هدى الإتربي تكشف كواليس مسلسل "مناعة": تجربة مختلفة بتفاصيل إنسانية    علامات فى العينين تساعد على اكتشاف الإصابة ب 3 أمراض مختلفة    مدينة على القمر خلال 10 سنوات.. هل يتراجع حلم المريخ؟    الحكومة تؤكد عودتها الكاملة إلى الخرطوم.. ولقاء حاشد للإعيسر مع الجالية السودانية بالكويت يعكس التفافاً وطنياً واسعاً    مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى    رئيس الوزراء يتوجه إلى ألمانيا مترأساً وفد السودان المشارك في أعمال الدورة 62 لمؤتمر ميونيخ للأمن    الفنانة شيماء سيف: من ساعة ما حجيت ونفسي اتنقب واختفي    علاجك من أحلامك.. دراسة تتوصل لإمكانية استخدام أحلام الشخص فى العلاج النفسى    7 أطعمة للإفطار لا ترفع مستوى السكر في الدم    الموسياب يبدع ويقسو على الأمل بثلاثية نظيفة    الرابطة والتوفيقية يتعادلان في مباراة الأحداث المثيرة    الهلال ينفرد بصدارة الدوري الرواندي    وزير التعليم العالي السوداني: العودة إلى الدراسة خطوة استراتيجية    ضياء الدين بلال يكتب: قوش وآخرون... جرد حساب!    رويترز تنشر تقريراً استقصائياً حول إنشاء معسكرات لمليشيا الدعم السريع باثيوبيا    عاطف حسن يكتب: بنك الخرطوم.. اعتذارك ماااااا بفيدك .. !!    شاهد بالصور.. زواج شاب سوداني من فتاة "صينية" مسلمة ومطربة الحفل تكتب: (جمعتهما لغة الحب والدين الاسلامي الحنيف لمدة 14 عام)    شاهد.. مقطع فيديو نادر للحرس الشخصي لقائد الدعم السريع وزوج الحسناء أمول المنير يظهر فيه وهو يتجول بحذر قبل ساعات من اغتياله    بالصورة.. أمر قبض في مواجهة الشيخ محمد مصطفى عبد القادر.. ما هي الأسباب!!    شاهد بالفيديو.. جمهور ولاعبو أم مغد الكاملين يحملون مدرب الفريق على الأعناق احتفالاً بالتأهل لدوري النخبة: (جندي معانا ما همانا)    ارتفاع وارد الذرة واستقرار أسعار السمسم في بورصة محاصيل القضارف    اللواء الركن (م) أسامة محمد أحمد عبد السلام يكتب: البغلة في إبريق (شيخ اللمين)    الدولار يواصل التراجع أمام الجنيه فى منتصف تعاملات اليوم    آبل تستعد لأكبر تغيير فى تصميم آيفون منذ سنوات مع iPhone 18 Pro    دعوى ضد ميتا ويوتيوب بشأن إدمان الأطفال للتطبيقات    درة تكشف عن دورها فى مسلسل "على كلاى".. شخصية مركبة ومعقدة    مسؤول سوداني يغادر إلى تركيا    السودان.. وزير الشباب والرياضة يصدر قرارًا    وزير المعادن: السودان ينتقل من تعدين الذهب إلى عصر المعادن الاستراتيجية والطاقة النظيفة    دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات    ارتفاع في وارد المحاصيل الزراعية بسوق القضارف    عثمان ميرغني يكتب: كبري الحلفايا...    شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة    مدير عام قوات الجمارك: لن نتهاون في حماية الوطن من سموم المخدرات والسلاح    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



عنكبة إلّا تلت
كورة سودانية نشر في كورة سودانية يوم 18 - 06 - 2015


دق الدلجة
عنكبة إلّا تلت
محمد عبد الماجد
في احيان كثيرة ..اشعر ان (غارزيتو) رغم اسمه الكبير ..وخبراته العريضة
إلّا ان قرأته دائما ما تاتي غلط.
بفكها فينا ساكت.
ونحن نشيل ونصدق.
بالفهم العندنا دا ..غارزيتو دا (فاطي سطر).
ومع السخانة دي.
واول يوم رمضان …بخلي ليكم (فاطى صفحة كاملة).
ولو كترتوها ..وكرفستوا لي (وشكم) زي البرتكانة ..بقول ليكم الزول دا
فاطى (كراس) بي حالو.
يلا ورونا عرض اكتفاكم.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس اليوم الاول في رمضان – بتكون في الغالب ما عاوز ليك اي زول يتكلم معاك.
ولا بتسمع.
تمشى المطبخ وترجع.
نفسي اعرف بس ..الزول وقت يكون صايم بفتح (التلاجة) ليه؟.
عاوز شنو؟.
البخليه يقوم من محلو ..عشان يمشي بفتح التلاجة شنو؟.
غارزيتو ..عندما كان في الهلال …كان عندو رأي ممتاز في (تراوري) وكان
اللاعب يعتبر لاعبه الاول في مقدمة الهلال.
غارزيتو مشى المريخ ..قطعها ليك مع (تراوري).
بقى في التمرين ما بلعبو.
تراوري دا قدر ما عمل …ما نفع.
الزول دا عمل ليه مؤتمر صحفي عديل كدا ..واعتذر رسمي فيه….ما نفع.
غارزيتو ما اقتنع.
ود الناس مسكين.
ود الناس طفش من البلد.
قنع من الكورة.
انا اول مرة اشوف لي خوجة رأسو قوي كدا.
الزول البختو في رأسو ..بطلعو برة البلد.
الاغرب من دا …غارزيتو لمن كان في الهلال ..كان يشوف العمى ما يشوف
بكري المدينة.
الجماعة ديل كانوا بضاربوا عديل كدا.
غارزيتو مشى المريخ.
وبكري المدينة مشى المريخ.
بكري بقى لاعب غارزيتو الاول في المريخ.
يا ربي المريخ دا فاضي للدرجة دي.
للدرجة التى تخلي ليك غارزيتو يقتنع بي بكري المدينة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس في شوية عطش.
اغرب من كل هذا ..ان غارزيتو قال (عنكبة) ما بنفع معاهو.
ولا عاوزو.
ولا بلعب.
الموضوع دا ما بجامل فيه.
عشان كدا عنبكة مشى يلعب في هلال الابيض.
خرج من المريخ (معارا) الى هلال التبلدي.
عنكبة اول مباراة سجل فيها.
تاني مباراة امام الاهلي مدنى امس سجل فيها (هاتريك).
عليكم الله زول زي دا بفكوه.
زول بجيب ليه في مباراة واحدة تلاتة اقوان.
بعيروه.
نوع دا – بخلوه.
تألق عنبكة اثبت ان نظرية (غارزيتو) في اللاعبين نظرية شخصية وما عندها
اي عوامل او رابط فني.
بتكلم ساكت.
انت فايق لي من الصور السيلفي يا غارزيتو.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس ما عارف بكرة (الجمعة) كيف مع السخانة دي؟.
الجمعة الاولى بتكون طويلة طول.
تدخل ليك في السبت …وما تنتهي.
غارزيتو العامل لينا فيها مدرب كبير …وما في زول بلحقو في (قوة
الرأس)..ابعد (أحمد الباشا) من المشاركة مع المريخ.
بقى في (الكنبة) ما بخليه.
رغم ان احمد الباشا ..من افضل لاعبي المريخ …وهو اللاعب الوحيد في
المريخ البلعب بي رأسو.
وهو الوحيد القادر على تغيير نتيجة المباراة واحداث الفارق.
من خرمجات غارزيتو ..الملحوظة ..والشايفنها ليه برضو ..اشراك (رمضان
عجب) في الطرف اليمين ..ليعطل امكانيات لاعب كبير في خانة لا يجيدها
رمضان عجب بشكل جيد.
بي صراحة كدا ..(ومن غير موسى الزومة ما يزعل)..بلة جابر في الطرف
اليمين احسن من رمضان عجب.
كما ان فعالية رمضان عجب في الوسط ..فعالية عالية.
منحتوه اتنين مليار ونص عشان يلعب (باك).
في مرحلة المجموعات ما لم يقدم غارزيتو رمضان عجب الى الوسط ويحرره من
(الطرف اليمين)..سوف يعاني المريخ كثيرا امام الاندية الجزائرية
(الكتيرة) التى يلعب امامها المريخ.
هذه الامور تثبت وتأكد ان غارزيتو في كثير من الامور ..بتصرف بي قوة
رأس..وبرمي النظرة الفنية وراء.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس الله يصبرك.
غارزيتو الناس تذكر له صراعه العنيف مع هيثم مصطفى وهو كابتن للهلال وقتها.
غارزيتو ما خلى لي هيثم مصطفى شيء.
كان واضح الاستفزاز الذي يمارسه غارزيتو مع هيثم مصطفى.
الآن اذا وجد غارزيتو (هيثم مصطفى) في المريخ …ممكن يصبح هيثم مصطفى
بعد ذلك الصراع والخلاف هو اللاعب الاول عند غارزيتو.
هذا يجعلنا اسأل…هل يستجيب غارزيتو للتدخلات الادارية؟.
وهل ينفذ غارزيتو (رغبة) المجلس ..ويتولى تنفيذها والاشراف عليها بي نفسو.
معروف توتر العلاقة في الهلال كانت بين رئيس نادي الهلال وقتها الامين
البرير وبين كابتن الهلال هيثم مصطفى.
غارزيتو مسك الملف …واستقصد هيثم مصطفى.
في المريخ الآن معروف ان هناك خلافات كبيرة بين المجلس وكابتن المريخ
أحمد الباشا.
ومعلوم ان الود مفقود بين رئيس نادي المريخ والكابتن أحمد الباشا.
أحمد الباشا الآن بسبب نظرة رئيس نادي المريخ فيه ..اصبح بعيدا عن المشاركة.
وبقى الجهاز الفني يبعده ويستهدفه ..لدرجة ان الباشا بكون قاعد في
الكنبة ..وبقولوا ليه قوم سخن.
يقوم يسخن ويلقى اسمو ما مكتوب.
انا اسمو مكتوب؟؟؟.
امر اخر يثبت ان غارزيتو ينفذ في اجندة المجلس.
غارزيتو بطابعه ميال الى اعطاء الفرص للشباب ..وهو يتحمس لهم.
وكل الاندية التى عمل فيها اتاح الفرصة كاملة للشباب.
بل معروف عن غارزيتو محاربته للكبار ..وللنجوم.
هذا امر تبع غارزيتو ..وعرف به في كل الاندية التى عمل بها.
في المريخ رغم تميّز مازن شمس الفلاح كابتن المتتخب الاولمبي والذي
تألق معه كثيرا ..إلّا ان غارزيتو لا يشركه في مباريات المريخ.
ولا يمنحه اي فرصة.
بل ان غارزيتو مستبعده تماما من الفريق.
اذا اعتبرنا ان مازن شمس الفلاح عندو اشكالية قانونية ..لماذا لا يشرك
غارزيتو (ابراهومة) وهو من المواهب الممتازة في المريخ؟.
نضيف لكم ان مازن شمس الفلاح وابراهومة عندهما اشكاليات خفية مع مجلس المريخ.
هل التصفية التى يمارسها غارزيتو مع مازن شمس الفلاح وابراهومة جاءت
متوافقة مع اهواء مجلس المريخ صدفة.
وصلت الى قناعة تامة ان غارزيتو امره اصبح في يد جمال الوالي.
خاصة ان التسجيلات الاخيرة كلها تمت بمشورة ادارية وتحت ادارة جمال الوالي.
غارزيتو ما عندو بيها اي علاقة.
جابوا ليه (سيلا)..ما قال اي شيء.
بي كتفو (المخلوع)..قاعد يلعبو.
هذه الدلائل تثبت ان غارزيتو فقد سيطرته الفنية ..واصبح يدير المريخ
عبر (التعليم من بعد).
او (الادارة) من على بعد.
على الاقل هذه الوقائع تؤكد ذلك …مع حقكم الكامل في الاتفاق او
الاختلاف حول النقاط التى قدمناها واكدنا عبرها الكضبة الاسمها
(غارزيتو).
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس العيد باقى ليه (29) يوم بس.
…………….
و
غارزيتو ممكن يقدم (ضفر) عشان يلعب (مهاجم).
ويعير عنكبة لهلال الابيض.
طيب يا ود الناس بدل اللفة الطويلة دي ما تلعب عنكبة مهاجم.
………
السيدة (ل)…الحلومر عندم حلو حلو …اصلو ما حلو مر.
وقرّض على كدا

انقر هنا لقراءة الخبر من مصدره.