سودارس : صديق أحمد عندما يترنم (النخيل)

نزار العقيلي: (كلام عجيب يا دبيب) البرهان يؤكد حرص السودان على الاحتفاظ بعلاقات وثيقة مع برنامج الغذاء العالمي عطل في الخط الناقل مروي عطبرة تسبب بانقطاع التيار الكهربائي بولايتين ميسي: لا أريد أن أكون عبئا على الأرجنتين.. وأشتاق للعودة إلى برشلونة رئيس مجلس السيادة يؤكد عمق العلاقات السودانية المصرية رونالدو: أنا سعودي وأحب وجودي هنا مسؤول مصري يحط رحاله في بورتسودان (25) دولة تدين بشدة الفظائع وانتهاكات القانون الإنساني الدولي في السودان على يد ميليشيا الدعم السريع "فينيسيوس جونيور خط أحمر".. ريال مدريد يُحذر تشابي ألونسو الهلال يدشن انطلاقته المؤجلة في الدوري الرواندي أمام أي سي كيغالي كُتّاب في "الشارقة للكتاب": الطيب صالح يحتاج إلى قراءة جديدة عثمان ميرغني يكتب: إيقاف الحرب.. الآن.. مستشار رئيس الوزراء السوداني يفجّر المفاجأة الكبرى مان سيتي يجتاز ليفربول التحرير الشنداوي يواصل إعداده المكثف للموسم الجديد دار العوضة والكفاح يتعادلان سلبيا في دوري الاولي بارقو كلهم حلا و أبولولو..!! السودان لا يركع .. والعدالة قادمة شاهد.. إبراهيم الميرغني ينشر صورة لزوجته تسابيح خاطر من زيارتها للفاشر ويتغزل فيها:(إمرأة قوية وصادقة ومصادمة ولوحدها هزمت كل جيوشهم) لقاء بين البرهان والمراجع العام والكشف عن مراجعة 18 بنكا السودان الافتراضي ... كلنا بيادق .. وعبد الوهاب وردي شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان وزير الطاقة يتفقد المستودعات الاستراتيجية الجديدة بشركة النيل للبترول أردوغان يفجرّها داوية بشأن السودان وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" مركزي السودان يصدر ورقة نقدية جديدة "واتساب" يطلق تطبيقه المنتظر لساعات "أبل" بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

صديق أحمد عندما يترنم (النخيل)

قوون نشر في قوون يوم 13 - 12 - 2014

وكان عبدالرحمن بلاص ( البلال بلال يا بلالي أنا) – منو الما أخد ليه (نقزه) وقام كدا بدون ما يشعر يعرض في (الحوش)
كان النعام آدم (الزول الوسيم) – منو الما فتش ليه زول بتلك (الوسامة) التى تغنى بها النعام آدم وخلانا في التقديم للجامعات نقدم الرغبة الاولى (الزول الوسيم)
كان إبراهيم موسى أبا (ملكة جمال بارا) – تلك الملكة التى نافس بها إبراهيم موسى أبا ملكة جمال فينا والهند والعالم
كان أحمد عمر الرباطابي (حبيبا شغل العقول)....أغنية دخلنا بيها على أي زول طولنا منو وما شفناه كسبنا 4 / صفر

* في رمضان الماضي كان لنا شرف (الإفطار) مع الفنان صديق أحمد – قابلته في إحدى المناسبات فكان ان دعانا للفطور معه في إحدى أمسيات رمضان.
* يعرف عن صديق أحمد كرمه الشديد – هو ما أن يجد أحد (بعرفو او ما بعرفو) إلّا حلف عليه يجي يفطر معاه.
* الفطور في طرف خشمو.
* بيته نفسه تعود على تلك الوضعية - لا (تهفهف) جدرانه إلا عند (قعقعة) الضيوف.
* وصوت الاباريق تتخابط.
* عندو (حوش كبير) – لو الناس ما فرشوا وقعدوا فيه للأكل ...بتعابط الحوش زي (الشافع) ويتعطن في البكاء.
* ونحن البكاء ما بنقدر عليه – كفاية الفينا.
* من رمضان الماضي – احاول ان اكتب عن صديق احمد فاجد الكلمات تخذلني
* وتفلت مني القدرة في الوصول الى ضفاف صديق احمد لاكتب عن ذلك الفنان الذي حجز مقعدا للطنبور في الوجدان السوداني – وكانت اغنيته من احد اركان (ربوع السودان) البرنامج الذي تقدمه الاذاعة السودانية ويسمعه كل الناس في السودان وهو يقدم الجنوب والشمال والغرب والشرق في اغنياته.
* عندما نتنفس الوطن – نشعر بالخلود.
* الامهات في الماضي كان لهن ارتباط قوى ببرنامج (ربوع السودان) – هن كانن يتركن (الراديو) نفعل فيه ما نشاء ونتحول بموجته الى ما نريد.
* إلا اذا حل موعد برنامج (ربوع السودان) كان ذلك الميقات عندهن محضور وكان (الراديو) وقتها (محجوز) ممنوع الاقتراب والتصوير.
* ضمن الراديو عليهن وقعدن في نص الحوش.
* مثلما كان ينجع (الاب) الى عالم الرياضة ..وصينية الغداء بحضّروا فيها كانت (الام) تركن عند (ربوع السودان).
* ربما لطبيعة اغنيات الربوع ذلك السحر – هي اغنيات تدخل في تفاصيل (اسرية) خاصة فتقدم فيه اغنيات السيرة والحنة.
* كان النعام آدم (الزول الوسيم) – منو الما فتش ليه زول بتلك (الوسامة) التى تغنى بها النعام آدم وخلانا في التقديم للجامعات نقدم الرغبة الاولى (الزول الوسيم).
* نحن لا بنعرف طب.
* لا هندسة.
* لا قانون.
* لا آداب.
* لا صحافة.
* رغبتنا الاولى التى ملأناها في استمارة التقديم كانت (الزول الوسيم).
* وكان ابراهيم موسى ابا (ملكة جمال بارا) – تلك الملكة التى نافس بها ابراهيم موسى ابا ملكة جمال فينا والهند والعالم.
* كنا فرحانين بيها اكتر من (قون التعادل).
* ولا بنسأل في زول.
* وكان عبدالرحمن بلاص ( البلال بلال يا بلالي انا) – منو الما اخد ليه (نقزه) وقام كدا بدون ما يشعر يعرض في (الحوش).
* وكان أحمد عمر الرباطابي (حبيبا شغل العقول)....اغنية دخلنا بيها على اي زول طولنا منو وما شفناه.
* وكسبنا النتيجة 4 / صفر.
* وكان صديق احمد ومحمد كرم الله ومحمد جبارة وكل الذين تميزت اغنياتهم بربوع خاص وكان في محياها ربوعا للسودان.
* هؤلاء جميعا ثبتوا مناخ (الربوع) وكانوا لنا (ربوعا) واغنياتهم تتوغل في الوجدان بذلك الحنين.
* الوطن فقد الكثير عندما فقد (الربوع).
* تعجبني في مدني (حنيتها) التى عرفتها في (من ارض المحنة ومن قلب الجزيرة).
* وبقيت ولا محتاج اغالط لي زول.
* الحنية عرفتها من قلب الجزيرة.
* ويعجنبي من شندي (ربوعها) – الذي كان في (يا حليل ربوع شندي) ومن عطبرة نسائمها (نسائم عطبرة الحلوة) ومن جوبا (قطعيتها) المسافرة من ذلك الحين في (يا مسافر جوبا) و (جوبا مالك عليّ) جوبا من يومها كانت ناوية على السفر.
* وكان لنا عشان خاطر اسحق الحلنقي ان نحب (كسلا) – (حبيت عشانك كسلا وعشقت ارض التاكا).
* ونتقطع كدا – لمن تفهموا حاجة.
* هذه المدن خلقت (تضاريسها) فينا من تلك الاغنيات – لم نكن نعرفها ، دخلناها عبر اغنياتها.
* صديق أحمد كان من الذين فرضوا مقرر (النخيل) على الاغنية السودانية – جاء صوته عاليا وسامقا كالنخيل.
* صوتو عندو (جغرافيا) براهو – وفهم مختلف...(ما تقعدوا تعاينوا لي كدا).
* طعم (التمر) في صوت صديق احمد واضح – وصديق يملك (99) طبقة غنائية.
* كل انواع البلح جاء بها في صوته.
* بيديك من (الدفيق) الى (العجوة).
* ينزل بيك لمن نفسك ينقطع ويطلع بيك لمن تفقد توازنك – كل ذلك الطيران والتحليق والحوامة يفعلها صديق احمد بصوته.
* صوته زي الطيارة.
* هو من الاصوات النادرة – يقرب لي ان اوصف صوت صديق احمد بانه صوت اشبه بالفندق الخمس نجوم ..يملك اجنحة وغرف وطوابق مختلفة...فيه استراحة وحوض سباحة وبوفيه مفتوح كمان (عشان ناس المريخ الكلام يقع ليهم).
* اصلكم لازم تتعارضوا لي في اي حاجة – حتى ونحن بنكتب عن صديق احمد.
* يمكن عشان صديق احمد (هلالابي)...زول صعب في الهلال – ما بقبل في الهلال (شلخة).
* صديق احمد نشأ نشأة سكة حديد ..والده كان (ناظر محطة) الكلام دا بقع لناس السكة الحديد.
* والسكة الحديد هى المصلحة الوحيدة التى تمنح منسوبيها ذلك التلون والتشكل والتنوع.
* السكة الحديد – المحطة والسندة وقطر المشترك والصانفور والفرملة وقطر العمال – والمحولجي والاشرجي والكمساري – كلها اشياء ان فصلناها وجدناها (مدرسة) في حد ذاتها.
* صديق احمد طلع من السكة الحديد ودرس في محطات الشرق الاولية في اوجرين ومسمار وسنكات وسلوم وكموسانة.
* كموسانة دي بالذات خطوا لي فيها خطين.
* بل الف خط.
* محطات الشرق ذات طبيعة جبلية ..ومناخ بارد وادروبات يتمتعوا بذكاء خارق وقدرة فائقة على العطاء.
* اول مسرح طلعه صديق احمد كان في عام 1964 ..وكان ذلك المسرح هو مسرح
* الاميرية الوسطي بسنكات.
* شوف مسارح المدارس زمان كانت بتعمل شنو؟.
* واول اغنية قدمها صديق احمد كانت اغنية (الريلة) لاسماعيل حسن والامبراطور محمد وردي.
* صديق احمد كان ومازال شديد الاعجاب بالفنان محمد وردي – وكان محمد وردي نفسه معجب بصديق احمد.
* وكان وردي يطلب من صديق احمد ان يطلع من حدود (الطنبور) كما طلع وردي ليكون فنان شامل.
* يربط حنين قوي بين صديق احمد ومحمد وردي – حتى ان صديق احمد قال لي انه عندما يسمع وردي بقفل غرفتو عليه ..وبقول لناس البيت ما في زول يصلو.
* يظل حبيس اليوم كلو بسمع في (محمد وردي).
* في عام 1964م نفسه توفي والد صديق احمد ...ليتحمل صديق أحمد مسؤولية اسرته بعد ان استقر بهم المقام في البلد.
* في البلد تغنى صديق احمد باغنيات النعام آدم الى ان جاء عام 1968 وقدم صديق احمد اول عمل خاص له من كلمات رفيق دربه الشاعر عبد الله محمد خير.
* وكانت اول اغنياته الشهيرة والتى قدمته للجماهير اغنية (يا زمان ب الله اشهد) التى قدمها في عام 1973م وهي من كلمات عبد الله محمد خير ايضا.
* ثم غنى لمحمد الحسن سالم حميد (عبد ريدك) في عام 1980م وحميد وقتها في الثانوي العالي. (تايه في صحاري الريد فارقت الدرب ضليت صنقر في شموسو الحاره لا راكوبه لا ضل بيت)
* اما الاغنية التى قدمته للجامعات فقد كانت اغنية (يا اجمل الحلوين).
* في عام 1984 هاجر صديق احمد خارج البلاد.
* صديق أحمد يقول ان المنافسة كانت قوية بينه وبين محمد كرم الله ومحمد جبارة مع ذلك بقى الاحترام والحب متبادل بينهم.
* صديق احمد شهد وقال ان اجمل اصوات الطنبور في الساحة الان هو صوت طارق العوض.
* ....
* ملحوظة : قفلت.
هوامش
* الخميس الماضي رحل بالقاهرة فنان الطنبور عبود تبوري..نسأل الله له الرحمة والمغفرة.
* صديق احمد يعتبر من سلاطين منطقته ...هو مازال كبيرهم الذي يهتدوا اليه ..وهو مازال يقودهم الى بر الامان.
* صديق احمد قال ما فى دعوه قدموها ليه ..اعتذر عنها.
* هو رغم صعوبة حركته في الوقت الحالي إلّا انه موجود في كل المناسبات ومتواصل مع كل الناس.
* الجميل في صديق احمد قدرته على التواصل والتعايش مع كل الاجيال.
* يستحق صديق احمد تكريم خاص.
* تكريم من الدولة.
* وتكريم من الهلال.
* وتكريم من اهل الشمال.
* الهلال انقطع في السنوات الاخيرة من تكريم ابنائه.
* وصديق احمد يستحق.
* طبعا هناك فنان هلالي آخر رائع – هو الفنان صديق برو.
* ......
* عاجل : الله يديك الصحة والعافية يا صديق احمد

انقر هنا لقراءة الخبر من مصدره.