سودارس : جمال الوالي الرئيس (السابق) للمريخ يكرم جمال الوالي الرئيس (الحالي)

الأهلي يتعادل امام المسيكتاب بدوري شندي الهلال ينتظر رد الكاف وفريق الكرة يواجه مارينز مقررات الاجتماع الدوري لمجلس تسيير نادي المريخ حسين خوجلي يكتب: فريقان وعميد ودم وشهيد نظرة على مؤتمر WWDC 2026.. نظام iOS 27 وSiri المدعوم بالذكاء الاصطناعي ميزة جديدة فى أندرويد 17 تمنح المستخدم سيطرة كاملة على إشعارات التطبيقات تحديثات جديدة في إصدارات "أبل" بمميزات متطورة شاهد بالصورة والفيديو.. "بلوغر" سودانية حسناء تخطف الأضواء بجمالها الملفت شاهد بالصورة والفيديو.. دخل معها في وصلة رقص مثيرة.. الفنان محمد بشير يتعاقد مع "راقصة" مصرية لإشعال حفل عيد ميلاده شك بورم في الرئة.. نجل عبد الرحمن أبو زهرة يكشف تفاصيل جديدة الزمالك فى مواجهة قوية أمام المصري بافتتاح منافسات مجموعة التتويج بالدوري على غرار روسيا.. إيران تطالب فيفا بتجميد عضوية إسرائيل مصر تستضيف بطولة أفريقيا لناشئي البادل فى يونيو المقبل قضية أثارت جدلاً.. براءة عصام صاصا من تهمة المشاجرة بملهى ليلي باسم سمرة: الدنيا بقت عين سحرية والمسلسل واكب العصر والحداثة إطلالة جديدة للفنانة كارولين عزمي بالفستان الأبيض أعمال جمعت بين دنيا وإيمي سمير غانم قبل تعاونهما المسرحي الجديد ماذا يحدث عند شرب القهوة يوميا لمدة 14 يوما؟.. فوائد لا تتوقعها كيف تقيس ضغط الدم في المنزل؟.. أخطاء شائعة قد تُفسد دقة النتائج الفواكه والخضروات مفيدة إذا عرفت كيف تأكلها.. تعرف على أفضل الطرق الصحية شاهد بالصور.. بإطلالة أنيقة الفنانة إيمان الشريف ترد على هجوم النشطاء بشأن التسجيلات المسربة لها: (التجاهل صدقة جارية علي فقراء الأدب) شاهد بالصورة والفيديو.. دخل معها في وصلة رقص مثيرة.. الفنان محمد بشير يتعاقد مع "راقصة" مصرية لإشعال حفل عيد ميلاده شاهد بالفيديو.. الفنانة إيمان الشريف تفاجئ جمهورها بظهورها "عروساً" مع ممثل مصري معروف المدير العام لقوات الشرطة يتفقد مكان حادثة الإنفجار ببرى ويطمئن مواطنى المنطقة وزير الداخلية يبحث مع نظيره المصري تعزيز التعاون الأمني وتبادل الخبرات ضبط شبكة إجرامية خطيرة في الخرطوم شاهد بالفيديو.. من هو مجاهد سهل رئيس نادي المريخ؟ تعرف على مجال عمله والشركات التي يديرها!! قوات الدفاع المدني تنفذ حملة واسعة النطاق لمكافحة نواقل الأمراض وإصحاح البيئة بمحلية جبل أولياء وزارة الداخلية توضّح بشأن دوي انفجار هزّ منطقة شرق الخرطوم بالصورة والفيديو.. شاهد لحظة القبض على أخطر شبكة تقوم بسرقة العربات و"اسبيراتها" بالخرطوم بعد كمين محكم تطوّرات في ملف شكوى الهلال ونهضة بركان بالصورة والفيديو.. شاهد لحظة القبض على أخطر شبكة تقوم بسرقة العربات و"اسبيراتها" بالخرطوم بعد كمين محكم اللجنة الإقتصادية العليا تصدر عدداً من القرارات المهمة لتحقيق استقرار سعر الصرف وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين السودان.. وزير يشرع في تكوين قوّة عسكرية ضاربة..ماذا هناك؟ ارتفاع وارد واسعار الذرة والسمسم بسوق القضارف قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

جمال الوالي الرئيس (السابق) للمريخ يكرم جمال الوالي الرئيس (الحالي)

قوون نشر في قوون يوم 09 - 05 - 2013

الناس في (ابوكرشولا) بموّتوا و (الوزير) مشى يوقع عقد مباراة ودية

عبدالسميع ود الطاهر جار النبي عبدالفضيل حمدان ود المرايا...(دا ما محترف جديد دا زول قاعد في حلتنا دي).

زول قديم (تلاتين عشرة).

باقى نحن الزول القديم ..بنقول ليه (تلاتين عشرة).

العجب يعني.

والزول التمام بنقول ليه (جلاكسي).

للتوضيح.

والله في زولة (جلاكسي) جات ماشي بي هنا خليت ليك الشارع (اتجاه واحد)..بعد ان كان (5) اتجاهات.

عبدالسميع ود الطاهر جار النبي عبدالفضيل حمدان ود المرايا...زول (تلاتين عشرة).

دا ما محترف يا جماعة في محترف اسمو طويل كدا محترف وإلا قطر؟....اسمو (حلة) كاملة.

تقول قائمة الذين يحق ليهم (الترشيح) في الانتخابات.

بقولوا ليه (ود المرايا) ، اختصارا للاسم الطويل دا...وعشان شبهو كتير ...يعني لو فتحت (التلاجة) تشيل ليك (جبنة)..بتلقى شبهو في التلاجة.

تلاجة شنو؟.

في (الجبنة) ذاتو بتلقى شبهو ..زي (التعريفة).

لو قعدت (براك) ...في (البرورية) دي بتلقى شبهو.

برورية يعني (براك).

زي عثمان ود شيخ الناظر ...ود خالة الطيب سمكنجي..عندو عجلة كاتب فيها (لمحتك).

لمحتك دي ما كاتبها ساكت كاتبها بي فهم.

حايم بيها (الحلة) كلها شارع شارع من يشوف (ليلي بنت التوبلي) ...يقبل ليها (العجلة) المعنى (لمحتك)..وينسحب في الشارع التاني سريع.

نظام (لمحة) سريعة كدا.

يعمل انسحاب تكتيكي (المعنى بيخجل).

طبعا في (خجل) زي نغمة الموبايل الصيني ...ظاهر اصلو ما بندس.

(7) سنوات بعمل في الحركة دي ليلى خطوبها (لمحتك) ...ليلي عقدوا عليها (لمحتك)...ليلي عرسوها (لمحتك)...ليلي رحلوها (لمحتك)...ليلي جابت ليها ولد (لمحتك).

مختار شافع المرقو في ليلهم ( اسمو كدا زي علبة الساردين) قال ليه دا شنو البتعمل فيه دا؟.

انت يا زول عاوز تعقل متين؟.

انت قايل نفسك صغيّر.

عثمان ود شيخ الناظر قال ليه يا زول (لمحتك) دي سرها باتع...كان عندو اعتقاد تام ب (لمحتك).

وقت يسمع (لمحتك) لمصطفى سيد احمد زي كأنو (اكل) ليه سمك يطلع (يتكرع) في الشارع برة ويرجع (المعنى شبعان).

ويشرب في (الموية الباردة) هو وينو السمك البتشرب ليه (موية باردة)....غايتو جنس استهبال ..(زي دمج فاتورة الكهربة مع الموية ما في ليه اي داعي).

عثمان ود شيخ الناظر ( معليش انا عارف الاسماء كترت عليكم ما تتلخبطوا) عندو بنطلون (جينز) حايم بيه في الحلة لمن بقى (ردا).

بقى شورت من الغسيل وكترت القعاد في المسطبة والحوامة بالعجلة.

النهار كلو حايم.

عثمان ود شيخ الناظر عندو اعتقاد شديد ب (لمحتك).

الي ان جاءت (ليلي) يوم شايله (شافعها) زي دستة البرتقال (خايفة تقع منها واحدة) وجاره شنطتها وتتنخج متل قطر البخار.

عثمان ود شيخ الناظر ..جرى عليها قال ليها مالك بتتنخجي كدا كأنك (نغمة رسائل)...تفتحها تلقاها من شركة الاتصالات.

ليلي قالت ليه : (طلقني).

عثمان ود شيخ الناظر اتلفت على (مختار شافع المرقو في ليلهم) ..وقال ليه ما قلت ليك (لمحتك) دي سرها باتع.

مختار شافع المرقو في ليلهم قال ليه دي ما (لمحتك)..دي (رجعنا لك) عديل كدا.

نسيتوني بداية الموضوع.

الموضوع دا ما بدأ كدا.

الرواية دي كان بطلها في البداية (عبدالسميع ود الطاهر جار النبي عبدالفضيل حمدان ود المرايا).

تلخبطوا الزول في (ضروسو).

انا كنت عاوز اقول شنو عن (ود المرايا) دا؟.

اتذكرت ..(دقيقة اطلع برة واجي اكمل ليكم).

ود المرايا دي كلمتكم عنو قبل كدا ....عرس ...يوم العرس في ناس جوه من الخرطوم عشان يباركوا ليه العرس ...لقوه قاعد يجيّر في الصالون.

طالع في السلم ...وشغال.

الناس سألت من (العريس)...قالوا ليهم (العريس) الطالع فوق دا.

العريس نزل من السلم زي (اللوحة التشكيلية).

الجماعة الجوه عشان يباركوا ليه ..وقت شافوه (ملخبط) كدا ..قالوا ليه والله لو عارفنك كدا كنا باركنا ليك بي (sms)...ما كان في داعي للتعب دا كلو.

هسع تصوروا جمال الوالي طبق نفس النظرية.

نفس الشيء.

عصام الحاج كان هو صاحب اقتراح (تكريم) جمال الوالي بعد ان اعلن الوالي استقالته ..وقال تاني ما برجع لمجلس ادارة المريخ.

وقد كان عصام الحاج يظن ان موضوع (التكريم) هذا سوف يسد باب العودة امام جمال الوالي.

عصام الحاج ما عارف ...جمال الوالي دا ممكن (يتكرم) وكان قاعد في حتتو.

ناس المريخ ... كانوا ظرافة منهم كدا قالوا نحن نعمل ليه (تكريم) كشكر للسيد جمال الوالي الذي عمل في مجلس المريخ لمدة (10) سنوات....وغادر المريخ (متنحيا).

ناس المريخ عملوا ليهم (لجنة)..ما عشان التسيير.

لجنة تكريم لا تسيير ولا تصريف.

باعتبار شنو؟.

باعتبار ان جمال الوالي (اتنحى).

مهمة هذه اللجنة كان الاشراف على تكريم جمال الوالي ..الذي قرر الترجل عن رئاسة المريخ.

اللجنة اتفقت مع فريق الاهلي المصري على اقامة مباراة في الخرطوم.

عشان شنو يا جماعة؟.

عشان جمال الوالي (استقال).

اتنحى يعني.

الموضوع دا لغاية هنا واضح.

جمال الوالي (زي العادة)...قام اتراجع ...وتاني رجع على رأس لجنة تسيير من جديد رئيسا للمريخ.

نحن قلنا نشوف الجماعة ديل ح يتصرفوا كيف مع مباراة الاهلي المصري؟.

الزول العاوزين (يكرموه) عشان اتنحى رجع يا عصام الحاج.

المباراة دي بعد كدا بكون (حكمها) شنو؟.

موقعها شنو في الاعراب؟.

العريس طالع في السلم فوق ..وبجيّر في (الحيطة).

وجمال الوالي رجع.

ورونا دي بحلوها كيف؟.

الاهلي المصري هسع سوف يلعب امام المريخ يوم 31 مايو.

المناسبة (تكريم) جمال الوالي.

انا اول مرة اشوف لي زول يكرم نفسو.

يعني جمال الوالي الذي هو رئيس لنادي المريخ الان...سوف يستقدم فريق الاهلي المصري من اجل (تكريمه) عشان جمال الوالي كان قد استقال من المريخ قبل (6) شهور.

وبعد ان كان هذا (التكريم) بسبب (استقالة) جمال الوالي وابتعاده من رئاسة المريخ بعد (10) سنوات ...نقترح ان يكون التكريم لعودة جمال الوالي مرة اخرى للرئاسة.

ما معقول تكرموا ليك زول عشان (استقال)..وهو في نفس الوقت (رجع)

يا جماعة الموضوع دا كدا ما بركب.

اولا ما معقول زول يكرم نفسو...جمال الوالي (العائد)...يكرم جمال الوالي (الذي كان قد استقال).

والله يا متوكل احمد علي انتوا كنتوا قاعدين ساكت.

صور بس.

تاني حاجة السبب الذي كان من اجله سوف يكرم جمال الوالي وهو (تنحيه)..تلاشى وانتهى ...لأن جمال الوالي (رجع).

ثالثا...لو مصرين على موضوع (التكريم) هذا فان احق شخص بهذا التكريم هو (عصام الحاج) لأن عصام استقال وابتعد.

لكن ان يكرم جمال الوالي وهو رئيسا لنادي المريخ ...يبقى بصراحة ذلك الامر غير مقبول ..وغير منطقي.

ولا بتبلع ..ولا مفهوم كمان.

انت يا جمال الوالي عاوز تكون رئيس نادي المريخ وعاوز تتكرم ...وناس عصام الحاج وازهري وداعة الله وعبدالله حسن عيسي ..لا يتكرموا ..ولا يكونوا في مجلس المريخ.

كل الطيبات ذهبت لجمال الوالي ...يستقيل (يكرم)...يرجع (يكرم) برضو.

شفتوا جمال الوالي (لعب) الحكاية كيف؟.

عصام الحاج عامل لينا فيها (شفت).

عامل فيها (مفتح) ...قال الموسم دا موسم (الخبت).

شفت (الخبت) دا كيف يا عصام الحاج؟.

عملتها لي كلها (الشروق وقناة النيل الازرق)...وفي النهاية ما طلعت بي اي حاجة.

بل اصبحت سيرة عصام الحاج مربوطة عند كل الناس (بالتقشف).

اللاعبون عندما اتخارجوا من عصام الحاج قسموا (حلاوة).

الاداريون ..ضبحوا (الخرفان).

وجمال الوالي كرّم نفسو.

عصام الحاج الذي فشل مجلسه في سداد فاتورة الكهرباء ...كان يستحق التكريم.

كرموه لأنه اتخارج.

مباراة المريخ والاهلي المصري يوم 31 مايو ليس منطقيا اطلاقا ان تكون تحت مسمى (تكريم) جمال الوالي.

يكرموه على شنو يا جماعة انتوا بتلعبوا؟.

هل مقبول ومنطقى الان مثلا ان يحضر مجلس ادارة نادي الهلال فريق الزمالك او الاسماعيلي المصري من اجل تكريم الامين البرير.

اتخيلوا الامين البرير يستجلب فريق مصري من اجل تكريم نفسه.

جمال الوالي عملها ...احضر فريق الاهلي المصري من اجل ان يلعب امام المريخ لتكريمه.

والله دي قبل كدا ما حصلت.

غايتو يا ناس المريخ انتوا عندكم جنس حاجات.

غرائب.

زول يستقيل ...يقولوا ح نعمل ليه مباراة (تكريم) عشان استقال.

الزول رجع ...(التكريم) برضو قائم ...وبنفس الاسم.

وحتي ندخلكم في الصورة تماما امس نشر موقع (الزاوية) السوداني خبرا ب (ضبنته) عن موقع الاهلي المصري ...وقد جاء في الخبر تعريف جمال الوالي على انه رئيس نادي المريخ (السابق)..وهذا يعني ان (التكريم) من اجل الاستقالة.

انظروا للخبر ..والذي جاء فيه ذكر وزير الاستثمار مصطفى عثمان اسماعيل.

اقرأوا الخبر ..وشوفوا (الكارثة)....واحكموا بنفسكم ..ولاحظوا كلمة (السابق) التى تلحق بالسيد جمال الوالي رغم من ان الخبر نشر امس في موقع (الزاوية) السوداني.

يقول الخبر:

كشف الموقع الرسمي للنادي الاهلي عن توقيع عقد بين المريخ والاهلي اليوم الاربعاء لاقامة مباراة ودية وجاء في الموقع:« استقبل اللواء حسن مسعود مدير عام الأهلي وفد نادي المريخ السوداني الذي حضر الي مقر النادي بالجزيرة ظهر اليوم لتوقيع عقد مباراة الاهلي والمريخ السوداني الودية والتي تعدل موعدها لتقام يوم 31 مايو الجاري بالخرطوم في اطار احتفال ادارة النادي السوداني بتكريم السيد جمال الوالي رئيس النادي السابق لمشوار عطائه مع المريخ طوال السنوات الماضية . . حضر توقيع العقد الكابتن هادي خشبة مدير قطاع الكرة بالأهلي والكابتن مجدي طلبة مدير التسويق الرياضي بالاضافة الي اللواء حسن مسعود مدير عام النادي والذي قام بتوقيع عقد المباراة مع الدكتور مدثر خيري مدير الإستثمار بنادي المريخ السوداني ، كما حضر توقيع العقد الدكتور مصطفي عثمان اسماعيل وزير الاستثمار السوداني ورئيس شوري مجلس ادارة نادي المريخ السوداني بالاضافة الي الملحق الثقافي والملحق الاعلامي بالسفارة السودانية بالقاهرة .. ومن جانبه أشاد الكابتن هادي خشبة مدير قطاع الكرة بقوة العلاقات بين مصر والسودان والتي تدعمها مثل هذه الاحتفالات الكبري والمباريات الودية ووجه خشبة الشكر الي وفد وادارة نادي المريخ السوداني وأهدي الوفد درع وشعار وقميص النادي الاهلي .. ومن جانبه أكد الدكتور مدثر خيري مدير الاستثمار بالنادي السوداني علي أهمية هذه الزيارة التي شهدت توقيع عقد المباراة والتي وصفها بالهامة للغاية خاصة وأنها ستقام بين نادي المريخ الأكبر في السودان وبين الأهلي نادي القرن في افريقيا وأكبر نادي عربي .. كما سبق توقيع العقد بعض المناقشات بين وزير الاستثمار السوداني واللواء حسن مسعود حول تجربة النادي الأهلي في قطاعات الناشئين وكيفية الاستثمار بها في كافة الرياضات وامكانية نقل تجربة الأهلي التي تضم 14 ألف لاعب في مختلف الرياضات الي المدارس السودانية).

هذا هو الخبر ...ارجوا اعادة قراءته ...اكرر جمال الوالي ذكر في هذا الخبر على انه رئيس نادي المريخ (السابق).

قولوا واحد.

السيد مصطفى عثمان اسماعيل الرجل الذي يحمل درجة (الوزير) والمشرف على (الاستثمار) في السودان ..ترك البلد مولعة ..ومشى لكي يكون ضمن وفد المريخ لتوقيع عقود مباراة الاهلي المصري والمريخ (التكريمية).

ام دوم..احداث دامية...ام روابة ..تنكيل وترويع ..واقتحام.

ابوكرشولا ...ضرب وقتل للمواطنين الابرياء.

اما ابيي فان الاحداث تقترب من (الالتهاب)..لولا تهدئة السيد رئيس الجمهورية عمر حسن البشير ورئيس دولة جنوب السودان سلفاكير..وحديثهما الذي امتص غضب الشعب في السودان وفي جنوب السودان.

بعد مقتل زعيم الدينكا في ابيي كادت ان تحدث حرب طاحنة بين المسيرية والدنيكا.

والسيد الوزير في القاهرة ...من اجل توقيع عقد بين الاهلي المصري والمريخ لقيام مباراة (تكريمية).

هذا الامر لا يحتاج الي وزير ...صديق علي صالح كان يمكن ان يقوم به.

البلد ملتهبة ..ومولعة نار ..والدولار عاد مرة اخرى وارتفع ..والسكر ارتفع ...والكهرباء سوف تزيد تعريفتها قريبا.

والسيد الوزير في القاهرة من اجل توقيع عقد لمباراة ودية.

المواصلات نقلوها ...والزحمة حاصلة في كل شوارع الخرطوم ..والسيد الوزير في القاهرة من اجل توقيع عقد لمباراة ودية.

الوزير والبلد في هذا الوضع ...ذهب من اجل (الاستثمار) لصالح المريخ.

قال شنو؟.

قال عاوز ينقل تجربة الاهلي المصري للسودان.

مثل هذه التصرفات يمكن ان تنقل (الثورة المصرية) الي السودان وليس تجربة الاهلي.

شفتوا نحن الحال وصل بينا وين؟.

واضح ان (لجنة التسيير) التى تقود المريخ الان مسيطرة سيطرة تامة على بعض قيادات الدولة.

دي (لجنة) ايدها واصلة.

يعني ممكن تاني نشوف وزير المالية يقود بعثة فريق المريخ الي مدينة مدني لمواجهة الاهلي مدني في الممتاز.

وومكن نشوف وزير الداخلية في كنبة استاد المريخ الي جانب العجب ونجم الدين ويس.

اي حاجة ممكن.

ونواصل ..ونشوف البحصل.

ملحوظة : هي حصلت!!.

هوامش

يلعب اليوم الهلال مباراة هامة ومصيرية امام الخرطوم الوطني ..بدون لجنة ايدها واصلة ..وبدون مساعدة من الحكام ..وبدون حتى وزير.

مباراة اليوم نسأل فيها فقط عن جمهور الهلال.

تعالوا الي استاد الخرطوم ..وسوف تستمعوا بالهلال.

ترواري ان شاءالله سوف يذهب بعيدا باللقب.

الخرطوم مهما ملكت من قوة ...لن تقيف امام الهلال.

هدف الخرطوم في المريخ جابو ليها (بلة جابر).

والحمدلله الهلال ما فيه (بلة جابر).

يعني الليلة يا ناس الخرطوم إلا تجيبوا بلة جابر معاكم عديل كدا.

نحن ما عندنا ليكم (بلة).

لا بلة ولا موسى.

مطلوب فقط حضور الجمهور.

الهلال يشتاق الي جمهوره.

وعندما يحضر (الجمهور)...فان الهلال دائما ينتصر.

الهلال لا يخذل جمهوره.

الناس في شنو؟.

وهو قاعد بوقع في عقد.

يا ربي الزول دا سمع بي احداث ام روابة.

هل سمع ب (ابوكرشولا).

يمكن يكون ما عارف.

امس ظهرت لجنة تسيير المريخ في المقصورة ...اللجنة حاجزة كل كراسي المقصورة.

غايتو (الصف الاول) كلو كان ناس لجنة التسيير.

حالتو دي نص اللجنة ما دخل المباراة.

لو جمال الوالي شاهد المباراة ...ناس دحية وصديق علي صالح ..ذاتم كانوا بجوا.

تمنيت امس ان يسجل سليمانو (4) اهداف وليس هدف واحد.

عارفين ليه؟.

عشان سيلمانو يستمر مع المريخ.

باسكال سمع بي رجوع جمال الوالي (حلق).

زمان في عهد عصام الحاج (حلاقة) ما بحلق.

ليه (الخيار والفقوس) دا يا باسكال.

انت عصام الحاج دا ما كان مالي عينك.

باسكال صبيغ الشعر خلاه في عهد عصام الحاج.

يا معاوية صابر (ابو روان) شوف لي صورة جمال الوالي ومصطفى عثمان اسماعيل وبلة جابر.

عاجل : الليلة يوم (تراوري).

انقر هنا لقراءة الخبر من مصدره.