ارتفاع طفيف لأرباح زين السعودية إلى 604 ملايين في 2025    هدى الإتربي تكشف كواليس مسلسل "مناعة": تجربة مختلفة بتفاصيل إنسانية    علامات فى العينين تساعد على اكتشاف الإصابة ب 3 أمراض مختلفة    مدينة على القمر خلال 10 سنوات.. هل يتراجع حلم المريخ؟    رئيس الوزراء يتوجه إلى ألمانيا مترأساً وفد السودان المشارك في أعمال الدورة 62 لمؤتمر ميونيخ للأمن    مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى    الحكومة تؤكد عودتها الكاملة إلى الخرطوم.. ولقاء حاشد للإعيسر مع الجالية السودانية بالكويت يعكس التفافاً وطنياً واسعاً    الفنانة شيماء سيف: من ساعة ما حجيت ونفسي اتنقب واختفي    علاجك من أحلامك.. دراسة تتوصل لإمكانية استخدام أحلام الشخص فى العلاج النفسى    7 أطعمة للإفطار لا ترفع مستوى السكر في الدم    الموسياب يبدع ويقسو على الأمل بثلاثية نظيفة    الرابطة والتوفيقية يتعادلان في مباراة الأحداث المثيرة    الهلال ينفرد بصدارة الدوري الرواندي    وزير التعليم العالي السوداني: العودة إلى الدراسة خطوة استراتيجية    ضياء الدين بلال يكتب: قوش وآخرون... جرد حساب!    رويترز تنشر تقريراً استقصائياً حول إنشاء معسكرات لمليشيا الدعم السريع باثيوبيا    عاطف حسن يكتب: بنك الخرطوم.. اعتذارك ماااااا بفيدك .. !!    شاهد بالصور.. زواج شاب سوداني من فتاة "صينية" مسلمة ومطربة الحفل تكتب: (جمعتهما لغة الحب والدين الاسلامي الحنيف لمدة 14 عام)    شاهد.. مقطع فيديو نادر للحرس الشخصي لقائد الدعم السريع وزوج الحسناء أمول المنير يظهر فيه وهو يتجول بحذر قبل ساعات من اغتياله    بالصورة.. أمر قبض في مواجهة الشيخ محمد مصطفى عبد القادر.. ما هي الأسباب!!    شاهد بالفيديو.. جمهور ولاعبو أم مغد الكاملين يحملون مدرب الفريق على الأعناق احتفالاً بالتأهل لدوري النخبة: (جندي معانا ما همانا)    ارتفاع وارد الذرة واستقرار أسعار السمسم في بورصة محاصيل القضارف    اللواء الركن (م) أسامة محمد أحمد عبد السلام يكتب: البغلة في إبريق (شيخ اللمين)    الدولار يواصل التراجع أمام الجنيه فى منتصف تعاملات اليوم    آبل تستعد لأكبر تغيير فى تصميم آيفون منذ سنوات مع iPhone 18 Pro    دعوى ضد ميتا ويوتيوب بشأن إدمان الأطفال للتطبيقات    درة تكشف عن دورها فى مسلسل "على كلاى".. شخصية مركبة ومعقدة    مسؤول سوداني يغادر إلى تركيا    السودان.. وزير الشباب والرياضة يصدر قرارًا    وزير المعادن: السودان ينتقل من تعدين الذهب إلى عصر المعادن الاستراتيجية والطاقة النظيفة    دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات    ارتفاع في وارد المحاصيل الزراعية بسوق القضارف    عثمان ميرغني يكتب: كبري الحلفايا...    شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



اعلام المريخ (خليفة خلف الله خلف خلاف المحامي)
كورة سودانية نشر في كورة سودانية يوم 08 - 09 - 2015


دق الدلجة
محمد عبد الماجد
اعلام المريخ (خليفة خلف الله خلف خلاف المحامي)
هذه الشخصية (خليفة خلف الله حلف خلاف المحامي) لا بد من انكم بتذكروها
جيدا زي (جرس البيوت).
متل كتاب الجغرافيا.
شخصية خالدة في الذاكرة العربية كلها – متل (المرتب).
عشان ما اطول عليكم – وتقولوا الزول دا قاصد شنو؟..انا قاصد (شكاوي) المريخ.
الحكاية بتوضح ليكم – حبة ..حبة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
في صحيفة (اليوم السابع) المصرية في عدد الاثنين 4 اغسطس 2014م كتب
الكاتب المصري (محمد الدسوقي رشدي) في زاوتيه الصحفية هذه الاستهلالية –
والتى وجدتها تشبه تماما حال مجلس المريخ واعلامه وجماهيره كمان – مع
(الشكاوي) التى قدمها المريخ ضد الامل عطبرة وهلال كادوقلي.
ديل الكورة بقوا يتموها ب (مريخاب الجنوب).
والله (الطيب مصطفى) يسمع منكم الكلام دا – إلّا يقول ليكم دي تدخلات
خارجية في الشئون المحلية.
محمد الدسوقي رشدي كتب :
(وقف الفنان محمد بدر الدين نوفل على خشبة المسرحية الشهيرة (شاهد مشفش
حاجة) وقال للقاضى : أنا خليفة خلف الله خلف خلاف المحامى حاضر عن المتهم
، سكت القاضى وضحك عادل إمام وتحول اسم المحامى إلى إفيه حاضر فى أذهان
الجماهير. من خلف القفص الكوميدى أطل علينا الفنان الإسكندرانى نصر سيف
أو (سلومة الأقرع) برأسه الصلعاء وملامحه المخيفة وجسده الضخم ، وجلب معه
كل ذكريات طفولتنا التى لم تكن ترى هذا الوجه فى أفلام السينما سوى بلطجى
أو قاتل ، بمعنى أصح نموذج لرجل العصابات وأعمال الشر. قبل أن يستيقظ
الجمهور من غرابة اسم المحامى ومشهد القفص الكوميدى ، كان الجميع يضحك
بهستريا وهو يسمع مرافعة المحامى ووصفه لموكله قائلا: (أستحلفكم بالله
العظيم أن تنظروا إلى موكلى.. انظروا إليه.. انظروا إلى هذا الملاك
الطاهر.. انظروا إلى هذا الحمل الوديع ، إنى استحلفكم بالله أن تنظروا
إلى جبهته العريضة الناصعة البياض التى وإن دلت فإنما تدل على صفاء قلبه
، ونقاء سريرته هل يمكن أن يقتل ، هل يمكن أن يرتكب جريمة؟).
مجلس المريخ واعلامه يتحدث الآن عن شكواهم بمثل حديث (خليفة خلف الله
خلف خلاف المحامي) عن موكله (سلومة الاقرع).
سلومة الاقرع …(امانة ما وقع راجل).
بتكلموا ليك عن الشكوى بنفس طريقة خليفة خلف الله خلف خلاف
المحامي..وقد ذهب كل اعلام المريخ الى ان الشكوى مضمونه فاوهموا
(الجمهور) بشكوى افرغ من فؤاد ام موسى.
شكوى ما عندها اي علاقة بالصواب.
ولا فيها شبهة صحة.
بتذكرني ليك حكاية تبديل الهدوم بالعدة.
الجلابية بتجيب ليها (6) كبابي.
والقميص (جك).
نحن المواضيع دي مفتحين ليها ..وعارفنها.
شكاوي المريخ الحديث عنها كان بهذه الطريقة : (أستحلفكم بالله العظيم
أن تنظروا إلى موكلى.. انظروا إليه.. انظروا إلى هذا الملاك الطاهر..
انظروا إلى هذا الحمل الوديع ، إنى استحلفكم بالله أن تنظروا إلى جبهته
العريضة الناصعة البياض التى وإن دلت فإنما تدل على صفاء قلبه ، ونقاء
سريرته هل يمكن أن يقتل ، هل يمكن أن يرتكب جريمة؟).
انظروا للشكوى.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
غشوا ليكم جماهير المريخ لمن صدقت ..وكادت ان تتفجر.
بوهموا فيهم ..وبتكلموا عن كورة المريخ التى تشبه كورة برشلونة.
سلومة الاقرع!!.
برشلونة دي من الله خلقكم ..سمعتوها في يوم من الايام قدمت ليها (شكوى).
رئيس نادي المريخ جمال الوالي قال في حديثه للاذاعة الرياضية امس بان
المريخ نادي كبير لا يمكن ان يتقدم بشكوى غير صحيحة وانهم حينما تقدموا
بشكوى ضد الامل عطبرة قدموا الادلة التي تؤكد على احقيتهم في صحة شكواهم
وكذلك الشكوى التي تقدمنا بها ضد هلال الجبال وقدمنا كافة الاسانيد التي
تدعم موقفنا.
وينها الادلة دي …في عمود مزمل ابوالقاسم؟.
لمعلومية جمال الوالي ..سبق ان خسر المريخ عدد لا حصر له ولا عدد من الشكاوي.
متعودة!!.
النادي الكبير حقا هو النادي الذي لا يقدم مثل هذه الشكاوي وهو الذي
يعتمد على تحقيق انتصاراته داخل الملعب ..وليس خارجه.
هذا ما نعرفه عن النادي الكبير.
ما في نادي كبير بخسر في الميدان (من عصر بدري) وبفتش للنقاط في
(المكاتب) وقت يقولوا ليه شكاويكم دي ما صحيحة يقعدوا يزعلوا ويغضبوا
كدا.
خسرتوا مرتين.
مرة في الملعب ..ومرة في المكتب.
حديث جمال الوالي عن شكوى المريخ واسانديهم ..ايضا لا يختلف كثيرا من
مقولة خليفة خلف الله خلف خلاف المحامي : (أستحلفكم بالله العظيم أن
تنظروا إلى موكلى.. انظروا إليه.. انظروا إلى هذا الملاك الطاهر.. انظروا
إلى هذا الحمل الوديع ، إنى استحلفكم بالله أن تنظروا إلى جبهته العريضة
الناصعة البياض التى وإن دلت فإنما تدل على صفاء قلبه ، ونقاء سريرته هل
يمكن أن يقتل ، هل يمكن أن يرتكب جريمة؟).
بالمناسبة هذا ما يفعله رضا مصطفى الشيخ وفيصل سيحة يوم الجمعة وهم
بتحدثوا عن المريخ.
الموضوع كلو كدا (ربطة واحدة).
سلومة الاقرع!!.
خليفة خلف الله خلف خلاف في استجوابه للشاهد (سرحان عبدالبصير)..وسرحان
عبدالبصير تطير عيشتو..في استجواب خليفة خلف الله خلف خلاف المحامي لعادل
امام بلتقط عبارة من سرحان عبدالبصير وهو بقول له : (بيجولو)..اي
(بيقولو) ..وخليفة خلف الله خلف خلاف المحامي بطلب من القاضي ان يسجل هذه
الكلمة في المحضر وهو بقول للقاضي يا مولانا بقول : (بجولولو).
يعني ما شاف حاجة.
سمع بس.
بجولولو.
ومجلس المريخ واعلامه الآن بطبقوا في نفس النظرية (بقولوا ليهم).
بي جولولوهم.
بقولولهم يا مجدي شمس الدين.
نفسي تطلع (جملة مفيدة) واحدة من هذه الشكاوي سواء كانت هذه الجملة من
الاعلام او من المجلس.
حتى الآن بتحدث اعلام المريخ ومجلسه عن (غيبيات) – عن افتراضات ..وتوهمات كدا.
واحيانا مكالمات تلفونية.
الى وقتنا هذا ما قادرين يقدموا معلومة صحيحة في شكوى من الشكاوي.
ما قادرين يقدموا او ينشروا (مستند) واحد يعضد موقف المريخ.
اعلام المريخ ومجلسه الى الآن بقولوا ليك (مريخاب الجنوب) قالوا
..ومريخاب الجنوب اتكلموا – ومريخاب الجنوب عملوا.
مريخاب الجنوب – نحن في رحلة؟.
هذا بالنسبة لقضية طونق لاعب هلال كادوقلي.
اما شكوى الامل عطبرة في اللاعب عمر عثمان ..الذي يوجد كرته في الاتحاد
خال من اي ايقاف فان مجلس المريخ واعلامه بتحدث عن مكالمات تلفونية.
مرة يقولوا ليك سكرتير اتحاد القضارف قال للمريخ.
ومرة يقولوا ليك مجدي شمس الدين ضرب تلفون لسكرتير اتحاد القضارف.
الموضوع كلو (تلفونات).
كلام واتس اب ساكت.
هو كلام الواتس اب في (الحب والغراميات) لا يعتد به ..عاوزين تعتدوا
بيه في (الشكاوي).
في القوانين.
قالوا شنو؟.
قالوا مجدي شمس الدين كتب ليه (رسالة) في الواتساب طمأن فيها الهلالاب.
جماعتكم تخصص دبلجة وفيتوشوب.
ديل دبلجوا رسالة لي رضا مصطفى الشيخ.
وعملوا ليهم فيتو شوب ..جابوا ليك جمال الوالي في بيت ولاءالدين لاعب
اهلي مدني الذي سوف ينتقل باذن الله للهلال.
كلام واتس آب ساكت.
هسع كلام الواتس آب عاوزين يعملوا لينا (سند).
الناس ديل خليفة حلف الله خلف خلاف المحامي احسن منهم.
شكوتهم زي سلومة الاقرع : (أستحلفكم بالله العظيم أن تنظروا إلى
موكلى.. انظروا إليه.. انظروا إلى هذا الملاك الطاهر.. انظروا إلى هذا
الحمل الوديع ، إنى استحلفكم بالله أن تنظروا إلى جبهته العريضة الناصعة
البياض التى وإن دلت فإنما تدل على صفاء قلبه ، ونقاء سريرته هل يمكن أن
يقتل ، هل يمكن أن يرتكب جريمة؟).
بالمناسبة (سلومة الاقرع) دا لو شفتوه ما ح تتموا العمود دا.
بتقيفو من السطر التاني.
وعشان اكون واضح …تاني كل يوم بجيب ليكم (سلومة الاقرع)..العاوز يقرأ
العمود اهلا بيه ..والما عاوز يتخارج لينا من السطر التاني.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
…………..
و
الجقلبة دي كلها عشان يأجلوا ليهم مباراة هلال الابيض.
طيب لو قدام هلال الابيض بتعملوا كدا ..بتعملوا شنو قدام سيد الاسم (سيد البلد).
يا شرف أحمد موسي انت الناس ديل عملت ليهم شنو؟.
الغريبة ما قادرين يقولوا اي شيء في هلال (التبلدي).
الشقلبة كان بعملها بكري المدينة.
هسع بقى يعملها همد.
الزول دا مالو؟.
الظاهر جمال الوالي قال ليه انت ما شغال حاجة.
قال يتمها (تصريحات).
يا همد تصريحاتك زي كورة علي جعفر.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
……..
السيدة (ل) – عيونك زي شكوى (هلال كادوقلي) بتعشم الزول ساكت!!.
وقرّض على كدا.

انقر هنا لقراءة الخبر من مصدره.