سودارس : إن غلبك سدَّها وسِّع قدَّها..وشيل ليك قرجة وسكين وأكيد حتعيش!! .. بقلم: أبوبكر يوسف إبراهيم

مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم) شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي) شاهد بالفيديو.. والدة الفنان الراحل محمود عبد العزيز: الحوت تعرض لظلم فادح من هؤلاء وهذا ما فعلته عندما علمت بتعاطيه "السجائر" وهو طالب في الثانوي والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي بالصورة.. البرنس هيثم مصطفى وزيراً للرياضة في السودان اكتمال عقد الجهاز الفني للكمال قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر "آبل" تستعد لإطلاق أول آيفون قابل للطي شاهد بالفيديو.. نجمة السوشيال ميديا السودانية هبة الجندي تعود للظهور بعد غياب طويل بتقرير إخباري عن الأحداث السودانية وتطورها شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية "يغفر الله للجميع إلا باجيو!".. مأساة اللاعب الذي مات واقفا – فيديو النفط ينخفض 1% بعد تقرير ترامب إنهاء حرب إيران اختبار نسخة مدفوعة جديدة من "إنستغرام" عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* قرار لحكومة السودان بشأن معبر أدري عثمان ميرغني يكتب: فساد.. الفساد.. إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) (أماجوجو والنقطة 54) برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي كريم عبد العزيز وفريق مطلوب عائليا يبحثون عن دولة أوروبية للتصوير الخارجى أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة سارة بركة: أحمد العوضى مجتهد بشكل كبير وبيحب شغله جدا وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

إن غلبك سدَّها وسِّع قدَّها..وشيل ليك قرجة وسكين وأكيد حتعيش!! .. بقلم: أبوبكر يوسف إبراهيم

سودانيل نشر في سودانيل يوم 24 - 11 - 2012

بسم الله الرحمن الرحيم
قال تعالى: ( هَذَا بَلاغٌ لِلْنَّاس وَلِيُنْذَرُوْا بِه وَلِيَعْلَمُوَا أَنَّمَا هُو إِلَهٌ وَاحِد وَلِيَذَّكَّر أُوْلُو الألْبَابْ) ..الآية
هذا بلاغ للناس
توطئة:
من منّا لم يسمع عن قصة الإعرابي "شن" الذي جرى عليه وزوجته " طبقة" المثل، ولا مندوحة من أن نروي القصة لأن لها ما يتبعها، [ كان رجل من دهاة العرب وعقلائهم يقال له " شن " فقال: والله لأطوفن حتى أجد امرأة مثلي أتزوجها فبينما هو في بعض مسير إذا وافقه رجل في الطريق، فسأله شن: أين تريد فقال: موضع كذا، يريد القرية التي يقصدها شن فوافقه حتى أخذا في مسيرهما، قال له: شن: أتحملني أم أحملك؟ فقال له الرجل: يا جاهل أنا راكب وأنت راكب فكيف أحملك أو تحملني فسكت عن شن وسارا حتى إذا قربا من القرية فإذا بزرع قد استحصد فقال شن: أترى هذا الزرع أكل أم لا ؟، فقال له الرجل: يا جاهل ترى نبتاً مستحصداً فتقول أكل أم لا، فسكت عنه شن حتى إذا دخلا القرية لقيتهما جنازة، فقال شن:أترى صاحب هذا النعش حياً أو ميتاً؟، فقال له الرجل: ما رأيت أجهل منك ترى جنازة تسأل عنها أميت صاحبها أم حي؟!، سكت عنه شن فأراد مفارقته فأبى الرجل أن يتركه حتى يصبر به إلى منزله فمضى معه فكان للرجل بنت يقال لها "طبقة" فلما دخل عليها أبوها سألته عن ضيفه فأخبرها بمرافقته إياه وشكا إليها جهله وحدثها بحديثه، فقالت: يا أبت ما هذا بجاهل.أما قوله: "أتحملني أم أحملك؟!، "فأراد أن يقول أتحدثني أم أحدثك حتى نقطع طريقنا، وأما قوله " أترى هذا الزرع أكل أم لا " فأراد هل باعه أهله فأكلوا ثمنه أم لا. ؟! وأما قوله في الجنازة فأراد هل ترك عقباً يحيا بهم ذكره أم لا؟!، فخرج الرجل فقعد مع شن فحادثه ساعة ثم قال: أتحب أن أفسر لك ما سألتني عنه قال: نعم فسره ، ففسره، قال شن: ما هذا من كلامك فأخبرني عن صاحبه. قال: ابنة لي، فخطبها إليه فزوجه إياها وحملها إلى أهله فلما رأوها فقالوا: وافق شن طبقة، فذهبت مثلاً. يضرب للمتوافقين.]
المتن:
في زيارتي القصيرة للوطن والتي لم تتعد أيام معدودات، خطفت رجلي لودمدني لأزور شقيقتي وزوجها لأقضي معهما الليلة وأعود صباحاً ، وما حملني للحرص على هذه الزيارة ، فلأني لا أريد أن أعود لغربتي خالي الوفاض بلا ذكريات وقفشات مضحكة، فأختي وزوجها وقد مضى على زواجهما أربعة عقود تقريباً ، هما أكثر زوجين ساخرين على وجه الأرض، يسخران حتى من حالهما، وهما خير من يتنطبق عليهما المثل" وافق شنٌ طبقة"، هما موظفان معاشيان من درجة وظيفية واحدة ومهنة واحدة وبلغة زمان إسكيل(B1)، وهما من أحرف لآعبي كومكان14، وأذكر أنه لما كانت تضيق بهما الأحوال المعيشية يقبلان على لعب الكومكان، فسألتهما يوماً: يا أخوانا كلما أجيكم ألقاكم بتعلبوا كتشينة الحكاية شنو؟!، فيردان معاً في ذات الوقت بأنهما يلعبان الكتشينة حتى ينغمسان فيها ولا يفكران في مشكلة غلاء المعيشة التي لا حل لها!! وبينما هم يلعبان الكتشينة يتبادلان القفشات والسخرية حتى لتظن أنهما أكثر إثنان بلا مشاكل في هذه الدنيا!!.
وعندما دخلت عليهما ووجدتهما يلعبان الورق وبعد التحية والسلام والأشواق سمعتهما يتبادلان الحديث فقال لها: إتصلي بالبنات والاولاد يجيبوا الأحفاد ويجيوا يسلموا على خالهم، خالهم دا بيجينا طيفو طايف خلينا نستغل الفرصة!!، قومي كلمي أحمد يجيب معاه رغيف، وكلمي لؤي يجيب معاه فول، وكلمي سلمى تجيب معاها طعمية، وقولي لحنان تجيب معاها جبنة بيضاء، وقولي لعثمان يجيب معاه حاجات سلطة يعني طماطم وبصل أخضر وأسود وكل البقدرو عليه ربنا!!.. أها ما شارطتك على العشرة وقلت ليك ربنا بحل لينا مشكلة العشا من عندو، الضيوف بيجو وبجي خيرهم معاهم!!
الحاشية:
فتداخلت وقلت ليهم يا أخوانا الحاصل شنو؟! فقالت لي أختي ساخرة وهي خير من يؤلف قصص ومواقف للتبرير كعرضحال: إنت عارف فلان (...) ماك خابرو أشهر شحات في مدني، والله زمان كان لمّا يمر كان يقبض سااااكت، وحسه لما يجينا بقينا نقوليه: غالبنك بالصبر يا فلان، يقوم يرد علينا ويقول : ديّن تُدان .. على كل حال أنا حألف لفاتي وأرجع ليكم أديكم الفيها النصيب، حسنة يعني!! ويتداخل زوجها ويقول: والله أختك دي كان ما عُشرة قديمة وعارف أخلاقها كويس كنت قلتليك دي بقت تضرب " بنقو" والله ما عارف كيفن عندها المقدرة على تأليف القصص!!
والله يا أبوبكر من ربنا ما خلقني ما شلت خيزرانة في إيدي خليك من شيل " قرجة"، يا أخي تعرف فلان.... سيد الدكان الجنبنا، بقينا بنسحب منو على الكراس وقبل ما يتم الشهر يبدا يتماسخ معانا وينظر لينا نظرة دونية وكأنو بيمن علينا رغم إننا لمن نقبض المعاش بنسدد ليهو طوالي أول بأول.. حار.. حار قبل القروش ما تبرد في الجيب، الحكاية إنو نظراتو دي غاظتني منه جداً وفكرت ودبرت وقلت لآزم أأدبو، قمت جبت لي قرجة وضببتها بضيل تور ولسبتا لي سكين في ضراعي، وبقيت ما بطلع أمشي ليهو أجيب أي حاجة منو إلا والقرجة في أيدي وأمشي ليهو بالعراقي والسروال عشان أخليهو يشوف السكين كمان، وبقيت أطلب منو الطلبات بي نهرة .. والله صاحبنا بقى فار.. ما بقول "بغم"!!.. ناس تخاف يا أخي وما بتختشي، والله ما عارف يعني لآزم نقى إرهابيين عديل كدا وأمريكا تضمنا لقائمة الارهاب عشان يستعدل معانا؟!!، نسوي شنو يا أخي عاوزين نعيش، تصور بقى لما يقرب آخر الشهر وأقول ليه بإذن الله لما نصرف المعاش بعد بكرة نسدد ليل، إتخيل بقى ردوا شنو؟!.. يا حاج براحتك هي الدنيا طايرة، والأمور مشت كويس، المشكلة يا أبوبكر بقت في أختك لما شافت الموضوع نفع مع الراجل بقت لما تمشي هي تجيب احتياجاتها من سيد الدكان تشيل القرجة في إيدها وتمشي ليهو مادا القرجة وتقوليهو الحاج قال ليك أدينا كده وكده وكده وتأشر ليهو للحاجات بالقرجة!!.. ومن يومها الراجل استعدل معاها وبقى يتقي شرها!!
الهامش
همس في أذني زوج أختي بدون ماتسمع هي ما يدور بيننا قائلاً: يا أخي لي يومين بحاول أقنع في أختك دي ما تمشي للجزار البنجر منو اللحمة شاية السكين كمان وأن تكتفي بشيل القرجة بس زي ما كانت بتعمل من يوم بدأنا العمل بموجبها إلا إنها مصرة المرة دي تشيل السكين كمان لأنها قالت إنو (ود مكرنجة)بنظر ليها نظرة دونية عشان بنجر منو اللحمة لآخر الشهر!! وقالت ما في داعي يشعرنا بأنو بيمن علينا ، هو في ناس بتشتري لحمة اليومين ديل ما كفانا نحن بِنفِّعو, فقلت ليهو: والسكين دي يعني حتلبس ليها عراقي عشان الجزار يشوفا ولا شنو؟!.. قال لي أختك دي ما بَتْغَلَبْ، أنا ذاتو طرأ عليّ نفس تسؤالك دا وسألتها ليهو، فقالت لي : لا ما بلبس عراقي ولا بلبسا لكين برميها في بطن القفة ولما يوزن لي اللحمة ويجي يختها أمد ليهو القفة وحيشوف السكين في بطن القفة ويعمل حسابو!!,.. أها ما قلت ليك أختك دي ما في شي بيغلبها؟!
قصاصة:
بعد أن قضينا الليل في أنس إجتمع فيه لم شمل الأسرة من أولاد أخت وبنات أخت وأزواجهن والأحفاد صحيت لصلاة الصبح وبعد الصلاة مريت على صاحب الدكان وسلمت عليه وطلبت منو حساب الحاج فنادى على إبنه الذي يساعده ودون أن ينتبه لي وقفتي معاهو قال ليهو : جيب الكراس خلينا نجمع حساب جرورة الجماعة (الشرّانيين) ديل!!.. وبعد أن سددت ليهو الحساب قال: لي إنت قريب الشرانيين ديل واللآ فاعل خير؟!!.. فقلت ليهو أنا خال العيال!!.. فقال: ما تآخذنا يا أخي والله البنشوفو منهم ما شوية، والله خوفونا ساكت بالعين الحمرا وعليها قرجة وسكين!!
وبعد ما سددت الحساب وأنا في الطريق للمنزل إذا بطفل عمره عشرة سنوات تقريباً سألني: أنت نازل مع جد وحبوبة كمال.. قلت ليهو: أيوه فقالي لي: أعمل حسابك الناس ديل رباطين عديل كده، والله بيخوفو سيد الكنتين وبيقلعوا منو الحاجات قلع وعمك سيد الدكان أسد علينا وفار قدامم!!.. والله حبوبة كمال دي مرة طيبة بس كان ما القرجة والسكين الشايلاها لكنها قلدت قلّدت راجلا جد كمال، والله نحن بقينا نحترم كمال ونعمل ليهو ألف حساب!!.. ياعم أبوي قالينا: أبعدو من الشر وغنولو.. تاني ياعم بحذرك ديل ناس رباطين عديل كد!!...
يا أخوانا شنو الما بخلي الناس تبقى رباطين إذا كان حتى البروفيسور غندور رئيس إتحاد العمال ذاتو إشتكى من الوزير إياه الذي رفع الدعم من كل شيء، بالله المعاشيين يسوا شنو غير كده؟!! .. طيب ، وعموم الشعب من الغلابة تعمل شنو مع هذا الغلاء الطاحن الذي صنعه ؟!.. أنصحكم إن أسهل طريق لتسهيل الأمور هو وصفة القرجة والسكين!!.. يلا يا دكتور غندور عليك بيها وجرّب وصفة زوج أختي وحتدعي لي وله، وبارك الله فيمن تعلم العلم وعلّمه!!.. صدقني الوزير حيبقى خاتم في صباعك زي سيد الدكان جار أختي وزوجها!!
عموماً عوافي!!
Abubakr Yousif Ibrahim [[email protected]]

انقر هنا لقراءة الخبر من مصدره.