ماذا قال العميد طارق كجاب بعد إحالته المفاجئة للمعاش؟؟    شاهد بالصورة والفيديو.. بعد انتشار ظاهرة "حق الملاح".. ناشطة سودانية تحصل على آلاف "الدولارات" هدية من زوجها    شاهد بالفيديو.. سودانية تطلب الطلاق من زوجها على الهواء: (لو راجل كنت منعتني من الظهور في "تيك توك" واللواء ستاير أحسن منك ياريت لو أتزوجته بدلاً عنك)    شاهد بالفيديو.. سجاد بحري ينفجر غضباً في وجه زملائه ويكشف الحقائق: (مافي فنان محترم والغناي أكتر مني يلاقيني في مسرح)    رئيس لجنة المنتخبات عطا المنان يتفقد البعثة ويتحدث للجهازين الإداري والفني    الهلال يختتم تحضيراته بمران خفيف استعدادًا لمواجهة "روتسيرو" غدًا لاستعادة الصدارة    لاعبو الدوريات الخارجية يتوافدون لجدة ويكتمل عقدهم فجراً    لواء ركن (م) د. يونس محمود محمد يكتب: جرد الحساب في إحالة العميد طبيب طارق كجاب    ارتفاع أسعار الذهب في السودان    ترتيبات بالشمالية لتنفيذ مشروع المبادرات المجتمعية المشتركة    ترتيبات لقيام مجمع تشخيصي متكامل لتوطين الخدمات الصحية بشرق الجزيرة    تقرير أمريكي يكشف استهداف مباشر لمستشفى الضعين في عيد الفطر    مقربون من محمد صلاح يرجحون وجهته القادمة.. إيطاليا أو أميركا؟    الزمالك يؤجل ملف تجديد عقد حسام عبد المجيد    موقف زيزو من الرحيل عن الأهلى فى الصيف المقبل    لأول مرة.. حكم يحمل إنستغرام ويوتيوب المسؤولية عن إدمان وسائل التواصل    النفط يصعد والذهب يستقر مع تقييم احتمالات وقف الحرب    "ChatGPT" تتيح مقارنة المنتجات بدل الشراء المباشر    أحمد العوضي : بشكر جمهوري إنه عمره ما خذلني وصاحب الفضل فى نجاحي    شيماء سيف تنشر فيديو طريف مع زوجها محمد كارتر على إنستجرام    طارق الدسوقي: اشترطت الإطلاع على السيناريو للموافقة على دوري في علي كلاي    دراسة تكشف ترابطا بين أمراض معدية وخطر الإصابة بالخرف    10 أطعمة يجب تناولها لعلاج نقص البوتاسيوم    وزير الخارجية ووالي الخرطوم يفتتحان مقر وزارة الخارجية بشارع عبدالله الطيب بالخرطوم ايذانا بعودة كامل الوزارة لممارسة عملها من العاصمة الخرطوم    10 ثوانٍ فقط للمستبدل .. فيفا يعلن تطبيق حزمة تعديلات تحكيمية في المونديال    السودان ومصر يوقعان بروتوكول مشترك لمكافحة بعوضة الجامبيا    أمجد فريد الطيب يكتب: حياة تجلت في وضوح المبادئ: وداعا فينك هايسوم    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    نصائح لوقاية مرضى حساسية الصدر من التقلبات الجوية والرياح    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ضبط 2800 قندول بنقو بالجزيرة في عملية نوعية لمكافحة التهريب    4 وجهات محتملة لصلاح بعد قرار رحيله عن ليفربول    ترامب يصدر أوامره ويكشف تطورات مثيرة مع إيران    طهران ترد على تهديدات ترمب    هل مخالفة ترامب خلل في الكون؟!    الأمن يداهم مخزن يبيع الوقود المهرب لعصابات التنقيب عن الذهب    تراجع معدّل التضخّم في السودان    بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    شركة كهرباء السودان تحديث حول سير أعمال الصيانة الطارئة للشبكة القومية    توقّعات بارتفاع غير مسبوق في أسعار النفط    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    أغلى علبة كعك في مصر تشعل مواقع التواصل    قيم الهلال المتوارثة يجب أن تبقى أبد الدهر    إبراهيم شقلاوي يكتب: الزراعة ما بعد اقتصاد الحرب    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    ملتقي التحصين للعام 2025 ينعقد بحضور التحالف العالمي للقاحات والشركاء    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



هدف (نزار) خلى المصريين يعترفوا بي هدف (طاشين) بعد (28) سنة
كورة سودانية نشر في كورة سودانية يوم 15 - 07 - 2015


دق الدلجة
محمد عبد الماجد
هدف (نزار) خلى المصريين يعترفوا بي هدف (طاشين) بعد (28) سنة
الهلالاب بطبيعة الحال بيحبوا اللاعب صاحب المهارات العالية ..برفعوه
السماء وبيستمتعوا بالحاجات الخارقة.
الحاجة العادية ما بتعجبهم.
اللاعب لو ما بقى (فلتة)..ما بيشتغلوا بيه كتير.
اي لاعب صاحب مهارات عالية في الهلال – هو لاعب جماهيري – قادر على
صناعة تاريخ يبقى امد الدهر.
لا نريد ان نرجع لمواهب خارقة في الهلال عبر سنواته الحافلة فهي كثيرة
ومتعددة ..لكن يمكن ان اقف عند بعض الاسماء ..فهي مازالت الى وقتنا هذا
تطربنا رغم اعتزالها قبل سنوات بعيدة.
صورة جكسا البوزعوها الهلالاب في (الاعياد) وهو طاير في الجو (دبل كيك)
– رغم ان الكورة ما جات هدف – إلّا ان الهلالاب لي يومنا هذا فرحانين بي
جكسا.
الصورة دي نحن زمان كان بجيبوها لينا في (علبة الحلاوة).
لمن دخلنا المتوسطة وجابوا لينا صورة جكسا في كتاب الانجليزي – اتهجمنا
..قلنا دا الزول البجيبوه لينا في (علبة الحلاوة).
طلع انجليزي.
محمد حسين كسلا …(دكتور) عديل كدا ..بيشتغل بالسماعة وبيكتب روشتات.
لكن قبل ذلك كان بمارس (طبه) في الملاعب الخضراء.
بمتع ليك الهلالاب بي كورتو – لمن يطلعوا يضحكوا برة الاستاد ويجوا
راجعين تاني عشان يكمّلوا المباراة.
اصلو الاستاد كان مزحوم من (الفرح)..ما فيه طريقة (ضحكة) – إلّا تطلع
تضحك برة وتجي راجع.
ح تلقى حتتك قعد فيها زول.
السودانيين اصلو ما بخلوا الحركات دي.
تمشي تبارك للعريس ..تجي تلقى ليك زول قاعد في الكرسي بتاعك – وعامل
فيها ما شايفك.
زي كأنو الكرسي دا جابو معاه من بيتهم.
والناس بتذكر الطاهر حسيب ..بلبل (الشرق) – قالوا ليك الزول دا بدخل
المباراة بي (ليمونة).
وقت تحكم معاه بطلع (ليمونتو) يضقل بيها في الميدان.
يشهيّك العصير.
وبنتذكر فائز نصر الدين – اول زول دخل ليك (السلم الخماسي) في كورة القدم.
زمان السلم الخماسي دا بنشوفو بس عند ناس محمد وردي وعثمان حسين.
وبنتذكر ..وما بننسى منصور بشير تنقا …الزمن داك لمن تسأل ليك شافع
وتقول ليه لمن تكبر عاوز تبقى شنو؟.
ما كان بقول ليك دكتور …(زي الخلعة الدخلت في شفع الزمن دا).
ولا بقول ليك عاوز ابقى (كابتن) طيران.
زمن تنقا اي شافع تقول ليه عاوز تبقى شنو؟.
بقول ليك عاوز ابقى طرف شمال في الهلال.
تنقا – كان الكورة بعكسها بي (نوتة) موسيقية.
ما عندو حاجة اسمها الكشافات.
تنقا علّم (المدرجات) الغنا ..الناس في الهجيرة ومع الضيق والتعب
والفلس كانوا بغني ليه (او تنقا – تنقا ..تنقا ..تنقا).
ولا ننسى والي الدين محمد عبدالله ..(اللهم ارحمه واغفر له)..عندما كان
بشيل هم الجماهير دي كلها – وببقى همو بس كيف يفرحها.
يبسطك لمن بي غادي.
تجي شايل ليك كيس رغيف لمن تصل البيت تلقى نفسك قرّضو من الفرح.
والى الدين محمد عبدالله ..اول والي في الكورة السودانية – الوقت داك
لا جمال الوالي ولا احمد هارون – لا ايلا ولا كبر.
نحن الوالي الوحيد البنعرفو والي الدين محمد عبدالله.
والي الدين كان من رشاقتو ..لو عندكم (ترزي) بتاع خياطة في الحلة ما
بتمشي ليه عشان يخيط ليك قميص.
البخيط بس والي الدين محمد عبدالله.
والي دين علمنا استعمال مناديل الورق.
والناس بتذكر انور الشعلة..بطلع في الكورة وبينزل ..انت بتكون ما فاهم اي حاجة.
يا ربي دا انجليزي؟.
يا ربي دا هندي؟.
يا ربي دا فرنساوي؟.
دا شنو البعمل فيه انور الشعلة دا؟.
مرة شاهدت لي هدف لانور الشعلة في مباراة جمعت بين الخرطوم تلاتة قبل
ما تبقى الخرطوم الوطني والهلال.
المباراة انتهت بفوز الهلال 3 / 1 وكانت الخرطوم قد تقدمت بي هدف على الهلال.
انور الشعلة جاب قون.
وريتشارد جاب قون.
وافتكر طمبل جاب قون.
المهم في الموضوع قون انور الشعلة التعادلي .. انور الشعلة جاب ليه قون
في الخرطوم الوطني انت في بيتكم لو ادوك (زلابية) وقالوا ليك اكل لينا
(الزلابية) بي نفس الطريقة التى سجل بها انور الشعلة في الخرطوم الوطني
ما بتقدر.
انور الشعلة دا استلم الكورة بي كعبو وهو طاير – من غير ما ينزل في
الواطة بدل اتجاهو ..الحارس جاء طلع وضع الكورة في القون.
الكلام دا كلو في الجو.
للامانة عشان ما اشرع ليكم ساكت ..انا الى الآن ما عارف الشعلة وضعها كيف؟.
لا انا ولا حارس الخرطوم الوطني ولا الجمهور.
ما تسمعوا الكلام دا.
ما في زول الى وقتنا هذا عارف الهدف دا جاء كيف؟.
يمكن هذا الهدف شبيه بي هدف ميسي في بارين ميونخ لمن جاب للمدافع
الالماني انزلاق حلقي.
جاب ليه هو – وابوه.
والناس بتذكر …هيثم مصطفى عندما كان في الهلال – كان بمرر ليك
(الكورة) زي خريطة جزيرة الكنز.
لو ما جبتها قون – بتجيبها قون.
قالوا ليك تمريرة هيثم مصطفى لو ما قون – قون.
لو ما هدف – هدف.
كلام نهائي.
وبعد داك الناس ممكن تتناقش وتشوف الحاصل شنو؟.
هيثم مصطفى لا شفنا ولا سمعنا زول بتطلع (التمريرة) منو – وما على
المهاجم اقصد ما علي الحكم إلّا يصفر قوووووون.
هيثم مصطفى موهبة لم نشاهد صنوا لها في العالم كلو.
قاعدين نفتش بي الريموت كنترول في قنوات بي ان سبورت – الى الآن ما
قابلنا شبه زي هيثم مصطفى.
احسن الكلام يبقى واضح.
نختلف حول مواقف هيثم مصطفى.
ويكون عند اي زول رأي – ما مشكلة.
لكن كورة هيثم مصطفى في قنوات بي ان سبورت ال (15) ما موجودة.
يعني بالريموت ما في.
الله يديك العافية يا هيثم.
لكن.
لكن شنو كمان؟.
لكن الايامات دي في عينة كدا ..لو ما قعدت في الواطة دي ما بتقدر تستوعبها.
صاقعة كدا ظهرت في الهلال (ما شاءالله عليه).
رجعت لينا الموهبة والحاجات الفوق التصور لملاعبنا السودانية.
نزار حامد امتداد لاولئك الذين تحدثنا عنهم.
امتداد لي جكسا وكسلا وهيثم ومهند الطاهر.
مهند الطاهر طبعا برضو زول بيشيل (وجع الحلق) بدون ما تشعر.
بدون ما تمشي لي دكتور.
جلسة مع مهند.
او هوبة منو ..تشيل ليك الوجع كلو.
فرحتنا (هوبات) مهند الطاهر كثيرا ..وخلتنا نتوزع في الطرق والشوارع بي (هوبة).
الآن في الهلال من يجعلك تشيل (الدهشة) في صفحتك وتطلع.
نزار حامد.
نزار حامد.
نزار حامد جاب ليه هدف في (سموحة) خلى ليك المصريين بعد (28) سنة
يعترفوا بي هدف وليد طاشين في نهائي بطولة الاندية الافريقية للابطال
عندما واجه الهلال الاهلي المصري في القاهرة.
الهدف الذي لم يحتسبه الاراش …(لا نريد ان نلعنه بعد ان رحل من هذه الدنيا).
لكن إلغاء الهدف من لارش حرم الهلال من بطولة كان يستحقها سنة 1987م.
المهم هدف نزار خلى ليك المصريين يجيبوا مدحت شلبي ومصطفى يونس وحسن
شحاتة عشان يقولوا هدف وليد طاشين ما فيه اي مشكلة.
هدف صحيح مية المية.
شفتوا هدف نزار سرو باتع كيف؟.
عشان كدا انا رجعت ليكم لبعض الاسماء الجميلة في تاريخ الهلال.
………….
و
هدف نزار حامد لو بقى (بطيخة) السودان دا كلو كان اكل فيها.
هدف نزار لو بقى (تذكرة)..كلنا كنا سافرنا.
هدف نزار لو بقى (فول) ما في زول كان تاني قبل ليه على لحمة او فرخة او سمك.
هدف نزار لو بقى (غاز) ما ح تكون في ازمة.
لو بقى (مواصلات) – ما في زول بركب ليه عربية خاصة.
لو بقى (كهربة) ما كان قطعت.
لو بقى (موية) – كان الموية جاتنا (مطعمة).
……….
السيدة (ل) بحاول كدا اركب لي (عطر) خاص من هدف نزار في سموحة.
وقرّض على كدا.

انقر هنا لقراءة الخبر من مصدره.