سودارس : صلاح ادريس على طريقة هاني رمزي (عايز حقي)

الأهلي شندي يشكر المدرب النضر الهادي وزير الطاقة يوجه بالعمل على زيادة التوليد الكهربائي افراد (القطيع) والشماتة في الهلال..!! (بيراميدز والأهلي والملعب والبقية تاتي) السودان.. وزير الشباب والرياضة يصدر قرارًا وزير المعادن: السودان ينتقل من تعدين الذهب إلى عصر المعادن الاستراتيجية والطاقة النظيفة بدر للطيران تدشن رسميا خط بورتسودان دنقلا توجيهات بحجز جميع المركبات والشاحنات المخالفة لقرار حظر تداول الحديد الخردة ونقل الحطب بالخرطوم ارتفاع في وارد المحاصيل الزراعية بسوق القضارف وزير الشباب والرياضة بنهر النيل يؤكد دعمه لتفعيل العمل الشبابي والرياضي بالولاية موعد تجربة سيري 2.0 لأول مرة على آيفون "إيغاد" ترحّب باستئناف السودان المشاركة في المنظمة عبلة كامل حديث السوشيال ميديا رغم الغياب رحمة أحمد تفاجئ الجمهور بظهورها بالحجاب على البوستر الرسمى لمسلسل عرض وطلب عثمان ميرغني يكتب: كبري الحلفايا... انخفاض أسعار النفط والذهب والفضة يواصلان مكاسبهما بإطلالة نارية وقرد صغير.. رامز جلال يلمح لمقالبه في رمضان السودان.. الإعلان عن توفير 40 ألف وظيفة حكومية السودان..تمديد فترة تسجيل طلاب الشهادة الثانوية للوافدين ترامب يهاجم مغنيا شهيراً.. "رقصه مقزز وكلامه غير مفهوم" مدير مستشفى سنار التعليمي يشيد بالمقاومة الشعبية والمنظمات لتطوير المستشفى علامة تحذيرية لمرض باركنسون قد تظهر فى الأنف قبل سنوات من التشخيص مشروب من مكونين يخفض وزنك ويحافظ على استقرار سكر الدم شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة شاهد بالفيديو.. قائد ميداني من أبناء "المسيرية" يعلن انشقاقه من الدعم السريع ويقسم على المصحف بسحب كل أبناء القبيلة من المليشيا ليفربول يخسر أمام السيتي وهالاند يعود لهز الشباك ويكسر عقدة أنفيلد شاهد بالفيديو.. افتتاح مستشفى بمواصفات عالمية بمنطقة شرق النيل بالخرطوم والجمهور يشببها بأكبر المستشفيات بالخليج شاهد بالصور.. مواطن سوداني محتجز بأحد إقسام الشرطة بمصر يرسل رسالة لأقاربه على قطعة "كرتون" (أحضروا لي ملابس) مدير عام قوات الجمارك: لن نتهاون في حماية الوطن من سموم المخدرات والسلاح مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال الجمارك في السودان تحسم جدل رسوم بشأن الأثاثات والأجهزة الكهربائية للعائدين الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز اكتشاف وجود علاقة بين الاكتئاب وهشاشة العظام أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع السودان يرحّب بالقرار 1591 شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل توصيات المؤتمر القومي لمعالجة قضايا الشباب لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد صعود الذهب عالميًا يرفع أسعار المعدن النفيس فى قطر صباح الخميس رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

صلاح ادريس على طريقة هاني رمزي (عايز حقي)

قوون نشر في قوون يوم 29 - 05 - 2012

الذين لم يتابعوا فيلم (عايز حقي) الذي قدمته السينما المصرية قبل اكثر من 6 سنوات لهاني رمزي وهند صبري ووحيد سيف وحسن حسني عليهم ان يتابعوا معنا هذا الفيلم اليوم في هذه المساحة ...بسناريو وحوار وابطال مختلفون.

لكن بنفس الفكرة والكوميديا.

وان كان فيلم (عايز حقي) في السينما المصرية يعبر عن فكرة خيالية كان بطلها سائق التاكسي (صابر الطيب) والذي جسد شخصيته (هاني رمزي) ...فان فيلمنا اليوم يجسد شخصيته السيد صلاح ادريس رئيس نادي الهلال السابق وهو شخصية حقيقية.

قصة فيلم (عايز حقي) الخيالي تدور حول السائق (الطيب صابر) الذي يكتشف فجأة مادة في الدستور تمنحه الحق في الملكية العامة ...فيستغل الطيب صابر تلك المادة - ربما (بسذاجة) ويؤيده بشكل لا يخلو من الكوميديا عدد من المواطنين ، فيطلب جراء ذلك صابر الطيب حقه في المال العام.

ما تقولوا لي صابر الطيب ذنبو شنو؟.

في فيلم (عايز حقي) لهاني رمزي تبدأ مطالبة (صابر الطيب) بالمال العام من (شقة) ليتزوج فيها.

هكذا تدور الاحداث ...عاوز شقة اتزوج فيها ...يا جدعان ...الدستور يعطيني هذا الحق.

والدستور ...والقانون المدني ...وكل ابناء الغبش...عيشتهم تطير.

ثم يطالب صابر الطيب هذا بنصيبه في فندق 5 نجوم ليقضي فيه شهر العسل.

عاوز فندق انزل فيه.

الدستور يمنحني هذا الحق.

كل ذلك يلحقه الطيب صابر بطل الفيلم بمادة دستورية تعطيه الحق في المال العام.

والدستور لا يعلو عليه وسط القوانين الموضوعة.

دستور ...يعني دستور.

صابر الطيب يذهب ابعد من ذلك بعد مؤتمرات صحفية يعقدها ...ودستوريون يناصرونه ومؤيدون يساندونه فيذهب نحو ان يباع الوطن.

الطيب صابر اقصد صابر الطيب عاوز يبيع (مصر)...الاهرامات ..ونهر النيل وتاريخ 7 الف سنة قبل الميلاد ...(موش الحاجات دي قطاع عام).

الزول عاوز حقو ...الدستور يكفل له ذلك.

والدستور ...والطوب الاخضر ...وكل ابناء الطبقة الكادحة عيشتهم تطير.

ما وصل اليه صابر الطيب (هاني رمزي) قريب مما وصل اليه صلاح ادريس رئيس نادي الهلال السابق ...الذي قدم خطاب لمجلس ادارة نادي الهلال ولوزير الشباب والرياضة بولاية الخرطوم مطالبا ب (2584470) جنيه ...اي اكثر من اثنين مليار ونصف.

استاد الهلال دا بجيب كم ؟...في سوق الجمعة.

صلاح ادريس طالب ايضا ب (1493500) دولار اي قرابة المليون ونصف مليون دولار اي ما يقارب بالعملة المحلية ال (8) مليار جنيه.

جملة المبلغ كله يصل الي عشرة مليار ونصف المليار جنيه يريدها صلاح ادريس من الهلال.

الدستور بقول كدا.

دستور صلاح ادريس.

والدستور والخريف وكل قطاع العمال في السودان وفي الدول المجاورة عيشتهم تطير.

الاغرب من ذلك ان هذا المبلغ يطلبه صلاح ادريس من الهلال في عام 2007 فقط..وفي الفترة التى كان فيها الامين البرير امينا لخزينة الهلال.

قبل ان نخوض في الفيلم.

وقبل اي حاجة اذا كان الامين البرير امينا لخزينة الهلال في 2007م لماذا يذهب صلاح ادريس بكل الفضل في صناعة هلال 2007م.

صلاح ادريس خرج اكثر من مرة في الفضائيات السودانية وفي اكثر من صحيفة واكثر من عمود صحفي وقال ان اللاعبين الذين يلعبون في الهلال ديل (حقنو).

وانه صنع قوام هذا الفريق الذي يلعب الان ...وظل على مدى 5 سنوات متواجدا في البطولات الافريقية بشكل مشرف.

اول مرة اشوف لي رئيس نادي في فترة من فترات رئاسته يطلب قروشه من امين خزينتو.

الموضوع دا في الدستور وإلا برة؟.

غايتو الامين البرير داخل ليه في حتة.

البرير طوال فترته في الهلال قاعد يسدد في ديون الهلال ...او في ديون صلاح ادريس.

انتهى الامين البرير من تسديد قروش امبيلي ظهر ليه (ايفوسا).

البرير انتهى من ايفوسا ظهر (امولادي).

دا غير الفنادق ...ووكالات السفر ...وحقوق اللاعبين الموجودون في كشوفات الهلال الان.

الهلال سدد قبل 48 ساعة حقوق باري ديمبا ...الذي نال من الهلال اكثر من 20 الف دولار.

وينتظر ان يسدد البرير مستحقات يوسف محمد.

هذه التركات والديون كلها خلفها صلاح ادريس ...بل هو الذي تسبب فيها.

بعد دا كلو ...صلاح ادريس يخرج في هذا التوقيت ويقول (عايز حقي).

صلاح ادريس عاوز من الامين البرير قرابة ال (8) مليار جنيه.

والله دي (امولادي) ما عملها.

الهلال ظهر فيه (امولادي) جديد.

هو انا ناقص.

الغريب في الامر ان صلاح ادريس كان في كل المنابر يفاخر بهلاليته ...ويفاخر بانه صنع هذا الجيل في الهلال.

وصلاح ادريس الان عاوز الثمن.

الهلال كان يحكمه (دائن) ...وليس مانح.

وهذا شيء ممكن ان يقوم به اي زول.

يمكن ان يرد الهلال اموال صلاح ادريس ان اثبت الاخير ذلك.

لكن طالما الحكاية بقت كدا ...مفروض صلاح ادريس يسأل عن الخسائر التى سببها للهلال.

ولعل اول هذه الخسائر ...هو ان صلاح ادريس بسوء ادارته ضيّع على الهلال البطولة الافريقية 2007م ...بعد ان كان الهلال الاقرب للفوز بها.

كذلك في عهد صلاح ادريس فقدنا بطولات محلية ذهبت في شاكلة هدايا للحبيب (تعديل) جمال الوالي ...اي للعديل جمال الوالي.

في مادة بالدستور بتقول كدا.

موش انتوا عاوزين الدستور...وشغالين شغل (دستور).

خلاص نجيب ورقة وقلم.

واي حاجة نحن عندنا بي نظام.

صلاح ادريس اضاع على الهلال الكثير من اللاعبين الذين ذهبوا للمريخ بعد ان دفع لهم صلاح ادريس.

ولا ادري هل هذه الاموال التى دفعت لاللاعبين (قلق نموذجا) هل محسوبة في تلك المديونية.

صلاح ادريس في فترة قيادته للهلال ...كان قريبا من ان يبيع استاد الهلال.

يعني هسع كنا بنلعب في (الصالحة) زي الما حصل حاجة.

عادي.

بعدين ....غريب ان يطلب صلاح ادريس هذا المبلغ من الامين البرير.

انتوا موش قلتوا البرير دا (سب العقيدة).

انتوا موش قلتوا البرير دا موقوف من قبل الكاف.

البرير دا يا جماعة (مستقيل).

الزول دا بدير الهلال بالبركة.

صلاح ادريس والهلال مقبل على فترة تسجيلات (خطيرة) قدم خطابه ...وقال عايز حقي.

هسع صلاح ادريس دا فرقو شنو من فندق (الخرطوم بلازا)؟.

سؤال لصلاح ادريس.

سؤال عادي ...ما فيه اي دستور.

اذا ظهر لفريق الاهلي شندي (راعي) جديد.

قول فرضا كدا ...الامين البرير دا قال عاوز يرعي (الاهلي) شندي.

النظرية دي في ياتو دستور.

عارفين لو ظهر راعي جديد لي اهلي شندي.

طوالي بكرة صلاح ادريس بقول عاوز قروشه الدفعها للاهلي.

عايز حقي.

ولا قرش ما بخلي.

ولا تعريفة.

الدستور بقول كدا.

الدستور ومانشيستر سيتي ...وكل الاسماك ....عيشتها تطير.

بالمناسبة صلاح ادريس ممكن يمشي ابعد من كدا.

ممكن صلاح يقول عاوز نصيبو من البطولات التى حققها الهلال في عهده.

وممكن هسع دي نقاط الهلال التى يتصدر بها الدورة الاولى للممتاز يقول عاوز (نصها).

موش مهند الطاهر كان سبب في فوز الهلال في كثير من المباريات.

القاعدين ليها شنو؟.

الغلاط في شنو؟.

الدستور بقول كدا.

ملحوظة : غايتو صلاح ادريس دا عندو دستور زي (الحانه).

هوامش

على البرير التركيز في التسجيلات.

المواضيع دي ما تشتغل بيها.

اذا نجح صلاح ادريس في ان يجر البرير لمنطقته وان يجعله ينفعل فان صلاح ادريس سوف يكون نجح في مراده.

صلاح ادريس بالورقة والقلم بقى اخطر على الهلال من جمال الوالي.

يمكن بكرة صلاح ادريس يمشي على استاد الهلال بالدفارات والقلابات ...ويقول عاوز (نجيلتو).

النجيلة عيشتها تطير.

كشافات الهلال ديل ...صلاح ادريس عندو فيها كم (لمبة).

يمكن صلاح ادريس دا يقول عاوز (لمباته).

الدستور بقول كدا.

في كل يوم يظهر اسم لاعب محترف جديد سوف صل للبلاد لكي يتعاقد معه الهلال.

يا جماعة التسجيلات دي 10 ايام فقط.

تسجيلاتكم دي عاوزة ليها 6 شهور ...ما عشرة يوم.

عشان تكونوا عارفين.

وما ترجعوا تاني تعملوا لينا حركات صلاح ادريس ...وتقولوا لينا الطيارة اتأخرت.

بعدين انا بامانة كدا ...اي تسجيلات فيها (الكاردينال) ما بكون واثق فيها.

الكاردينال دا بسجل في الجرايد فقط.

لا رجع قودوين ...لا اعاد مهند الطاهر.

وبرضو تقولوا لي الكاردينال.

الكاردينال دا قولوا ليه اعيد لينا تسجيل محمد عبدالرحمن.

يمكن يقدر على الموضوع دا.

اكتر من كدا ما بقدر.

صلاح ادريس هل افتكر الهلال هو الامين البرير؟.

معقولة صلاح ادريس دا اختزل كل الهلال في الامين البرير.

الغريب البرير لا بتكلم ...ولا بكتب عمود.

انا ما عارف لو البرير عمل ليه عمود ...صلاح ادريس يعمل شنو؟.

اي لاعب يطلبه المريخ من الاهلي شندي ...سوف يتمكن المريخ من تسجيله.

ما في اي مشكلة..

الدستور بقول كدا.

راقدوا قفا.

الدستور ...والسيخ والبرندات ....وكل الانجليز ...عيشتهم تطير.

استغرب ...كيف يفكر الهلال في معاوية الامين؟.

كفاية جمعة.

يجب ان ينظر الهلال لسن اي لاعب يريد الهلال ان يتقاعد معاه.

شنو عاوزين تعملوا لينا ظاهرة (مجدي ام بدة) دي تانى.

مجدي ام بدة قالوا عاوزين يشطبوه.

يا سلك ألحق.

خليتو المخالفات على رأس الخط.

طبعا ما في زول واحد في المريخ ....ممكن يقول اصبروا على مجدي ام بدة شوية.

ما عندو فرصة للصبر.

مجدي دا كمل (الصبر) في عطبرة.

وجاء للمريخ (صابر) عديل كدا.

الدستور بقول كدا.

الدستور والبلح ...وكل الشفوت ...عيشتهم تطير.

حمودة بشير لاعب الاهلي شندي ...دخل البرير السجن.

وصلاح ادريس عاوز يدخل البرير السجن.

ضريبة الهلال صعبة يا البرير.

وانت الي الان (راكز).

في كل يوم تكسب جولة جديدة.

لولا مشكلة هيثم مصطفى حفظه الله ورعاه ودائرة الكورة كان البرير حقق الدرجة الكاملة وكنا قلنا عليه عشرة من عشرة.

جولة ساخنة تنتظر البرير في التسجيلات.

اذا كسبها ...سوف يكون البرير ضرب في كل الجهات.

عاجل : بعد 10 سنوات ...صلاح ادريس بقول انا سجلت نزار الحاج.

انقر هنا لقراءة الخبر من مصدره.