سودارس : في الهلال مجلس شرعي يحلوه وفي المريخ لجنة معيّنة يمدّوا ليها

شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية البرهان يتفقد مستشفى الرباط ويوجّه بتطوير الخدمات الطبية الشرطية شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) (أماجوجو والنقطة 54) الأهلي يخسر من ساردية بدوري شندي مجلس الهلال يترقب قرار الانضباط ويعلن الاستعداد للتصعيد.. والكاف في مأزق كبير حاكم إقليم دارفور يجتمع مع المديرة العامة بالإنابة لمكتب تنسيق الشؤون الإنسانية بجنيف (OCHA) بوتين: روسيا مستعدة لاستضافة الألعاب الأولمبية في المستقبل شاهد بالفيديو.. طبيب بمستشفى نيالا يشكو من انتهاكات أفراد الدعم السريع ويحكي قصة نجاته من القتل بعدما رفع أحدهم السلاح في وجهه شاهد بالصورة والفيديو.. الراقصة الحسناء "هاجر" تشعل حفل طمبور بفاصل من الرقص الاستعراضي والجمهور يتفاعل معها بطريقة هستيرية الهلال السوداني يفجر أزمة منشطات ضد نهضة بركان في دوري أبطال إفريقيا أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي من إيطاليا إلى بولندا.. سرقة 413 ألف قطعة شوكولاتة.. ما القصة؟ ترامب: إيران منحتنا 20 ناقلة نفط والشحن يبدأ غدًا كريم عبد العزيز وفريق مطلوب عائليا يبحثون عن دولة أوروبية للتصوير الخارجى أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري مجهولين ينبشون قبر رجل دين بولاية الجزيرة وينقلون جثمانه إلى جهة غير معلومة السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم قوى سياسية في السودان تعلن عن مقاطعة مؤتمر في برلين عثمان ميرغني يكتب: حلفا .. والشمالية.. دار الأوبرا تحتفى بذكرى رحيل عبد الحليم حافظ بحفلين اليوم وغداً مصر.. الدولار يقترب من 54 جنيها لأول مرة نتفليكس تزيل الستار عن أول صورة لشخصية جو كينيدى الأب فى مسلسلها الجديد سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة السودان.. الدفاع المدني يستعين ب"التوك توك" د.مزمل أبو القاسم يكتب: دموع الباز.. وزاهر! (2) طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

في الهلال مجلس شرعي يحلوه وفي المريخ لجنة معيّنة يمدّوا ليها

قوون نشر في قوون يوم 16 - 09 - 2013

لجنة تسيير المريخ (المعينة) غير المنتخبة ذات ال (17) لوردًا تبقى لأهليتها القانونية أو قل (الوزارية) أقل من أسبوعين وينتهى أجلها الوزاري أو السلطوي الذي كونها.

وقد كنا جميعاً شهودًا على تلك اللجنة (اللوردية) التى كوّنها وزير الشباب والرياضة بولاية الخرطوم.

وكلنا استمتعنا ب (الكورال) الاعلامي الذي تغزل في لجنة التسيير تلك عندما كوّنت وخرج أعضاءها في الصحف يتوعدون ويبشرون أهل المريخ بجنة في الأرض ..واحلام ما انزل الله بها من سلطان.

اللورد (الذي لا يقرأ جرايد)...خرج في تصريحات صحفية وفي منابر إعلامية مختلفة (رغم من انه ما بقرأ جرايد) وقال انهم سوف يحوّلون المريخ إلى شركة مساهمة رأس مالها (50 مليون دولار).

دل.

دلللللللللل.

هو الكلام بقروش.

لورد عاوز يحوّل المريخ إلى شركة مساهمة رأس مالها لا يقل عن (50) مليون دولار وما بقرأ جرايد.

اتخيلوا.

(50) مليون دولار بتاعة مين؟....الجماعة هسع (طبلية) ما عملوها..شركة مساهمتهم التى رأس مالها (50) مليون دولار كوّنوها في الجرايد ...(التى قالوا أنهم ما بقرأوها).

شفناها بس في (الاعمدة الصحفية).

والله لو بتقرأ جرايد كلامك دا ما كنت بتقولو.

الكلام دا قولو لي زول ما عندو حديدة.

ما عندو جريدة.

قال (50) مليون دولار قال.

دل.

هي (الصواعق) دي بتجي من فراغ.

يا ربي دا ياتو (كبري)؟.

دا شن جنسو؟.

اتخيلوا المريخ (شركة مساهمة رأس مالها 50 مليون دولار) والبلد غرقانة.

عارفين ال (50) مليون دولار دي ممكن تحل مشاكل البلد كلها دارفور والنيل الأزرق والشرق والخرطوم البقت (مقطوعة) من الغرق.

أول مرة اشوف لي عاصمة مقطوعة عديل كدا.

إذا كان هذا هو الحال في الخرطوم ترى كيف يكون حال اهلنا في البوادي والأطراف؟.

ما علينا أو علينا والله (لكن نقول شنو؟).

اها سكتنا.

دعونا ننظر ولجنة تسيير المريخ ذات ال (17) لوردًا التى كوّنها الوزير يقترب انتهاء اجلها ولم نر إلى الان أي حاجة من الوعود التى اطلقوها في الصحف التى لا يقرأونها.

(جدادة) ما شفناها.

ولا بيضة.

أهو كلام.

نحن بالمنطق وعشان ما يقولوا واقفين ليهم على الواحدة ..بنقول ليهم نحن في هذا التوقيت ما عاوزين شركة رأس مالها (50) مليون دولار كما وعد اللورد الما بقرأ جرايد.

لكن عاوزين نشوف بس دلائل وخطوات تؤكد تلك التصريحات والمزاعم التى اطلقوها.

عاوزين نشوف لينا (لوري طوب) ساكت.

إن شاءالله ما ينزل (طوبة) لكن نشوفو.

عاوزين فقط نشوف (نوايا) تثبت أن هناك عمل حقيقي قادم وشركة مساهمة رأس مالها (50) مليون دولار.

عاوزين نشوف (ملامح) لذلك.

شبه بس ما اكتر من كدا.

عشان الحكاية ما تكون كلام ساكت ...(عشان الكلام دا نحن شبعنا منو..وهو ما عاوز أي مؤهلات أو امكانيات).

أي (لجنة) تكوّنوها ..ممكن تقول ليكم أحسن كلام وتقول ليكم كلام أخطر من الكلام دا.

ممكن بالكلام يعملوا ليك (معجزات).

خلوها ال (50) مليون دولار.

عاوزين نشوف لينا (دولار) واحد كدا في شركة المساهمة تلك.

عشان الواحد تاني لمن يكذب ..يكذب كذبة معقولة كدا ...أي من غير المعقول أن تستطيع لجنة عمرها (4) شهور في إنشاء شركة مساهمة رأس مالها (50) مليون دولار.

انتوا عارفين نحن لو جبنا لينا (لجنة) متخصصة في (الكضب) وكلها لوردات...ما بقولوا الكلام القالوه ناس لجنة المريخ دا.

الكضب دا لو درسوه في جامعة (هارفارد) وحضروا فيه في جامعة (كامبردج) وعملوا فيه دكتوراه في جامعة (أكسفورد)...يا ناس لجنة اللورادت ما بقولوا كلامكم دا.

انتوا لوردات في شنو؟.

في الكضب!!.

قالوا ليكم اتنين كضابين شديد.

واحد قال للتاني نحن عندنا عمارة من (10) طوابق الطابق الأرضي والأول والتاني شالهم السيل ...وباقى الطوابق ما جاتهم أي حاجة.

التاني قال ليه : الغريبة نحن السيل الجانا (شال) بس شاحن الموبايل وطلع.

جنس كضب.

وينها شركة مساهمتكم التى رأس مالها (50) مليون دولار؟.

وينها (طعميتكم).

باسم الله (الطعمية) الدخلها هنا شنو؟.

ما شفنا أي حاجة.

وينها (مدينتكم الطبية)؟..ما قلتوا عاوزين تعملوا ليكم (مدينة طبية).

دل.

عليكم أمان الله (درب) ساكت ما شفناه.

حقنة ما جابوها.

وعشان ما تقولوا نحن بنتكلم ساكت.

أنا بثبت ليكم كلامي دا بالمنطق والدلائل عشان تعرفوا حقيقة (المدينة الطبية).

المريخ عندما سافر للمشاركة في بطولة الظفرة الودية في الامارات البعثة التى كان قوامها يتكون من أكثر من (35) فردًا ما كان فيها ولا (طبيب) مرافق للبعثة.

ممرض ما فيها...(الكلام دا اثبتوا الاخ هيثم محمد علي المرافق للبعثة).

نوع ديل الطبيب الذي يكون مرافق للبعثة ما بسوقو معاهم بالعقل كدا ممكن يعملوا ليهم (مدينة طبية).

منتظرين ليكم (مدينة طبية) من مجموعة (طبيب) ساكت ما فيها.

المعروف أن أي نادٍ أو حتى فريق يسافر في رحلة خارجية بكون مرافق للبعثة (طبيب).

اها (اللوردات) ديل (الطبيب) ما ساقوه.

بعد دا في ناس (طيبة) كدا منتظرة (المدينة الطبية).

اللوردات الباقى ليهم (14) يوماً و(7) ساعات و(3) دقائق ...قالوا ح يعملوا (مول) تجاري ضخم.

مول (عديل كدا).

دل.

في صاقعة وقعت قريب.

عشان كدا (الصواعق) بتقع في نادي المريخ.

تذكروا (الصاقعة) الوقعت في حوض السباحة.

وتذكروا (الصاقعة) الوقعت في (الطابق التاني).

مول مع ناس كلتشي دا يمين (قطعة جبنة) ما تلقوه فيه.

أما (الطحينة) فاقنعوا منها عديل مع ناس أكرم الهادي سليم.

نحن هسه ولجنة التسيير تبقت لها أيام ما شفنا لينا (كشك) سجائر ناهيك عن (المول) الذي بشرت به اللجنة عندما أعلن أسماء اللوردات فيها.

يعني يا عصام الحاج ويا أزهري وداعة الله انتوا استقلتوا عشان المول والمدينة الرياضية وشركة المساهمة ..وطبلية بعدكم ما شفناها.

ولا (طوبة).

طيب هسع يا جماعة الفرق شنو بين (اللوردات) الما بقرأوا جرايد ديل ومجلس عصام الحاج.

على الأقل مجلس عصام الحاج كان مجلس شرعي ومنتخب وبقرأ جرايد كمان.

ومجلس عصام الحاج كان واضح وصريح ..وما كانوا قاعدين يكضبوا في الناس...ويقرأوا جرايد.

يعني عصام الحاج الذي اشتغل في المريخ أكثر من (21) سنة ما حصل في يوم من الأيام قال ح يعمل ليه كشك فول.

ناهيك عن مول.

ولا (كمشة).

نفسي أعرف..انتوا (لوردات) في شنو؟.

لوردات (فني معامل).

ولاّ (لوردات) تركيب اطباق هوائية؟.

ولاّ لوردات (كهربة سيارات).

ورونوا انتوا (لوردات) في شنو؟.

اللوردات ال (17) ديل مع تحويل المريخ إلى شركة مساهمة والمدينة الرياضية والمول التجاري قالوا عاوزين يعملوا ليهم (نادي عائلي) على النيل.

طبعاً الكلام دا قالو صلاح إدريس قبل (10) سنوات.

لوردات المريخ يا دوب بقولوا فيه الان.

المحطة (بتاعة الشو) دي نحن اتجاوزناها قبل عشرات السنوات.

بعدين نادي عائلي على شنو؟.

وتعملوه وين؟.

عليكم الله هسع الخرطوم دي فيها حتة يابسة.

البلد كلها بقت في (الموية).

قالوا ليك واحد مشى ليه لي بتاع فول وقال ليه : في موية فول.

زولكم بتاع الدكان قال ليه موية الفول عاوز بيها شنو مع (المويات) دي.

صاحبكم قال لبتاع الدكان : أبدًا ..بس شكيت في الموية البتكب من (الصالون)..زي كأنها بتكب من (قدرتك) دي.

ناديكم العائلي دا إلا تعملوه بره الولاية.

على الأقل تشغلوا باصات الوالي شوية.

اصلها الأيامات دي قاعدة ساكت.

وبالمرة كدا الباصات دي لو قلبتوها لينا (بنطونات) كان ارحم.

كان اشتغلت اكتر.

قالوا ليك ناس الانقاذ ديل غلطوا غلطة كبيرة (الكباري) كلها عملوها على (النيل).

كان يفترض يوزعوا (الكباري) دي على السوق العربي والكلاكلات والحاج يوسفات.

أمس صحيت نص الليل ...اتلفت يمين وشمال ..وقلت في نفسي أنا الوداني (توتي) شنو؟.

عاينت تاني يمين وشمال لقيت نفسي قاعد في بيتنا قلت طيب (توتي) الجابها هنا شنو؟.

السيول دي لو عاوزين تثبتوها جيبوا ليها (الفيفا).

شغل الولاية دي ما بثبت ليه سيول.

ديل لي هسع بقولوا ليك نحن اتفاجأنا بالخريف.

يعني لي هسع في طور (المفاجأة).

لمن المفاجأة تفك منهم الخريف بنتهي.

عشان كدا كلموا الفيفا الجماعة ديل نحن قنعنا منهم (ظاهر وباطن).

ديل بنتظروا المطر تصب ..ويقولوا ليك ناس الارصاد قالوا بكرة في مطرة تانية.

انتوا ناس الارصاد ديل ما عندهم (أطفال).

ما عندهم حيطة جالوص خايفين عليها.

هسع عليك خلينا من الكلام دا ..خلينا في (اللوردات).

لوردات المريخ بعد تلك الوعود والأحلام (الصحفية) التى بشروا بها واعلنوا عنها في الصحف تصوروا (الوزير) ما سألهم.

المشكلة بعد (الكضب) دا ..عاوز يمدد ليهم.

على شنو ما عارف؟.

(17) لوردًا قاعدين ساكت.

المطر كشفتكم.

والوزير بدل ما يسألهم ويحاسبهم على فترتهم التى لم ينجزوا فيها أي شيء ..وفشلوا حتى في كأس (أفراح عصام) أقصد في كأس الظفرة...عاوز يمدد ليهم.

لو قلت ليكم حاجة تانية (بتتهجموا).

عيونكم بتقى في نص رأسكم.

الوزير ..عاوز يمدد للجنة غير شرعية ..وغير منتخبة وما عملت أي حاجة غير أنها اجبرت العجب على الاعتزال وشالت الكوكي في نفس الوقت الوزير عاوز يحل مجلس الهلال الشرعي والمنتخب.

عليكم الله هسع الحركات دي (السيسي) بعملها.

وقت نقول ليكم (السيسي) ما بترضوا وتقعدوا تزعلوا وتعملوا في (المؤتمرات الصحفية).

مجلسنا الشرعي والمنتخب والذي تبقى لفترته (3) شهور عاوزين يحلوه.

ولجنة تسيير المريخ المعينة وغير المنتخبة والتى انتهى أجلها عاوزين يمددوا ليها.

عليكم الله دي ما حقارة.

في حقارة اكتر من كدا.

عشان كدا انتوا (المطرة والسيول) ما خاطية عليكم.

خلتكم قاعدين في السهلة.

مع ذلك لا عاجبكم (العجب)..ولا رمضان عجب ذاتو.

ملحوظة : أول مرة أشوف لي (لوردات) تجهجهم مطرة.

هوامش

عمودي (القراية أم دق) في الاهرام اليوم موقوف بواسطة السلطة عشان كدا ح نتواصل معاكم يومياً إن شاءالله من خلال (وان طال السفر).

ونحاول نلتزم معاكم رغم الأمطار والسيول.

فنون أوقفها مجلس الصحافة بحجة واهية فتوقف أيضاً (لت وعجن).

ويبقى بيننا التواصل والود عبر (وان طال السفر)...ان ما ظهر لينا (سفر) جديد.

ح أقابل ليكم اللوردات ..وعمكم عصام الحضري.

يا عصام الحضري الناس القدرك واقفين في ميدان (رابعة العدوية).

وأنت واقف لي في استاد المريخ.

غايتو مع (الدموم) دي عصام الحضري تاني ما بسافر القاهرة.

الحضري شابكنا السودان سخن ..والتعليم في السودان ما كويس..والأوضاع غير مستقرة.

لمن الحكاية بقت على مصر.

تاني الزول دا ما بسافر.

انتوا فاكرين الحضري دا قاعد عشان حباب عينكم.

دا قاعد عشان خايف.

الخوف قاطع قلبو.

لكن خبر أكيد ...مسيرة الحضري في المريخ سوف تتوقف قريباً.

اتذكروا كلامي دا عشان تاني ما بكرروا ليكم.

توقف الحضري لن يكون بسبب انتهاء فترة اللوردات.

خلوها مستورة.

ح تشوفو قريب.

الزول دا ح يقيف ح يقيف.

زمان وقت تصب مطرة ...الزول بشيل مرتبتو ومخدتو من الحوش ويدخل الصالون.

هسع لمن تصب مطرة ..الواحد بشيل المرتبة والمخدة وبطلع من الصالون وبمشي الحوش.

عارفين ليه؟.

عشان (الصالون) هو ذاتو بقى ما مضمون.

.....

عاجل : الزول من يقول ليك التلفون كان في الشاحن تاني ما تضرب ليه!!.

انقر هنا لقراءة الخبر من مصدره.