مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم)    شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي)    شاهد بالفيديو.. والدة الفنان الراحل محمود عبد العزيز: الحوت تعرض لظلم فادح من هؤلاء وهذا ما فعلته عندما علمت بتعاطيه "السجائر" وهو طالب في الثانوي    والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي    بالصورة.. البرنس هيثم مصطفى وزيراً للرياضة في السودان    اكتمال عقد الجهاز الفني للكمال    قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر    "آبل" تستعد لإطلاق أول آيفون قابل للطي    شاهد بالفيديو.. نجمة السوشيال ميديا السودانية هبة الجندي تعود للظهور بعد غياب طويل بتقرير إخباري عن الأحداث السودانية وتطورها    شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية    "يغفر الله للجميع إلا باجيو!".. مأساة اللاعب الذي مات واقفا – فيديو    النفط ينخفض 1% بعد تقرير ترامب إنهاء حرب إيران    اختبار نسخة مدفوعة جديدة من "إنستغرام"    عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية    قيادي بحزب المؤتمر الوطني يحسم جدل مثير    صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم*    قرار لحكومة السودان بشأن معبر أدري    عثمان ميرغني يكتب: فساد.. الفساد..    إكتمال فتح الطرق والشوارع الداخلية بمنطقة وسط الخرطوم    ارتفاع جديد في أسعار الوقود بالخرطوم    الهلال يواجه أُماجوجو لتوسيع فارق الصدارة    شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء)    (أماجوجو والنقطة 54)    برشلونة يتلقى دفعة معنوية قبل مواجهة أتلتيكو مدريد    شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي    كريم عبد العزيز وفريق مطلوب عائليا يبحثون عن دولة أوروبية للتصوير الخارجى    أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف"    أيهما أكثر فائدة القهوة أم عصير البرتقال صباحًا.. والكميات المناسبة    آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا    فصيلة الدم تكشف احتمالية الإصابة بالسكري    السيسي للرئيس ترامب: لا أحد يمكنه وقف الحرب في المنطقة إلا أنت    "فيفا" يتّخذ موقفًا حازمًا بشأن مشاركة إيران في كأس العالم    مصر.. الدولار يقترب من 54 جنيها لأول مرة    سارة بركة: أحمد العوضى مجتهد بشكل كبير وبيحب شغله جدا    وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد    بسبب ضعف الراتب.. وزير الثروة الحيوانية بالسودان يبحث عن عمل إضافي    رئيس الوزراء يصدر قرارًا بشأن الرسوم الجديدة في المعابر    محمد عبد الباسط يكتب: لهذا تحركت باكستان الآن للوساطة بين أمريكا وإيران    السكوت على هذا الأمر لا يرضي الله ولا رسوله!!    ارتفاع أسعار الذهب في السودان    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ترامب يصدر أوامره ويكشف تطورات مثيرة مع إيران    الأمن يداهم مخزن يبيع الوقود المهرب لعصابات التنقيب عن الذهب    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الهلب دساس
قوون نشر في قوون يوم 02 - 05 - 2016

مرات بتدخل عليك (الرؤى) – وقت انبثاق (الروح) يتشحتف كدا – زي (الحبر) لمن يدفق في كراس (الإملاء)
القميص (مهرود) – من كترة القعاد..و(الكُم) – قدر ما تتحرفن عشان تدسو ..بقوم يفضحك ويظهر ليك..
ما عندي نفس..فول الزمن دا – نجيب ليه (نفس) من وين؟..الواحد لو جاب ليه (رغيفة) ما قصر معاهو!!.
زمان – أحلى حاجة لمن تركب بص الثورة بالنص – وتقول للكمساري نزلني (شقلبان)
* وأنا زي ملخبط ..وما ملخبط ...زي طالع وما طالع ...مارق وما مارق...قميصك الأخضر (صغر).
* نحن كبرنا – ولّا القميص طول..
* معاي قروش أو ما معاي ..ما عارف.
* ما كانت فارقة كتير.
* القروش شن طعمها.
* مرات بتدخل عليك (الرؤى) – وقت انبثاق (الروح) يتشحتف كدا – زي (الحبر) لمن يدفق في كراس (الإملاء).
* تشيل هم من حصة العربي.
* وتبقى (ممحوق) قاعد في قعر (الكنبة).
* وشك مخروط..
* وعيونك واقعة..
* وقميصك (مكرفس).
* الوجعة لمن تكون (محبوسة) – بتبقى زي (وصل الأمانة).
* واقفة ليك هنا –
* ما بتتبلع.
* وأنا (مُتقرح) عويناتك مع (شاي الصباح).
* بتعمل شغل عجيب.
* ما قادر أصل للوصف.
* ما قادر أصل للحالة.
* يمكن عشان بنخاف وقت الكلام يبقى كبير.
* وبيني وبينك – شارع البيت.
* طالع مدسي.
* مدفق في (هديمات) المدرسة.
* القميص (مهرود) – من كترة القعاد.
* والكُم – قدر ما تتحرفن عشان تدسو ..بقوم يفضحك ويظهر ليك..
* في ريحة (توم)..حايمة في الحلة بي (سفنجاتها).
* الحاجات كلها بتتشابك عليك.
* أنا الخلاني اتكلم عن (الموردة) شنو؟.
* ما عارف – الفكرة براها بتفرض نفسها.
* ما عندنا عليها (سلطان).
* الكلمة براها بتطفر عليك.
* تنزل ليك من غير ما تشعر.
* زي عاوز أقول وما عاوز أقول...
* الشباك فاتح..
* والموردة بتلعب.
* نفسي في (فول) – أو ما في كلام زي دا ..نفسى (مرقت) من الفول.
* ما عندي نفس.
* فول الزمن دا – نجيب ليه (نفس) من وين؟.
* الواحد لو جاب ليه (رغيفة) ما قصر معاهو!!.
* الحزن – عندو علاقة بالشيء الحاصل دا.
* ولا حياتنا كلها بقت كدا (قون اباك).
* أمس منتظر (الكهربة) اليوم كلها – لمن جات ما عرفتها.
* شكلها اتغير.
* أو ذاكرتي بقت ضعيفة..
* أصلها (الكهربة) طولت مننا.
* لو ما كنت هلالابي ..كنت ح أكون (هلالابي) – الجابرني على ناس (علي جعفر) ديل شنو؟.
* ولو الهلال ما لاعب ..بشجع (الموردة).
* موردابي ما بعيد من الهلالابي.
* حالتنا واحدة.
* نفس الشارع.
* العراقة – الأصالة بتجبرك تعمل ذلك – غصباً عنك.
* الشاي وقت يبرد ..بفقد قيمتو.
* مرات بتنسوه (قصد).
* تتداغل عليه – وهو قاعد في كبايتو يعاين ليك...
* الكلام دا عندو علاقة ب (الموردة).
* طبعاً – أصلو ما بعيد منها.
* الموردة بتلعب.
* زمان – أحلى حاجة لمن تركب بص الثورة بالنص – وتقول للكمساري نزلني (شقلبان).
* إحساس ب (الحزن القديم).
* بتحس بي متعة ما بعدها متعة...وأنت في باص الثورة.
* ما عارف الإحساس دا طالع من وين؟.
* ووقت تجي راكب حافلات أم درمان (البوستة)..وقت تصل (الموردة) بتفتح شبابيك الحافلة..
* بتقصد تعمل كدا.
* بتحس بالموردة بتتنفسك.
* ريحة (السمك) ما قدرت تشيل ريحتها.
* والناس الغلابة طالعين في شوارعها من (الصباح).
* متقسمين على (الحفلات)..
* الحاجة دي هسع موجودة – ولّا اختفت؟.
* ما عارف.
* الواتساب ما خلى ليه زول حايم.
* شوارعنا بقت تتملص مننا ..زي البتنكر علينا.
* مرات بقول ليك ..بكتب ليك من غير ما أكتب.
* ولا بقول حاجة.
* ولا محتاج.
* والعصر بيناتنا بشهد ...
* والحكايات الطويلة...
* شاي وقهوة ...
* وفرة (الشفع) علينا...
* موية الزير في عيونك ...
* تعكس الإلفة القديمة...
* والعصافير في غصونا...
* تنسج (الغنوة) الحزينة..
* كانت الأيام جميلة ...
* رغم أحزانا الدفينة...
* كان فرحنا ..وكان أملنا ...
* وكانت القصة العظيمة...
* في شوارعنا وبيوتنا...
* تنقا مرة...
* ومرة سيدا...
* ولما تتعكر علينا ..كان (بريش) نكد يجينا...
* والمدارس....
* والمسارح ...
* والملاعب ...
* كان تضج ..يفرح حنينا..
* هسع وين أنتوا من الكلام دا.
* ..... لو قالوا ليكم ربع البصل بقى ب (750) جنيه ما تستغربوا ...(البصل) الأيامات دي فاكيها في نفسو.
* ولو قالوا ليكم (الأمير) البحراوي ..فاز ببطولة الدوري الممتاز رغم أنه يقبع في مؤخرة الترتيب الأن ..برضو ما تستغربو.
* لجنة الاستئنافات (الفاتت) – لو جابوا ليها (الأمير) بي نقاطو دي ممكن تمنحو (البطولة).
* دوري ما فيه (الموردة) تقدل فيه (لجنة الاستئنافات).
* بعد هبوط الموردة من الدوري الممتاز – هبط الدوري كله وأصبح (الممتاز) فى أقصى نجاحاته الدوري (المقبول).
* لم يعد طعم (الترمس) في إستاد الخرطوم كما كان عليه أيام (الموردة بتلعب) ، ولا الشاي أصبح في (إستاد الهلال) شاي.
* طعمو غريب.
* الناس ديل جخلوا على (الشاي).
* غيروه برضو.
* القهوة اتخلت من (نكهتها) بقت ما بتقريف ليها زول.
* زمان والموردة تواجه الهلال – لو ما شربت ليك (جبنة)...القهوة ترميك في (الواطة).
* تشوف طشاش.
* برشم تشوفو زي عاكف عطا.
* زمن الكورة – كورة.
* والجرايد – جرايد.
* والدنيا بي خيرها.
* لا كهربة بتقطع.
* لا في زول بكون عاوز منك قروش.
* الصباح – كان اليوم كلو.
* وصينية الغداء بي خيرها.
* ترجع بي (بطيختها).
* زمن منصور بشير تنقا وعصمت الامتداد بتقاسموا (الروعة) في المستطيل الأخضر.
* ما بتعرف الغالب منو؟.
* تنتظر (النتيجة) لي تاني يوم.
* الموردة زمان كان نصها فيه حسن حامد وعصمت الامتداد وعصام عباس.
* نص زي (الندوة الثقافية).
* نص تقول فيه علي المك وصلاح أحمد إبراهيم والطيب صالح.
* تتمتع في الدنيا دي لمن تفتح الشباك.
* عصمت الامتداد كان بدخل المباراة زي (محمدية) شايل ليه (كمنجة).
* بتشجع عصمت وتنقا في وقت واحد – وكل واحد بيلعب في فريق.
* الموردة كان فيها مغربي وضربة ..أي مباراة تدخلها للموردة تسأل من النتيجة ..يقولوا ليك الموردة غالبة خمسة.
* من الدقيقة التالتة.
* موردة (الصادق ويو)!!.
* الهلب.
* اتاريه الهلب طلع دساس.
* هلب لي جنا الجنا.
* الموردة أصلها كدا.
* بريش – القون بجيبو قبل الكورة ما تصلو.
* الجقر – دكتور حايم في خط 6.
* أي كورة بشيلها من غير تعب.
* محجوب عبدالجبار ..يخلي ليك المسطبة المباراة كلها واقفة.
* أي زول في الموردة كان (اسم).
* كان (نجم).
* لا عاوزين ليهم إعلام ..ولا جرايد ..ولا تلفزيون ...لا إذاعة.
* أي زول بعرفهم واحد واحد.
* من دوكة للنور.
* الكورة كان بخيرها – وقت الموردة كانت قادرة تفرض وجودها من غير مال ومن غير إعلام وسلطة.
* هسع دخلت الحاجات دي – دفعت التمن الموردة.
* لغاية الآن الموردة بتدفع في (التمن).
* الوجعة أكبر مما تتكتب.
* الموردة كانت (بتلعب) – ما زي ناس قريعتي راحت ديل ..لا بلعبوا ولا بعكسوا ليهم كورة قدام المرمى مع ذلك بطلعوا فايزين في المباراة.
* ظهر التلاعب في نتائج المباريات وانكشف تدخل لجنة الاستئنافات لتحول (نتائج) المباريات كلها لصالح نادي واحد.
* وأصبحت اللجنة المنظمة للدوري – تفعل ما نشاء – تقدم مباريات في الأسبوع السابع والثامن لتلعب في الأسبوع الثالث والرابع.
* وتدخل مباريات من الأسبوع العاشر لتلعب في الدورة الثانية للممتاز.
* هذه الأشياء عندما كانت (الموردة) بتلعب في الدوري الممتاز ما كنا قاعدين نسمع بيها.
* ولا بنشوفها.
* لذلك نحن فقدنا (الموردة) – ربما أصالة وعراقة (الموردة) كانت تشكل (المصل) الذي يحمي الممتاز من ذلك الانزلاق.
* الدوري الممتاز فقد أصالته وفقد عراقته وأصبحت نتائج مبارياته تحدد داخل المكاتب.
* أصبحت هناك قسمة (للنقاط) والبطولات يوزعها أسامة عطا المنان ومجدي ومعتصم بالكيفية التى يريدون.
* حتى الأندية الهابطة والأندية الصاعدة اصبحت تحدد عن طريق الأبعاد السياسية.
* لا استبعد أن تكون (القبلية) دخلت حتى في تنافسنا الرياضي ليصبح تواجد الأندية في الدوري الممتاز أو هبوطه منها لأسباب (قبلية).
* أو لأسباب سياسية.
* نحن عاوزين الموردة ترجع للدوري الممتاز.
* الكلام دا والله ما عشان الموردة.
* عشان الكورة تصلح.
* نحن افتقدنا (الموردة).
* عاوزين نشوف (الهلب) في ملاعب الكورة.
* نحن عارفين (الهلب) قاعد.
* الهلب ما بموت.
* كان في الدوري أو كان غير موجود.
* لكن هو بوضعيتو دي فارق معانا شديد.
* وما عندنا كلام نقوله ليه – غير الكلام دا.
* ح نظل نكتب.
* ونردد طوالي.
* ونقول.
* لمن (الموردة) ترجع لينا.
* ما تقيفوا بين نور الشمس..
* ما سدوا باب ..زولنا الحمش..
* ما تخلوا ..داك زولكم يمش..
* ......
* ملحوظة : بنرجع تاني.
هوامش
* إذا الدولة لم تدعم الموردة ..يجب أن يدعهما الشعب حتى تعود.
* الموردة أصالة الكورة السودانية.
* أقطاب الهلال يجب أن يدعموا الموردة.
* طه علي البشير – الأمين البرير – صلاح إدريس – الكاردينال.
* الموردة لازم ترجع.
* خطوة موفقة للموردة التعاقد مع محسن سيد.
* بس يا محسن أثبت ليها.
* وما تبعد عنها.
* يجب أن تكون هناك حملة لعودة الموردة.
* عاوزين (الهلب).
* الهلب مازال بخير.
* فترقبوه.
* ...........
* عاجل : وقبيل – قلت ليكم الهلب دساس!!.

انقر هنا لقراءة الخبر من مصدره.