سودارس : يا ريس شوف لينا محترف مع (اطلاق الحريات) دي

السودان الافتراضي ... كلنا بيادق .. وعبد الوهاب وردي إبراهيم شقلاوي يكتب: يرفعون المصاحف على أسنّة الرماح د.ابراهيم الصديق على يكتب:اللقاء: انتقالات جديدة.. لجنة المسابقات بارقو توقف 5 لاعبين من التضامن وتحسم مباراة الدوم والأمل المريخ (B) يواجه الإخلاص في أولي مبارياته بالدوري المحلي بمدينة بربر الهلال لم يحقق فوزًا على الأندية الجزائرية على أرضه منذ عام 1982…. شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية أردوغان يفجرّها داوية بشأن السودان اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

يا ريس شوف لينا محترف مع (اطلاق الحريات) دي

محمد عبد الماجد نشر في النيلين يوم 22 - 04 - 2014

امس الاول التقى رئيس الجمهورية بفريق الهلال ...مجلس ولاعبين وجهاز فني ..وشهد رئيس الجمهورية جزء من تمرين الهلال ..حتى أن رئيس الجمهورية علق على (صاروخ) اطلقه مهند الطاهر في تمرين الهلال وطالب أن يكون هذا (الصاروخ) في مباريات الهلال الافريقية.
طبعاً الحاجات دي بتحصل للناس العندها مرحلة مجموعات فقط.
والناس الما فاضية.
وعندها ألف حاجة.
الناس البطلعوا من دور ال (64) تمارينهم إلّا يحضرها رئيس لجنة شعبية.
أو على الكتير كدا (معتمد).
واضح أن رئيس الجمهورية عنده فكرة كويسة عن (صواريخ) مهند الطاهر ، ومذاكرها كمان ..وبذا وبقرار جمهوري مهند الطاهر مطلوب منه تنفيذ القرار الجمهوري وذلك بإطلاق (صاروخ) في أول مباراة للهلال في مرحلة المجموعات.
وعشان تثبت لينا الحكاية دي يا مهند (مبكرًا) ..عاوزين نشوف لينا (صاروخ) في الخرطوم الوطني.
الخرطوم الوطني دا موش برعاه جهاز الأمن ..عاوزين نشوف فيه (صاروخ) عشان الرعاية دي.
مخصوص كدا.
ما تقعدوا تعاينوا لي كدا متل نهاية الحفلة.
أو متل الفول في نهاية القدرة.
أو زي نهاية اليوم الدراسي.
أو اخر زول في الحافلة.
السواق والكمساري يعاينوا ليه عشرة عشرة.
الطريف أن جمال الوالي ذاتو شهد تمرين الهلال ..والحاجات الوصلت لينا أن جمال الوالي (اتخلع) وقت شاف تمرين الهلال حاجة ما بتخلص.
مهارات ..وتدريبات ..وروح معنوية عالية ..ونظام وترتيب.
حاجة زي نظام محمد وردي.
الفنان محمد وردي كان في السنوات الاخيرة ببدأ حفلاته بأغنية (اقابلك) الاغنية التى كتبها اسحق الحلنقي ..وهي من أعمق أغاني الحلنقي (فلسفة).
أقابلك
في زمن ماشي
وزمن جاي
وزمن لسه
بشوف الماضي فيك باكر
أريت باكر يكون هسه
قالوا ليك الأغنية دي فيها (لخبطة) لقيّا عجيبة...يعني تدخل بي هنا وتطلع بي هناك.
اللقيا هنا متل (اللغز).
الغريب في هذه الاغنية ...(التشبيه).
التشيبه ذاتو تشبيه زول رايح.
ونحن نقابلو زي طفلين
كلامهم كلو بالهمسة
وزي عصفورة قلبها دابو حنة
وبالولف حسَّ
نحن هسع عرجنا على اغنية (اقابلك) دي ..من اجل (تفتيت) الحصاوي.
رغم انو لا الاغنية ولا الحصاوي عندها علاقة بالموضوع البكتب فيه دا.
بمناسبة اللا مناسبة دي.
مرة جابوا لينا في فريقنا (حارس مرمى)...حارس مرمى حارس مرمى.
حارس قاطع.
تشوفو كدا ..تقول ما في داعي ذاتو نلعب بي رباعي دفاع.
مدافع واحد مع الحارس دا كفاية.
تشوفوا كدا ..تقول الفريق البيلعب ضد الحارس دا ..تاني (كورنر) ما يعشم فيه.
ولا حلم.
حارس ..حارس ...طول وعرض ..ومرونة ...واخلاق ...وانضباط والتزام بالتمارين.
حارس ..حارس.
بس الحارس دا عندو مشكلة واحدة.
قلنا ليهم الحارس الطول والعرض دا كمان ..مشكلتو شنو؟.
ما في (جرابات) قدرو؟.
ما لقيتوا ليه (حذاء) مقاسو؟.
بضرب الحكم؟.
المشكلة شنو؟.
قالوا لينا : لا ..لا ..المشكلة ابسط من كدا كتير.
قلنا ليهم المشكلة شنو؟.
قالوا لينا الزول دا تركيزو بيجي بعد الهدف الخامس.
الاهداف الخمسة الاولى ما بشوف فيها أي حاجة.
بستعدل بعد الخامس.
بعد الهدف الخامس ..(كديسة) ما بتفوت منو؟.
قلنا ليهم ..يعني نحن ح ننتظر يجيبو فيه (5) اهداف ..عشان يقوم يصحصح لينا.
ح ننتظروا بعد الهدف الخامس.
قالوا لينا : ايوا.
قلنا ليهم دا حارس ولّا محلية؟ ...البيظبط بعد الهدف الخامس.
موش مرات يكون عندكم (طبق) في البيت ..وانت عاوز تحضر المباراة يقوم الطبق ما يظبط ليك والصورة ما تبقى نضيفة إلا في اخر ربع ساعة من المباراة.
الحارس زي الطبق دا.
الحارس اتسجل في فريقنا ..وبقينا نتغلب خمسة في اول (10) دقائق ..ونقفل بعد كدا ..زي (الفاتح النقر).
ونفتش للتعادل.
طبعاً الفاتح النقر ما عندو أي علاقة بالموضوع دا.
نرجع للموضوع الاساسي.
تطلعوا الزول من (ضفورو).
حكاية الطلوع دي ..ذكرتني ليك بتاع قندران ..ناس الحركة لقوه ليك طالع بالقندران في (الترتوار)...وقاعد يعاين في المرايات.
ناس الحركة قالوا ليه عليك الله بي قندرانك دا البطلعك في (القندران) شنو؟.
قال ليهم ..اذا انتوا عاملين (الترتوار) اكبر من شارع الظلط ..اعمل ليكم شنو يعني؟.
تلقى شارع الظلط نص متر ..والترتوار (6) امتار ..ويقولوا ليك ما تطلع من الشارع.
هو وينو الشارع؟.
نرجع (بعد المسافة دي كلها لي جمال الوالي).
وعشان نذكركم ..نحن كنا بنتكلم عن جمال الوالي الذي شهد تمرين الهلال ..وعجبتو الحركة.
شاف ليك ناس الهلال في التمارين ..نظام وترتيب ..حاجة ما بتخلص.
نفسو مرقت من (الفوضى) البتحصل في المريخ ...(شاف الفرق براهو).
اظن أن جمال الوالي بعد ما شاف الحاجات دي ..سأل ناس صديق علي صالح ومصطفى توفيق ..قال ليهم انتوا (النابي) دا عقدو بنتهي متين مع الهلال؟.
يا جمال من هسع نقول ليك ..(النابي) دا عقدو (10) سنوات في الهلال.
لو ناس صديق علي صالح ديل بنتظروا (10) سنوات ..ما عندنا مشكلة.
ديل بنتظروا.
ديل ما عندهم أي مانع.
انتظروا ليك هيثم مصطفى (17) سنة ..عشان يسجلوه.
جمال الوالي ما قدر يكمل التمرين ..اعتذر وطلع.
طبعاً جمال الوالي الحاجات الحصلت في تمرين الهلال ما قاعد يشوفها مع ناس ضفر وسعيد السعودي وبله جابر وموسى الزومة.
انتوا وين موسى الزومة؟.
الزول دا من (سرحتو) من بشه تاني ما شفناه ..اختفى من الساحة وبقى ما بظهر إلا في (الكنبة) وهو بيهرج.
يا قاعد وبعمل فيها بربط في (الكدارة).
يا موسى الزومة بتربط في الكدارة (موسم) كامل.
المهم يا جماعة نحن نرجع للقاء رئيس الجمهورية بالهلال..ونقول بالواضح كدا.
وبي صراحة.
يا ريس قبل (اطلاق الحريات)...الدعم كلو كان ماشي للمريخ.
ما خليتوا ليهم حاجة.
باصات الولاية طلعتوا ليهم (باصين).
الحكومة دعمت المريخ بالسيخ والاسمنت ..والطوب والجنسيات.
ما خليتوا ليهم شيء.
النفط دا قالوا ليك أي جالون بنزين ناس المريخ عندهم فيه (نص).
بعد انفصال الجنوب ..قالوا ليك رسوم العبور ..عندهم فيها تلت.
يعني أي حاجة قاعدين يشيلوا منها.
جابوا الحضري ..والنفطي ووارغو ..ورمزي صالح بأرقام فلكية.
وديل ذاتهم لعبوا بصورة غير مشروعة في المريخ.
الكلام دا كان زمان.
هسع بقى في حريات.
بل بقى في اطلاق حريات.
واظن أن الهلال احق الاندية بالدعم مع (اطلاق الحريات).
الفريق وصل بجهد ذاتي عن طريق خليفة وبويا وجمعة لمرحلة المجموعات.
الهلال الان محتاج إلى دعم حقيقي من اجل المنافسة على اللقب الافريقي.
رئيس الجمهورية براهو طالب باللقب.
واللقب ما بجي ساكت.
بجي بالدعم ..والمساندة ..والتسجيلات الصاح.
عاوزين لينا (محترف) قاطع كدا مع اطلاق الحريات دي.
لو عاوزين تجيبوا ليكم لقب خارجي لا بد من دعم الفريق في التسجيلات القادمة.
هذا الكلام نوجهه بصورة واضحة لمجلس ادارة نادي الهلال.
لا بد من تسجيلات صاح ..حتى لو كانت الاضافة في هذه الفترة غير ممكنة.
الاضافة في الكشف الافريقي سوف تكون في المباريات الاخيرة لمرحلة المجموعات.
وإذا تأهل الهلال إن شاء الله سوف يستفيد الهلال من التسجيلات في دور الاربعة وفي مباراة النهائي.
لذلك يجب أن تكون هنالك تسجيلات جيدة ..وممتازة ..وبتوصية من الجهاز الفني للهلال.
كذلك مطلوب من مجلس الهلال كما ظللنا نكرر دائماً أن يجهز استاد الهلال على وجه السرعة ..العودة إلى الديار الزرقاء سوف تشكل دعم قوي للهلال.
لا بد من العودة إلى استاد الهلال سريعاً بعد اكتمال مراحل تأهيله.
لقد خصم استاد الخرطوم من الهلال الكثير ..وكان سبباً في أن يظهر الهلال بهذا المستوى.
رغم أننا نقول إن استاد الخرطوم قدم للهلال القدرة على التعامل مع مثل هذه الملاعب.
مثل هذه الملاعب سوف تواجه الهلال كثيرًا ليس في البطولة الافريقية وحدها ..بل حتى في البطولات المحلية.
وقد عرف مريخ الفاشر كيف يعرقل الهلال عبر ملعب (النقعة).
عاوزين الهلال يتدرب على ملاعب غاية في السوء ..من اجل أن يحسن التعامل معها في المباريات الرسمية.
ما عاوزين حاجة توقف الهلال تاني.
لا ملاعب..ولا ظلم تحكيم ..ولا استهداف اتحاد.
ما توقفكم أي حاجة.
ملحوظة : ولا بنجامل في الحتة دي.
هوامش
مباراة الهلال والخرطوم الوطني اليوم إن شاء الله سوف يحقق الهلال فيها انتصار عريض.
وعاوزين نشوف هوبات مهند.
بس إن شاء الله النابي يشرك مهند.
نتمنى كذلك مشاهدة صلاح الجزولي.
النابي يخليك بعض اللاعبين تشتاق لمشاركتهم عديل كدا.
يا النابي (صلاح الجزولي) دا أنت قايلو بيلعب وين؟.
قايلو بيلعب في الكدرو.
الزول دا بيلعب في الهلال.
يعني اشركو لينا.
الأنظار مع مباراة الهلال والخرطوم الوطني سوف تتجه نحو مباراة الأمل والأهلي شندي.
مباراة الهلال والخرطوم الوطني يجب أن تكون في التلفزيون القومي.
ومباراة الأمل والأهلي شندي في النيلين.
هل سيفقد الأهلي صدارته في أسبوع؟.
إذا أراد الأهلي المحافظة على الصدارة عليه الانتصار اليوم.
اتلتيكو مدريد وشيلسي ...قمة أخرى في البطولة الاوروبية.
ناس ما دخلوا مجموعات ..مفروض ما يتابعوا المباراة دي.
نحن يمكن بنتابع فيها بي فهم.
بنتابع فيها يمكن نلاقى البطل في كأس العالم للاندية.
لكن انتوا يا البتطلعوا من دور ال (64) البخليكم تتابعوا الحاجات الكبيرة دي شنو؟.
هسع الحاجات دي ما بتجيب ليكم نفسيات.
مفروض أعلى حاجة تتابعوها (المصارعة الحرة).
الليلة ما أشوف لي مريخابي بتابع في مباراة اتلتيكو مدريد وشيلسي.
يا سلك ..المباراة دي يتابعها (خالك) بس...انتوا تبعدوا بعيد.
تكتروا تقللوا مباراة الأمل والأهلي شندي نحرمكم منها.
.....
عاجل : والله الهلال يلقى ليه مع اطلاق الحريات دي مهاجم قناص ..اتلتيكو مدريد ما يثبتنا.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.