سلطة الطيران المدني في السودان تزّف بشريات كبيرة    للمرة الأولى.. السعودية تواجه نفس الخصوم في كأس العالم    بدء نبش ونقل رفاة معركة الكرامة الاثنين المقبل بمحلية الخرطوم    الجنائية الدولية تصدر حكمها في قضية "كوشيب " 9 ديسمبر    شاهد بالصورة والفيديو.. طفل عراقي يفاجئ والده والحاضرين ويتوقع فوز صقور الجديان على منتخب بلاده في كأس العرب والجمهور السوداني: (ربنا يسمع منك)    فوائد النعناع واستخداماته العلاجية.. تعرّف عليها    اكتشاف ثوري يربط جودة النوم بصحة الأمعاء    ترامب .."لا أريد الجوائز... أريد إنقاذ الأرواح"    السكري وصحة الفم.. علاقة متبادلة    العبيد أحمد مروح يكتب: أمريكا كانت تعرف، فلماذا سمحت بذبح السودانيين ؟    السودان يندّد بالمذبحة الجديدة    الأهلي الأبيض يتجاوز الناصر أمدرمان في الدوري العام    الصفا الابيض يكتسح الاهلي نيالا بخماسية    رئيس مَوالِيد مُدَرّجَات الهِلال    مان يونايتد يفشل في تحقيق الفوز    شاهد بالصورة والفيديو.. طفل عراقي يفاجئ والده والحاضرين ويتوقع فوز صقور الجديان على منتخب بلاده في كأس العرب والجمهور السوداني: (ربنا يسمع منك)    شاهد.. أحد أفراد الدعم السريع يفجر مفاجأة داوية وينقل لزملائه خبر وفاة قائد ثاني المليشيا عبد الرحيم دقلو    شاهد.. أحد أفراد الدعم السريع يفجر مفاجأة داوية وينقل لزملائه خبر وفاة قائد ثاني المليشيا عبد الرحيم دقلو    شاهد الفيديو الذي أشعل الحرب بين المطربتين هدى عربي وأفراح عصام في زفاف "ريماز" والجمهور يلوم السلطانة: (مطاعنات قونات)    شاهد الفيديو الذي أشعل الحرب بين المطربتين هدى عربي وأفراح عصام في زفاف "ريماز" والجمهور يلوم السلطانة: (مطاعنات قونات)    نتيجة قرعة كأس العالم 2026.. تعرف على طريق المنتخبات العربية في المونديال    بالصورة.. الفنانة أفراح عصام تفتح النار على مطربة شهيرة عقب نهاية حفل زفاف ريماز ميرغني: من عرفتك نحنا بنسجل في البرنامج وانتي في محاكم الآداب وقبلها المخدرات مع (….) وتبقي فنانه شيك كيف وانتي مكفتة ومطرودة!!    "روفا" الرئة الثالثة التي لا تتوقف عن الركض للهلال والسودان    إصابات وسط اللاعبين..بعثة منتخب في السودان تتعرّض لعملية نهب مسلّح    "يارحمن" تعيد الفنانة نانسي عجاج إلى القمة.. أغنية تهز مشاعر السودانيين    تنويه عاجل لهيئة مياه الخرطوم    كامل إدريس يوجه برفع كفاءة قطاع التعدين    شاهد بالصورة والفيديو.. الخبراء بالأستوديو التحليلي لمباراة السودان والجزائر يجمعون على وجود ضربة جزاء صحيحة لصقور الجديان ويعبرون عن استغرابهم الشديد: (لماذا لم يرجع الحكم المصري للفار؟)    تصريحات ترامب المسيئة للصومال تثير غضبا واسعا في مقديشو    قرار عاجل لرئيس الوزراء السوداني    حريق سوق شهير يسفر عن خسائر كبيرة للتجار السودانيين    مياه الخرطوم تكشف تفاصيل بشأن محطة سوبا وتنويه للمواطنين    إدارة ترامب توقف رسميا إجراءات الهجرة والتجنيس من 19 دولة    إدارة التعدين بولاية كسلا تضبط (588) جرام و (8) حبات ذهب معدة للبيع خارج القنوات الرسمية    الخرطوم تعيد افتتاح أسواق البيع المخفض    محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي    الأمين العام للأمم المتحدة: صراع غزة الأكثر دموية للصحفيين منذ عقود    بشكلٍ كاملٍ..مياه الخرطوم تعلن إيقاف محطة سوبا    فيلم ملكة القطن السوداني يحصد جائزة الجمهور    إحباط تهريب كميات كبيرة من المخدرات والمواد الخطرة بنهر النيل    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    العطش يضرب القسم الشمالي، والمزارعون يتجهون للاعتصام    إخطار جديد للميليشيا ومهلة لأسبوع واحد..ماذا هناك؟    إحباط تهريب أكثر من (18) كيلوجرامًا من الذهب في عملية نوعية    مقترح برلماني بريطاني: توفير مسار آمن لدخول السودانيين إلى بريطانيا بسهولة    إحباط تهريب أكثر من (18) كيلوجرامًا من الذهب في عملية نوعية    بالصورة.. مذيعة سودانية كانت تقيم في لبنان: (أعتقد والله اعلم إن أنا اكتر انسان اتسأل حشجع مين باعتبار اني جاسوسة مدسوسة على الاتنين) والجمهور يسخر: (هاردلك يا نانسي عجرم)    وصول 260 ألف جوال من الأسمدة لزراعة محاصيل العروة الشتوية بالجزيرة    مصر.. تحذيرات بعد إعلان ترامب حول الإخوان المسلمين    شاهد.. بعبارة "كم شدة كشفت معادن أهلها" صورة ولي العهد السعودي الأمير محمد بن سلمان تزين شوارع العاصمة السودانية الخرطوم    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب    (مبروك النجاح لرونق كريمة الاعلامي الراحل دأود)    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



نقاط عطبرة بنجيبها من (الميدان) ما بنجيبها شكاوي من (المكاتب)..!!
صابنها نشر في كورة سودانية يوم 28 - 10 - 2022


محمد عبد الماجد
نقاط عطبرة بنجيبها من (الميدان) ما بنجيبها شكاوي من (المكاتب)..!!
عندنا خالنا (السديح ود حسن) .. كان عندو رأي في أي حاجة.
تشغل ليه المروحة يقول ليك اقفلها.
تقفلها يقول ليك افتح المروحة… سخنت!!
تفتح المروحة في تلاتة يقول ليك شغلها في خمسة.
الغريبة وقت يكون في برد .. بشغل المروحة قصد في خمسة.
بكرة الجماعة يطلعوا من الصالون كلهم عندهم نزلة.
زول صعب.
بمشي الدكان عشان يشتري ليه (جبنة).. بخلي بتاع الدكان يعرض ليه (17) نوع من انواع الجبنة.
يشوفها كلها .. ومن كل نوع يشيل ليه (حتة).
وفي النهاية برجع وما بشتري بكون شبع من (الحتت) التى ضاقها.
خالنا (السديح ود حسن) .. تجيب ليه الفول مصلح يقول ليك أنا عاوزو سادة.
تجيبو ليه سادة .. يقول ليك جايب لينا الفول سادة نوديه وين؟ هو فول وكمان سادة!!
نحن في مستشفى عشان تجيب لينا فول سادة!!
والله فولك دا (الجداد) ما يمشي عليه.
تعمل ليه زيت في الفول يقول ليك الزيت ما بنفع معاه .. تجيبو بدون زيت .. يقول ليك وين السمسم ؟ الفول بدون زيت سمسم ما بتبلع.
نحن في سجن!!
اقبل ليكم على الكسرة.
يجيبوا ليه الكسرة (مُرة) يقول لينا انتوا عاوزين تكتلوني .. انتوا ما عارفني عندي مصران.
تجيب ليه الكسرة فطيرة .. يقول ليك ما فيها طعم … يا زول الكسرة لو ما بقت (مُرة) ما تتبلع.
المفروكة عاوزة ليها كسرة مُرة.
نمشي علي الشاي.
تجيب ليه الشاي سكر زيادة .. يقول ليك عندي سكري… السكر كعب.
تجيب ليه الشاي مسيخ شوية .. يقول ليك وين السكر؟ .. نحن لسه شباب… وهو نحن السكر بنشوفو وين غير في الشاي؟
كمان الحاجة الحلوة في الشاي عاوزين تحرمونا منها.
تجيب ليه السكر برة .. يقول ليك وين الملعقة؟
تجيب ليه الملعقة يقول ليك الشاي برد.
خالنا (السديح ود حسن) كان معذبنا عذاب.
مرة طقتو عقرب .. لقيناه قابض العقرب وقاعد يشرح فيها.
علق العقرب في المروحة واشتغل فيها (تشريح).
ما خلى ليها حاجة.
خالنا (السديح ود حسن) كان بفتش ليه عن أي موضوع.
عاوز ليه فرقة.
يقعد في التلفزيون .. يظهر في التلفزيون جمال فرفور يعترض.. ويقول شباب الزمن دا ما بعرفوا يغنوا.
يظهر علي اللحو يعترض.
يظهر بادي يقلبها ليك (حقيبة)… وبرضو يعترض.
محمد وردي عندو فيه رأي.
خالنا (السديح ود حسن) كان عندو رأي في (الطلبة).
بالواضح كدا كان ما بحب (الطلبة).. وبعتبرهم اولاد (مفلهمين) .. وفاكنها في رأسهم.
كان بقول ليهم : هو انتوا قرايتكم دي قراية؟ …انتوا ما شفتوا نحن زمان قرايتنا كانت كيف؟ .. رغم انو كان ما بعرف يكتب اسمو ولا بفك الخط.
لكن كان بقول عن (الطلبة) بتاعين الزمن دا بقضوها كلها حوامة وقعاد في الكافتريات.
كان بشوف القروش البدفعوها اهلهم ليهم خسارة ساكت.
وجنو وجن طلبة الجامعة.. كان بقول ليهم هسع انتوا نازلين وطالعين اليوم كله بتقروا في شنو؟
شايلين دفاتركم في الفاضي.
قرايتكم دي لعب ساكت وضياع زمن.. المقرارات والمحاضرات البدرسوكم ليها دي بستفيدوا منها شنو في الحياة؟
ما عندها قيمة.
ولا فيها فائدة.
التبعملوا فيه دا خسارة قروش ساكت.
وضياع زمن.
خالنا (السديح ود حسن) ذكرني هسع الحاجات البعملوا فيها ناس المريخ.
نفس المنطق.
اعلام المريخ ما عندو فرق من (السديح ود حسن).
الفرق يمكن يكون بس في (النضارات).
ناس المريخ ديل ما عندهم (ملعب).
وما عندهم (محترفين).. التسعة محترفين قنعوا منهم .. وعملوا ليهم مخالصة.
انا اول مرة اشوف لي محترفين يتم التخلص عنهم زي (المساجين).
بالتعويض.
يدفعوا للمحترف عشان يتخلصوا منو.
والله الزول الورط المريخ ما حازم مصطفى (زراف الدموع).. الزول الورط المريخ بالجد هو العليقي .. خلاهم يتعاقدوا مع تسعة محترفين (شرفة) ساكت.
البرلوم عملها في المريخ.
بتعرفوا الزول (الشرفان) – عشان اقرب ليكم المسافة .. المريخ تعاقد مع تسعة محترفين (شرفة) بس.
وهم ما عندهم ليهم (سكن).
ولا عندهم ليهم (مرتبات).
ولا عندهم (ملعب).
ولا عندهم ليهم (اكل) ساكت.
انتوا ما عندكم رأس .. تسعة محترفين عشان يتمرنوا ليكم في ملعب وادي النيل.
معقولة بس.
مدير الكورة في المريخ التونسي عبدالكريم النفطي ما قدر يتعامل مع عماد الصيني اللاعب الوطني .. عاوزينو يتعامل ليكم مع تسعة محترفين .. كل واحد من بلد.
ناس المريخ ما عندهم مجلس ادارة.
وما عندهم نظام اساسي.
وما عندهم ملعب.
وشكاويهم في الفيفا .. وملفاتهم في كأس .. والعقوبات بتنزل عليهم هبطرش.. وقاعدين بعد دا كل هذه الاشياء يتكلموا عن تحكيم مباراة الهلال والفلاح في عطبرة.
بتكلموا عن هدف شلش.
تتخيلوا.
كشفهم فيه (9) اصابات وكلها في انتظار العملية وبتكلموا عن هدف شلش.
والله دي السديح ود حسن ما بعملها.
يا قوم انتوا ما تقوموا تشوفوا قرايتكم.
شوفوا مشاكلم وين؟
نجيلة حميدتي وصلت وإلّا لسه؟
غرامة محمد المنير دفعوها وإلّا ما دفعوها؟
عمار طيفور وصل جنوب افريقيا ام لا؟
اول مرة اعرف انو جنوب افريقيا دي في العرضة شمال!!
شوفوا حالكم .. خلوه تحكيم مباراة الهلال والفلاح .. الموضوع دا ما بيبقى ليكم (دواء).
ولا بيبقى ليكم (مخرج).
احسن يا مزمل تخليك في مريخك … شهر شهرين بتحتاجوا ليكم رئيس جديد.
ايمن مبارك ما اكتر من (60) يوم.
ما اكتر من كدا.
الطريف ان احد قيادات نادي الامل عطبرة حسب عناوين صحيفة الصدي (والله ما قريت الخبر ولا مشيت عليه) .. هذا القيادي قال ان الهلال حقق الانتصار على الامل والفلاح عن طريق (التحكيم).
هذا القيادي يبدو انه جديد في الشغلة .. او شالتو (المريخية) ساكت.
يا زول انت عارف الهلال سجل في اخر مبارتين جمعت بين الهلال بالامل (11) هدف.
زول فريقو اتغلب في مباريتين امام الهلال 1 / 11 وقاعد يتكلم في التحكيم.
دا ذاتو الشغل الخلي فريق الخرطوم الوطني يهبط من الممتاز.
تتخيلوا فريق الخرطوم الذي اشتكى الهلال بإيعاز من المريخ اتغلب في دورى الدرجة الاولى في الخرطوم مرتين من (5) مباريات.
الخرطوم الوطني اتغلب من القوز 0 / 2
والخرطوم الوطني اتغلب هذا الاسبوع من العزوزاب ثلاثة.
ولمن الخرطوم الوطني كان في الممتاز كانوا عندهم رأي في الهلال .. واشتكوه واستأنفوا بعد الهبوط من الدوري الممتاز وبعد ان اصبحت نقاط مباراتهم مع الهلال ما عندها قيمة.
اشتكوا عشان المريخ.
والخرطوم الوطني هسع بتغلب من القوز وبتغلب من العزوزاب .. ولسه ما واجهوا النيل ولا قابلوا اركويت.
وناس الامل لو باروا ناس المريخ بحصل ليهم نفس الحصل للخرطوم الوطني.
قولوا للقيادي بتاع الامل (والله ما عارف اسمو) .. ناس المريخ كانوا بشيلوا نقاط مباريات فريقهم مع الامل بالشكاوي والإعادة وعن طريق معتصم جعفر واسامة عطا المنان.
انت قاعد وين؟
ما جايب للدنيا خبر.
قولوا لمزمل ابوالقاسم نحن بنجيب نقاط عطبرة من (الملعب) من عطبرة ذاتها ما نبجيبها من القضارف وكاوقلي وابيي بالشكاوي.
بنغلب كورة عديل كدا.
انتوا قاعدين وين؟
كمان ما عارفين الحاجات دي.
……………..
متاريس
الاتحاد حرمنا من الهلال هذا الاسبوع.
لماذا لا يتم برمجة نهائي كأس السودان في هذه الايام.
النهائي يا عالم.
الله يشوف استاد الهلال من سيكافا.
بالمناسبة الهلال عندو سبعة لاعبين على الاقل في تشكيلة منتخب الشباب.
يعني سيكافا ممكن تكون (تمارين) للاعبي الهلال.
اصلو سيكافا عندنا فيها رأي.
وان كان البطولة هذه المباراة من اجل الوصول الى النهائيات في مصر.
الله يسهل بس.
………..
ترس اخير : طيفور تلفونه دخل (الشبكة)…. الظاهر وصل!!

انقر هنا لقراءة الخبر من مصدره.