كرافد لحركة السودان الجديد بدانا فعليا في حزب الجماهير المجموعة والصفحة تحت الاعداد حزب الجماهير شغلته الوحيدة الجماهير الداير شغل اثرياء الحزب يشغلوه وينتج الداير علاج وماعنده دكاترة الحزب يعالجوه المفلس ومعلم الله نعمل شيرنق جماهيري وندعمه الداير يتعلم عشان يشتغل سريع مراكز التأهيل الجماهيرية موجوده في الخطط العلاج الدائر للقري والنجوع عبر باصات العافية العلاجية مخطط له الدايرين العرس بالبركة موجود .. ولدينا في الخطط دعم العريس بابسط الحاجات بالنسبة للإسكان هناك خطط لبناء مدن جديدة بتخطيط عمراني حديث مكملة بكل ادوات الثقافة والرياضة والوعي الاجتماعي بالنسبة لحل مشكلة البطالة والتبطل انشاء مدينة انتاج صناعي مستعينين بخبراء من داخل وخارج السودان لتعليم ابناءنا وبناتنا التصنيع البسيط لنتحول من امة مستهلكة لامة مساهمة في صناعة التكنولوجيا في العالم بالنسبة للزراعة في بلد الزراعة تمليك الاراضي الزراعية من فدان لأكثر لجماهير الشعب السوداني والأرض لمن يفلحها وفقا للحديث من وسائل الزراعة مع الاستعانة ببيوت الخبرة الاجنبية في كافة المجالات خططنا سريعة .. الاسرة المنتجة كل اسرة ترعي ليها غنمايتين تلاتة وتزرع ليمونة ونخلة ومنقة وتفك في البيت دجاجتين تلاتة لزوم البيض واللحم المهاجرون والمغتربون الذين ينوون الانضمام للحزب حقهم محفوظ يحولوا سريع لبنك الجماهير من اجل تبني المشاريع الجماهيرية الشارع الوسخان ننضفه والكوش المالية البكان نشيلها لمكباتها .. عندنا خطط لاعادة التدوير كل حاجة شايفنها ما نافعة مهما كانت سنعيد انتاجها ويذهب ريعها لمنتيجنها .. حزب الجماهير اعضاءه الشماشة والمشردين واللي مالاقين الشغل واللي ضاقين بيهم المكان والزمان .. ما عندنا وقت للندوات ولا للحوار طوالي نازلين الشارع شايلين المسطرين والمقشاشة والبذورة والكراس والكتاب وجاينكم لسة بالتقيل عندنا افكار كبيرة شوية بس دي دايره ليها مهلة زي مدينة عطبرة الصناعية والجزيرة للانتاج الزراعي والحيواني .. مدن سياحية تكون قبلة للعالمين وده كله بعد ما الحرب تضع اوزارها وده شغل كل الناس ندواتنا حصص تعليمية لمحو الامية بكل انواعها حوارنا جماهيري في احيتاجات الجماهير الفعلية وكيفية توفيرها برامجنا التلفازية نجوم الغد في العلم والاختراع والابتكار اسماء في حياتنا نستلهم منها الارث والمشورة والنصح عالم الرياضة الجماهيرية .. بنأسس طوالي اكاديميات رياضية في مختلف الانشطة بحسبان الرياضة للجميع وليس كرة القدم وحدها ما حنسيب الغني حنغني بس نعلم اولادنا يغنوا بالمعاني الجميلة والنبيلة كلنا متدينين مسلمين ومسيحيين ما عاوزين وصي يعلمنا دينا الشباب هو وقود حزب الجماهير ورافده من الشيوخ والاطفال وشعارنا الما بيبني يناول الطوب نعمل علي اعادة السودان رقما افريقيا وعربيا كبيرا مخططين لسياسة خارجية تستهدف مصلحة السودان والدول الاخري في ندية لا تضع السودان في المرتبة الادني جانحين للسلم نحو وطن خال من الحروب الداخلية والخارجية العاوز يشارك يشاركنا بفكره ودعمه والله لا يضيع اجر من احسن عملا حزب الجماهير [email protected]
