((الجان وريجيكامب هزموا الهلال امام روتسيرو))    شاهد بالصورة والفيديو.. "نهلة" تخرج في مقطع ترد فيه على زوجها "ميسرة" بعد أن اتهمها بشرب "البيرة" وإقامة علاقة غير شرعية مع شاب ببريطانيا    شاهد بالفيديو.. الفنان أحمد أمين وعروسه الحسناء يرقصان في "جرتق" زواجهما على أنغام أغنية (يا سلام سلم)    شاهد بالفيديو.. الفنان أحمد أمين وعروسه الحسناء يرقصان في "جرتق" زواجهما على أنغام أغنية (يا سلام سلم)    شاهد بالصورة والفيديو.. "نهلة" تخرج في مقطع ترد فيه على زوجها "ميسرة" بعد أن اتهمها بشرب "البيرة" وإقامة علاقة غير شرعية مع شاب ببريطانيا    زيارة البرهان للسعودية بعيون أمريكية    توجيه بصرف اجور العاملين قبل 29 ديسمبر الجاري    هل استحق الأردن والمغرب التأهل لنهائي كأس العرب؟    شاهد بالصور.. المودل هديل إسماعيل تعود لإثارة الجدل على مواقع التواصل بعد ظهورها بأزياء ضيقة ومحذقة ومثيرة    "ونسة وشمار".. زوجة مسؤول بالدولة تتفوه بعبارات غاضبة وتعبر عن كراهيتها للإعلامية داليا الياس بعد إرسال الأخيرة رسالة "واتساب" لزوجها    السودان..منشور لديوان الحسابات العامة بشأن أجور العاملين    التجديد للجنة تسيير نادي المريخ بكامل تشكيلها السابق لمدة 60 يوماً    استعادة عمل جميع أقسام الشرطة ببحري    تونس.. سعيد يصدر عفوا رئاسيا عن 2014 سجينا    يبحثون عن ( سايس ) جديد لحصان طروادة .. لكنه قطعاً لن يكون حمدوك ولا طه عثمان الحسين !!    استمرار عمليات الصيانة بطريق شريان الشمال    الهِلال كَان في حَاجَةٍ للهَزيمَة أكثَر من النّصر    هل يمكن أن يؤدي الحرمان من النوم إلى الوفاة؟    اجتماع بين البرهان ومستشار ترامب..تقارير تكشف التطوّرات    بنك السودان يتأهب لإطلاق المقاصة الإلكترونية    إطلاق نار على سوداني..السعودية تعلن إعدام مواطن وتكشف تفاصيل    الأردن يفوز على السعودية برأس رشدان ويتأهل لنهائي كأس العرب    المغرب يحسم بطاقة نهائي كأس العرب الأولى على حساب الإمارات    والي الخرطوم يوجه بالالتزام بأسعار الغاز حسب التخفيض الجديد    ضبط أخطر تجار الحشيش وبحوزته كمية كبيرة من البنقو    البرهان يصل الرياض    تعرف على جوائز كأس العرب 2025    النوم أقل من 7 ساعات ثاني أكبر قاتل بعد التدخين    ريال مدريد ينجو من فخ ألافيس ويلاحق برشلونة    بعد غياب طويل.. أول ظهور للفنانة المصرية عبلة كامل بعد قرار السيسي    منع نقل البضائع يرفع أسعار السلع في دارفور    ترامب يعلن: الجيش الأمريكي سيبدأ بشن غارات على الأراضي الفنزويلية    ترامب يلغي وضع الحماية المؤقتة للإثيوبيين    كارثة إنسانية قبالة اليونان وغالبية الضحايا من مصر والسودان    الإعلامية والشاعرة داليا الياس ترد على إتهام الجمهور لها بالتسبب في فصل المذيع الراحل محمد محمود حسكا من قناة النيل الأزرق    إليك 7 أطعمة تساعدك في تقليل دهون الكرش طبيعياً    حَسْكَا.. نجمٌ عَلى طَريقته    قوات الجمارك بكسلا تحبط تهريب (10) آلاف حبة كبتاجون    وفاة إعلامي سوداني    مسيّرتان انتحاريتان للميليشيا في الخرطوم والقبض على المتّهمين    هيئة مياه الخرطوم تعلن عودة محطة كبيرة للعمل    إسحق أحمد فضل الله يكتب: (حديث نفس...)    تصريحات ترامب المسيئة للصومال تثير غضبا واسعا في مقديشو    حريق سوق شهير يسفر عن خسائر كبيرة للتجار السودانيين    مياه الخرطوم تكشف تفاصيل بشأن محطة سوبا وتنويه للمواطنين    إدارة التعدين بولاية كسلا تضبط (588) جرام و (8) حبات ذهب معدة للبيع خارج القنوات الرسمية    محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي    إحباط تهريب كميات كبيرة من المخدرات والمواد الخطرة بنهر النيل    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    إحباط تهريب أكثر من (18) كيلوجرامًا من الذهب في عملية نوعية    وصول 260 ألف جوال من الأسمدة لزراعة محاصيل العروة الشتوية بالجزيرة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الليلة خلوا (الطبق) لفوا انتوا
كورة سودانية نشر في كورة سودانية يوم 03 - 10 - 2015


دق الدلجة
محمد عبد الماجد
الليلة خلوا (الطبق) لفوا انتوا
ناس النيلين عندهم حكمة عتيقة بقولوا ليك لو عاوز تتابع مباراة للخرطوم
الوطني والنسور ام درمان (لف) الطبق.
هسع لو بتجيبوا لي (شيلسي) بي مورينهو بتاعو – قدامي هنا في (الحوش)
بلف ليكم (الطبق) يا ناس النيلين.
المباراة كلها تقعد (تلف) في الطبق ..تقول عاوز تجيب ليك حاجة بالدس من
الدوري الانجليزي.
اللفلفة نحن في الحلة خليناها ..كمان عاوزننا نعملها في (الطبق).
عليكم الله في زول فايق ليه لي (لفلفة) في الايامات دي – غايتو ناس
النيلين ديل عندهم جنس فياقة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
الحاجات البتحصل في دورينا دا – لا عاوزة ليها لفة (طبق) ولا لفة (صحن).
والله ديل (لفة) صينية ساكت كتيرة عليهم.
المهم لو عاوز تتابع ليك اي لقطة في الدوري السوداني – إلّا تلف الطبق.
زمن خالد الاعيسر – كان خالد بقول للناس ..لفوا الطبق بمقدرا (21) درجة شرق.
تقول ماشي المقرن.
عليكم الله هسع (اللفلفة) دي ما كان احسن منها الواحد يقرأ (طب).
والله نحن لو عارفين المواضيع بتصعّب علينا كدا – كان مشينا (طب).
خالد الاعيسر كان بقول للناس لفوا الطبق (21) درجة شرق.
في واحد في حلتنا – النوع الكسلان داك.
كسل شديد.
كسل مبالغ فيه.
الزول داك كان بطلّع ولدو في (رأس البيت) الساعة اربعة بعد الظهر
..وبقول ليه عليك الله (لف) لي الطبق بمقدار واحد ونص …نحن ما عاوزين
النيلين – نحن ما عاوزين اكتر من الاذاعة الرياضية.
وفي الحقيقة الراجل عندو منطق ..اذا كان (21) درجة بتجيب
(النيلين)…يبقى واحد ونص بتجيب الاذاعة الرياضية 104.
لكن لو جيتوا للجد …النيلين دي ربع درجة كتيرة عليها.
على كدا – الواحد لو اجتهد ولف ليك الطبق (720) عكس اتجاه قناة النيلين
بتجيب ليه بي ان سبورت.
بس خليك حريف في (اللف).
عشان اي (لفة) غلط ..بتجيب ليك جماعتنا ديل.
ناس النظام العام!!!.
مرة في واحد طلع يلف في (الطبق) في رأس البيت …القناة جابت ليه ناس
(محاليج ود سعد) ..قاعدين يورقو في ملوخيتهم.
المرا – قالت لي راجلها انت الظاهر عليك بدل ما تلف الطبق – لفيت ليك
حاجة تانية – جايب لينا (محاليج ود سعد) نعمل بيه شنو؟..نحن لو لاقيناه
في الشارع قاعدين نخلي ليه الشارع – كمان عاوز تجيبو لينا في التلفزيون.
ومرة قاعدين نلف في الطبق – عاوزين نشوف مباراة هلال كادوقلي والرابطة
كوستي ..الراجل بلف في (الطبق) زوجتو جابت ليه (البامية المفروكة).
الراجل اتهجم في (حيطتو)…وقال انا (الطبق) دا (لفيتو) وإلّا (فركتو)؟.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
اتخيلوا انتوا..الزول يكون راجع من الشغل تعبان ….وفتران (مواصلات ما في).
تجي راجع البيت – عشان تتابع ليك مباراة في الممتاز ..يقولوا ليك إلّا تلف الطبق.
تطلع في الهجيرة دي في رأس البيت (لابس ليك فانلة داخلية قديمة
..ومقددة) من زمن اول اختراع للفنائل الداخلية.
تطلع عشان تلف الطبق …وتشوف المباراة.
اتخيلوا التعب دا.
دا تعب مبالغ فيه.
بعدين وقت تعمل الحاجات دي كلها – تلقى ليك (حكم راية) يكرهك الكورة.
يندمك على (لفة) الطبق.
ليه التعب دا كلو؟.
وعشان شنو؟.
انتوا ليه بتحبوا تتلتلوا الشعب السوداني؟.
يعني كورة زي الناس ما نتابعها.
إلّا تلف ليها الطبق ..تقول ناقلنها في (اسعاف).
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
هسع مباريات الدوري الممتاز – لو بتلفوا ليها (الطبق)..مباراة الهلال
اليوم في البطولة الافريقية – إلّا تلفوا ليها براكم.
يعني ساعة يجيبوا ليك المباراة في التلفزيون ..الحلة كلها بتكون (بتلف)
في الشارع.
الاعصاب بايظة..والناس ما بتحتمل.
الزول الثابت شديد..تلقاهو بلف في (البالكونة).
يا زول مباراة الليلة فيها (لفلفة) شديدة.
في ناس بلفوا بي (عربياتهم).
يمشوا ليك ابعد منطقة.
ويقعدوا يترقبوا في (البوري) والعلامات التى تؤكد تأهل الهلال.
بنتظروا (الرسائل).
في ناس بقفلوا التلفونات ..وبفتحوها بعد المباراة.
مبروك.
مبروووووك.
مبروووووووووووووك.
الهلال اتأهل.
ان شاءالله يجيبوا ليكم الخبر بهذا الشكل.
ما في احلى من انتصار الهلال.
وما في اجمل من هذه (البشرى).
الهلال اتأهل.
مية المية.
الشوارع ذاتها بتبتهج.
وبراها كدا بتطلع من البيوت.
والبهجة بتملأ ام درمان.
شندي – الابيض – الدمازين.
الفاشر – بورتسودان – عطبرة.
اي حتة بتفرح.
الاعصاب بايظة شديد.
الليلة الهلالاب كلهم بكونوا (عبدالمولي الصديق) ربنا يرحمه ويغفر ليه.
الليلة الهلالاب كلهم بكونوا في رقة ولطف (داؤود مصطفي) ..الله يرحمه.
كلهم بقعدوا يلفلفوا.
المباراة (90) دقيقة…يلفوا البلد كلها.
ما يخلوا ليهم شارع.
في هلالاب وقت الهلال يكون لاعب ضد الامل عطبرة بيقعدوا يلفلفوا
..ويقفلوا تلفوناتهم.
طيب الليلة ح تعملوا شنو؟.
اقول شيء ..تابعوها ..ما بتجيكم ان شاءالله اي عوجة.
الهلال للنهائي.
تابعوا النشرات.
وشوفوا الرسائل.
واعملوا (قروبات).
قروبات للتأهل.
قروب بشه.
وقروب مكسيم.
وقروب كاريكا.
وقروب اتير توماس.
وقروب اندرزينهو.
وقروب مساوي.
خلوا (الفرح) يطلع ..اطلعوا من الحالة دي ..واتوزعوا في عيون الناس.
عاوزين نطعم رسائلنا.
عاوزين نلحن كلماتنا.
ونغني للهلال.
باقي عيدنا ناقص.
لسه عندنا (فرحة) ما كملناها في العيد.
في ناس بتكون (مصبنة) اللحمة لغاية الآن في التلاجات.
في ناس ضحيتهم بتكون ما انتهت.
الليلة ح نطلع باقى اللحمة.
ونضرب ليك ضرب صاح.
ما بنخلي حاجة.
في العيد خسرنا امام الاتحاد.
هسع عاوزين نشيل حقنا.
عاوزين نعيش عيدنا.
نفرح تاني.
نطلع من اول جديد.
نبارك تأهل الهلال.
نقسم الحلاوة والخبيز.
نمرق (الشفع) في الشارع.
نعلق الستائر.
ونلبس الجديد.
عاوزين – عشان الناس الطيبين ديل ..كل الناس ..بي بساطتهم ..وتلقائيتهم
…عاوزنهم يفرحوا اليوم.
يستحقوا ان يفرحهم الهلال.
والهلال عشان الناس ديل يستحق يتأهل.
ان شاءالله يا رب.
منتظرين الفرح.
منتظرين التأهل.
وعشمنا في الله كبير.
التأهل من بلد المليون شهيد – عندو طعم مختلف.
عندو لون اخر.
ونحن عندنا فهم تاني.
تعالوا ..وما تمشوا.
وارجعوا في نفس المساحة.
بكرة الفرح مجان.
بكرة – تعالوا نفرح كلنا.
وننسى اي حاجة.
ننسى اي مشكلة.
……………
و
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
السيدة (ل) – ما في كلام اكتر من مبروك للهلال.
وقرّض على كدا.

انقر هنا لقراءة الخبر من مصدره.