سودارس : عمر الكسمبر لحّقوه معسكر تونس والكشف الافريقي طوالي

نزار العقيلي: (كلام عجيب يا دبيب) البرهان يؤكد حرص السودان على الاحتفاظ بعلاقات وثيقة مع برنامج الغذاء العالمي عطل في الخط الناقل مروي عطبرة تسبب بانقطاع التيار الكهربائي بولايتين ميسي: لا أريد أن أكون عبئا على الأرجنتين.. وأشتاق للعودة إلى برشلونة رئيس مجلس السيادة يؤكد عمق العلاقات السودانية المصرية رونالدو: أنا سعودي وأحب وجودي هنا مسؤول مصري يحط رحاله في بورتسودان (25) دولة تدين بشدة الفظائع وانتهاكات القانون الإنساني الدولي في السودان على يد ميليشيا الدعم السريع "فينيسيوس جونيور خط أحمر".. ريال مدريد يُحذر تشابي ألونسو الهلال يدشن انطلاقته المؤجلة في الدوري الرواندي أمام أي سي كيغالي كُتّاب في "الشارقة للكتاب": الطيب صالح يحتاج إلى قراءة جديدة عثمان ميرغني يكتب: إيقاف الحرب.. الآن.. مستشار رئيس الوزراء السوداني يفجّر المفاجأة الكبرى مان سيتي يجتاز ليفربول التحرير الشنداوي يواصل إعداده المكثف للموسم الجديد دار العوضة والكفاح يتعادلان سلبيا في دوري الاولي بارقو كلهم حلا و أبولولو..!! السودان لا يركع .. والعدالة قادمة شاهد.. إبراهيم الميرغني ينشر صورة لزوجته تسابيح خاطر من زيارتها للفاشر ويتغزل فيها:(إمرأة قوية وصادقة ومصادمة ولوحدها هزمت كل جيوشهم) لقاء بين البرهان والمراجع العام والكشف عن مراجعة 18 بنكا السودان الافتراضي ... كلنا بيادق .. وعبد الوهاب وردي شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان وزير الطاقة يتفقد المستودعات الاستراتيجية الجديدة بشركة النيل للبترول أردوغان يفجرّها داوية بشأن السودان وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" مركزي السودان يصدر ورقة نقدية جديدة "واتساب" يطلق تطبيقه المنتظر لساعات "أبل" بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

عمر الكسمبر لحّقوه معسكر تونس والكشف الافريقي طوالي

كورة سودانية نشر في كورة سودانية يوم 07 - 06 - 2015

دق الدلجة
محمد عبد الماجد
عمر الكسمبر لحّقوه معسكر تونس والكشف الافريقي طوالي
المريخاب اصلو ما بخلوا طبعهم الكعب.
حركات سيكافا في (المجموعات) بعملوا فيها.
حتى (الصغار) فيهم بقوا بتاعين (شغب).
حكمة الله ..(الشباب) في المريخ برضو ما بتموا المباراة.
العرق دساس.
الطبع الكعب انتوا بتشتروه.
ما غريب عليكم.
شوفوا الحكاية قبل (عشرات السنين) – زيكو قدام ناس والي الدين محمد
عبدالله وانس النور وزاهر مركز شال الكورة وطلع.
قال ما بنفذوا ضربة الجزاء.
لو ما شال الكورة كان انتهت 12/ صفر.
تمر السنوات.
ويلف الزمن.
ويجي واحد من شباب المريخ في الزمن دا – زمن الواتساب والفيس بوك
والفضائيات والانترنت يشيل الكورة ويفوت.
والمباراة ما تتم.
والحكم ينهي المباراة.
حدث ذلك في مباراة جمعت امس بين شباب الهلال وشباب المريخ في دار
الرياضة ام درمان ..اقتحم فيها جمهور المريخ الملعب لينهي حكم المباراة
التى كان يتقدم فيها الهلال 3 / 1 قبل نهايتها.
شفت يا زيكو انتوا عملتوا شنو؟.
البتعملوا فيه زمان.
ولادكم جوا يعملوا فيها الان.
الغريبة ان زيكو لمن شال الكورة الجيل البلعب في شباب المريخ الآن ما كان اتولد.
في الدنيا كان ما في.
مع ذلك …شالوا الكورة والمباراة ما تمت.
على كدا ممكن احداث سيمبا التنزاني تاني تحصل.
وتاني يقوم يموت فيها (صحفي).
وقت بشيلوا الكورة في الزمن دا – ممكن يكتلوا ليهم (صحفي).
شابكننا ما بنعلب (اعادة) مباراة الامل ..ما بنلعب (اعادة) المباراة.
ما بنعيدها.
ما بنعيدها.
وقت بترفضوا (الاعادة) – احداث مباراة القمة التى لعبت في التسعينات
بتعيدوها لينا الان ليه؟.
بتعيدوا (الهروب) ليه؟.
مباراة ليها قرابة العشرين عام ..بتجوا تعيدوا لينا احداثها الآن.
ما قلتوا ما بتعيدوا.
شيلة الكورة دي (اعادة) لحدث كان سنة 1996م.
نحن قايلين الهروب وشيّل الكورة من الميدان وعدم اكمال المباراة
…حركات كُبر ساكت.
اتاريهم (صغارهم) برضو بشيلوا الكورة وما بتموا المباراة.
علمتوهم شناة طبع.
الطبع دا – ح يباريكم لي يوم الدين.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس يا زيكو الناس ديل ذنبهم عليك.
نحن ما كنا قايلين التاريخ بعيد نفسو.
ما فاكرين الحكاية بعد (19) سنة ممكن تجي تطبق بي حذافيرها.
سبحان الله.
امس قالوا ليك في لاعب في الهلال اسمو عمر هاشم (عمر كسمبر) ما خلى لي
والدين محمد عبدالله حاجة.
يشيل ويلخبط ليك في الجماعة.
ما خلى ليه (ركبة) نصيحة.
ما خلي ليه (سلطة) حايمة.
عجورة بالغلط ما في.
هسع (العجورة) الدخلها هنا شنو؟.
ما في رباط صليبي طلع منو.
عمر كسمبر …عمل عمائل نجار في خشب ما عملها.
مهاجم شباب الهلال عمر كسمبر …عملوا معاه ضربة جزاء.
وفتفت ليك لاعبي المريخ من النص – مسكهم ليك واحد واحد.
ينده فيهم نديهأ.
ما خلى ليه زول.
الجوة والبرة من المريخاب جاب ليه (رعاف).
وارتجاج في (الركبة).
شال ليهم المرارة.
والطوحال.
وضرس العقل.
ما خلي ليهم اصلو حاجة.
الركب بقت تتداخل متل حصة الانجليزي القلبوها حصة فنون.
وقالوا طلعوا ورقة وارسمو.
عمر كسمبر ما خلى ليه حاجة لي والي الدين محمد عبدالله.
الرشاقة.
والحرفنة.
واللخبطة.
مدافع ما بنوم من بدري ما بقيف قدامو.
كسمبر …خلى ليك جمهور المريخ يقتحم الملعب.
الصبر غلبهم.
في مدرجاتهم ما ثبتوا.
قالوا الحكاية دي ما بتقيف كدا.
ليعيدوا لينا احداث قمة 1996 بين الكبار.
الصغار جروا الشريط.
رجعوا الشريط.
شفتوا (الشريط).
الما شاف شريط قمة 1996م يشوف شريط امس.
الشريط رجع.
اعادوا لينا الهروب بي والي الدين محمد عبدالله له الرحمة والمغفرة.
التاريخ بعيد نفسو.
انتوا يا ناس الاتحاد ما قادرين تعيدوا ليكم مباراة.
اعدنا ليكم والي الدين محمد عبدالله في شخص عمر كسمبر.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس يا عمر كسمبر لو جابوا ليك ناس حاتم محمد أحمد وزيكو …كنت رجعتهم
تاني يشيلوا جركانة اللبن.
رجعهم تاني لي كتابي الاول.
وسنة تالتة ابتدائي.
انتوا عارفين الهارب الاكبر في قمة 1996 والسبب الرئيسي في الهروب كان منو؟.
كان حاتم محمد أحمد رئيس قطاع الشباب الحالي في المريخ.
عرفتوا (الهروب) جاء من وين؟.
فهمتوا الحكاية يا جماعة.
اظن الموضوع بقى ليكم واضح.
بقى ليكم ظاهر.
وقت نقول ليكم العرق دساس بتقعدوا تغالطوا.
لو عملتوا ليكم حاجة كويسة امام الهلال كان انسترتوا الآن.
لكن انتوا قدامنا ما عندكم غير (الهروب).
ما بتعرفوا لي حاجة غير تشيلوا الكورة وتهربوا.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس شفتوا الدنيا دي ضيقة كيف؟.
حدث حصل 1996م.
يحدث الآن.
صغار الهلال ديل صعبين.
شفوت.
طبقوا ليك النظرية بالكامل.
والمساكين شالوا الكورة وطلعوا.
نفس الفيلم.
ندخل ليكم في الجد.
اللاعب الشاب (عمر هاشم كسمبر) موهبة يجب رعايته والاهتمام به …هو
واخرين في فريق الشباب.
موهبة الاهلي الكاملين ..نحفظ لاهل الكاملين حقهم في هذه الموهبة.
الكاملين اصلها كدا.
وقت تطلع ليها موهبة ..بطلعها قاطعة وما فيها كلام.
ايضا نحفظ لابن نادر مصنور حقه فهو لاعب وسط ما في متلو.
بي حرة القلب ..والشفتنة ذاتها التى كانت عند والده نادر منصور.
مجلس الهلال اصلا اهتم بالقطاعات السنية في الهلال واولاها اهتمام كبير.
كفي ان فريق الشباب يشرف عليه فنيا الكابتن الكبير طارق احمد ادم.
ويشرف على الرديف الفاتح النقر.
هذا يؤكد الاهتمام الذي يمنحه مجلس الهلال للقطاعات السنية في الهلال.
لكن عدم انتظام المنافسات وعدم وجود منافسات حقيقية يشرف عليها الاتحاد
العام يمكن ان تضيّع هذه المواهب.
اللاعب عمر كسمبر في سن تسمح له بالمشاركة مع الهلال ..وقد شاهدنا
المواهب في العالم كله مع برشلونة وريال مدريد وارسنال وانتر ميلان تشارك
وهي في سن عمر كسمبر.
الكوكي لو شاهد عمر كسمبر سوف يضمه للفريق الاول وسوف يشركه في بعض
المباريات حتى يقوى عوده وتكبر موهبته وتعظم دوافعه وطموحه وهو يلعب مع
الفريق الاول.
جمهور الهلال يحب مثل هذه المواهب ويساند اللاعب الموهوب بصورة خرافية
تساعد اللاعب الموهوب وتدفعه الى الامام.
عمر كسمبر مع وليد علاءالدين ووليد الشعلة ومحمد عبدالرحمن واطهر
الطاهر ومحمد مختار بشه الصغير ومحمود محمد محمود وبيتر.
عمر كسمبر يفترض ضمه لمعسكر الهلال في تونس.
وكمان ضموه للكشف الافريقي ..ليكون ذلك دافعا له وحافز للتقدم والتطور.
عمر كسمبر يملك من المقومات والامكانيات ما يجعله يلعب في صفوف الفريق الاول.
مع العلم ان الرديف والشباب يوجد فيهم الكثير من المواهب التى تمتلك
امكانيات كبيرة ومشرقة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس اكيد جمال الوالي لو شاف (كسمبر) دا بقدم استقالته.
ولا بقعد ليكم.
استقالته كمان ح تكون حقيقية.
وما بتراجع منها مع (كسمبر) دا.
……….
و
نحن اي حاجة عندنا بي نظام.
بشه الكبير.
وبشه الصغير.
وسادومبا.
وسادومبا الكبير.
ووالي الدين.
وشبيه والي الدين (عمر كسمبر).
والبرنس.
والبرنس الصغير.
انتوا يا ناس المريخ عندكم زي زيكو.
بشيل الكورة برضو.
وعندكم اكرم.
وعندكم تاني بلة جابر.
وضفر.
يا الله كتر لينا (بلة جابر) في المريخ.
اللهم كتر لينا من (بلة جابر)…في الشباب وفي الرديف.
برشلونة شالت الكأس.
طبيعي.
ما في جديد.
نيمار …تقول عمر كسمبر..بعمل في عمائل.
…………
السيدة (ل)..افتحي قوس …واقفليهو فاضي ..بنحتاج ليه في المستقبل.
وقرّض على كدا.

انقر هنا لقراءة الخبر من مصدره.