سودارس : وانتوا البقعدكم مع ناس (المجموعات) شنو؟

البرهان يتفقد مستشفى الرباط ويوجّه بتطوير الخدمات الطبية الشرطية (أماجوجو والنقطة 54) الأهلي يخسر من ساردية بدوري شندي مجلس الهلال يترقب قرار الانضباط ويعلن الاستعداد للتصعيد.. والكاف في مأزق كبير حاكم إقليم دارفور يجتمع مع المديرة العامة بالإنابة لمكتب تنسيق الشؤون الإنسانية بجنيف (OCHA) شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي من إيطاليا إلى بولندا.. سرقة 413 ألف قطعة شوكولاتة.. ما القصة؟ ترامب: إيران منحتنا 20 ناقلة نفط والشحن يبدأ غدًا بوتين: روسيا مستعدة لاستضافة الألعاب الأولمبية في المستقبل شاهد بالفيديو.. طبيب بمستشفى نيالا يشكو من انتهاكات أفراد الدعم السريع ويحكي قصة نجاته من القتل بعدما رفع أحدهم السلاح في وجهه شاهد بالصورة والفيديو.. الراقصة الحسناء "هاجر" تشعل حفل طمبور بفاصل من الرقص الاستعراضي والجمهور يتفاعل معها بطريقة هستيرية الهلال السوداني يفجر أزمة منشطات ضد نهضة بركان في دوري أبطال إفريقيا أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" برشلونة يتلقى دفعة معنوية قبل مواجهة أتلتيكو مدريد كريم عبد العزيز وفريق مطلوب عائليا يبحثون عن دولة أوروبية للتصوير الخارجى أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري مجهولين ينبشون قبر رجل دين بولاية الجزيرة وينقلون جثمانه إلى جهة غير معلومة السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم شاهد بالصورة والفيديو.. بعد إيمي سمير غانم.. "كورال" مصري يغني أغنية الفنانة السودانية توتة عذاب "الترند" وشاعر الأغنية يعبر عن إعجابه شاهد بالفيديو.. حمزة عوض الله يهاجم الشاعرة داليا الياس بسبب تبادل السلام بالأحضان مع المطرب شريف الفحيل ويصف المدافعين عنها بأصحاب الفكر الديوثي قوى سياسية في السودان تعلن عن مقاطعة مؤتمر في برلين عثمان ميرغني يكتب: حلفا .. والشمالية.. شاهد بالفيديو.. في ظهور مثير.. رجل يمسك بيد الفنانة هدى عربي كأنه عريسها ويدخل بها لقاعة الفرح والشائعات تلاحق السلطانة هل هو زوجها؟ دار الأوبرا تحتفى بذكرى رحيل عبد الحليم حافظ بحفلين اليوم وغداً مصر.. الدولار يقترب من 54 جنيها لأول مرة نتفليكس تزيل الستار عن أول صورة لشخصية جو كينيدى الأب فى مسلسلها الجديد سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة السودان.. الدفاع المدني يستعين ب"التوك توك" د.مزمل أبو القاسم يكتب: دموع الباز.. وزاهر! (2) طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

وانتوا البقعدكم مع ناس (المجموعات) شنو؟

كورة سودانية نشر في كورة سودانية يوم 23 - 04 - 2015

محمد عبد الماجد
دق الدلجة
وانتوا البقعدكم مع ناس (المجموعات) شنو؟
في الحكايات البشيلوها الناس في خواطرهم…واحد مجند في معسكر ابوه مات.
الجماعة اتحيروا.
قالوا هسع الزول دا يكلموه كيف؟.
يقولوا ليه شنو؟.
يوصلوا ليه المعلومة كيف؟.
قعدوا يفكروا.
يا ربي يستقيلوا!!.
يا ربي يعملوا ليهم طابق تاني!!.
يجيبوا (كاظم الساهر) واول ما يطلع المسرح يثبتوه يقولوا ليه ما تغني
عندنا زول مات.
الجماعة قاعدين يفكروا وينحتوا في الرأس.
عاوزين يشوفوا ليهم طريقة مبسطة كدا يكلموا بيها الزول الابوه مات دا.
هم عارفين الزول دا قلبو كعب.
وما بيستحمل.
وممكن يروح فيها لو ما كلموه بي شكل حضاري.
واحد من الجماعة (الكبار)..قال ليهم الموضوع دا خلوه لي.
ما عندكم مشكلة.
انا بكلمو ليكم بي طريقة مريحة ..وبوصّل ليه (المعلومة) من غير اي
اضرار او متاعب او خسائر.
قالوا ليه لو بتقدر تكلمو..كلمو ..نحن ما عندنا مشكلة.
بس عليك الله راعي ظروف الزول دا الصحية.
المعلم الكبير قال ليهم اصلو ما عندكم مشكلة.
الموضوع دا خلوه لي.
المعلم الكبير ضرب صفارة طابور.
المعسكر كلو طلع من العنابر.
كلهم وقفوا صفوف.
المعلم الكبير ..قال ليهم يا شباب اي زول ابوه ميت يقيف لينا بي جاي.
اى واحد ابوه ميت ..طلع وقف في صف تاني.
المعلم الكبير مشى ليك على الزول الابوه مات وما عارف ..دقاهو ليك في
كتفو وقال ليه : (انت البوقفك مع الجماعة ديل شنو؟).
اطلع لينا يا مجند واقيف لينا مع الجماعة الابواتهم ماتوا.
الزول انهار ليك.
عرف ليك انو ابوه مات.
ناس المريخ هسع عاوزين نعمل ليهم نفس الطريقة.
عاوزين نحدثهم بي طريقة ظريفة.
من غير ما نجرح لينا زول.
نكلمهم بي رشاقة.
ما عاوزين نسبب لينا صدمة (حضارية) لي مريخابي.
عاوزين نكلمهم براحة كدا.
ونقول ليهم انتوا طلعتوا من الابطال.
انتوا ح تلعبوا في (الكونفدرالية).
بشويش.
بي طريقة ظريفة قلت ليكم.
نوصل ليهم المعلومة دي كيف؟.
نقول ليهم زي كلام (المعلم الكبير) انتوا البوقفكم مع ناس (المجموعات) شنو؟.
تمشوا طوالي تقيفوا مع ناس (الكونفدرالية) ..ناس الزمالك المصري وفيتا كلوب.
عاوزين يا جماعة نفكر ..ونقول ليهم الكلام دا بي ظريفة.
بي بساطة كدا.
بي رشاقة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (عمر ود الجاك) اشتري ليه (مروحة) جديدة لي رمضان.
قال رمضان قرب.
جماعتنا ديل نشرح ليهم الحكاية كيف؟.
نقول ليهم شنو؟.
نوصل ليهم معلومة (الكونفدرالية) كيف؟.
يا حسرة هم جايبين خبر.
ما شاعرين بي سوء الكونفدرالية.
ما عارفين الراجيهم في (رادس).
نحن خايفين لو قلنا ليهم الكلام بصورة صادمة كدا ..يقوموا ناس جمال
الوالي يستقيلوا.
وناس رمضان عجب يطشوا.
ومشروع (تحويل الرصيد) ذاتو يطرشق.
نكلمهم كيف؟.
الناس ديل حساسين شديد.
وشعورهم مرهف.
وما بيستحملوا.
قلوبهم كعبة.
الكونفدرالية دي زي الموت.
حارة شديد ..الهلال يمشي المجموعات.
والمريخ يمشي (الكونفدرالية).
لازم نشوف لينا وسيلة خفيفة كدا ..نوصل ليهم المعلومة دي.
يا ربي نتقاعد مع ناس (تيراب الكوميديا) ..عشان يوصلوا ليهم المعلومة.
بي بساطة.
بي ظرافة.
نجيب (احمد بدير) من مصر يكلمهم بالخبر…ويرجع.
وإلّا نتصرف معاهم كيف؟.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (الجزولي ود التكية) اشتري ليه (بطيخة) لي رمضان.
قال من هسع عطشان.
عندي فكرة.
غارزيتو من بكرة تمارينو تكون (40) دقيقة بس.
يقوموا ناس (ضفر) يقولوا لي غارزيتو يا كوتش …ليه تمارينا بقت (40) دقيقة بس.
غارزيتو يقول ليهم (الكونفدرالية) ما عاوزة اكتر من كدا.
(40) دقيقة كتيرة عليهم.
لكن ناس (علي جعفر) الكلام دا بقع ليهم.
برضو ما ح يفهموا حاجة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (الخليل ود الخليلة) ..قال السنة دي رمضان ما بصومو في السودان.
قال ح يطلع برة البلد.
الفكرة الاولى لو ما وصلت المعلومة.
عندي فكرة تانية.
نحن عندنا شنو غير (الافكار).
موضوع (الكونفدرالية) دا بوصلو للمريخاب بنوصلو.
اصلو ما في مشكلة.
عندي فكرة جديدة.
تجيبوا ليكم (روسي) من روسيا.
يعني ح تجيبوا ليكم روسي من (ام بدة).
روسي جديد.
يقوم الروسي دا يلم ليك في ناس الريح علي وبلة جابر وبكري المدينة
..ويديهم ليك محاضرة بالروسي.
كلمة واحدة بالعربي ما فيها.
كلام كلو روسي.
بكري المدينة عشان زول ضايق ..وطبعو كعب ..بقوم يسأل.
يقول الروسي دا قال شنو؟.
واحد من الهلالاب الشفوت يقول ليه قال ليكم انتوا يا بكري المدينة ح
تلعبوا في (الكونفدرالية).
لكن ناس بكري المدينة بفهموا الكلام دا.
برضو ما بقع ليهم.
ما بفهموا الكلام.
لو بفهموا الكلام دا كان طلعوا من الابطال.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (حسن ود الرتيبة)..قال رمضان لو وقع جمعة ..بيسافر البلد.
الجمعة في الخرطوم في رمضان صعبة.
لا بتصام ولا حاجة.
لكن هسع الجماعة ديل نقول ليهم شنو؟.
نوصل ليهم المعلومة كيف؟.
الكونفدرالية دي …نقنعهم بيها بي ياتو طريقة.
عندي فكرة.
تعملوا ليكم (وليمة).
تجيبوا فيها لحوم وفراخ وسمك وبامية مفروكة.
الهلالاب ياكلوا اللحمة والفراخ والسمك.
وقت بلة جابر ايدو تمشي على (اللحمة) يثبتوه.
يقولوا ليه معليش يا بلة جابر…انتوا بس تاكلو (البامية المفروكة).
بلة جابر ح يعترض.
ح يقول ليه؟.
ح نقول ليه عشان بتلعبوا في (الكونفدرالية).
تفتكروا بعد (الوضوح) دا الموضوع ح يقع ليهم.
ما اظن.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (التجاني ود التجانية) صلح (المكيّف).
قال رمضان قرب.
عندي فكرة.
اي مريخابي شايل ليه (جلاكسي)..يصادرو منو (الجلاكسي).
السلطات تصادرو بصورة قانونية.
ويطلع منشور رسمي يعمم على كل المريخاب ..يقولوا فيه اي زول بلعب في
الكونفدرالية ما يشيل ليه (جلاكسي).
بعد دا ان فهموا ..فهموا ..وان ما فهموا ..ننظم ليهم (سيكافا).
لو نظمنا ليهم (سيكافا) الموضوع بقع ليهم.
اصلهم ما بفهموا لينا إلّا بي (سيكافا).
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (عباس ود العباسية) …قال عندو (كلي).
ما بقدر يصوم.
و
المحامي امين بتواصله معنا وهو صاحب خبرة فنية ..دراسة وممارسة طالب
بعودة سادومبا.
سادومبا مطلب هلالي.
عندما غادر سادومبا الهلال ..بكي بعيونه.
ليكون سادومبا اول محترف في السودان يبكي لمفارقة فريقه.
عودة سادومبا مهمة.
فهو الاكثر حبا للهلال.
وهو الاعظم فائدة فنية له.
الكاردينال ..مقتنع تماما ب (سادومبا).
امين يطالب ايضا بمنح الفرصة لبدلاء الهلال ..في ظل المنافسات
والمباريات المضغوطة.
خاصة ان بدلاء الهلال بقيمة الاساسيين تماما.
الهلال فعلا يحتاج الى مهاجم قناص.
زول يحسم المباراة.
يجيب القون من اي فرصة.
…..
السيدة (ل)..لو منعوا (الميم) بندخل ليهم ب (الكاف).
تاني ح يعملوا شنو؟.
وقرّض على كدا.

انقر هنا لقراءة الخبر من مصدره.