سودارس : بكري المدينة ظروفو بتبقى صعبة عديل كدا

شاهد بالصور.. الفنانة ندى القلعة تصل القاهرة وتحل ضيفة على أشهر الصحف المصرية "في حضرة الكلمة والصحافة العريقة" شاهد بالفيديو.. مطربة سودانية تقدم وصلة رقص فاضحة وتبرز مؤخرتها للجمهور وتصرخ: "كلو زي دا" وساخرون: (دي الحركات البتجيب لينا المسيرات) شاهد بالفيديو.. الحرب تشتعل مجدداً.. المطربة عشة الجبل تهاجم زميلتها هبة جبرة: (نصف الشعب عرفك بعد شكلتي معاك.. شينة ووسخانة وأحذرك من لبس الباروكة عشان ما تخربي سمعتنا) شاهد بالفيديو.. الحرب تشتعل مجدداً.. المطربة عشة الجبل تهاجم زميلتها هبة جبرة: (نصف الشعب عرفك بعد شكلتي معاك.. شينة ووسخانة وأحذرك من لبس الباروكة عشان ما تخربي سمعتنا) شاهد بالفيديو.. الفنانة هبة جبرة ترد على التيكتوكر المثيرة للجدل "جوجو": (شالت الكرش وعملت مؤخرة ورا ورا ويشهد الله بتلبس البناطلين المحذقة بالفازلين) شاهد بالصور.. الفنانة ندى القلعة تصل القاهرة وتحل ضيفة على أشهر الصحف المصرية "في حضرة الكلمة والصحافة العريقة" المريخ يكثف درجات إعداده للقاء سانت لوبوبو تمديد فترة التقديم الإلكتروني للقبول الخاص للجامعات الحكومية وقبول أبناء العاملين اللجنة المالية برئاسة د. جبريل إبراهيم تطمئن على سير تمويل مطلوبات العودة لولاية الخرطوم الهلال والجاموس يتعادلان سلبيا والزمالة يخسر من ديكيداها شاهد بالفيديو.. ظهر وهو يردد معها إحدى أغنياتها عندما كان طفل.. أحد اكتشافات الفنانة هدى عربي يبهر المتابعين بصوته الجميل بعد أن أصبح شاب والسلطانة تعلق من سيحصد الكرة الذهبية 2025؟ كندا وأستراليا وبريطانيا تعترف بدولة فلسطين.. وإسرائيل تستنفر مدير جهاز الأمن والمخابرات: يدعو لتصنيف مليشيا الدعم السريع "جماعة إرهابية " (في الهلال تنشد عن الحال هذا هو الحال؟؟؟) تدشين أجهزة مركز عمليات الطوارئ بالمركز وعدد من الولايات ترمب .. منعت نشوب حرب بين مصر و إثيوبيا بسبب سد النهضة الإثيوبي وزارة الطاقة تدعم تأهيل المنشآت الشبابية والرياضية بمحلية الخرطوم "رسوم التأشيرة" تربك السوق الأميركي.. والبيت الأبيض يوضح الإرصاد في السودان تطلق إنذارًا شديد الخطورة الزمالة أم روابة في مواجهة ديكيداها الصومالي مياه الخرطوم تطلق حملة"الفاتورة" إدانة إفريقية لحادثة الفاشر ليفربول يعبر إيفرتون ويتصدر الدوري الإنجليزي بالعلامة الكاملة الأهلي مدني يبدأ مشواره بالكونفدرالية بانتصار على النجم الساحلي التونسي شاهد.. ماذا قال الناشط الشهير "الإنصرافي" عن إيقاف الصحفية لينا يعقوب وسحب التصريح الصحفي الممنوح لها بورتسودان.. حملات وقائية ومنعية لمكافحة الجريمة وإزالة الظواهر السالبة وضبط المركبات غير المقننة 10 طرق لكسب المال عبر الإنترنت من المنزل جرعات حمض الفوليك الزائدة ترتبط بسكري الحمل الأمين العام للأمم المتحدة: على العالم ألا يخاف من إسرائيل الطاهر ساتي يكتب: بنك العجائب ..!! صحة الخرطوم تطمئن على صحة الفنان الكوميدي عبدالله عبدالسلام (فضيل) وزير الزراعة والري في ختام زيارته للجزيرة: تعافي الجزيرة دحض لدعاوى المجاعة بالسودان لجنة أمن ولاية الخرطوم: ضبطيات تتعلق بالسرقات وتوقيف أعداد كبيرة من المتعاونين هجوم الدوحة والعقيدة الإسرائيلية الجديدة.. «رب ضارة نافعة» هل سيؤدي إغلاق المدارس إلى التخفيف من حدة الوباء؟! تعاون مصري سوداني في مجال الكهرباء "نهاية مأساوية" لطفل خسر أموال والده في لعبة على الإنترنت الجزيرة: ضبط أدوية مهربة وغير مسجلة بالمناقل ماذا تريد حكومة الأمل من السعودية؟ إنت ليه بتشرب سجاير؟! والله يا عمو بدخن مجاملة لأصحابي ديل! في أزمنة الحرب.. "زولو" فنان يلتزم بالغناء للسلام والمحبة إيد على إيد تجدع من النيل حسين خوجلي يكتب: الأمة العربية بين وزن الفارس ووزن الفأر..! ضياء الدين بلال يكتب: (معليش.. اكتشاف متأخر)! في الجزيرة نزرع أسفنا من هم قادة حماس الذين استهدفتهم إسرائيل في الدوحة؟ مباحث شرطة القضارف تسترد مصوغات ذهبية مسروقة تقدر قيمتها ب (69) مليون جنيه في عملية نوعية.. مقتل قائد الأمن العسكري و 6 ضباط آخرين وعشرات الجنود السجن المؤبّد لمتهم تعاون مع الميليشيا في تجاريًا وصية النبي عند خسوف القمر.. اتبع سنة سيدنا المصطفى جنازة الخوف حكاية من جامع الحارة حسين خوجلي يكتب: حكاية من جامع الحارة مشكلة التساهل مع عمليات النهب المسلح في الخرطوم "نهب وليس 9 طويلة" وسط حراسة مشددة.. التحقيق مع الإعلامية سارة خليفة بتهمة غسيل الأموال نفسية وعصبية.. تعرف على أبرز أسباب صرير الأسنان عند النوم بعد خطوة مثيرة لمركز طبي.."زلفو" يصدر بيانًا تحذيريًا لمرضى الكلى

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

بكري المدينة ظروفو بتبقى صعبة عديل كدا

كورة سودانية نشر في كورة سودانية يوم 27 - 04 - 2016

دق الدجلة
محمد عبد الماجد
بكري المدينة ظروفو بتبقى صعبة عديل كدا
ذكرت (الجوهرة الرياضية) في عددها الصادر امس ان السيد جمال الوالي رفض العودة لرئاسة المريخ مجددا حيث عقد معه عددا من كبار المريخ إجتماعات فضلا عن جلوس كبار الاقطاب معه و يتوقع ان تعقد جلسة خلال الساعات القادمة لإختيار بديل الوالي ليترشح لقيادة المريخ في الجمعية المقبلة على ان يجد دعما من الدولة و مسئولي المريخ حتى يجد المجلس الجديد فرصا لإيجاد إستثمار ثابت.
عليكم الله هسع جمال الوالي لو عاوز يرجع – لو شاف البعمل فيه كريم الحسن دا برجع ليكم.
كورتو (ربيط) لكشافات الهلال ما بتلعبو.
اقصد ما بتربطو.
صواميل ساكت ما بتلبعو.
كريم الحسن دا لو كان بيلعب في الهلال كان من اول اسبوع له في الهلال اتخارج.
نوع ديل الكاردينال (اسبوع) ما بقعدهم في كشوفات الهلال.
والله (مدرجات) الهلال ما يقعدوا فيها.
الكشوفات دي مرحلة بعيدة – ناس كريم الحسن ما يحلموا بيها.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
كريم الحسن امام الخرطوم الوطني ابعده المدرب من اول نص ساعة في المباراة.
تقول ممرض.
افتكرتوا بتاع العلاج الطبيعي.
حايم في نص الملعب متل الرايحة ليه (رخصة).
الزول دا لعب في الدفاع ..جمال سالم شكي منو.
قدموه للوسط ..عمر بخيت قال ما بيلعب معاهو.
كريم الحسن قال عنه البلجيكي ايميل ان كريم الحسن لا يصلح لكورة القدم.
وفي المريخ اكتر من (كريم الحسن).
انتوا كلكم شفتوا كريم الحسن.
على الاقل لعب ليه نص ساعة.
لكن في زول منكم شاف (صابر عطرون).
صابر عطرون طلع فعلا صابر.
اسم على (كنبة).
اقصد اسم على مسمى.
تسجيلات المريخ الاخيرة زي كشافات الهلال الجديدة.
ركبوها الليلة ..وفرتكوها تاني يوم.
المضحك والحاجة البتخلي الزول يفكر تاني ..ان اعلام المريخ اعتبر تأجيل مباراة القمة في صالح الهلال لأن الهلال فقد في موسمه هذا ابيكو ونيسلون وسيسه وموكورو.
نحن فقدنا اربعة.
فقدناهم بي اختيارنا.
بي رغبتنا برانا.
تعالوا شوفوا المريخ فقد كم ؟…عشان تتأكدوا ان تأجيل مباراة القمة في صالح المريخ وهو عمل تم بعد التنسيق بين المريخ والاتحاد العام.
المريخ فقد (شيبوب).
خانة شيبوب فاضية طبعا.
ما في زول بمشي عليها.
المريخ فقد (الوك)..سجلوه ..وجابوه من جوبا – وفي النهاية ما استفادوا منه.
المريخ لم يستفد من كريم الحسن – ومشاركته مع المريخ في اي وقت تعتبر في صالح الفريق الاخر الذي يلعب مع الهلال.
المريخ عندو خانة فاضية – صابر عطرون.
في زول بتذكر هذا الاسم في المريخ الآن.
الصابر منو هسع عليكم الله عطرون ام جمهور المريخ.
وهناك خالد النعسان شفناه في الاسبوع التاني ..وتاني بقوا ما بيجبوا سيرتو.
كل هذه الاسماء خانات فاضية في المريخ.
وعمر بخيت.
والمعز محجوب.
وعبده جابر ذاتو.
لذلك فان تأجيل القمة حتى الدورة الثانية المستفيد الاول منها المريخ.
مجلس الهلال يجب ان يضغط ويتحرك حتى تلعب مباراة القمة في وقتها.
ما في حاجة اسمها ترحيل مباريات في الدورة الاولى الى الدورة الثانية.
موضوع زي دا في كورة القدم ما في.
ولا قانوني.
ولا في زول بيسمح بيه.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
نعود الى خبر رفض جمال الوالي العودة للمريخ.
جمال الوالي قال ما برجع.
عرفها والله.
هذا الخبر يفسر بوضوح لماذا تراجع مستوى (بكري المدينة).
بكري المدينة الموسم كله بيشكي من (الاصابة) رغم انه في الموسم السابق كان بيجري زي (الحصان).
واضح ان لجنة التسيير في المريخ (حق الكهرباء) ما عندها – والموضوع دا ما بنفع مع بكري المدينة.
ولا بجامل فيه.
عشان كدا ابتعاد جمال الوالي انعكس سلبا على بكري المدينة.
دي ما عاوزة ليها فهم.
ولا عاوزة ليها كلام.
في كثير من لاعبي المريخ قدمهم وجاء بهم للمريخ جمال الوالي.
او بالاصح ما جعلهم يلعبون في المريخ (اموال) جمال الوالي.
ما عندهم قضية بالمريخ ولا انتماء له.
من هؤلاء اللاعب بكري المدينة الذي تراجع مستواه – وجراهيو الكان بعملو في الموسم الماضي وقف منو هذا الموسم.
حكمة الله بكري المدينة (قطع) عديل كدا.
بكري المدينة بقوا يجيبوه ليك (جاري)..زي الزول الكان بجي زمان يقرأ (عداد الكهرباء) ويتخارج.
زول تقليدي كدا.
بكري المدينة – هسع بقى لاعب (تقليدي).
زول عاوز يجري بس.
وبكري قيمتو في (جريهو).
يعني وقت يفقد بكري المدينة قيمة (الجري) بكون ما عندو اي فرق من موسى الزومة.
بكري المدينة بدون قروش والله لا بجري ليكم ولا حاجة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
المريخ بوضعته الحالية دي – لو ما رجع ليه جمال الوالي موسمه القادم ح يكون صعب.
بدون جمال الوالي ..ما بكري المدينة براهو البقيف.
علاءالدين يوسف برضو.
وراجي.
ورمضان عجب.
عليكم الله هسع وينها الاسماء دي.
ديل من شدة ظروفهم بقت صعبة عليهم ..عاوزين يلعبوا في دور (الترضية).
الغريب ان المنافسة على رئاسة المريخ بقت بين اسامة ونسي وادم سوداكال.
تجمع تحالف المريخ قال سوف يعلن مرشحه في الانتخابات.
وناس المريخ قالوا عاوزين ليهم زول مدعوم من الدولة.
يعني بالواضح كدا – ما عاوزين ليهم زول من التحالف.
والتحالف ما عاوز ليه زول بسيرو جمال الوالي.
المريخ في خطر.
اقعدوا حلوا مشاكلكم دي.
عندكم مباريات صعبة ..ودور ترضية وضعيتكم دي من (الابيض) ان شاءالله ما بتمرقكم.
اعلام المريخ ومجلسه يفترض ان يعمل من اجل ان تلعب مباريات المريخ في الدورة الاولى في وقتها.
المريخ داخل على ايام صعبة.
انتخابات وجمعية عمومية ..وكونفدرالية.
احسن شيء ليكم تلعبوا مباريات الدورة الاولى في وقتها قبل 10 مايو.
بعد 10 مايو الصراع سوف يكون على (مجلس المريخ).
وناس بكري المدينة ديل نفسهم مرقت من الكورة.
وكلامهم بقى كتر – كتر.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
………….
و
تسجيلات التكميلية يجب ان يدخلها الهلال برؤية واضحة.
ويجب ان تكون فيها ضافات قوية لكشف الهلال.
الهلال الآن يحتاج الى عناصر قوية في خانات معينة.
الكاردينال يمكنه ان يرتب الاوضاع في الهلال اذا احسن في التسجيلات.
شيبوب ممكن ان يشكل اضافة كبيرة للهلال في النص.
اتخيلوا شيبوب مع الشغيل وابوعاقلة وبشه في النص.
والله ما في اي كلام.
عاوزين مهاجم ..مهاجم.
عشان كاريكا ومحمد عبدالرحمن وولاء الدين تظهر قوتهم.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
……….
السيدة (ل) – (الاتنين) القادمة قالوا بتقع (اربعاء).
وقرّط على كدا.

انقر هنا لقراءة الخبر من مصدره.