صباح الخير.. مساء النور.. يا ست البيت.. و ست المكتب.. الفاتح على الجمهور ختم الدولة جنبك هيبة.. قط لم تقبلى المصرور حلال وبلال عليك يا أم.. مرتب بالتعب ممهور وساعة رضاعة.. أجمل من سياحة شهور النوم النوم نوم وتعال النوم تعال.. سكت الجهال اخر من تنومى.. وتقومى دغشاً بدرى.. قبل الشمس ما تترك سرير النوم.. ويغادر عشتو العصفور تحرسيها اللبينة تفور تسوى الشاهى يا إلهى يا إلهى.. كم من سندوتش فطور للممتحنة.. والبهاتى.. جارى يحصل الطابور وبرضو وراك مستنيك.. هم دفتر غياب وحضور لفحنا العمة وخليناك.. بين الحلة.. والماسورة رتبتى القميص والطرحة.. حفظتى النشيد والسورة و التعب البخلى الصورة.. فى عينك أجمل صورة ديك الحجلة.. وداك البلى.. ياما تشرى.. ياما تبلى ما بتكلى.. ما بتملى.. ما بنقص حنانك ملى هل هذا عمل مأجور ممرضة سسترة ودكتورة توب السهرة ابيض.. ناصع بين العنابر نور مدرّسة حيث مدرستك حنانك سور كراريس الصبا الباكر .. تذاكر نحو بكرة مرور سلاما عمتى الفراشة المقشاشة جنبك.. كم بشوفا زهور بت الشدة والوردية.. والمكنة التى ليلا ونهار تدور تحت الشمس فى الحواشة بين الحبة والزرزور كليك كليك يا حلوة.. جمبك الكمبيوتر تكية صبح الشاشة ياخد من عيونك نور ام الكادحين وغلابة والعزابة ست الكسرة.. أحب القرقريبة القرقريبة .. القرقريبة قريبة.. فى أيدك فراشة تدور والهبابة والعرق البنقط داك زى قمرية تقوقي فوق السور تغازل فى الضحى النقاع عشة.. وميرى.. مدرسة الحياة المعمورة لا كراس.. ولا سبورة لا تقرير سمح رقاكي.. لا دبورة تحيى تعيشى لا مقهورة.. لا منهورة لا خاطر جناك مكسور.. بل مستورة يا ذات الضرا المستور سلاما يا غزالات العمل.. والبيت ملاياتك ضفاف النيل احب واديك .. هذا الحوش أحب الشاى مع القرقوش احب المستك الفواح اهيم فى غمرة النعناع بن.. و مدق.. و جمرة تسخن الايقاع سلاماً يا نساء الارض قاطبة.. فى كل مكان عندك مانع عماد المتمة عندك مانع زي نيلين بالشوق نتلاقي ونمشي دروب الدنيا امواج ندي الناس الحب والخضره ونبقي في ليلم نور وسراج ندي الكادح معني وجودو ونبقي سنابل للمحتاج اصل وحاتك شايلك منيه ولابس حبك عمه وتاج وعندك مانع تسكني فيني واسكن فيك وبينا يكون الحب ممدود ونبقي نموذج للحا يحبو ونبقي في عينم احلي ورود قبل القاك انا كنت معاك كان احساسي انا بيك موعود وكان النيل بيناتنا الهمزه ونبض الروح والقلب شهود وعندك مانع تبقي في دربي النور الساطع وتمشي معاي الرحله الحلوة وتبقي حبيبه العمر الرائع وليك ح ابقي المخلص جدا وفيك ح اكتب نبضي روائع وبيك ايامي بتصبح فرحه وما ح اشوف في عمري مواجع وعندك مانع
