سودارس : (جكسا ونيمار واطهر) مقابل (ضفر وعلي جعفر وبكري المدينة)

والي الخرطوم يدشن أعمال إعادة تأهيل مقار واجهزة الإدارة العامة للدفاع المدني الإسبان يستعينون ب"الأقزام السبعة" للانتقام من يامال مصطفى بركات: 3 ساعات على تيك توك تعادل مرتب أستاذ جامعي في 6 سنوات تكية الفاشر تواصل تقديم خدماتها الإنسانية للنازحين بمراكز الايواء مصالح الشعب السوداني.. يا لشقاء المصطلحات! تايسون يصنف أعظم 5 ملاكمين في التاريخ السودان.."الشبكة المتخصّصة" في قبضة السلطات مقتل 68 مهاجرا أفريقيا وفقدان العشرات إثر غرق قارب ريال مدريد لفينيسيوس: سنتخلى عنك مثل راموس.. والبرازيلي يرضخ نقل طلاب الشهادة السودانية إلى ولاية الجزيرة يثير استنكار الأهالي مسؤول سوداني يردّ على"شائعة" بشأن اتّفاقية سعودية السودان..إحباط محاولة خطيرة والقبض على 3 متهمين توّترات في إثيوبيا..ماذا يحدث؟ اللواء الركن (م(أسامة محمد أحمد عبد السلام يكتب: موته وحياته سواء فلا تنشغلوا (بالتوافه) دبابيس ودالشريف منتخبنا المدرسي في مواجهة نظيره اليوغندي من أجل البرونزية بعثة منتخبنا تشيد بالأشقاء الجزائرين دقلو أبو بريص هل محمد خير جدل التعين واحقاد الطامعين!! اتحاد جدة يحسم قضية التعاقد مع فينيسيوس حملة في السودان على تجار العملة إعلان خارطة الموسم الرياضي في السودان غنوا للصحافة… وانصتوا لندائها توضيح من نادي المريخ حرام شرعًا.. حملة ضد جبّادات الكهرباء في كسلا تحديث جديد من أبل لهواتف iPhone يتضمن 29 إصلاحاً أمنياً شاهد بالفيديو.. بأزياء مثيرة وعلى أنغام "ولا يا ولا".. الفنانة عشة الجبل تظهر حافية القدمين في "كليب" جديد من شاطئ البحر وساخرون: (جواهر برو ماكس) امرأة على رأس قيادة بنك الخرطوم..!! وحدة الانقاذ البري بالدفاع المدني تنجح في إنتشال طفل حديث الولادة من داخل مرحاض في بالإسكان الثورة 75 بولاية الخرطوم الخرطوم تحت رحمة السلاح.. فوضى أمنية تهدد حياة المدنيين المصرف المركزي في الإمارات يلغي ترخيص "النهدي للصرافة" "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي أنقذ المئات.. تفاصيل "الوفاة البطولية" لضحية حفل محمد رمضان لجنة أمن ولاية الخرطوم تقرر حصر وتصنيف المضبوطات تمهيداً لإعادتها لأصحابها انتظام النوم أهم من عدد ساعاته.. دراسة تكشف المخاطر خبر صادم في أمدرمان اقتسام السلطة واحتساب الشعب شاهد بالصورة والفيديو.. ماذا قالت السلطانة هدى عربي عن "الدولة"؟ شاهد بالصورة والفيديو.. الفنان والممثل أحمد الجقر "يعوس" القراصة ويجهز "الملوحة" ببورتسودان وساخرون: (موهبة جديدة تضاف لقائمة مواهبك الغير موجودة) شاهد بالفيديو.. منها صور زواجه وأخرى مع رئيس أركان الجيش.. العثور على إلبوم صور تذكارية لقائد الدعم السريع "حميدتي" داخل منزله بالخرطوم إلى بُرمة المهدية ودقلو التيجانية وابراهيم الختمية رحيل "رجل الظلّ" في الدراما المصرية... لطفي لبيب يودّع مسرح الحياة زيادة راس المال الاسمي لبنك امدرمان الوطني الي 50 مليار جنيه سوداني وفاة 18 مهاجرًا وفقدان 50 بعد غرق قارب شرق ليبيا احتجاجات لمرضى الكٌلى ببورتسودان السيسي لترامب: ضع كل جهدك لإنهاء حرب غزة تقرير يسلّط الضوء على تفاصيل جديدة بشأن حظر واتساب في السودان استعانت بصورة حسناء مغربية وأدعت أنها قبطية أمدرمانية.. "منيرة مجدي" قصة فتاة سودانية خدعت نشطاء بارزين وعدد كبير من الشباب ووجدت دعم غير مسبوق ونالت شهرة واسعة مقتل شاب ب 4 رصاصات على يد فرد من الجيش بالدويم دقة ضوابط استخراج أو تجديد رخصة القيادة مفخرة لكل سوداني أفريقيا ومحلها في خارطة الأمن السيبراني العالمي الشمالية ونهر النيل أوضاع إنسانية مقلقة.. جرائم وقطوعات كهرباء وطرد نازحين السودان.. مجمّع الفقه الإسلامي ينعي"العلامة" ترامب: "كوكاكولا" وافقت .. منذ اليوم سيصنعون مشروبهم حسب "وصفتي" ! بتوجيه من وزير الدفاع.. فريق طبي سعودي يجري عملية دقيقة لطفلة سودانية نمط حياة يقلل من خطر الوفاة المبكرة بنسبة 40% عَودة شريف لماذا نستغفر 3 مرات بعد التسليم من الصلاة .. احرص عليه باستمرار

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

(جكسا ونيمار واطهر) مقابل (ضفر وعلي جعفر وبكري المدينة)

كورة سودانية نشر في كورة سودانية يوم 25 - 04 - 2015

دق الدلجة
محمد عبد الماجد
(جكسا ونيمار واطهر) مقابل (ضفر وعلي جعفر وبكري المدينة)
الجميل في مجلس ادارة نادي الهلال انه إلتفت الى (الشباب) واحسن
الاهتمام بفريق الرديف.
عندنا فريق ما شاءالله.
ناس الباشا وعلاءالدين يوسف وبكري المدينة تاني إلّا تجيبوهم للصور.
او يكون عندكم (عقد).
امير كمال من (التقلة) تقول عاوز يكشف النظر.
الزول دا لو لقاهو (جكسا) بفكو ليكم على (50) امير كدا على الاقل.
يمين (صباع امير) ما تلقوه فيه.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (الموية) اليوم كلو قاطعة.
عليكم الله كدا رسلوا ليكم (رصيد) في ارقام الهلال.
عشان الكلام يقع ليكم.
وعشان ما نزعل لينا زول ساكت.
مع الاهتمام بفريق (الرديف) الذي الغى الاتحاد بطولته مخصوص عشان فريق
الرديف الهلال (بتلتل) انتهج المجلس مبدأ التصعيد الذي كان في الفريق
الاول للهلال ليفرض الشباب (صغّار السن) وجودهم في تشكيلة الهلال.
ويصبح لهم كلمة في اي مباراة يلعبها الاسياد.
كدا يا جماعة عشان ما تنسوا (حولوا ليكم رصيد للهلال).
اجمل من هذا ان مدرب الهلال (الكوكي) يتيح الفرصة لشباب الهلال ويمنحهم
حق المشاركة كاملا.
وقد سبقه في ذلك المدرب (باتريك).
الكوكي منح شباب الهلال الفرصة في مباريات صعبة ..امام (سانغا) شارك
جكسا واطهر الطاهر ونيمار.
وجاء الكوكي امس واشرك محمد عبدالرحمن (جكسا) ووليد علاءالدين (نيمار)
امام الاهلي الخرطوم صاحب الخبرة الكبيرة والذي يقوده عدد من النجوم
الكبار بقيادة عمر بخيت وخليفة وموسي الزومة واكرم الهادي سليم.
هسع دا عليكم الله ما الفريق القومي السوداني سنة 2009م.
وذهب الكوكي ابعد من ذلك عندما اشرك لاعب الرديف صلاح الدين.
تاني يعمل ليكم اكتر من كدا شنو؟.
فيكم البركة ..حولوا ليكم رصيد بالمناسبة دي ..عشان ما تنسوا.
اشراك شباب الهلال امر يحسب للمدير الفني للهلال ..وهو مؤشر جيد
لمستقبل اكثر من مشرق باذن الله.
وقد جاء نيمار وجكسا في الموعد تماما عندما سجلا في شباك الحارس الكبير
اكرم الهادي سليم.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس حولوا ليكم رصيد للهلال.
يقولوا ليكم الكلام الف مرة.
نحن فترنا.
من اعادة الكلام.
الاعتناء باللاعب الوطني امر في غاية الاهمية ..والاتجاه نحو اللاعب
الصغير في السن امر يحسب لمجلس ادارة نادي الهلال.
هذه سياسة يجب ان تستمر وميزة يجب الحافظ عليها ..والاستمرار فيها.
نتمنى ان يواصل المجلس في نهجه هذا ويضيف لكشوفات الهلال وجوه اخرى في
التسجيلات القادمة.
علما ان فريق الرديف فيه الكثير من المواهب.
ولا موهبة اعظم من اللاعب (احمد بيتر) الحارس الذي اشاد به كل من شاهده
بما في ذلك القط الكاميروني.
نرجو ان تكون مشكلته قد حلت فعلا كما جاء في الاخبار ليجد اللاعب
الفرصة في المشاركة.
ومن غير شك المنتخب الاولمبي بل المنتخب الاول في انتظار (احمد بيتر)
بعد ان سيطرت الاسماء الاجنبية على مرمي القمة السودانية.
أحمد بيتر يمكن ان يعيد الوهج والتألق للحارس الوطني..ليكون الكاسب
الاول من ذلك المنتخبات الوطنية.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس يا جماعة كل ما تقرأوا ليكم فقرة حولوا ليكم (رصيد).
رصيد ما لحمة.
قالوا ليك ناس المريخ بقوا يحولوا في (اللحمة).
عملت ليهم مشاكل مع شركات الاتصالات.
مباراة القمة في الدوري الممتاز سوف تأتي بعد مواجهات القمة الافريقية
وبعد ان تتضح الرؤية للهلال والمريخ في المنافسات الافريقية.
الهلال سوف يلعب امام سانغا بام درمان بينما يغادر المريخ الى تونس.
هذا يعني ان الهلال سوف يكون اكثر استقرار وراحة ..فهو لن يسافر على
الاقل خارج البلاد.
كما ان النتيجة الجيدة التى خرج بها في الكونغو سوف تجعل الهلال يلعب
من غير ضغط وتوجس.
كفي ان الهلال سوف يلعب في حضور جمهوره ليعطيه ذلك الدافع والحماس والقوة.
عكس المريخ الذي تنتظره (ملحمة) في رادس.
ترتيب الهلال للمباريات القادمة يفترض ان يكون ترتيب بعيد النظر.
كل الظروف الآن في صالح الهلال.
كدي رسلوا ليكم (رصيد) للهلال ..عشان اكمل باقى كلامي.
الكاردينال ذاتو مفروض الايامات دي يقعد لينا في البلد.
عندنا مجموعات ومباراة مصيرية امام سانغا.
وعندنا مباريات هامة في الممتاز.
والجوهرة الزرقاء.
والتسجيلات.
المواضيع دي عاوزة (الكاردينال) شخصيا.
الهلال لو خطط منذ الان الى ان يلعب مباراة القمة بتشكيلة يسطير عليها
الشباب ..ناس المريخ ديل (ستة) ما بتمرقهم مننا.
خاصة ان المريخ سوف يعود من تونس محملا بالجراح.
ناس الترجي ديل بيلعبوا على الاجسام ..وبيضربوا ضرب صاح في (رادس).
جماعتنا ديل بيرجعوا رأسهم لافي.
هم في وضعيتهم دي ..جهزوا ليهم ناس نيمار وجكسا واطهر الطاهر وبشه
الصغير والصيني.
يمين ما يفهموا اي حاجة.
اتخيلوا هؤلاء الشباب امام لاعبين اتقدمت بهم السن ..(وناس الترجي وروهم حاجة).
يعني وليد علاءالدين دا ممكن يعمل ليك اي حاجة في (ضفر).
يطلعو من الملعب ويرجعو تاني.
يفحص ليه الملاريا ..ويشربو ليمون.
يطلع الليمون من عيونو.
يعني ح نخلي ليمونا.
يسمعوا محمد الامين ..ويركبوا بص الوالي.
ينزلو تاني.
ممكن وليد الشايفنو دا يعمل اي حاجة في (ضفر).
ومحمد عبدالرحمن (جكسا)..ما بخلي ليه مدافع في المريخ ما بجيب ليه (حصوة).
بفتش ليك الجماعة.
كلهم تقال ..وكبار في السن.
يعني امير كمال وعلاءالدين يوسف لو لقاهم (جكسا) قداموه بفرتكم ليكم حبة حبة.
بوديهم صالون حلاقة في (الشهداء).
وبرجعهم كداري من هناك.
تاني ديل في (التمرين) ما بتلموا.
كدا يا جماعة بي مناسبة الكلام السمح دا رسلوا ليكم (رصيد) للهلال.
عشان نكمل ليكم باقى الكلام.
اما اطهر الطاهر ..(ما شاءالله عليه)..دفاع وهجوم وقوة وتهديف.
يعني اطهر في مباراة القمة لو لعب طرف يمين …جمال سالم دا إلّا يشوف ليه بلد.
والله إلّا تقولوا اخير لينا (الترجي).
وهناك بشه الصغير والصيني.
طبعا اضافة الى النجوم كاريكا ومساوي ومحمد أحمد بشه ونزار حامد والشغيل.
عشان الموضوع يبقى ليكم واضح.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس تاني لو شفتك هنا إلّا اقدد ليك عيونك ديل.
كدا رسلوا ليكم (رصيد) تاني يا جماعة.
فيكم البركة.
الايام القادمة ما بتستحمل اي تهاون.
ما فيها اي تساهل.
ايام حصاد.
وقد عاد الهلال.
حافظوا على هذه الوضعية من اجل ان يكتمل الهلال بدرا.
………..
و
بكري المدينة (الشفع) ديل لا بقدر عليهم ولا حاجة.
ما يقعد يعملها ليكم جري.
وانتوا تقعدوا تصفقوا ليه.
كدا رسلوا ليكم رصيد (كيتا على بكري المدينة).
ان ننسى لا ننسى معتصم عبدالقادر.
علي جعفر طبعا خرج ولم يعد حتى الآن.
قالوا ليك مباراة الترجي سوف تحدد (مشاطيب) المريخ.
اذا حددت مباراة الترجي استقالات المجلس ما تحدد (المشاطيب).
جمال الوالي دا مالوا بقى قنعان كدا.
نفسو مرقت خالص.
قالوا لي عبدالصمد تبقى (رئيس).
قال ليهم إلّا رئيس لجنة شعبية.
لو بقى عبدالصمد رئيس لنادي المريخ (بختنا).
وبخت مريخ الفاشر.
مريخ الفاشر ح يتسلم الراية.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (الموية) بقت ما بتتبلع لينا.
…..
السيدة (ل)…يطلع لي (اسد).
هسع جبت سيرة (الترجي).
وقرّض على كدا.

انقر هنا لقراءة الخبر من مصدره.