذه الملفات في هذا التوقيت.
ما تنصرفوا او تنشغلوا عن التسجيلات.
ركزوا في التسجيلات الان.
الشيء باقى ليها (11) يوم.
.....
عاجل : كلتشي في اليد ولا الف عباس امادو.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.