سودارس : مشوا عشان يشيلوا (الكأس) شالوا (المدرب)

كواليس صادمة... كيف تعطلت صفقة تسليح الجيش السوداني في اللحظات الأخيرة؟ بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا ((نار فلوران ولاجنة ريجيكامب؟؟)) جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب تعطيل الدراسة في الخرطوم المريخ يكثف درجات إعداده ويتدرب بالصالة النخبة بالخرطوم.. كيف؟ "تمبور" يكشف عن توجيهات صادرة جديدة ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! هل تستطيع أمريكا احتلال جزيرة خارك الإيرانية؟ الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

مشوا عشان يشيلوا (الكأس) شالوا (المدرب)

قوون نشر في قوون يوم 15 - 08 - 2013

بالحضري والبرنس و(17) لورد فشلوا في كأس (فهيمة)

نحن حقنا ما بنخليه.

ان شاءالله بعد سنة.

فاكرين (العيد)..بخلينا نقلب الصفحة...(عشان بننسي ليكم).

افتكروا (المطر) بتنسينا الموضوع دا.

نحن ما بننسي ..وحقنا ما بنخلى ...(عقب بنشيلو).

مرات بنسكت ساكت ...(فوق رأي).

عاوزين نكمل فهمكم.

بنشوفكم ح تعملوا شنو؟.

بنعمل فيها ما عارفين اي شيء.

عاوزين يعملوا لينا فيها شفوت ...قاموا شالوا (المدرب).

هسع (الكوكي) ذنبو شنو؟.

بلة جابر شال ليه (21) مدرب ..وهو قاعد في طرفو اليمين ..(ما في زول بسألو).

مشوا الامارات عشان يشيلوا (الكأس) شالوا المدرب.

شالوه قبلو ..من استادو.

يا جماعة على الاقل كان تخلوه يرجع السودان ..وتشيلوه هنا.

كان تخلوه يعيد بعدين شيلوه.

كدا ما صاح.

عليكم الله هسع العملية دي بعملها (لورد).

ناهيك عن (17) لورد ..قاعدين زي (ترامس) الشاي.

هسع انا عاوز اسألكم سؤال.

لورداتكم (بتاعين الحكومة ديل)..عملوا شنو في الخريف؟.

ما في واحد فيهم طلع يصرح في الجرايد.

تقول (السيول) دي كانت في (كندا).

كأنها (الامطار) دي هطلت في (كلفورنيا).

كبوا (اللوردات) كلها في المريخ ...وخلوا (البلد) قاعدة في الصقيعة.

اها هسع (السيل) دا البثبتو منو؟.

البرير بي حالتو دي ...طلع اتشمر ..وقال جاهز يلعب مباراة قمة لدعم المتضررين.

انتوا يا جماعة البلد دي ما بلدكم ...انتوا قايلنها بلد (صينيين).

ناسكم المسطحين في الجغرافيا ديل يكونوا فاكرين البلد دي ...(بنغلاديش).

ديل ما عارفين اي حاجة.

انتوا ما بتحسوا بالناس البلد دي ليه بتخلوها تغرق.

الكوكي (خسر) في بطولة ما عندها قيمة ..شالوه.

كان تشيلوا (الوالي).

لو ما بتقدروا على الوالي شيلوا (المعتمد).

اقصد شيلوا (عبدالصمد).

مالكم انتوا عاوزين تلخبطوني.

المعتمد الجابو هنا شنو؟.

الموضوع دا زي (جدادة) ناس تاي الله.

تاي الله دا كان عندو (جدادة).

الجدادة دي كلو يوم كان بتبيض ليها (بيضة).

وتاي الله كلو يوم بدخل القفص ..يشيل (البيضة) من الحفرة ويطلع.

تاي الله دا يوم دخل (القفص)..لقى الجدادة باضت ليها (برتكانة).

تاي الله عاين للجدادة كدا ..وقال ليها : انتي بقيتى مع الجماعة ديل وإلا شنو؟.

البرتكانة دي (جبتيها) من وين؟.

الجدادة قالت ليه دا تحسين نسل.

تاي الله عاين للجدادة وقال ليها اسمعي بكرة لو ما لقيتك بايضة (تفاحة)..بقطع رأسك دا.

هسع الكلام دا طبعا (حسب نظركم) ما عندو اي علاقة بالموضوع.

القال ليكم منو؟.

انتوا إلا يقولوا ليكم البلد غرقت عديل كدا ...عشان تفهموها.

خلاص (البلد غرقت).

في بطولة سابقة ..وفي توقيت يصادف هذا التوقيت الذي لعب فيه المريخ في بطولة الظفرة في الامارات ..وقبالة العيد كان الهلال يلعب في بطولة بني ياس في الامارات.

شفتوا كيف؟.

امشوا معاي بي ذاكرتكم شوية - شوية (شمال قاعة الصداقة) ...واتذكروا البطولة ديك ...(باقى نحن حاجات زي دي بننساها سريع وبنمسحها ..وما بنعتبرها انجازات).

ولا بنعدها.

ناس المريخ ديل الواحد فيهم لو جاب ليه (ربع رطل زيت) من الدكان الفى الحلة يعتبروا ليك (بطولة جوية).

ناس شحيحة.

اتخيلوا لو الواحد فيهم جاء شايل ليه (قزازة سمن) يا ربي كان ح يعمل شنو؟.

البلد (غرقانة)...وانت تتكلم لي عن (السمن).

السمن مالو ؟ - دخلوا شنو بالغرق.

عاوزني بس اعمل ليكم شنو؟..ابقى ليكم (مركب)..وإلا ارض يابسة.

عندنا زول في الحلة ...(من زمن كراس الرياضيات مسطر مربعات مربعات).

الزمن داك بتذكروه.

الزول دا بقى لمن تجيب ليه سيرة (المطرة) بجيه رعاف.

ما علينا عليكم الله ما تجيبوا لي الكلام خلوني هسع في البطولة البتكلم ليكم عنها.

انسى (المطر) ...واعمل فيها انك ما عارف اي حاجة وقول كمان الحكومة ما قصرت.

قصرت كيف؟.

يعملوا ليكم اكتر من كدا شنو؟ ...يغرقوا معاكم يعني.

ما يغرقوا ..بس لو اي وزير كدا رمي ليه (حيطة) في بيتو تضامنا مع الشعب ...يكون ما خلى حاجة.

انتوا ما شفتوهم في (النشرة)...بيتقالعوا في (المايكات) ..ويتقبلوا في تهاني العيد والبلد غرقانة.

عليك الله السيرة دي اطلع لينا منها ...خلينا هسع في البطولة ديك.

برجع ليكم للبداية ..(خلاص ما تزعلوا).

خليت (المطر).

من تلك البطولة التى كانت في الامارات استطاع الهلال ان يعود من هناك حاملا كأس البطولة (بدون تعب ولف ودوران) بعد مباراة تجلي فيها المذيع الاماراتي وتغزل في الهلال (وبقى لينا محمد وردي عديل كدا)..وكان المذيع قد جعل نشيد الهلال (سيد البلد) يتردد مع كل (تمريرة) والكورة تنتقل بين اقدام لاعبي الهلال على انغام (ازرق هدر).

المذيع الاماراتي مع (خلع) ناس مهند الطاهر ما فضل ليه إلا يبقى لينا (مصطفى السني).

الزول دا كسر جنس تلج لي (خليفة).

قدم الهلال في تلك المباراة اروع المباريات وبلغ بها من ناحية المستوى حد الادهاش (نحن لمن شبعنا عديل كدا) قعدنا نتكرع ..اذ افرد سادومبا (سيناته) العريضة (محل ما تقبل تلقى ليك سين) ..وطرز مهند الطاهر بهوبته ليالي الامارات ..وسجّل خليفة هدف زي (كعك العيد)..حتى اننا اسمينا تلك البطولة وقتها باسم (خليفة).

يمكن عشان البطولة بطولة (خليفة)....خلفاء الامارات وامراؤها ...عشان كدا نحن البطولة دي معنى كدا جبناها ب (خليفة).

بدون اي تعب.

وقبل كدا انا قلت ليكم نحن اي حاجة عندنا بي نظام ..والكلام دا ما يطلع من العمود دا.

اتذكر وقت الهلال فاز بكأس هذه البطولة الودية ...ناس المريخ واعلامهم (المجلي) ..اعترضوا على تلك البطولة وعلى ضعفها ..وسموا كأسها بي كأس (فهيمة).

ناس مونيكا بضحكوا على ناس فهيمة.

وقد كان ذلك تزامنا مع فوز الفنانة فهيمة عبدالله بالمرتبة الاولى في برنامج (نجوم الغد).

نحن وقتها قبلنا ذلك من المريخاب ..ونحن اصلا عندنا رأي في مثل هذه البطولات المعلبة (جوا).

ما شغالين بيها كتير.

البطولات دي عندنا زي (البطيخ) البقوم في مياه التصريف الصحي.

ما في زول بمشي عليه.

نحن كاس فهيمة جبناه ...انتوا كأس (ايمان لندن) دا مالو غلبكم..راجعين لينا قفاكم يقمر عيش.

بطولة ضعيفة ..وما عندها اي قيمة ...تفشلوا في الفوز بها.

كان على الاقل كدا جبتوا ليكم (حاجة جوية)..وسموتها لينا بطولة جوية..مع بطولاتكم القاطعنها من رأسكم دا.

اصلوا عندكم عقدة من (البطولات).

المريخابي يمشي الخليج ..الامارات او السعودية او قطر ..يجيب شيلتو.

ويرجع يقول ليك (شيلة) جوية.

عندهم (عقدة) من الحاجات دي.

المحيرني ان المريخ فشل في الفوز بتلك البطولة (الوهمية)...وخسروا حتى كأس (فهيمة) الذي سخروا فيه على الهلال.

الهلال الذي فاز بذلك الكأس (سخروا) منه.

فكيف يكون الحال يا تري مع فريق يخسر حتى ذلك الكأس.

ما قلتوا (فهيمة).

فريق فيه (الحضري)..مصر غرقانة في الدماء ...وهو قاعد يتفاصح بي جاي.

مصر ولعت.

اتخيلوا فريق فيه الحضري ..يخسر تلك البطولة الضعيفة ...وتستقبل شباكه (4) اهداف.

انت يا الحضري نحن عارفنك في (الليل) ما بتشوف.

في الامارات مالك؟.

في الامارات برضو ما بتشوف.

(4) اهداف يا رجال.

(3) اهداف جاءت من لاعب واحد.

الكبر حصل.

حليل الحضري.

بقيت قاعد في السهلة.

فريق فيه الحضري ..وكوتة محترفين يفشل في الفوز على فريق اتأسس قبل (10) سنوات.

فريق فيه هيثم مصطفى ...فشل.

لو عارفنكم كدا كنا اديناكم (خليفة).

خليفة بقدر يفك شفرة تلك البطولات.

خليفة عارف اي حاجة.

فريق يا عالم فيه (17) لورد ....يخسر بطولة الامارات الضعيفة.

كل الذي قدروا عليه انهم شالوا (المدرب).

الناس في العيد منتظرين يشيلوا (الكأس).

شالوا (المدرب).

هسع (شيلة) المدرب دي بتغلب ليها زول.

الحكاية دي اي مجلس ادارة ممكن يقوم بيها.

يعني الموضوع ما محتاج ليه (لوردات).

الكوكي دا عصام الحاج وازهري وداعة الله شالوه قبل (شهور).

انتوا هسع يا لوردات معتبرين هذه (الشيلة) بطولة.

فاكرنها (انجاز).

والله نعم (اللوردات).

يا سلك لو ديل (لورداتكم) اكتبوا ساكت.

قاعدين ساكت.

ملحوظة : (لورداتكم) طلعوا لوردات جرايد ساكت.

هوامش

الهلال امس الاول قدم مباراة في غاية الروعة امام الاهلي شندي.

الاهلي شندي في الفترة الاخيرة اتجه نحو التصريحات وظهر في الاهلي شندي اكثر من (صلاح ادريس).

الجماعة ديل كلهم بقوا (ارابيب).

تصريحات صباح ومساء.

الفاتح النقر ما قادر يتطور الي الان وما قادر يتجاوز حكاية الهجوم على (حكم المباراة).

جيبوا لي مباراة ادارها الفاتح النقر لم يهاجم فيها (حكم المباراة).

الزول دا ما عندو (حنك) تاني.

يا كوتش ...العالم اتجاوز (الحتة) دي.

حكاية الهجوم على الحكام بقت ما بتمشي على الناس.

الحكم نقض للهلال هدفين ..مع ذلك هاجمه الفاتح النقر.

يا الفاتح النقر انت عاوز الحكم بعد كدا يعمل ليك شنو؟.

اكيد الفاتح النقر طمعان في الحكم وكان عاوز الحكم ينقض ليهم هدف مهند الطاهر وهدف كاريكا.

عليك الله يا الفاتح انت لو كنت حكم هدف مهند الطاهر دا تنقضو كيف؟.

دا هدف جاء من النص.

يعني (ابوجريشة) ما بقدر يقول فيه حاجة.

المريخ كالعادة فاز على مريخ الفاشر 3- صفر.

مع ذلك محسن سيد قاعد يصرح.

الزول دا قبل المباراة بصرح.

وبعد المباراة بصرح.

والبسمع تصريحات محسن سيد ...يقول (الفانلة) تحتها فكي.

في مصر قال وزير الداخلية ان احداث الامس قتلوا فيها (149) مدني و(43) من قوات الشرطة.

في الوقت الذي اشارت فيه تقارير اخرى ان عدد الضحايا تجاوز ال (2000) مواطن.

والحضري قاعد (فرحان) هنا.

مصر ولعت.

متى تخرج مصر من هذا الوضع.

احسب ان الاوضاع تمضي الي اسوأ في مصر.

وما يحدث في مصر بسبب (النار) يحدث في السودان بسبب (الماء).

الضحايا والخسائر هنا اكبر.

مع ان الخصم هنا هى (المياه).

والحكومة هنا وهناك مسؤولة عن تلك الخسائر.

اعلان حالة الطواريء في مصر لمدة شهر ..وحظر التجول في معظم محافظات مصر.

وحظر التجول في مصر يوقف اي شيء.

الهلال سوف يلعب غدا الجمعة في شندي.

نتمنى ان تخرج المباراة بصورة جميلة ..وان لا تحدث فيها احداث شغب.

خاصة وان الاهلي (فلكيا) فرصته معدومة في التأهل الي نهائي كاس السودان.

ويبدو المريخ ايضا قريبا من ملاقاة الهلال في النهائي بعد فوز المريخ على مريخ الفاشر 3-صفر.

الهلال هين.

الخريف كيف؟.

وزير الشباب والرياضة في ولاية الخرطوم عرفت ليه بنادي بتكوين لجنة (تصريف).

عشان البلد غرقانة.

لكن يا بدوي ...لجنة تصريف الهلال ما بتحلك.

شوف ولايتك حاصل فيها شنو؟.

السيل جاكم.

والنيل جاكم.

الوزير ذاتو بقى في لجنة التعبئة.

كدا اول حاجة اقدروا على (الموية) دي.

البشوف لورادت المريخ يقول الخرطوم آمنة.

....

عاجل : بجي الخريف والوزير بقيف.

انقر هنا لقراءة الخبر من مصدره.