توضيح من المكتب الصحفي لوزارة الثقافة والإعلام والسياحة    شاهد بالصورة.. "وزيرة القراية" وحسناء الإعلام السوداني تبهر متابعيها بإطلالة أنيقة تعبر فيها عن حيرتها بسبب (العدس والسخينة)    محسن :يشيد بتجربة :منتخب بربر    المريخ يصع اللمسات الرئيسية للقاء كييوفو الرواندي    أطباء ينصحون بتقوية المناعة قبل دخول الشتاء    آن أوان توثيق جرائم حرب السودان    الهلال يفتح ملف لوبوبو بعد الفوز على المولودية    لاعبو ليفربول "يفسدون" احتفال صلاح بليلته التاريخية    تخريج دفعة من المستنفرين بمعسكر الشهيد مهند إبراهيم بمحلية مروي    لا يكفّ الوليد مادبو عن توريط نفسه في كل حرف يكتبه أو ينطقه    تواصل تسجيلات اللاعبين لأندية الإنتساب بحلفا الجديدة    السودان..بيان يكشف تفاصيل اشتباكات دنقلا    تمثال الجندي العائد .. رمزية تتجاوز السياسة    شاهد بالفيديو.. في لقطة تصدرت "الترند" على مواقع التواصل السودانية.. محترف الهلال جان كلود يستعرض مهاراته ويهين لاعب المولودية ويتلاعب به ويسقطه على الأرض    شاهد بالفيديو.. الفنانة فهيمة عبد الله تغني في حفل خاص وأموال النقطة تغمرها وتغطي أرض المسرح    أسامة محمد أحمد عبد السلام يكتب: هل حقاً هذا مستوى دونالد ترمب؟؟    شاهد بالفيديو.. سيدة سودانية تشكو: (جارتي تقيم علاقة غير شرعية مع شقيق زوجها وبسببهما دخلت في مشكلة كبيرة مع زوجي بعد أن سمحت لهما بفعل الفاحشة داخل غرفة منزلنا)    وفد سوداني برئاسة مستشار مجلس السيادة إلى بلجيكا    زراعة الخرطوم ومنظمة الفاو تنفذان حملة تطعيم الماشية بولاية الخرطوم    تحديث «إكس» يفضح مواقع إنشاء حسابات قادت حملات سلبية ضد السعودية    (التخلي السريع قادم)    ادارة مكافحة المخدرات ولاية النيل الابيض تضع حدا لنشاط شبكة إجرامية متخصصة في الإتجار وتهريب الحبوب المخدرة    أكبر هبوط شهري منذ انهيارات الكريبتو في 2022.. لماذا ينهار سوق العملات المشفرة الآن؟    شاهد بالفيديو.. محترف الهلال يثير غضب جمهور المولودية والجهاز الفني ويتسبب في ثورة عقب نهاية المباراة بتصرف غير أخلاقي    إدارة مباحث كسلا تفكك شبكة إجرامية لتهريب البشر يتزعمها أحد أهم المطلوبين الهاربين من السجن    هذا المبلغ مخصص لتكملة مشروع مياه القضارف وتتلكأ حكومة الولاية في استلامه لأسباب غير موضوعية    أشهر ناشط في مجال العمل الطوعي بالسودان يعلن إعتزاله العمل الإنساني بعد أن أرهقته "الشائعات"    الشتاء واكتئاب حواء الموسمي    أمريكا تفتح بوابة الرقاقات المتقدّمة أمام G42    عثمان ميرغني يكتب: تصريحات ترامب المفاجئة ..    شاهد.. صور ولي العهد السعودي سمو الأمير محمد بن سلمان مع علم السودان تتصدر "الترند" على مواقع التواصل والتعليقات تنفجر بالشكر والثناء مع هاشتاق (السودان بقلب بن سلمان)    شاهد.. الفنانة ندى القلعة تمدح السعودية: (يا خادم الحرمين سلام وولي عهدك السعى للسلام) والقايداية بالحرية والتغيير حنان حسن تسخر: (أجي يا أخواني.. يا مثبت العقل والدين)    تسيد السعودية للإقليم خلال العقد القادم    الطيب صالح ناهض استعلاء السلطة عبر "الكتابة السوداء"    البحر يبتلع عشرات السودانيين الهاربين من جحيم بلادهم    استئناف حركة المرور في معبر الرقيبات بين دارفور وجنوب السودان    دونالد ترامب يفجّرها حول حرب السودان    قرار لسكان الخرطوم بشأن فاتورة المياه    حقق حلمه وكان دائماً ما يردد: "لسه يا قلبى العنيد لا شقيت لابقيت سعيد".. شاهد ماذا قالت مفوضية اللاجئين عن ظهور الشاب السوداني "مهدي" وهو يغني مع الفنان الشهير تامر حسني داخل أحد المصانع بالقاهرة    السودان يعلن وصول شحنة من هولندا    فريق ميداني متخصص من إدارة مباحث ولاية كسلا يسدد بلاغ خاص بسرقة عربة بوكس    الذكاء الاصطناعى وإرضاء الزبون!    بالصورة.. صحيفة "الغارديان" البريطانية تهاجم القيادي بمليشيا الدعم السريع "الربيع عبد المنعم" وتؤكد حذف حساباته على منصات التواصل الاجتماعي    شبح شفاف.. مفترق بين الترقب والتأمل    الطاهر ساتي يكتب: مناخ الجرائم ..!!    تحذير من استخدام الآلات في حفر آبار السايفون ومزوالة نشاط كمائن الطوب    الطاهر ساتي يكتب: أو للتواطؤ ..!!    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    مخبأة في باطن الأرض..حادثة غريبة في الخرطوم    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    وزير الصحة يوجه بتفعيل غرفة طوارئ دارفور بصورة عاجلة    تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب    (مبروك النجاح لرونق كريمة الاعلامي الراحل دأود)    المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية    دراسة تربط مياه العبوات البلاستيكية بزيادة خطر السرطان    والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



(ايقاف) بلايلي – (الوقفة) قبل (48) ساعة من (العيد)
محمد عبد الماجد نشر في النيلين يوم 22 - 09 - 2015


• الما اشترى (الخروف) منو؟.
• ما تنكروا.
• امس (وقفة) يوسف بلايلي.
• وقفو الاتحاد الافريقي.
• العيد جاء خلاص.
• زمان العيد كانوا بيدردقوا لينا في (هدوم الشفع).
• نشيل ملامحو في (علبة الحلاوة).
• وفي عودة الناس المهمين من الخرطوم – ننتظر (القطر).
• ونقيف للباصات.
• عودة (الغائب)…متل القميص المكرفس …وقت يشم ليه ريحة (مكوة).
• الزول كان برجع من الخرطوم للعيد ..وشايل ليه (كرتونة) فيها حاجات سمحة.
• ما كان عندنا تعبير اكتر من ان نقول حاجات (سمحة).
• ما بنعرف اكتر من كدا.
• ما بنعرف غير (سمحة) دي.
• عشان كدا اي حاجة تعجبنا بنقول عليها : (والله سمحة خلاص).
• بس كدا.
• العيد كان (طعمو) زي (الخبيز).
• كان في اي عيد عندنا (عرس).
• العيد ما بمرق ساكت مننا….عرس يعني عرس.
• اقل حاجة بتعمل ليك (خطوبة) – يقولوا ليك ود الترسيبي خطب بنت الكلس.
• هي البنت دا متين بقت للعرس؟ – اول امس كانت شايلة بنت لعابها.
• الزمن مشى ..والناس كبرت.
• والتوم ود الكتم بقى ما بشوف ..ولا بطلع من البيت ..كبر.
• العيد اتخلى من عاداتو.
• الشعيرية بقى طعمها ما شعيرية.
• والشاي بقى ما زي شاي زمان – البنشربو قبل المغرب – عشان نلحق المسلسل العربي.
• نتقطع نحن في الموضوع دا.
• هسع بدون مناسبة كدا يقولوا ليك (الكهربة) انتهت.
• والغاز قطع.
• زمان (تلجة) في (كوز) ممكن تفرحك.
• ما اكتر من كدا.
• الناس بسيطة – ما عاوزين اكتر من (الموية الباردة).
• وكان ود التوتلي ..وقت يشرب ليه موية باردة – يقول ليك ..يا سلام موية سمحة خلاص.
• الواحد ما عاوز حاجة غير العافية والموية الباردة.
• قناعات الناس كانت كدا.
• ما اكتر من كدا.
• طموحاتها ما اكتر من (الموية الباردة).
• الواحد وقت يتغدي ..يقول لينا الموية دي لو لقت ليها (تلجة)…امنيتو كدا بس.
• هسع (التلجة) بقوا ما بعملوها في الموية – (التلجة) بعملوها بقوا في حاجات تانية.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• الاطفال – بفتكروا العيد (لبسة جديدة).
• وفرحة تطلع لغاية الشارع التاني.
• ومرجيحة.
• وزول يديك قروش كتيرة كدا.
• اكتر حاجة زمان ممكن تعملها ..وتحسب (جرأة) منك وثقافة ..تكتب ليك مقطع من اغاني عثمان حسين في (حيطة).
• بتجدع وقت تكتب (كيف لا اعشق جمالك) وتعمل رايح.
• ولو بالغت كدا تكتب اسمك مع (ذكري خالدة).
• دي قوة عين عديل كدا.
• لو عملت الحاجات دي بتعتبر نفسك اتقطعت.
• بتعتبر نفسك ما خليت حاجة.
• زمان العيد – بتشوفو في عيون (الشفع) – قبل ما تطمس ملامحهم (طيور الجنة).
• هسع الشافع ..الشكل سوداني واللغة (اردنية).
• متفلهمين جنس فلهمة.
• يغالطوك في (موبايلك).
• اتغيرت حاجات كتيرة.
• سوق ليك (طفل) صغير وامشي بيه السوق.
• تفتش السوق دا كلو عشان تلقى ليك (شبط) قدر كراع الطفل ما بتلقاهو.
• ما كان بتلقى – ما عارف السر شنو؟.
• وكانت ريحة (الخبيز) بتطلع في الحلة كلها …هسع (الخبيز) الجاهز بقى ما فيه ريحة.
• طمسوا ريحة الخبيز.
• لكن العيد دا رجّع لينا (كوتة) من الافراح.
• العيد دا فيه العديد من الافراح.
• فيه (شعيرية) السماية ديك ..طعمها بكون مختلف.
• وزلابية الصباح (المنفخة)..وكبيرة.
• العيد السنة دي مختلف.
• عيد السنة دي جاب (مازيمبي).
• وجاب ايقاف (يوسف بلايلي).
• وجاب (الخروف).
• يعني (الكعك) السنة دي معاهو ايقاف بلايلي.
• واللحمة معاها مازيمبي.
• العيد بقى حقنا عديل كدا.
• حقنا رسمي.
• جهزوا جلاليبكم البيضاء ..عشان تطلعوا تعيدوا على الناس – تحوموا الحلة بيت – بيت.
• ما تخلوا ليكم زول.
• عاوزين العيد يكون بالزي الابيض الكامل.
• جلاليب ساكت.
• الما عندو جلابية ..يلبس جلابية ابوه – ما في زول بلاحظ ليها.
• اتحرفنوا.
• فتحوا عيونكم.
• العيد دا حقكم.
• جربتوا الزول وقت يكون لابس ليه (نعال) اكبر منو.
• شبط ما حقو.
• بتحس الشارع كلو بكورك فيك.
• تدخل في النعال للركبة.
• وقت تقعد تلم كرعيك لي جوة.
• احساس بي (غربة).
• بي (خوفة).
• شفتوا الزول وقت يلبس ليه (نعال) ما حقتو – بحس بدون مناسبة كدا بي حصة (احراج).
• وبي لجنة تحقيق.
• ومحاسبة.
• في العيد ممكن تحصل نوع الحاجات دي.
• بلايلي وقفوه ..(طلع بتاع منشطات ساكت).
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• نحن فرحتنا ما بنتخلي عنها..ولا بنكضب.
• جهزوا الجلايب البيضاء.
• ما في زول بيلبس ليه حاجة حمراء في العيد.
• بتبقى زول اشتر ساكت.
• ولا في زول بيلبس ليه حاجة صفراء.
• لو عملت كدا بطلعوك (مجنون).
• بقولوا فكت منك.
• حوموا بي جلاليبكم البيضاء.
• اي واحد تباركوا ليه العيد قولوا ليه كل سنة وانت طيب …السنة دي الهلال بطل افريقيا.
• كل سنة والهلال بطل.
• كل سنة والهلال بخير.
• كل سنة والله بطل.
• بطل اي منافسة يشارك فيها.
• اتبادلوا التهاني بالطريقة دي العيد مبارك عليكم ..وكأس الاندية الافريقية للابطال.
• وكيبي هداف للبطولة.
• والسنة القادمة عريس.
• والسنة القادمة خريج.
• او السنة القادمة في الجامعة ان شاءالله.
• والسنة دي ان شاءالله وبى اذن الله وتوفيقه الهلال بطلا لافريقيا.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• هلت قبايل (العيد)…لا اسامة عطا المنان ولا لجنة الاستئنافات عندهم رأي.
• ح تقولوا شنو يعني؟.
• ح تقولوا ما شفتوا (الهلال).
• مريخاب الجنوب ما شافوه.
• تقرير الحكم قال شنو؟.
• ح تطلبوا طلب فحص تاني.
• تمثيلياتكم البياخة دي.
• مسرحياتكم بقت مكشوفة – ومحفوظة – ومعروفة.
• لو على اسامة عطا المنان يقول ليكم العيد يوم الجمعة.
• ما خميس.
• الامة الاسلامية كلها معيدة يوم الخميس.
• لو علي لجنة الاسئتنافات تقول ليكم هلال ذو الحجة لغاية الآن ما ظهر.
• الجماعة ديل لا عندهم قانون.
• ولا عندهم ضماير.
• ولا عندهم نظر.
• اي حاجة فيها (هلال) عندهم فوقها رأي.
• الغريبة بسافروا للحج في طيارة واحدة.
• بتعملوها ظاهرة.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• هلال العيد ظهر ..وفرحتو لاحت.
• نحن اصلنا كدا – في (الاعياد) دائما افراح (الهلال) بتزيد – في المناسبات الدينية …امة الهلال وشعبه بفرح.
• دي من نعم الله علينا.
• عشان كدا بعد كدا ادخلوا السوق بي قلب قوي.
• اي حاجة تمام.
• ما تخافوا.
• اشتروا اي حاجة.
• العيد السنة دي عيد الهلالاب ان شاءالله.
• الفرحة فرحتنا.
• …………..
و
• بكرة (الوقفة) الحقيقية.
• ربنا يحقق الاماني.
• وان شاءالله ونحن في هذه الايامات المباركة – الهلال بطلا للاندية الافريقية.
• سمير فضل زول ما عندو علاقة بالكورة ولا عندو علاقة بالقوانين.
• الظاهر كدا الزول دا بتموا بيه (الطيارة).
• يكون عاوز يلحق السوق.
• و
• (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
• ……….
• السيدة (ل) – من هسع بدرب على هذه الجملة (خبيزكم خطير والله)…وخايف تكونو ما خبزتو!!…جملتي تروح ساكت.
• وقرّض على كدا.

انقر هنا لقراءة الخبر من مصدره.