سودارس : في الهلال مجلس شرعي يحلوه وفي المريخ لجنة معيّنة يمدّوا ليها

قرار لحكومة السودان بشأن معبر أدري قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* عثمان ميرغني يكتب: فساد.. الفساد.. والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي جهاز المخابرات العامة يدشن مبادرة العودة الطوعية للاجئين السودانيين من مصر إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) (أماجوجو والنقطة 54) الأهلي يخسر من ساردية بدوري شندي شاهد بالفيديو.. طبيب بمستشفى نيالا يشكو من انتهاكات أفراد الدعم السريع ويحكي قصة نجاته من القتل بعدما رفع أحدهم السلاح في وجهه شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" برشلونة يتلقى دفعة معنوية قبل مواجهة أتلتيكو مدريد من إيطاليا إلى بولندا.. سرقة 413 ألف قطعة شوكولاتة.. ما القصة؟ ترامب: إيران منحتنا 20 ناقلة نفط والشحن يبدأ غدًا بوتين: روسيا مستعدة لاستضافة الألعاب الأولمبية في المستقبل كريم عبد العزيز وفريق مطلوب عائليا يبحثون عن دولة أوروبية للتصوير الخارجى شاهد بالصورة والفيديو.. الراقصة الحسناء "هاجر" تشعل حفل طمبور بفاصل من الرقص الاستعراضي والجمهور يتفاعل معها بطريقة هستيرية أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة نتفليكس تزيل الستار عن أول صورة لشخصية جو كينيدى الأب فى مسلسلها الجديد سارة بركة: أحمد العوضى مجتهد بشكل كبير وبيحب شغله جدا دار الأوبرا تحتفى بذكرى رحيل عبد الحليم حافظ بحفلين اليوم وغداً اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

في الهلال مجلس شرعي يحلوه وفي المريخ لجنة معيّنة يمدّوا ليها

قوون نشر في قوون يوم 16 - 08 - 2013

* لجنة تسيير المريخ (المعينة) – غير المنتخبة ذات ال (17) لورد تبقى لاهليتها القانونية او قل (الوزارية) اقل من اسبوعين وينتهى اجلها الوزاري او السلطوي الذي كونها.
* وقد كنا جميعا شهودا على تلك اللجنة (اللوردية) التى كوّنها وزير الشباب والرياضة بولاية الخرطوم.
* وكلنا استمتعنا ب (الكورال) الاعلامي الذي تغزل في لجنة التسيير تلك عندما كوّنت وخرج اعضاءها في الصحف يتوعدون ويبشرون اهل المريخ بجنة في الارض ..واحلام ما انزل الله بها من سلطان.
* اللورد (الذي لا يقرأ جرايد)...خرج في تصريحات صحفية وفي منابر اعلامية مختلفة (رغم من انه ما بقرأ جرايد) وقال انهم سوف يحوّلون المريخ الي شركة مساهمة رأس مالها (50 مليون دولار).
* دل.
* دلللللللللل.
* هو الكلام بقروش.
* لورد عاوز يحوّل المريخ الي شركة مساهمة رأس مالها لا يقل عن (50) مليون دولار – وما بقرأ جرايد.
* اتخيلوا.
* (50) مليون دولار بتاعة مين؟....الجماعة هسع (طبلية) ما عملوها..شركة مساهمتهم التى رأس مالها (50) مليون دولار كوّنوها في الجرايد ...(التى قالوا انهم ما بقرأوها).
* شفناها بس في (الاعمدة الصحفية).
* والله لو بتقرأ جرايد – كلامك دا ما كنت بتقولو.
* الكلام دا قولو لي زول ما عندو حديدة.
* ما عندو جريدة.
* قال (50) مليون دولار قال.
* دل.
* هي (الصواعق) دي بتجي من فراغ.
* يا ربي دا ياتو (كبري)؟.
* دا شن جنسو؟.
* اتخيلوا المريخ (شركة مسهامة رأس مالها 50 مليون دولار) – والبلد غرقانة.
* عارفين ال (50) مليون دولار دي ممكن تحل مشاكل البلد كلها – دارفور – والنيل الازرق والشرق – والخرطوم البقت (مقطوعة) من الغرق.
* اول مرة اشوف لي عاصمة مقطوعة عديل كدا.
* اذا كان هذا هو الحال في الخرطوم – تري كيف يكون حال اهلنا في البوداي والاطراف؟.
* ما علينا – او علينا والله (لكن نقول شنو؟).
* اها سكتنا.
* دعونا ننظر ولجنة تسيير المريخ ذات ال (17) لورد التى كوّنها الوزير يقترب انتهاء اجلها ولم نر الي الان اي حاجة من الوعود التى اطلقوها في الصحف التى لا يقرأونها.
* (جدادة) ما شفناها.
* ولا بيضة.
* أهو كلام.
* نحن بالمنطق وعشان ما يقولوا واقفين ليهم على الواحدة ..بنقول ليهم نحن في هذا التوقيت ما عاوزين شركة رأس مالها (50) مليون دولار كما وعد اللورد الما بقرأ جرايد.
* لكن عاوزين نشوف بس دلائل وخطوات تأكد تلك التصريحات والمزاعم التى اطلقوها.
* عاوزين نشوف لينا (لوري طوب) ساكت.
* ان شاءالله ما ينزل (طوبة) لكن نشوفو.
* عاوزين فقط نشوف (نوايا) تثبت ان هناك عمل حقيقي قادم وشركة مساهمة رأس مالها (50) مليون دولار.
* عاوزين نشوف (ملامح) لذلك.
* شبه بس – ما اكتر من كدا.
* عشان الحكاية ما تكون كلام ساكت ...(عشان الكلام دا نحن شبعنا منو..وهو ما عاوز اي مؤهلات او امكانيات).
* اي (لجنة) تكوّنوها ..ممكن تقول ليكم احسن كلام – وتقول ليكم كلام اخطر من الكلام دا.
* ممكن بالكلام يعملوا ليك (معجزات).
* خلوها ال (50) مليون دولار.
* عاوزين نشوف لينا (دولار) واحد كدا في شركة المساهمة تلك.
* عشان الواحد تاني لمن يكذب ..يكذب كذبة معقولة كدا ...اي من غير المعقول ان تستيطع لجنة عمرها (4) شهور في انشاء شركة مساهمة رأس مالها (50) مليون دولار.
* انتوا عارفين نحن لو جبنا لينا (لجنة) متخصصة في (الكضب) وكلها لوردات...ما بقولوا الكلام القالوه ناس لجنة المريخ دا.
* الكضب دا لو درسوها في جامعة (هارفارد) وحضروا فيه في جامعة (كامبردج) وعملوا فيه دكتوراه في جامعة (أكسفورد)...يا ناس لجنة اللورادت ما بقولوا كلامكم دا.
* انتوا لوردات في شنو؟.
* في الكضب!!.
* قالوا ليكم اتنين كضابين شديد.
* واحد قال للتاني نحن عندنا عمارة من (10) طوابق – الطابق الارضي والاول والتاني شالهم السيل ...وباقى الطوابق ما جاتهم اي حاجة.
* التاني قال ليه : الغريبة نحن السيل الجانا (شال) بس شاحن الموبايل وطلع.
* جنس كضب.
* وينها شركة مساهمتكم التى رأس مالها (50) مليون دولار؟.
* وينها (طعميتكم).
* باسم الله (الطعمية) الدخلها هنا شنو؟.
* ما شفنا اي حاجة.
* وينها (مدينتكم الطبية)؟..ما قلتوا عاوزين تعملوا ليكم (مدينة طبية).
* دل.
* عليكم امان الله (درب) ساكت ما شفناه.
* حقنة ما جابوها.
* وعشان ما تقولوا نحن بنتكلم ساكت.
* انا بثبت ليكم كلامي دا بالمنطق والدلائل – عشان تعرفوا حقيقة (المدينة الطبية).
* المريخ عندما سافر للمشاركة في بطولة الظفرة الودية في الامارات البعثة التى كان قوامها يتكون من اكثر من (35) فرد – ما كان فيها ولا (طبيب) مرافق للبعثة.
* ممرض ما فيها...(الكلام دا اثبتوا الاخ هيثم محمد علي المرافق للبعثة).
* نوع ديل – الطبيب الذي يكون مرافق للبعثة ما بسوقو معاهم بالعقل كدا ممكن يعملوا ليهم (مدينة طبية).
* منتظرين ليكم (مدينة طبية) من مجموعة (طبيب) ساكت ما فيها.
* المعروف ان اي نادي او حتى فريق يسافر في رحلة خارجية بكون مرافق للبعثة (طبيب).
* اها (اللوردات) ديل (الطبيب) ما ساقوه.
* بعد دا في ناس (طيبة) كدا منتظرة (المدينة الطبية).
* اللوردات الباقى ليهم (14) يوم و(7) ساعات و(3) دقائق ...قالوا ح يعملوا (مول) تجاري ضخم.
* مول (عديل كدا).
* دل.
* في صاقعة وقعت قريب.
* عشان كدا (الصواعق) بتقع في نادي المريخ.
* تذكروا (الصاقعة) الوقعت في حوض السباحة.
* وتذكروا (الصاقعة) الوقعت في (الطابق التاني).
* مول مع ناس كلتشي دا يمين (قطعة جبنة) ما تلقوه فيه.
* اما (الطحينة) فاقنعوا منها عديل مع ناس اكرم الهادي سليم.
* نحن هسه ولجنة التسيير تبقى لها ايام ما شفنا لينا (كشك) سجائر – ناهيك عن (المول) الذي بشرت به اللجنة عندما اعلن اسماء اللوردات فيها.
* يعني يا عصام الحاج ويا ازهري وداعة الله انتوا استقلتوا عشان المول والمدينة الرياضية وشركة المساهمة ..وطبلية بعدكم ما شفناها.
* ولا (طوبة).
* طيب هسع يا جماعة الفرق شنو بين (اللوردات) الما بقرأوا جرايد ديل ومجلس عصام الحاج.
* على الاقل مجلس عصام الحاج كان مجلس شرعي ومنتخب وبقرأ جرايد كمان.
* ومجلس عصام الحاج كان واضح وصريح ..وما كانوا قاعدين يكضبوا في الناس...ويقرأوا جرايد.
* يعني عصام الحاج الذي اشتغل في المريخ اكثر من (21) سنة ما حصل في يوم من الايام قال ح يعمل ليه كشك فول.
* ناهيك عن مول.
* ولا (كمشة).
* نفسي اعرف..انتوا (لوردات) في شنو؟.
* لوردات (فني معامل).
* وإلا (لوردات) تركيب اطباق هوائية؟.
* وإلا لوردات (كهربة سيارات).
* ورونوا انتوا (لوردات) في شنو؟.
* اللوردات ال (17) ديل مع تحويل المريخ الي شركة مساهمة والمدينة الرياضية والمول التجاري قالوا عاوزين يعملوا ليهم (نادي عائلي) على النيل.
* طبعا الكلام دا قالو صلاح ادريس قبل (10) سنوات.
* لوردات المريخ يا دوب بقولوا فيه الان.
* المحطة (بتاعة الشو) دي نحن اتجاوزنها قبل عشرات السنوات.
* بعدين نادي عائلي على شنو؟.
* وتعملوه وين؟.
* عليكم الله هسع الخرطوم دي فيها حتة يابسة.
* البلد كلها بقت في (الموية).
* قالوا ليك واحد مشي ليه لي بتاع فول وقال ليه : في موية فول.
* زولكم بتاع الدكان قال ليه موية الفول عاوز بيها شنو مع (المويات) دي.
* صاحبكم قال لبتاع الدكان : ابدا ..بس شكيت في الموية البتكب من (الصالون)..زي كأنها بتكب من (قدرتك) دي.
* ناديكم العائلي دا إلا تعملوه برة الولاية.
* على الاقل تشغلوا باصات الوالي شوية.
* اصلها الايامات دي قاعدة ساكت.
* وبالمرة كدا الباصات دي لو قلبتوها لينا (بنطونات) كان ارحم.
* كان اشتغلت اكتر.
* قالوا ليك ناس الانقاذ ديل غلطوا غلطة كبيرة (الكباري) كلها عملوها على (النيل).
* كان يفترض يوزعوا (الكباري) دي على السوق العربي والكلاكلات والحاج يوسفات.
* امس صحيت نص الليل ...اتلفت يمين وشمال ..وقلت في نفسي انا الوداني (توتي) شنو؟.
* عاينت تاني يمين وشمال لقيت نفسي قاعد في بيتنا – قلت طيب (توتي) الجابها هنا شنو؟.
* السيول دي لو عاوزين تسبتوها جيبوا ليها (الفيفا).
* شغل الولاية دي ما بثت ليه سيول.
* ديل لي هسع بقولوا ليك نحن اتفاجأنا بالخريف.
* يعني لي هسع في طور (المفاجأة).
* لمن المفاجأة تفك منهم – الخريف بنتهي.
* عشان كدا كلموا الفيفا – الجماعة ديل نحن قنعنا منهم (ظاهر وباطن).
* ديل بنتظروا المطر تصب ..ويقولوا ليك ناس الارصاد قالوا بكرة في مطرة تانية.
* انتوا ناس الارصاد ديل ما عندهم (اطفال).
* ما عندهم حيطة جالوص خايفين عليها.
* هسع عليك خلينا من الكلام دا ..خلينا في (اللوردات).
* لوردات المريخ بعد تلك الوعود والاحلام (الصحفية) التى بشروا بها واعلنوا عنها في الصحف – تصوروا (الوزير) ما سألهم.
* المشكلة بعد (الكضب) دا ..عاوز يمدد ليهم.
* على شنو ما عارف؟.
* (17) لورد قاعدين ساكت.
* المطر كشفتكم.
* والوزير بدل ما يسألهم ويحاسبهم على فترتهم التى لم ينجزوا فيها اي شيء ..وفشلوا حتى في كأس (افراح عصام) اقصد في كأس الظفرة...عاوز يمدد ليهم.
* لو قلت ليكم حاجة تانية (بتتهجموا).
* عيونكم بتقى في نص رأسكم.
* الوزير ..عاوز يمدد للجنة غير شرعية ..وغير منتخبة وما عملت اي حاجة غير انها اجبرت العجب على الاعتزال وشالت الكوكي – في نفس الوقت الوزيرعاوز يحل مجلس الهلال الشرعي والمنتخب.
* عليكم الله هسع الحركات دي (السيسي) بعملها.
* وقت نقول ليكم (السيسي) ما بترضوا وتقعدوا تزعلوا وتعملوا في (المؤتمرات الصحفية).
* مجلسنا الشرعي والمنتخب والذي تبقى لفترته (3) شهور – عاوزين يحلوه.
* ولجنة تسيير المريخ المعينة وغير المنتخبة والتى انتهى اجلها – عاوزين يمددوا ليها.
* عليكم الله دي ما حقارة.
* في حقارة اكتر من كدا.
* عشان كدا انتوا (المطرة والسيول) ما خاطية عليكم.
* خلتكم قاعدين في السهلة.
* مع ذلك لا عاجبكم (العجب)..ولا رمضان عجب ذاتو.
* ملحوظة : اول مرة اشوف لي (لوردات) تجهجهم مطرة.
هوامش
* عمودي (القراية ام دق) في الاهرام اليوم موقوف بواسطة السلطة عشان كدا ح نتواصل معاكم يوميا ان شاءالله من خلال (وان طال السفر).
* ونحاول نلتزم معاكم رغم الامطار والسيول.
* فنون اوقفها مجلس الصحافة بحجة واهية فتوقف ايضا (لت وعجن).
* ويبقى بيننا التواصل والود عبر (وان طال السفر)...ان ما ظهر لينا (سفر) جديد.
* ح اقابل ليمكم اللوردات ..وعمكم عصام الحضري.
* يا عصام الحضري الناس القدرك واقفين في ميدان (رابعة العدوية).
* وانت واقف لي في استاد المريخ.
* غايتو مع (الدموم) دي عصام الحضري تاني ما بسافر القاهرة.
* الحضري شابكنا السودان سخن ..والتعليم في السودان ما كويس..والاوضاع غير مستقرة.
* لمن الحكاية بقت على مصر.
* تاني الزول دا ما بسافر.
* انتوا فاكرين الحضري دا قاعد عشان حباب عينكم.
* دا قاعد عشان خايف.
* الخوف قاطع قلبو.
* لكن خبر اكيد ...مسيرة الحضري في المريخ سوف تتوقف قريبا.
* اتذكروا كلامي دا – عشان تاني ما بكرروا ليكم.
* توقف الحضري لن يكون بسبب انتهاء فترة اللوردات.
* خلوها مستورة.
* ح تشوفو قريب.
* الزول دا ح يقيف ح يقيف.
* زمان وقت تصب مطرة ...الزول بشيل مرتبتو ومخدتو من الحوش ويدخل الصالون.
* هسع لمن تصب مطرة ..الواحد بشيل المرتبة والمخدة وبطلع من الصالون وبمشي الحوش.
* عارفين ليه؟.
* عشان (الصالون) هو ذاتو بقى ما مضمون.
* .....
* عاجل : الزول من يقول ليك التلفون كان في الشاحن – تاني ما تضرب ليه!!.

انقر هنا لقراءة الخبر من مصدره.