وزير الخارجية والتعاون الدولي يلتقي رئيس مفوضية الاتحاد الأفريقي    البرهان يقدم واجب العزاء في الشهيد اللواء معاوية حمد قائد الفرقة 22 مشاة بابنوسة    شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها    شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها    وزارة الشباب والرياضة تواصل انفتاحها على الولايات    قرار مثير لرئيس وزراء السودان    ارتفاع في اسعار محصول الذرة واستقرار سعر السمسم بالقضارف أمس    عثمان ميرغني يكتب: إثيوبيا والسودان: تشابكات الحرب والأمن الإقليمي    وفاة ثالث رضيع تناول حليبًا ملوّثًا بفرنسا    مشروبات طبيعية تدعم مناعتك.. روشتة حمايتك من العدوى    دراسة تربط طنين الأذن بالإنتاجية في العمل    جوجل تسهّل إزالة المعلومات الشخصية والتزييف العميق من نتائج البحث    "ميتا" تبني مركز بيانات بقيمة 10 مليارات دولار    إضافة علامة تبويب الإعدادات بواجهة "واتساب"    إلغاء رحلة قطار إلى الخرطوم..إليكم تفاصيل    وزارة الشباب والرياضة تواصل انفتاحها على الولايات ووكيل الوزارة يشهد ختام دورة شهداء السريحة بولاية الجزيرة    رشيد الغفلاوي يلتقي قيادات الاتحاد السوداني لكرة القدم    المريخ يواصل تدريباته بقوة بكيجالي والدامر    انطلاق دورة متخصصة لتطوير الأداء الرقمي برعاية وزير الشباب والرياضة    ماساة قحت جنا النديهة    أحمد طه يواجه الأستاذ خالد عمر بأسئلة صعبة    تطور حاسم بقضية "الاعتداء الجنسي" في منزل لامين يامال    كباشي يحيي صمود مواطني شرق النيل ويوجه بزيادة محولات الكهرباء ومكاتب السجل المدني بالمنطقة    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    شاهد.. الفنانة مروة الدولية تغني لشيخ الأمين في حفل خاص: (الشيخ حلو لي والنظرة منك لي شفاء وبفهم مشاعرك بعرفها)    شاهد بالفيديو.. الفنان "الشبح" يرد على زميله "ريحان": (رددت الأغنية في حضورك وأنصحك بعدم البحث عن "الترند" بهذه الطريقة)    هيئة مياه الخرطوم: تحصيل فاتورة المياه لا يشمل القطاع السكني حتى الآن    ارتفاع طفيف لأرباح زين السعودية إلى 604 ملايين في 2025    هدى الإتربي تكشف كواليس مسلسل "مناعة": تجربة مختلفة بتفاصيل إنسانية    مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى    ضياء الدين بلال يكتب: قوش وآخرون... جرد حساب!    عاطف حسن يكتب: بنك الخرطوم.. اعتذارك ماااااا بفيدك .. !!    الدولار يواصل التراجع أمام الجنيه فى منتصف تعاملات اليوم    مسؤول سوداني يغادر إلى تركيا    السودان.. وزير الشباب والرياضة يصدر قرارًا    دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات    شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



بالقانون وإلّا بالطبل البلدي؟
كورة سودانية نشر في كورة سودانية يوم 06 - 09 - 2015


دق الدلجة
محمد عبد الماجد
بالقانون وإلّا بالطبل البلدي؟
صحافة المريخ حاولت ان تصنع ليها (رأي عام) – وذلك بتمرير (اجندتها)
من خلال عدد من الصحف بينها صحف سياسية ومواقع الالكتروينة وذلك بتأكيد
صحة شكاوي المريخ.
في الجرايد يكتبوا ليك كيلو الطماطم (20) جنيه.
تمشي السوق يقولوا ليك كيلو الطماطم ب (40) جنيه.
تقول ليهم لكن الطماطم ناس الجرايد قالوا بي (20) جنيه.
بتاع الخضار يقول ليك امشي اشتيرها طيب من ناس الجرايد – امشي جيبها من
ناس عثمان ميرغني اذا كاتبنها بي (20) جرايد.
يا كافي البلا (الطماطم) دي في (الجرايد) ما حقيقية.
زي شكاوي المريخ.
شايلنها وحايمين بيها من جريدة لي جريدة.
عاوزين يطبقوا نظريات (سيحة) في الشكاوي.
يبدو ان المريخاب عندهم اكثر من (سيحة).
الظاهر كدا عندهم (17) سيحة غير رضا مصطفى الشيخ.
رضا دا عندهم منو قافلة.
صحافة المريخ عملت بعيدا عن (المهنية) عندما (شتلت) ليها (تصريحات)
وعملت ليها (حوارات) تدعم موقف المريخ في الشكاوي من غير وجه.
وطلعت ليها (عناوين) بحثا عن تسخين قضية هي اصلا ميتة ..وشبعانة موت.
المضحك في الامر ان صحف المريخ حاورت ونشرت تصريحات من اطراف تشكل
(الطرف الاخر) في الشكوى.
اتخيلوا طرف مشتكينو يطلع في جرايد المريخ عشان يثبت ان اجراءات شكوى
المريخ (صحيحة).
وانه مذنب.
حاجة تقطع القلب.
الكلام دا طبعا في الافلام الهندية ما قاعد يحصل.
يجيبوا ليك البطلة في (النجيلة)..والبطل راكب ليه (قطر)..والاغنية شغالة.
انتوا عارفين بعد (النجيلة) الكتيرة دي شكاويكم دي في النهاية بتطلع شنو؟.
حبيبة البطل ح تطلع اختو.
زي الافلام الهندية.
تقعد ليك في فيلم ساعة نص ..وفي النهاية حبيبة البطل تطلع اختو.
الغريبة الموضوع دا في اي فيلم قاعد يحصل ..وبرضو نحن مشدودين.
وقت يجيبوا (الاعلانات) نقوم نشرب ونجي راجعين تاني.
وما في علاقة بين النجيلة والقطر.
لكن في الافلام الهندية بطلعوا ليهم علاقة.
صحافة المريخ الآن بتعمل في نفش الشيء.
البطلة اخت البطل.
النجيلة بتقلبوا فيها بدون مناسبة.
والاغنية شغالة من بداية الفيلم.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
الاخبار والتصريحات بتوزع على جميع الصحف المنتمية للمريخ بي نفس التفاصيل.
دا كلو عشان شنو؟.
عشان يأثروا ليك على اللجنة ويمهدوا للاتحاد العام بان يحكم لصالح المريخ.
او يغشوا ليك الناس اسبوع – عشرة يوم كدا.
لكن الملاحظة انه ما في اي كاتب من كتاب المريخ تبني الشكاوي او انبري لها.
كلهم زاغوا ليك منها.
حتى مزمل ابوالقاسم (ابوالقوانين) ابتعد عن هذه الشكاوي واكتفى
بالتعليق عنها في حدود.
عارفنها خسرانة – خسرانة.
والاخبار والتصريحات التى تنشر في الصحف بتنزل (مجهولة) – ما في زول
قاعد يكتب اسمو في الخبر او التصريح.
شتل.
شغل (الشتل) ظاهر.
ربما قصد اعلام المريخ ان يشغل الوسط الرياضي ..وان يخفي تراجع فريقه
..لكن هذا الامر عاد سلبا على المريخ.
المتضرر الاول من هذه الاشياء هو فريق المريخ نفسه – الذي تدهور فنيا
بصورة كبيرة عندما تم الاتجاه نحو (الشكاوي).
لو واجهوا الخسارة بي شجاعة ومسؤولية كان طلعوا من هذا النفق.
ناس امير كمال تعبانين ليه ..اذا كان عندهم مجلس بعد اي خسارة بشوف ليهم (شكوي).
بالمناسبة يا جماعة كلموا المريخاب ديل يشوفوا لينا (شكوي) ضد منتخب
الجابون…عشان الخسارة تقيلة.
والمريخ عندو (7) لاعبين شاركوا امس امام منتخب الجابون.
وينها شكوتكم؟.
الرباعية دي عاوزة ليها (شكوي) ..ان شاءالله في (ارضية الملعب).
اصلو ما تخلوها تفوت ساكت.
المعز محجوب جابو ليك امس ..زي الزول الوصفو ليه حتة …وماشي حتة تانية.
زول (ضهبان) عديل كدا.
رايح.
امس انا المعز محجوب المباراة كلها بقول الزول دا انا شفتو وين؟..الزول
دا انا شفتو وين؟..
اخر حاجة اتذكرتو شفتو قبل (10) سنوات في الهلال.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
الحاجة الما بتتبلع هو ان المريخ في (شكاويه) جاء بالنقيض ..في كل
الشكاوي التى تقدم بها المريخ سوف تتضحك حتى تستلقى على قفاك.
لمن تلفونك يطلع من الشاحن ويتكتب ليك (البطارية مليانة).
مليانة لبن؟.
لاعب الامل عطبرة (عمر عثمان) تقدم مجلس المريخ بشكوى ضده بحجة ان
اللاعب اعتدى على حكم مباراة في دوري القضارف المحلي الموسم الماضي.
لاحظو الموسم الماضي.
اللاعب لم يكن طرف في ذلك الاعتداء …مع ذلك يناقض المريخ نفسه عندما
يشرك (بكري المدينة) الذي اعتدى في هذا الموسم على حكم مباراة الاهلي
شندي والمريخ في المباراة التالية مباشرة امام الامل – ثم يذهب مجلس
المريخ بعد ذلك ويطالب بنقاط مباراته امام الامل في عطبرة لأن هناك لاعب
اعتدي حسب قولهم في الموسم الماضي على حكم في الدوري القضارف.
دا يقولوا عليه شنو؟.
بكري المدينة الذي اعتدى على حكم في هذا الموسم ..تم اشراكه في
المباراة التى تلى مباراة الاعتداء ..مع ذلك يطالب المريخ بنقاط مباراة
شارك فيها لاعب اعتدى على احد حكام القضارف الموسم الماضي حسب
قولهم…وكرته وسجله خال من هذا (الاعتداء).
فى قوة عين اكتر من كدا؟.
دي قابلتكم؟.
شارك بكري المدينة وكسر لائحة من اللوائح العامة في الاتحاد واقرت لجنة
الاستئنافات بذلك واعادة المباراة مع ذلك رفض المريخ قرار لجنة
الاستئنافات.
بل لم يملك الاتحاد العام حتى الجرأة في ان يبلغ المريخ بالقرار.
قرار صدر منذ اكثر من اربعة شهور من لجنة الاستئنافات يعجز الاتحاد من
تسليمه ويأتي اتحاد الكورة الآن للنظر في شكوى المريخ بدون خجل.
فضيحة السواد.
زي دي نحن ما قابلتنا.
ولا شفناها حتى في الافلام الهندية.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
الشكوى الاخرى التى قدمها المريخ ضد هلال كادوقلي ..لو في اي واحد من
مجلس المريخ بعرف قانون وإلّا عندو قريب بعرف ليه حاجة في القانون ما
بقدمها.
شكوى فضيحة في حق المريخ.
اذا حكم الاتحاد العام باللوائح والقوانين فان شكوى المريخ لن تصمد (5)
ثواني والمادة 105 بتصحح موقف اللاعب طوق.
عاوزين تشتغلوا بالقوانين – الموضوع واضح وما عاوز ليه اي لف ودوران.
عاوزين تشغلوا لينا بي حاجات تانية وتقدموا مصالحكم على مصالح البلد
بتنسفوا المنافسة.
(9) اندية هددت بالانسحاب ..لأن (9) اندية متضررة من ذلك (التلاعب) اذا
حدث لصالح المريخ.
الموضوع دا موضوع قوانين.
لا فيه مجاملات ولا فيه هيفاء وهبي.
ما تقعدوا تشرعوا لينا ساكت.
اعملوا ليكم موقف مرة واحدة ..واحسموا الفراغ دا ..بدل ما تطمبجوا البلد ساكت.
الناس ما ناقصة.
والقانون يجيب ان يسود.
بالقانون.
ما عاوزين اكتر من كدا.
…………
هوامش
مباراة المنتخب والجابون ناقصة بكري المدينة.
فوضى ..منتهى الفوضي.
حاسبوا الاتحاد الذي يلعب بي سمعة البلد.
ديل بتجاروا بالمنتخب.
ما معقول الهلال والمريخ على اعتاب النهائي الافريقي ..والمنتخب بتغلب اربعة.
دا كلام؟.
دا كلام يا جماعة؟.
رباعية النسور ..بنحلم نحققها في الاسكندرية.
مباراة سموحة نعرف خطورتها.
الهلال مفروض مبدئيا يلعب مقفل كويس.
السعي وراء الانتصار يمكن ان يفقد الهلال نتيجة المباراة.
قفلوا صاح.
التعادل يكفي.
………..
السيدة (ل)…لو في مساحة فاضية كان مليتها ليك (نبق فارسي).
وقرّض على كدا

انقر هنا لقراءة الخبر من مصدره.