يا ياسر عرمان حصل طلبت لقاءنا في باريس والتقيناك كما التقينا الامام الصادق المهدى وحدث ما حدث عدت إلى الخرطوم ونسيت اسماء ناس كانوا زملاء فى النضال ولا الثوره حكر فقط للشيوعيين والجبهة الثورية ؟ يا ناس منى وجبريل وعبد الواحد والجبهة الثورية مالكم ومال السودان وشعب السودان شوفوا وين الكيمان والسمك السمان بضاعة التهميش واللاجئين والنازحين في النيل الازرق وجنوب كردفان وجبال النوبة مضروبة الليله السودان كله مهمشين ومرضانيين وجعانيين بضاعة التهميش دى شوفوا غيرها فكونا منا كلنا في الهوا سوا ! ( رب اشرح لي صدري ويسر لي امري واحلل عقدة من لساني يفقهوا قولى ) ( رب زدنى علما ) اليوم الحال في السودان يغنى عن المقال ما لا افهمه لماذا سكت الصحفيون والاعلاميون وكبار القادة والثوار الاحرار عن لقاء الرئيس برهان بصلاح قوش؟ لقاء برهان بالنتن ياهو مر مرور الكرام لكن لقاء الرئيس برهان بالمجرم الهارب المطلوب للعدالة نظير الجرائم التى ارتكبها فى بيوت الاشباح وجهاز الأمن اللا وطنى و الخدمات التى قدمها لامريكا خيانة للبلاد والعباد يجب التحقيق الفورى فيها لقاء برهان بصلاح قوش اكبر خيانة للثورة والثوار الاحرار وطعنة نجلاء فى ظهر امهات الأبرياء الذين سقطوا شهداء اوفياء وسالت الدماء للوطن فداء . قديتونا التغيير التغيير حيث لا تغيير بل تجيير جريا وراء المناصب والمكاسب ناس قوى الحريه والتغيير ديل كيزان عديل شغلهم الشاغل هم الوزارات واصطياد المحصصات لكن تمكين شعارات الثورة وأهداف الثورة محلها المقابر والشهداء ماتوا سمبلة ساكت والاستاذ الشهيد محمد خير القتلوا احياء يرزقون ويضحكون ! ويا ياسر عرمان حصل طلبت لقاءنا في باريس والتقيناك كما التقينا الامام الصادق المهدى وحدث ما حدث وعدت إلى الخرطوم ونسيت ذكر اسماء ناس كانوا لكم زملاء فى الثورة والنضال ولا الثوره حكر فقط للشيوعيين والجبهة الثورية ؟ هنالك ثوار احرار ومناضلين ثوريين وطنيين لم ينتموا للاحزاب يعرفونهم بالاسم لماذا نسوهم وتجاهلوهم في امريكابريطانياالنرويجالنمسا وسويسرا والسويد وباريس ودول الخليج وفي كل أنحاء المعموره يوجد شرفاء للسودان أوفياء لكن ناس قوى الحريه والتغيير ينكرونهم ويهربون منهم هروب الناس من مريض الجرب ! الثورى العديل والاصيل يطالب بحقوق كل الثوار حتى وإن اختلفوا معه في النضال والوطن ليس حكرا لأحد . ويا ناس منى وجبريل وعبد الواحد جلسنا وعشنا معكم هنا فى باريس ولندن حفظناكم طب انتو وناس الجبهة الثورية مالكم ومال السودان شوفوا وين الكيمان والسمك السمان بضاعة التهميش والنازحين واللاجئين والمحرومين في النيل الأزرق وجنوب كردفان وجبال النوبة بقت بضاعة مضروبة الليله السودان كله مهمشين ومرضانيين وجعانيين دى بضاعتكم ردت اليكم شوفوا غيرها فكونا منها كلنا في الهوا سوا . بعتونا ونكرتونا كما قال الشاعر : قد تنكر العين ضوء الشمس من رمد وينكر الفم طعم الماء من سقم . بقلم الكاتب الصحفي عثمان الطاهر المجمر طه باريس 9/11/2020 عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.
