رسالة إلى الأستاذ/ فيصل محمد صالح وزير الثقافة والإعلام المحترم: تأهيل تلفزيون السودان القومي .. بقلم: عبدالعزيز خطاب    حركة مشار تشدد على حل القضايا العالقة قبل تشكيل حكومة الوحدة    الأسر تقاطع الحليب وأصحاب المزارع يكشفون أسباب الزيادة    استئناف الدراسة بجامعة القرآن الكريم والعلوم الإسلامية    السودان: إثيوبيا وافقت على تزويدنا ب300 ميغاواط من الكهرباء    تجار ملاحم : إيقاف صادر الضأن يخفض أسعار اللحوم داخلياً    اتجاه لتأجيل مفاوضات جوبا لإسبوعين بطلب من الجبهة الثورية    عملية تجميل تحرم صينية من إغلاق عينيها    إيقاف (15) مسؤولاً بالبحر الأحمر متهمين بالفساد عن العمل    البنتاغون: الحزب الشيوعي الصيني حطم آمال الولايات المتحدة    مصر تعرب عن "ارتياحها وترحيبها" بفرض ترامب عقوبات على تركيا    بومبيو إلى تل أبيب للقاء نتنياهو بشأن "نبع السلام" التركية في سوريا    مصادر: توقف بث قناة (الشروق) على نايل سات    خبراء أمريكيون يقفون على تجربة صندوق الإمدادات الطبية    "قوى التغيير" تقود تحركات لتسريع إنفاذ البرنامج الإقتصادي الإسعافي        انتصار وزير الصحة    وفاة 21 شخصاً وجرح 29 في حادث مروري جنوب الأبيض    خبراء : 46% من البيانات المهمة لا تتوفر للجهاز المركزي للاحصاء    وفاة وإصابة (50) في حادث مروري جنوب الأبيض    موجة تهريب الذهب تجتاح السودان وقلق من فقدان مليارات الدولارات    المريخ وهلال الفاشر يتعدلان في مواجهة نارية    هلال كادوقلي يواصل عروضه القوية ويعود بنقطة من عطبرة    المريخ يدخل في مفاوضات مع شيبوب    حسابات مصرفية لدبلوماسيين أميركيين في السودان.. لأول مرة    الخرطوم تعفي "معاشييها" من "العوائد" السكنية    وزير الثروة الحيوانية يشكل لجنة تحقيق في ظهور وبائيات    بوادر بانتهاء أزمة السيولة النقدية في البلاد    تركيا: استهدفنا في سوريا التنظيم الإرهابي وليس ضرب الدولة    أميركا أرض الأحلام هل يحولها ترمب إلي أرض الأحقاد؟ .. بقلم: إسماعيل آدم محمد زين    جَبَلُ مَرَّة .. شِعْر: د. خالد عثمان يوسف    العقاد: شذى زهرٍ ولا زهرُ .. بقلم: عبدالله الشقليني    العضوية تنتظركم يا أهلة .. بقلم: كمال الِهدي    حجي جابر يفوز بجائزة كتارا للرواية    هروب القيادي بحزب المخلوع حامد ممتاز ومصادر تكشف مفاجأة حول فراره عبر مطار الخرطوم    ترامب يوفد بنس وبومبيو إلى أنقرة لوقف الغزو فوراً    إصابات ب"حمى الوادي المتصدع"في نهر النيل    لجان مقاومة: وفاة 8 أشخاص بحمى الشيكونغونيا بكسلا    بيان هام من قوات الدعم السريع يوضح أسباب ودواعى تواجدها في الولايات والخرطوم حتى الان    جماعة الحوثي تكشف ماذا حل بلواء عسكري سوداني مشارك في حرب اليمن    مؤشرات الفساد من تجاربي في السودان .. بقلم: سعيد محمد عدنان – لندن – المملكة المتحدة    سقوط مشروع الاسلاميين في السودان: دلالات السقوط وأثر ثقافة عصور الانحطاط .. بقلم: أحمد محمود أحمد    افتتاح معرض الخرطوم الدولي للكتاب بالخميس    أبناء السودان البررة قُتلوا أمام القيادة .. بقلم: كمال الهِدي    القيادة: والله جد: كتبها مسهد باعتصام القيادة فات عليّ تدوين اسمه .. بقلم: د. عبدالله علي إبراهيم    ايقاف المذيعة...!        استهداف 80 ألفاً بالتحصين ضد الكوليرا بالنيل الأزرق    شرطة المباحث ب"قسم التكامل" تضبط مسروقات متعددة    حملة للتطعيم ضد الحمى الصفراء بالشمالية بالثلاثاء    متضررو حريق سوق أمدرمان يقاضون الكهرباء    تذمر بودمدني بسبب استمرار أزمة الخبز    الطريقة القادرية البودشيشية ومؤسسة "الملتقى" تبحثان الدور التنموي للتصوف في الملتقى العالمي 14 للتصوف بالمغرب    ضبط عمليات صيد جائر بالبحر الأحمر    فتح الباب لجائزة معرض الخرطوم الدولي للكتاب    افتتاح معرض الخرطوم الدولي للكتاب الخميس المقبل    صورة (3)    عبد الحي يوسف يشن هجوماً على عائشة موسى ووزير العدل    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.





طواقي الخوف .. للشاعر محمد طه القدال
نشر في سودانيل يوم 24 - 09 - 2012


يتحاشي الضهاري الراجية قولة
خيرا
ولا خايف المطر
يمشي علي الصحاري تلموا في
بشكيرا
ولاخايف العشم
يتناسي العشامه ونيما ياكل نيرا
ولا خايف النفس
تتذكر نفسها وتنسي يوم خديرا
شاحدك يا كريم
لايحصل خراب لا أرجي يوم وديرا
وأنا مابجيب سيرة الجنوب
عيال بتسرح للمدارس
والقطور نجمآ بعيد
بنوت بتجري
علي الخطاطيب الخطاطيف
البتجرح
والعريس نجمآ بعيد
الدكاكين التملاء تفضي
السماسره يسمسروا
والبسفوا الطين
يسفو
والبحتوا الراب
يحتو
والبناطلين ليها سستم
والقوانين ليها سستم
البنوك الفيها بستم
من سويسرا ولي ماليزيا
باالسفارات
والعمارات
والخبارات
أنا كنت متغطي
ومندفي
العمة ملوية
والشال علي كتفي
سودان وكان ماكان
سودان علي كيفك
السكة ساعة أيد
والارض مروية
والناس حنان وظراف
والرايح يجيك
للحول
والخدمة مظبوطة
مظبوطة مدنية
والدنيا حرية
الماشي درب الكار يغور
والتاب من التمباك يتوب.....!
أنا مابجيب سيرة الجنوب
الغبوا عرفوهو
والعرفو سووهو
أصبحت زي الزول
قادل بوسط السوق
سروالو ملصوهو
لو العرق مسروق
أوقلبي نشلوهو
طعم الكضب مسلوق
ماسخ تضوقوهو
لو فمي ما مطلوق
أو كمي غسلوهو
ياني البسوي القوق
قولي البتابوهو
ماعندكم دمي
ماعندهم دمي
من دمي لا لا لا
ماقدرو فصلوهو
وانا مابجيب سيرة الجنوب
قول أستقل
انا في صفوف الزوق
واقف مع الواقفين مزنوق بهنيهو
ويهنوهو
أو أستقال
ودا أول الاحزان
أو قالوا باعوهو
ودا ياهو قطيع القلوب
انا مابجيب سيرة الجنوب
فاالسيرة كمين الف عام
لوني المحرق مندكور
وشكلي شكلين
شكل منقة
وشكل تور
دمي المشتت من قبايل نوح وحام
شعري المقرقد زي حصايا
أتشتت فوق الدروب
كتفي المهدل باالعيوب
وأنا ما بجيب سيرة الجنوب
أصل البقت
من ساس وسايس أو يسوس
ياها البقت
خلونا من حرب البسوس
الفاضلة
تكفير الذنوب
الفاضلة لمليم البشاتن
والمعاطن
والحبوب
الباقي
مايخموكا تاني علي
الدفافير والكناتر والحروب
الباقي تعظيم التماسك
في الخطوب
لا نافع الشدة العلوق
ولا نافع المبقوص يحوق
لاينفعك عرق الزنوج
ولا يرفعك لبن العروب
الا الوقوف الفا ضكر
واحد براك
في الشيمة تلفحك الهبوب
الغيمة تديك
للسفاسف
والعواصف
والمطر
برطع مع الافعال
أدخل علي التاريخ
يغلب أجاويدك
من قرقريب عوسك
أخرج من التاريخ
شيخك وعربيدك
ولا نافعك التوبيخ
فامشيه وحيدك
وأمرق علي التاريخ
تلقاه في السهلات
مستني كمسيدك
لابيظلم التاريخ
ولا يرحم التاريخ
إياه عوس إيدك
والارض موقوت القنابل
في الحدود
والارض منهية الثعالب
والطحالب
والجيوش
بااليوناميد
واليوناميس
والفرقة بينات القبايل
والشتايم في المنصات
والشراكة الفي المكايد
والخناجر في الحناجر
والمنابر
أه من تلك المنابر
أنداية كرتلة وبنابر
والجرايد
داقة طارات المدايد
الصدق في الناس كذوب
الساسة نيام العسل
بين أنتباهة
وغفلتين
بين السلاطين والجيوش
والشلاتين
والقرايب
فين حلايب?
واللي بني الارض كان في الفرض
سوداني
عيني عليها
أتمزعت
حتة في قلبي وحتة في قصتي
تاني
أدي أسرائيل في النيل
بكيني ولعبطني
والنيل أدنداني
أحنا حبايب في الطيبة والاه?
غنيلي ورقصني
طيب
بس سمعني أه الاه وداني...
أنقد السقا ومابنصلح وكايو
وأنكشح اللبن مابنفعن بكايو
بعدن في الدروب مابقصرن تكايو
والشاكي النقاص ناقص قمح
شكايو
وأنالابجيب سيرة الجنوب
ولا أكلوني
أذا ما أكلو التور الابيض
(الارض في الجزيرة)
وبدر الله فوق سماهو
ياساسا ياباسا حوتة
مكوار حبس مياهو
عطشت قبايل أبقوتة?
البودة في خلاهو
والارضة في بيوتا?
الزول ربت كلاهو
سمينة بي مقوتة
ياتمت المعاهو
أو خلصت الحدوتة
وانا لابجيب سيرة الجنوب
ولا أكلوني
أذا ما أكلو التور الابيض
بدر الله يا بسلوكة
سلوكة الجزيرة
كل يوم فينا بتنتش
سكك الحديد بي كم?
بي كم بيت المفتش?
والبيع بيعة عدوكا
بعت الارض باترابا??
باكر تبيع أبوكا
وان مت من تخمة باكر
ناس الشرق يبكوكا
وناس الغرب يبكوكا
وناس الشمال يبكوكا
وناس الجنوب يبكوكا
وانا لابجيب سيرة الجنوب
ولاأكلوني
أذا ما أكلو التور الابيض
حمدتكم باالجاية
والجاية فوق الجاية
وعسكري الجباية
قلبو الحجرللداية
بشرتكم باالسادة
والسادة بعد السادة
وجرادة فوق جرادة
من دوكة لام كدلادة
حمدتكم باالواقعة
والصاقعة جنب الصاقعة
مقدودة ما لها راقعة
والدمعة صابة وناقعة
بشرتكم باالتوبة
والصبنة لي الدامبوية
في الحلة دي أم كدوية
ماتقعدوا شدرة موية
والارض لا حليوة
ولاها دي الجزيرة
الارض أمات الحنين
لو نقط الضحاوي البريق
في الحين تبتق شهوتن
تحبل
كما الامات
وتشرق باالوحم
لو تسعة الميلاد بتفرق في السنين
أو دي الشوارع باالبنات متحينة
ترسل تراتيل الخروج في يوم
وتقطع سيرتن
الارض تعريف الهديل
هدل الحمام بشري
وشوق السلام أنسان
باالحيل بيعرف أنتن
والارض شافت
إلا خافت
من عيون الليل
تناجي حبيب
غريب في الليل
وتفرز غنوتن
زي بذرة في جوف الارض
أو ضحكة عند طرف القلب
بتغني لو جات في العيون
والضحكة لاقت مرقتن
الارض منصوص الضمان
حضن أمك الدافي وأمين
ريحة حبيب
جاني من شمت حبيبتي وكرفتن
لو جاتا في يوم الهموم
في الحين تزغرد فرحتين
أو حرقصت فوقها السموم
باكر تهبهب نسمتن
والارض مابتعرف تنوم
ترتاح
وغابت جمتن
بس تدي مدين للعديم
باالمدة تحفظ ذمتن
هن مارقات خلاهن
ما مارقات براهن
لي بصاص حداهن
أو قصاص براهن
هن مارقات تراهن
تريانات تراهن
الخوف ماحماهن
من شوفة حماهن
طمانات جناهن
بي لبنا معاهن
يوم الشينة جاهن
باالعز المبطر
والزوق الشفاهن
لا حايدات مداهن
لاقايدات عماهن
وما كشحن بلاهن
فوق زولأ أباهن
لو الضيم ماهن
هن ياهن
وماهن
وانا مابجيب سيرة الجنوب
لاني زول باالمرة خايف
الاشايف
الاشايف
الاشايف
الاشايف
أناشايف المطر
يتجاشي الضهاري الراجية قولة
خيرا
واناشايف المطر
يمشي علي الصحاري تلمو في
بشكيرا
وانا شايف العشم
يتناسي العشامي ونيما ياكل نيرا
واناشايف النفس
تتذكر نفسها وتنسي يوم حديرا
واناشايف البلد
الطيب جناها وقمنا في شديرا
شاحدك ياكريم
لاتحصل خراب لا أرجي يوم وديرا
نقلا عن الجريدة:


انقر هنا لقراءة الخبر من مصدره.