سودارس : جبنا (خواجات) عشان عثمان مختار يبقى (ميسي)..ريكاردو بقى لينا (محسن سيد)!!

البرهان يلتقي المنشق من مليشيا آل دقلو الإرهابية اللواء النور القبة شاهد بالصورة والفيديو.. ظهر وهو محمول على أكتاف السيدات.. حفل "ختان" أسطوري لطفل سوداني بإحدى القاعات شاهد.. آخر فيديو للممثل السوداني الراحل مختار بخيت "الدعيتر" يطلب فيه من متابعيه الدعاء له 4 ملاعب جاهزة..وزير الشباب والرياضة السوداني يكشف موعد دوري النخبة شاهد بالصورة والفيديو.. ظاهرة زواج كبار السن تشعل مواقع التواصل بالسودان.. رجل "سبعيني" يتزوج من فتاة "عشرينية" ويغازلها بلقطات رومانسية وزارة العدل الأميركية ترفض التعاون مع تحقيق فرنسي بشأن منصة إكس ميتا تعتزم تسريح الآلاف من موظفيها بعد التوسع في تقنيات الذكاء الاصطناعي ماذا خرج به مؤتمر برلين حول السودان؟ طه عثمان يكشف التفاصيل الأهلي يحسم مستقبل محمد شكري مع اقتراب نهاية الموسم.. اعرف التفاصيل براعم سيتي كلوب يتألقون فى الكيك بوكسنج ويحصدون 18 ذهبية فى الجمباز منتخب الناشئين يقترب من مواجهة اليابان وديا استعدادا لأمم أفريقيا الخرطوم : جبايات متزايدة وارتفاع كبير في أسعار السلع بسوق أم درمان معاشيو الجزيرة يطالبون بصرف مستحقاتهم بعد عامين من الانتظار هاتف أيفون القابل للطى من آبل يواجه مشكلة كبيرة.. ما هى؟ إيه حكاية تريند الزغروطة؟.. سخرية مغنية أمريكية تتحول لموجة اعتزاز بالهوية ضربة شمس أم جفاف.. الفرق بينهما وأعراض لا تتجاهلها يدفعون الإتاوات وينامون في العراء.. سائقو دارفور في مرمى نقاط تفتيش الدعم السريع الدعيتر.. كان اللغة الثانية في البلاد استمرار حصاد القمح بالشمالية وانتاجية مبشرة هذا الموسم مسؤول يعلن وصول قائد منشق عن الميليشيا إلى مناطق سيطرة الجيش بيان لمجلس الصحوة الثوري بشأن النور قبة مانشستر يونايتد يسقط تشيلسي رئيس الوزراء السوداني يفجّر مفاجأة الشمالية تعمق جراح التضامن وتتمسك بالصدارة الاتحاد يعبر السهم بهدف ويقترب من التأهل نضال الشافعى: مشاركتى فى "رأس الأفعى" والأعمال الوطنية شرف كبير ريهانا تسجل رقمًا قياسيًا تاريخيا وتتجاوز 200 مليون مبيع معتمد مصر.. قرار بشأن المنتقبات بعد تدخل شيخ الأزهر في عملية اختطاف هزت البلاد 6 مشروبات طبيعية لتعزيز حرق الدهون بطريقة صحية.. متوفرة فى بيتك ناشط على مواقع التواصل يهاجم البرنس هيثم مصطفى: (أعرفه معرفة شخصية.. هو قحاتي حد النخاع والكيزان الذين ثار ضدهم منحوه شقة في أفخم المناطق) عثمان ميرغني يكتب: الصورة مقلوبة عاجل..إيران: فتح كامل لمضيق هرمز السودان.. انخفاض معدل التضخم بينها الجبن.. 4 أطعمة يمكنها تبييض أسنانك بشكل طبيعى موجة مرعبة.. حمى الضنك تتفشى في ولاية نهر النيل بالسودان مكافحة التهريب بالبحر الأحمر تضبط 340 كيلو آيس و200 ألف حبة مخدرة فى عملية نوعية بالتعاون مع المخابرات العامة مكافحة التهريب بالبحر الأحمر تضبط 340 كيلو آيس و200 ألف حبة مخدرة فى عملية نوعية بالتعاون مع المخابرات العامة والي الخرطوم يوجه بالتوسع في توفير غاز الطبخ عبر الوكلاء المعتمدين السودان.. تفاصيل صادمة لاغتيال مواطن بدمٍ باردٍ رئيس شُعبة مصدري الذهب: أنقذوا صادر الذهب واستيراد المحروقات من أيادي العبث وعديمي الضمير تفاصيل جديدة بشأن انقطاع التيّار الكهربائي عن الولاية الشمالية إيران تهدد: موانئ الخليج لن تكون في مأمن إذا حوصرت موانئنا كانتي.. (يا الزارعنك في الصريف) الإمارات والبحرين توقعان اتفاقا لمقايضة الدرهم والدينار شرطة ولاية نهر النيل تضبط (53) جوالًا من النحاس المخبأ تحت شحنة فحم بمدينة شندي وتوقيف متهمين ضبط شبكة تزوير مُستندات مركبات في الخرطوم إيران تؤكد.. سنسيطر على مضيق هرمز بذكاء وسندعم "محور المقاومة" السودان.. القبض على 4 ضباط ترامب عن إيران: ستموت حضارة بأكملها الليلة ولن تعود أبداً قضية أثارت جدلاً.. براءة عصام صاصا من تهمة المشاجرة بملهى ليلي عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد محمد عبد الباسط يكتب: لهذا تحركت باكستان الآن للوساطة بين أمريكا وإيران الشيخ بن زومة.. إلى جنة الخلد في زمن الضجيج.. القرآن بوصلة المعنى والسكينة صوت لا يغيب.. محمد رفعت ورحلة الآذان الخالد في رمضان شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

جبنا (خواجات) عشان عثمان مختار يبقى (ميسي)..ريكاردو بقى لينا (محسن سيد)!!

صابنها نشر في كورة سودانية يوم 30 - 06 - 2021

محمد عبد الماجد
جبنا (خواجات) عشان عثمان مختار يبقى (ميسي)..ريكاردو بقى لينا (محسن سيد)!!
اول حاجة نحب ان نؤكد ان ظهور الجهاز الفني البرتغالي بالزي السوداني (الجلابية والطاقية) امر جميل ...وهو انتصار لثقافتنا ورسالة قوية بعثها الهلال للعالم كله من ابوحمد.
ما عندنا رأي في الحتة دي.
لكن موضوع زي دا برضو ما بنخليه يروح ساكت.
ايجابيات هذا الامر كبيرة ، وهي لا تحصى ولا تعد ، اذ يعني ظهور الجهاز الفني البرتغالي للهلال بالزي (القومي) قدرة الهلال على التأثير. مواقع التواصل الاجتماعي اشتعلت بصور سداسي الجهاز الفني للهلال وهم يظهرون بالزي القومي.
الشيء العجيب ...المدير الفني للهلال ريكاردو ظهر في صورة بالجلابية والطاقية وهو معلق ايديه في (العصاية) التى يضعها على كتفيه.
الزول دا ما فاضل ليه إلّا يلبس ليه (سفنجة) ويبيع ليه (لبن).
او يكورك ...جركانات ..شوالات ...علب.
ريكاردو لو عرف رطل اللبن بقى ب (150) جنيه كان خلى التدريب واتجه نحو تجارة الالبان.
الزول دا عندو مقطع (جلابية) – مقطع بتاع لبن.
هذا التجاوب والتفاعل الذي احدثه الجهاز الفني البرتغالي مع الهلال والسودان بصورة عامة نتمنى ان يتطور ويصل لمرحلة التشبع والمعرفة التامة بالثقافة السودانية والثقافة الاسلامية.
الهلال كان له الفضل في دخول عدد كبير من الاجانب الذين تعاقدوا معه للإسلام.
اسلم وهو في الهلال المدرب الالماني (ميكلوس) الذي غيّر اسمه ليصبح اسمه (محمد).
الزول دا وين؟
عليكم الله يا ناس الهلال شوفوا لينا خبرو ...وورونا عمل شنو؟
الزول دا بقى مننا وفينا.
اصلوه.
شوفوا اخباروا.
والبرازيلي كامبوس قرب يسلم وهو يكورك في الخط المباراة كلها (هليفة).
كذلك اسلم عدد كبير من اللاعبين المحترفين وهم في الهلال – على ما اعتقد انقيدي الذي اصبح اسمه (عمر) و (بيتر جيمس) ، هذا امر جميل ورائع.
صلاح ادريس عندما كان في الهلال كان يهتم بهذا الجانب وينشط فيه.
الآن نتمنى ان تذهب الامور في هذا الاتجاه وان يدخل ريكاردو وطاقمه الفني للإسلام – ونحن نعرف اننا لا نهدي من نحب ...ولكن الله يهدي من يشاء.
نسأل الله لهم (الهداية).
موضوع (الجلابية والطاقية) اذا ذهب في هذا الاتجاه يكون رائع وجميل – الجهاز الفني البرتغالي يبدو واضح انه مندهش وسعيد بالحياة في السودان.
دخلوا في الحياة السودانية وتجابوا معها ...وخشوا في الناس.
الناس ديل في ابوحمد وفي السخانة دي – في درجة حرارة يمكن ان تصل ل 45 درجة ظهروا وهم يضحكوا من الاضان للاضان.
انبساطة شديدة.
الفرحة ظاهرة والتجاوب منهم كان بتلقائية وبصورة طبيعية.
نحفظ للجهاز الفني البرتغالي للهلال انهم منذ ان تعاقدوا مع الهلال ظلوا في حالة عمل دائم ...لم يغادروا البلاد الى بلادهم إلّا مرة واحدة ...عادوا بعدها ليواصلوا عملهم رغم توقف الدوري السوداني.
وقت الاندية كانت في اجازة والنشاط كان واقف في فترة التسجيلات – كان الجهاز الفني البرتغالي للهلال في البلاد يعمل ويجتهد حتى في ظروف الاغلاق التى فرضتها جائحة كورونا.
كل هذه الامور – عوامل (ايجابية).
يبدو واضحا ان مجلس ادارة نادي الهلال وفر لهم كل الاحتياجات – ويظهر ان الاجواء في الهلال رائعة ومحفّزة على هذا الانطلاق والعمل.
وزي ما اشدنا هنا بالجهاز الفني للهلال بقيادة البرتغالي ريكاردو ...نشيد كذلك بالجهاز الفني للمنتخب بقيادة الفرنسي فيلود.
فيلود هو الاخر يظهر اجتهاد ومثابرة وإخلاص كبير للمنتخب السوداني..وهو يعمل برفقة جهازه الفني في ظروف صعبة.
تخيلوا كيف كانت ستكون الاوضاع لو كنت الجماهير حاضرة – مما لا شك فان جمهور الهلال كان سوف يشكل دفعة ايجابية قوية للجهاز الفني للهلال.
جمهور الهلال الذي شاهده ريكاردو وجهازه الفني في ابوحمد يمكن ان يشاهد اضعافه لو كان الدوري الممتاز يلعب بطريقة الذهاب والإياب كما كان في السابق وفي حضور الجماهير.
كان ريكاردو سوف يتفاجأ بجمهور الهلال في الابيض وبورتسودان والقضارف والفاشر وكادوقلي وعطبرة وشندي.
كان ريكاردو سوف يشوف (العجب) من جمهور الهلال.
ما عارف وقتها كان ريكاردو ح يعمل شنو؟
اكيد كان ح يطلع ليكم بالعراقي والسروال الطويل عندما يزور مدينة شندي ...وما بعيد يتجلد في الحفلات ..ويحلف ما يطلع من الدارة وقت يسمع حسين شندي يغني في اغنية حماسة.
جمهور الهلال (مدهش) و (محفّز) و (ايجابي) ويمنح طاقة جبارة ..اينما وجد – وفي أي حتة.
هذا هو الهلال.
ندخل للحتة التانية ...عشان نشوف الجانب (السلبي) في الموضوع...او على الاقل عشان ننتبه لذلك.
في الطرفة السودانية ان هناك سوداني غنى ومقتدر جاب لى ولده (خواجة) عشان يعلمه الانجليزي.
الخواجة دخل معسكر مقفول مع الولد لمدة 6 شهور.
6 شهور ما في زول مشى عليهم.
الاكل برفعو ليهم بالحيطة.
بعد (6) شهور الوالد قال يمشي يشوف الحاصل على ولدو شنو؟ اكيد الولد بقى (شكسبير) في الانجليزي.
الوالد مشى على معسكر المقفول ..ودق الباب ...طلع ليه زول لابس ليه عراقي (قديم) وشايل ليه (مسواك)...وقال ليه يا زول انت عاوز شنو؟ ما تخبط الباب دا براحة ...الدنيا طايرة – هسع الواحد يديك في رأسك الكبير دا ...عامل كدا زي ابو السعن.
عارفين الزول الفتح الباب دا منو؟
دا ريكاردو.
اقصد دا (الخواجة) الجابوه عشان يعلم الولد.
ثقافة الولد ومنطقه بقى اقوى من ثقافة الخواجة ومنطقه ...عشان كدا الخواجة في (6) شهور بقى عربي ...والولد واقف لغاية الآن في (No).
الموضوع دا ما يبقى على الهلال.
يعني نحن جايبين لينا (6) برتغاليين ما عشان يلبسوا لينا (الجلاليب) و (الطواقي)...ويشيلوا لينا (العصا).
نحن الجماعة ديل جايبنهم عشان يعلموا لينا الاولاد ديل ...الكورة وقواعد الاحتراف.
6 برتغاليين لو لبسناهم جلاليب ساكت عاوزين ليهم (طاقة) دبلان.
نحن عاوزين نتعلم كورة.
عاوزين ارنق يبقى راموس.
وابوجا يبقى بوفون.
ووالي الدين خضر يبقى بوجبا.
ومحمد موسي يبقى لوكاكو.
عاوزنهم يبقوا (خواجات).
ما عاوزين الصورة تتنعكس.
معقولة نحن عاوزين نخلي عثمان مختار يبقى (ميسي) نجي نلقي ريكاردو بقى (محسن سيد).
انتوا يا ناس ابوحمد عملتوا ليهم شنو؟
والله منطقكم قوي يا ناس ابوحمد.
الجماعة ديل عادي تاني نجي تمرين الهلال نسأل منهم يقولوا لينا ريكاردو عندو فاتحة مشى عليها.
ان شاءالله يا رب.
والجفلن خلهن اقرع الباقيات.
ومرقنبو قرنبو.
وممكن نسأل من مدرب الحراس يقولوا لينا بيأكل ليه في (ام فتفت) جوة.
ومدرب الاحمال بعمل ليه في عصيدة دخن!!
غايتو ديل لو وصلو لمرحلة (ام فتفت) اقنعوا منهم.
بعدين انت يا ريكاردو ...وجهازك الفني كله ...انتوا بتصرفوا من الهلال بالدولار.
شغلكم دا شغل (جنيه سوداني).
لو (الجلابية) عاجباكم كدا ..اصرفوا مرتباتكم بالجنيه السوداني.
ما معقول تصرفوا بالدولار وتلبسوا لينا في الجلاليب والطواقي.
الموضوع ما صور.
الموضوع كورة.ا
والله انا لمن الشوط الاول في ابوحمد انتهى تعادل ..قربت اقفل التلفون.
قلت في نفسي الله يستر من (الجلاليب) دي.
مع البرازيلي فارياس وجهازه الفني البرازيلي طلعنا من (ود) هاشم في كاس السودان قبل كدا.
والمرة دي قربنا نطلع مع ريكاردو وجهازه الفني البرتغالي من كاس السودان في (ابو) حمد.
الولد طلعنا.
الله يستر من الاب.
نتمنى ان تكون (الجلابية والطاقية) وسيلة تواصل ...وطريقة للجهاز الفني البرتغالي للهلال في الوصول بالهلال للعالمية.
نتمنى ذلك.
وبكرة نكتب عن حاجة ايجابية في الحتة دي.
بس عاوز اقول ليكم يا ناس الهلال ...جهازكم الفني البرتغالي دا ...ما تجيبوا ليهم (ام فتفت)..وما تخلوهم يمشوا (قندهار) كتير...وما يسمعوا (حسين شندي).
الموضوع دا لو مشى ما بقيف عند (محسن سيد) – الموضوع دا ممكن يبقى ميرغني المامون واحمد حسن جمعة.
الناس ديل بقوا سودانيين اكتر من فوزي المرضي.
ويا بلدي يا حبوب ...جلابية وتوب.
وعاش الهلال.
هلال الحركة الوطنية.
هلال الشعب.
هلال الامة.
هلال الملايين.
هلال نادي الخريجين.
هلال وردي وعثمان حسين.
وكما يقول الراحل عبدالمولي الصديق رحمة الله عليه الهلال صاحب المقام الرفيع.
متاريس:
قطع شك لو ريكاردو بطنو قبضتو ..بشرب ليه (حلبة) او (محريب).
تاني ما بمشي ليه على دكتور او حبوب.
تاني ح نسمع ريكاردو واقف في الخط بكورك لي ارنق ...خمو..وشيلو برة.
وبكورك لي فارس قوم بيه.
مرة مشينا لينا مباراة – المدرب المباراة كلها واقف في الخط وبكورك : اردموا يا القلع ....اردموا.....اردموا يا القلع.
بعد نهاية المباراة عرفنا ان المدرب شغال (مقاول) وان القلع شغال اوسطى بتاع بنيان.
المدرب واقف في الخط شايل ليه مسطرين.
والقلع دخل الملعب شايل ليه (كوريك).
والله السودان دا جميل ...بس ساكت كهربتو بتقطع.
بكرة ان شاءالله نرد على مزمل ابوالقاسم ... موعدنا الصبح (أليس الصبح بقريب)؟...فما جاء به لا يستحق هذه العجلة.
ترس اخير :
وتاني بنقول شكرا لريكاردو وجهازه الفني على هذه اللفتة الجميلة، وعلى هذه الروح التى يقود بها الهلال...بالتوفيق يا شباب.

انقر هنا لقراءة الخبر من مصدره.